ممثلة كويتيه تفضح طاقم عمل مسلسلها بإنهم ( مجاهرون برمضااان ) - شبكة القناص

)(المميز)( · 29-08-2010, 01:34 AM

هذي يا طويلين العمر ممثله كويتيه اتصلت على الشرطه وقالت لهم
يا جماعة الخير فيه مجاهره بإفطار ( جماعي ) بنهار رمضان من قبل طاقم العمل بالمسلسل اللى ينعرض ( برمضان ) على قناة الوطن الكويتيه واللى هي وحده من ابطال هالمسلسل وقالت لهم تعالو تأكدو من هالشيء وانا تراني الممثله الفلانيه واللوكيشن بالموقع الفلاني بمحافظة حولي وانا تراني انتظركم هناك ..
حقين الشرطه ارسلو لها دوريه شرطه ولقو الممثله تنتظرهم عند الباب وقالت لهم ادخلو وتأكدو بس حقين الشرطه قالو ان اللوكيشن موجود ببيت خاص وحنا ماعندنا اوامر نداهم المكان ( ماعندهم هيئة تطمر على الريحه

) لأن القانون عندنا يعرّف حالة المجاهره في الافطار بإنها المجاهره بالأماكن العامه ولو كان مجموعه متجمعين ببيت او بعزبة شباب وياكلون تونه بنهار رمضان محد يقدر يقول شيء ..
الممثله قالت لهم يا جماعة الخير يشربون تتن بعز الظهر وبعض الممثلات والممثلين يشربون وياكلون بالصبح وانها قالت لهم اكثر من مره انها بتعلم الشرطه بس ساحبين عليها ولا كأنها تهددهم وتنصحهم .. ويوم بغو العسكر يمشون من المكان خرجت وحده من مساعدات المخرج برا البيت وهي ماسكه علبة ريدبول فوقفو حقين الامن ومسكوها وودوها المخفر ..

عاد منتج العمل يوم درى عن اللى صار هدد الممثله بإنه يطلعها من المسلسل بالرغم انه باقي لها 30 مشهد و الممثله ردت عليه وقالت " ابركها من ساعه وفراقكم عيد "

المصادر تقول ان المسلسل اسمه " ساهر الليل"
اسم الممثله اللى نكبتهم هي جواهر ..
مساعدة المخرج اللى انقفطت هي " هيا عبدالسلام "
والمخرج محمد دحام الشمري ..

http://www.alanba.com.kw/AbsoluteNMNEW/templates/last2010.aspx?articleid=132884&zoneid=193