ولبــــــــــــــــآ عيون(ن) جابت العيـــد فيني! (2) - شبكة القناص

هلالية بنكهة ياسريه · 04-09-2010, 01:41 AM

وشلون أعيد وأزرق العين مفقود

ومجلس جمعني فيه مفتوح بابه

كنت اضبط الدله على ريحة العود

مع نادر(ن) احب والله ترآبه

مابه وسيله والقبر درب مسدود

كود الدعاوي ليت ربي اعتنآبه

كآن الظهر اللي علطول مشدود

راح وتركني منذهل وسط غابه

وضعي تعب والحال مايل ومهدود

أمـة محمـــــد ماتعـوض غيآبـه

عمري بدونه يابشر صار محدود

لولا العقل والله لطرد سرآبه!!

ولبآ عيون(ن) جابت العيد فيني

مناصره الرجل معه قلبا وقالبا تأثرت بها كثيرا كانت ضد المرأة وتحاربها خصوصا من

ترى كيدها لو كان بنظرة علمتني لغة العيون وحذرتني من الصديق

سألتها وعدوي قالت وليه تعادينه قلت مهب انا هو عاداني

قالت ابد عشان ماتونسين طعنة الجرح خلي البشر عندتس سواء وحزة الطعنه بتفهمين كلامي...
سرك لايطلع من بين شفايفتس

خليتس بير ارمي فيه بس لاتآخذين منه شي!

وبصوت مخنوق

جدتي بس احيانا نضيق

وودنا نفضفض قالت البحر قدامك والعدو وراك وش تسوين؟!

قلت هين اسبح قالت انثبري مكانتس وخليك بينهم العدو ان جيتيه ذبحتس والبحر منتي بقد امواجه وش يجيب المسبح عند البحر يابعدي

صديقك لو انتي وياه بصحراء وضعتوا ومامعكم الا مويه قليله

ظنك بيتركها لتس!!!!!

قدمي الخير وصدقيني بيستغلونك واجد بس مايضيع عند ربك شي

واذا طحتي محد رافعك والأعذار ضاعت بين لاهي وساهي

افا عليتس وحنا وين رحنا ياجدتي قالت محشومين القرآبه احيان تنفع واحيان تجحدك

والغريب مايسقيك الا بثمن

يآآآه هالانسانة ادمنت الظلام بسببها كانت نور يغنيك

كنت املك الدنيا بعد صلاة العشاء نبدأ سهرتنا ونشرب شاي بلحليب ونسولف كنت

استانس بالظلمه كثير يعني تبكي محد يشوفك ومحد يسألك عينك ليش تبرق لبآها كانت

تقول الظلام ستر وتدعي الله يسترنا فوق الأرض وتحت الارض ويوم العرض لباها

كنت انسى نفسي عندها وانام شبه نومه

ولا جت اختي تصحيني تقولها كبيها لا تصحينها المشكله ان جدتي تفتح الشباك مع الفجر

وتخيط اي شي عندها يعني وراه تقول كبيها الي يشوفها يقول مسويتن لي جو

عاد اقوم الساعه تسع من شعاع الشمس الحارق عشان اتقهوى معها واشوفها خايطه

قميص وكله بيدها وتعطيني اياه وتقول روحي البسيه واستتري الستر زين واطير هوا

البسه واجيها قالت ياشق جيبي كيدتسن كيد

قلت جده وراتسسسس انا ماعندي كيد ومحب الحريم واقدس الرجل

واتقبل خطاه

وضحكت وقالت البلا لا كان

ستره يفضحه

لبآتس ولبآ مواطي رجولتس...

اجل معد انا موطيتيه ابدن

كنت استمتع بكل قصه تحكيها وكانت اكبر جريمه عندها اذا سمعت صوت الحرمه مرتفع

واصغر جميله طاعة الرجل وتكريس الجهود في سعادته ونيل رضاه

وابغض شي عندها الغيبه والنميمه وتنبهني لانشدك احد عن شي قولي مدري

لا شك في مدري تضيع الهقاوي

ولا اقبل عليتس زول قولي هلا ومرحبا ولا اقفى قولي رافقتك السلامه

ذكراها لا تننتهي الا بنهايتي!

تستوطننا أرواح طاهره نعلن امامها الهزيمه والضيق بكل اريحية بعيد عن كابوس الشتيمه

ملاذ آمن في ظلام دامس يشع نور نور تنزه عن الكهرباء وفضائحها والبشر ومخالبهآ

بؤس تعجب ان تداهم مملكتك رسالة وحش نصها من هالحال وأردى

ونص لا يقل سخافه منه

وجودك يحرق اعصابي لا تجين

وراعيها جبان عنوان مجهول الهوية

ذنبي اني مو شويه

جدتي ماني قويه

وعاذلي الا قويه

المستريح اللي من العقل خالي

انك تفقد غالي مو سهل وهو حي وصعب اذا كان ميت

شخص كان معك العيد العام وهالعام بح بغمضه عين

دايم نردد الله لايبين غلاك

وبآن الغلا وانكسرنا وايه نتناسى ما ننسى

المشكله ان ماينفقد الا الفريد

والحل هو ساعي البريد

ولا ادري وش يجيبك في عيون النآس واهلي

جدتي تذكرين جرة العسل الي تحت سريرك وانتي تغصبيني عليها وانا اعييي وبشده

وتقولين اجل فيتس سكر واجد

لباتس لباتس لباتس من هنا لحد قبرتس بمكه

لاصرت قطعة مر هو كيف احليه؟!

جدتي كانت تقول الله لايبين غلاتس

اجل ليه بينتي غلاتس

لباها عقب غلاها وش حاجتي في نور عين غاب غاليها

ماني مستوعب غيابك

وعجزت الاقي بدالك

فقدت واكيد فقدتم اشخاص تركوا اماكنهم خاليه ومنازلهم عاليه

أمنوا الدعاء اللهم ارحم موتانا وموتى المسلمين

يحتاجون الدعاء ك حاجتنا للماء

ومضه
لو ان الماء يطهر النفوس كما يطهر الجسد لحلت مشاكل ثلاث ارباع سكان الأرض

لكنه تكفل بالجسد وتبرأ من الروح

كل عـآم وانتم بخير

اقولها سابقة التاريخ

لحاجة في نفس يعقوب

قد تكون وقد لا تكون

دمتم بخير

04-09-2010, 01:41 AM	#1
هلالية بنكهة ياسريه هلالي مميز	ولبــــــــــــــــآ عيون(ن) جابت العيـــد فيني! (2) وشلون أعيد وأزرق العين مفقود ومجلس جمعني فيه مفتوح بابه كنت اضبط الدله على ريحة العود مع نادر(ن) احب والله ترآبه مابه وسيله والقبر درب مسدود كود الدعاوي ليت ربي اعتنآبه كآن الظهر اللي علطول مشدود راح وتركني منذهل وسط غابه وضعي تعب والحال مايل ومهدود أمـة محمـــــد ماتعـوض غيآبـه عمري بدونه يابشر صار محدود لولا العقل والله لطرد سرآبه!! ولبآ عيون(ن) جابت العيد فيني مناصره الرجل معه قلبا وقالبا تأثرت بها كثيرا كانت ضد المرأة وتحاربها خصوصا من ترى كيدها لو كان بنظرة علمتني لغة العيون وحذرتني من الصديق سألتها وعدوي قالت وليه تعادينه قلت مهب انا هو عاداني قالت ابد عشان ماتونسين طعنة الجرح خلي البشر عندتس سواء وحزة الطعنه بتفهمين كلامي... سرك لايطلع من بين شفايفتس خليتس بير ارمي فيه بس لاتآخذين منه شي! وبصوت مخنوق جدتي بس احيانا نضيق وودنا نفضفض قالت البحر قدامك والعدو وراك وش تسوين؟! قلت هين اسبح قالت انثبري مكانتس وخليك بينهم العدو ان جيتيه ذبحتس والبحر منتي بقد امواجه وش يجيب المسبح عند البحر يابعدي صديقك لو انتي وياه بصحراء وضعتوا ومامعكم الا مويه قليله ظنك بيتركها لتس!!!!! قدمي الخير وصدقيني بيستغلونك واجد بس مايضيع عند ربك شي واذا طحتي محد رافعك والأعذار ضاعت بين لاهي وساهي افا عليتس وحنا وين رحنا ياجدتي قالت محشومين القرآبه احيان تنفع واحيان تجحدك والغريب مايسقيك الا بثمن يآآآه هالانسانة ادمنت الظلام بسببها كانت نور يغنيك كنت املك الدنيا بعد صلاة العشاء نبدأ سهرتنا ونشرب شاي بلحليب ونسولف كنت استانس بالظلمه كثير يعني تبكي محد يشوفك ومحد يسألك عينك ليش تبرق لبآها كانت تقول الظلام ستر وتدعي الله يسترنا فوق الأرض وتحت الارض ويوم العرض لباها كنت انسى نفسي عندها وانام شبه نومه ولا جت اختي تصحيني تقولها كبيها لا تصحينها المشكله ان جدتي تفتح الشباك مع الفجر وتخيط اي شي عندها يعني وراه تقول كبيها الي يشوفها يقول مسويتن لي جو عاد اقوم الساعه تسع من شعاع الشمس الحارق عشان اتقهوى معها واشوفها خايطه قميص وكله بيدها وتعطيني اياه وتقول روحي البسيه واستتري الستر زين واطير هوا البسه واجيها قالت ياشق جيبي كيدتسن كيد قلت جده وراتسسسس انا ماعندي كيد ومحب الحريم واقدس الرجل واتقبل خطاه وضحكت وقالت البلا لا كان ستره يفضحه لبآتس ولبآ مواطي رجولتس... اجل معد انا موطيتيه ابدن كنت استمتع بكل قصه تحكيها وكانت اكبر جريمه عندها اذا سمعت صوت الحرمه مرتفع واصغر جميله طاعة الرجل وتكريس الجهود في سعادته ونيل رضاه وابغض شي عندها الغيبه والنميمه وتنبهني لانشدك احد عن شي قولي مدري لا شك في مدري تضيع الهقاوي ولا اقبل عليتس زول قولي هلا ومرحبا ولا اقفى قولي رافقتك السلامه ذكراها لا تننتهي الا بنهايتي! تستوطننا أرواح طاهره نعلن امامها الهزيمه والضيق بكل اريحية بعيد عن كابوس الشتيمه ملاذ آمن في ظلام دامس يشع نور نور تنزه عن الكهرباء وفضائحها والبشر ومخالبهآ بؤس تعجب ان تداهم مملكتك رسالة وحش نصها من هالحال وأردى ونص لا يقل سخافه منه وجودك يحرق اعصابي لا تجين وراعيها جبان عنوان مجهول الهوية ذنبي اني مو شويه جدتي ماني قويه وعاذلي الا قويه المستريح اللي من العقل خالي انك تفقد غالي مو سهل وهو حي وصعب اذا كان ميت شخص كان معك العيد العام وهالعام بح بغمضه عين دايم نردد الله لايبين غلاك وبآن الغلا وانكسرنا وايه نتناسى ما ننسى المشكله ان ماينفقد الا الفريد والحل هو ساعي البريد ولا ادري وش يجيبك في عيون النآس واهلي جدتي تذكرين جرة العسل الي تحت سريرك وانتي تغصبيني عليها وانا اعييي وبشده وتقولين اجل فيتس سكر واجد لباتس لباتس لباتس من هنا لحد قبرتس بمكه لاصرت قطعة مر هو كيف احليه؟! جدتي كانت تقول الله لايبين غلاتس اجل ليه بينتي غلاتس لباها عقب غلاها وش حاجتي في نور عين غاب غاليها ماني مستوعب غيابك وعجزت الاقي بدالك فقدت واكيد فقدتم اشخاص تركوا اماكنهم خاليه ومنازلهم عاليه أمنوا الدعاء اللهم ارحم موتانا وموتى المسلمين يحتاجون الدعاء ك حاجتنا للماء ومضه لو ان الماء يطهر النفوس كما يطهر الجسد لحلت مشاكل ثلاث ارباع سكان الأرض لكنه تكفل بالجسد وتبرأ من الروح كل عـآم وانتم بخير اقولها سابقة التاريخ لحاجة في نفس يعقوب قد تكون وقد لا تكون دمتم بخير التوقيع: اللهم ارزقنا قبل الموت توبة وعند الموت شهادة وبعد الموت جنة اللهم اجعل اخر أعمالنا من الدنيا الصلاة واخر قولنا لا إله الا الله محمد رسول الله... سبحان الله والله أكبـر ولاحـول ولا قوة إلا بالله ولا الـه الا انت سبحانك انـي كنت من الظالمين!