السلام عليكم ,,
يكسوني الخجل منكم من الغياب ,, أقدم لكم هذا النص
وعلّه يشفع ,,
أتمنى أن يرتقي لذائقتكم
هو لكم ,,
حقّاً أنا مُتعب من التفكير
ومن غايتي فالناس ورضاها
كل ما أقول ان الاماني بخير
كل ما اقول الوقت اشقاها
جمايلي, والدعم, والتأثير
راحت مع الأيّام ذكراها
ما عدت ناشدهم عن التقصير
واللي بيدوّرها ,, بيلقاها
في عالم التطوير والتغيير
اشياء تجاذبني على اشياها
اسكت وكلّي مهمهة تعبير
وياخذني التفكير لاقصاها
احسّ واحساسي معاها غير
لمّا تشاهدني ,, مراياها
في عينها الاسراف والتقتير
تقول ما ابغاها وتبغاها
تاخذني لآخر دروب السير
بين استقامتها ,, وزواياها
واوقف وآمالي عليها تحير
واستجمع الآمال ويّاها
وآخذ من ظروف الحسن تبرير
غيمً يزاحمني على ضياها
ما قلت له ,, وان قلت له بيصير
مزنً من الرحمن سقياها
مثلي سجين ,, ويكره التحرير
لا صارت الأسوار بحماها
فان شفتني ما اعايش التطوير
لا تحسبنّي , باترضّاها
أبادلك بالعرف ,, والتقدير
وانادي الاشياء باسماها
أسخي بنفسي , واكره التبذير
للنفس صبغتها , ومزاياها
توليفتك ,, يوم الجمايل بير
ماكنت تسقينا حلو ماها
فالله يجازي نيّتك بالخير
أن كنت ما تعمل سواياها
واللي خذاها ذنب للتغيير
أخاف أن ابليس اغواها
ما عدت ناشدهم عن التقصير
واللي بيدوّرها ,, بيلقاها
وعفاكم ,,