.
سينُ لام .. يعني سلام 
البطولة الخليجية تعود من جديد | 
محد ينكر ان كل الشعوب الخليجية تهتم حيل بهالبطولة حتى وان كانت الفيفا ماتعترف فيها 
تستعد لها المنتخبات بشكل جدّي .. وبوقت ما تبدأ الخليج ماله سيره الا هالبطولة ،
يمكن لأن تعودنا عليها ؟ ويمكن لأن التنافس يكون أقوى من ما نتخيله فيها ..
خاصه بعد نظام المجموعات اللي أضاف للبطولة حلاوة بعد ما كانت نظام دوري
يعني مقابلين الكل مقابلين مافي ننحاش من هذا ولا هذاك : d،
اما اللحين نظام المجموعات وبزيادة منتخب العراق واليمن صار للأول حضور قوي
وللثاني فرصه لكسب النقاط < 
،
خليجي 20 .. في اليمن
طبعا المتابع مثلي للرياضة الخليجيه يلقى ان صارت مشاااكل كثيره قبل لا ينتهي الامر
باستضافة اليمن للبطولة مره يقولون الملاعب ما تسمح لاقامة البطولة ومره تسمح
لين هالمساكين صرفوا صرف مو طبيعي دخلت انا وشفت صور عملية تعديل الملاعب وكذا
مساكين حتى المغاسل والحمامات عزكم الله مطقمينها مع المدرجات وهيك يعني يبون يرضونّا 
والمنصات والبيبان كل شي فخم لا تخافون بس 
.. حتى في ملعب نسيت اسمه مدخل كبار الشخصيات
غيروه وصار حدّه عجيب .. باختصار اني انا حفظني الله ورعاني للعالم الخليجي تأكدت ان الامور تمام
الدور الباقي على الامن في حفظ عيالنا ونبيهم يرجعون لنا سالمين غانمين مانبيهم شهداء 
قرعة خليجي 20 ،
نجي الان للقرعه ..
صار لي وقت انتظرها وخايفه منها ومو خايفه .. يعني عادي مافي شي يخوف صح ؟
وخير يا طير اذا صرنا مع السعودية ؟ التعادل حلو وحل بسيط
القرعة بتكون بتواجد الوفود الخليجيه ورئيس الاتحاد الاسيوي محمد بن همام
وعدد من نجوم الخليج
ويلا نروح لبطاقة القرعه،
اليوم | 22 \ 8 \ 2010
الساعه | 11 مساءً
القنوات الناقله | الدوري والكأس
طبعا حطوا ع المجلس قبل الساعه 11
علشان تستمتعون بطلة خالد جاسم .. قصدي الحوار اللي بيصير 
بالنهاية سامحوني على كثر الكلام 
وبالتوفيق لكل المنتخبات وان شاء الله تكون بطولة ناجحه |
وان شاء الله ان القرعه تكون مرضية لكل الناس
والشكر موصول لتالا على هالتصاميم الحلوه
.
22-08-2010, 01:48 AM
|| قُرعة خليجي 20 ، ||
العرض الشجري
