أعرف ان لغة المنتدى هي العربيه لكن لفت انتباهي كلمات زوجة اللاعب المحترف نيفيز ، وهي تقول ( اللعبة انتهب وسنغادر ) ، طبعاً كلنا نعرف ان اللاعبين الأجانب طال الزمان او قصر في النهاية ماشين ، وأكيد فيه لاعبين تظل بصماتهم للأبد رغم قصر الفترة الي يلعبونها مع فرقهم .
ونيفيز بصراحه مستواه مهوب مستوى اللاعب اللي يحدث فرق حقيقي ، لكن عواطف الجمهور أحياناً تغلب على تفكيره ، والمشكله دائم ننتظر يقوم بحركة بسيطة صح او يسجل هدف لننسى جميع أخطائه المتكرره والمستمره . مع ان شغلته كلاعب محترف أجنبي انه يلعب صح على طول ويكون الاستثناء هي الأخطاء وليس العكس !
سبحان الله الجماهير الهلاليه وفيه وفاء فيه بعض من السذاجه أحياناً، فنجد من ينادي بعدم رحيله ويبالغ في ذلك وهو لم يقدم ما يشفع له هالحب ، وكلنا نشوف كيف كراته تقطع منه وكأنه أول مره يلعب كره ، واصراره على المحاوره وهو لا يجيد ابسط مبادئها ، نيفيز لاعب يقتنص الكرات الجاهزة .. نعم ، ولديه بعض مهارات التسديد ولكن ليس هناك من مهارات أخرى رغم ان مركزه يحتم عليه المهارات اللازمه لتخليص الكور والضغط على الخصم وحسن التمرير والاستقبال والتوزيع .
فقط ودي ان المدام المصون قالت اننا (أنجزنا المهمه) وظروفنا تحتم علينا الرحيل ، مهوب (انتهت اللعبه) وخلاص رايحين ، وشي هي بلاي ستيشن ؟ ما يكفي عطيناه اجازة وتذاكر عشان يكون عندتس يوم تالدين ، وقاعدين نعرض صور بنيتكم تقل وحدة من العايله .
وبعدين هي على كيفك يا مدام ؟؟؟ اللاعب مرتبط بعقد ملزم ، والنادي فقط هو من يقرر كيف سيتم تصريفه .
يروح اللي يروح ، ويقعد اللي يقعد ، ويظل الهلال شامخاً كعادته .