شبكة القناص - الموقع الرسمي للاعب ياسر القحطاني - ≈|[ حصريا ً عبد الحكيم القحطاني ضيف منتدى القناص ]|≈

http://img594.imageshack.us/img594/1103/5123523.jpg

كما عودكم منتدى القناص بكل ماهو جديد و حصري نقدم لكم لقاء حصري وفريد من نوعه :
مع الاستاذ :عبد الحكم القحطاني شقيق الكابتن ياسر القحطاني بـ للقاء مطول يكشف لنا عن الكابتن ياسر القحطاني .

اللقاء من اعداد :-
" المصور الخاص للكابتن ياسر القحطاني "
نايف السهلي .

http://img51.imageshack.us/img51/4669/8967908.gif

كل الشكر لـ عبدالحكيم القحطاني ابو ود على اتاحت الفرصه لنا رغم انشغاله وسفره لقضاء اجازته
هو وعائلته خارج المملكه الذي يقضيها في جنيف الا انه مهتم ورحب فينا كثيرا وهذا دليل على
اهتمامه بالموقع ومشرفيه واعضائه الكرام ..

http://img51.imageshack.us/img51/4669/8967908.gif

حدثنا عن بطاقتك الشخصيه , وكيف تقضي معظم اوقاتك ؟!

اولا احب امسي .. وصبح.. على كل اعضاء .. ومشرفي ..ومدراء..منتدى القناص..انا واعوذ بالله
من كلمه انا عبدالحكيم بن سعيد القحطاني , متزوج وعندي بنتين زي القمر , ود وجود الله يحفظ
وعمري شباب شف وش زيني يعني مو شغلك !! وش الي بعده ايه , اكثر وقتي اقضيه يا بو محمد
يامسافر ولا بالشغل وانت ادرى , وان حصلي وقت فراغ اروح للشباب ولا مع الأهل .

http://img51.imageshack.us/img51/4669/8967908.gif

يقال بأنك كنت تشجع نادي النصر؟!
وغيرت ميولك بعد انضمام ياسر للهلال؟!

انا , لا ن شالله
اقصد نادي النصر فريق كبير وغني بجماهيره
بس من عرفت عمري وانا زعيم .

http://img51.imageshack.us/img51/4669/8967908.gif

الكل يتابع المونديال من تشجع من المنتخبات ؟!
ومن تتوقع يحمل كاس العالم ؟!

والله كنت اشجع التانغو ,بس الله يهديه مردونا جاب العيد
وتوقع المانيا ولونه ما ودي بس الشكوى لله .

http://img51.imageshack.us/img51/4669/8967908.gif

ابو ود هل انتى مع من يقولون بأن مستوى ياسر في بدايه الموسم انخفض ؟!
ثم عاد مع نهايه الموسم ؟!

هذي كذبه روجها اصحاب النفوس الضعيفه او من يقال عنهم نقاد وهم في حقيقه الأمر لا نقاد ولا يحزنون
لو اقول الواحد منهم عطني اربع حالات تسلل والله لقطع يدي ان عرف... الفرق ان ياسر ما حالفه التوفيق
في بدايه الموسم ورجع التوفيق بنهايته..وكنت دايم اقول لياسر انتبه هذي كذبه ويبونك تصدقها والحمد لله.
شوفوا مسي قبل المونديال بشهر كان عامل الهوايل ويوم جا كأس العالم ما حالفه التوفيق
.روني نفس الشي
المسأله توفيق من الله بس احنا دايم عجلين.

http://img51.imageshack.us/img51/4669/8967908.gif

الأمير عبالله بن مساعد صرح بأن الهلال سوف يبحث عن لاعب اجنبي ان لم ينتبه ياسر ويعود لمستواه ؟!

طبعآ احب أكد يا نايف بأن كل ما يقال في هذا اللقاء هو يمثل رأي الشخصي البحت ويعبر عن وجه نظري الخاصه
.هذا لتنويه..ارجع لسؤالك..الأمير عبالله بن مساعد من احب الشخصيات لقلبي والرجل يملك فكر كبير
ولكن انا اخالفه في توقيت التصريح وفي اعلانه عبر الجرايد...ويظل رأيه يحترم...وهذا رأي.

http://img51.imageshack.us/img51/4669/8967908.gif

ابو ود خلنا نطلع من اجوا الكوره ونرجعلك .؟ لكل أنسان نقطه تحول من متى بدأت نقطه تحول عبدالحكيم ؟!

والله يا نايف عندي نقاط تحول كثير...بس الأكيد الزواج يعتبر نقطه تحول رئيسيه في حياتي
حسيت بالمسؤليه وبأني لازم اغير ستايل حياتي وطبعآ ام ود كان لها الفضل الكبير في كل هذا صبرت
على وكانت لي العون من كل قلبي شكرا يم ود والله يديم المحبه .
النقطه الثانيه لما جوا البنات عاد هنا قلت اركد وخلك رجال هههههههههه لا صدق غيرو حياتي كثير.
الله يحفظ للجميع عياله .غير يأخي ترا ببكي.

http://img51.imageshack.us/img51/4669/8967908.gif

كيف ترى طفولة ياسر وهل رأيت في يوم ان اخاك الاصغر سيبح لاعب في اعظم فريق فياسيا وقائد للمنتخب الوطني ؟!

ياسر من صغره كان رجه ما يركد.. وكان يحب الرياضه عموما..مثلا بالمدرسه كان يلعب بمنتخب اليد
والطائره والقدم يعني كان لحست مخ بتع كوله ماشالله عليه..بس وصل لمرحه وجهته لكره القدم لحبي أنا لها ,
وهو ما كذب خبر قضب العلم الرجال والله وفقه..وبنسبه لقياده المنتخب ما كانت من الاشياء الي يسعى لها
ياسر كان همه اسم المملكه يعلا..وربي كان يقولي القط كور مع المنتخب مو مشكله بس اخدم هالبلد بشي
وبنسبه لي ما تفاجئت وكنت اقوله لو استمريت على مستوى ثابت بتصير قائد للمنتخب والحمد لله
اثبت جدارته وثمن المسؤلين جهده وستحقها .

http://img51.imageshack.us/img51/4669/8967908.gif

مارايك في الحملات الجماهيريه من الانديه الأخرى وكيف يتعامل معها ياسر وكيف تتعاملون انتم اهل ياسر مع مثل تلك الشائعات ؟ !

قصدك جماهير ...لق..لق..لق..لق..لق..لق...لايابو محمد ياسر وكلنا تعديناهم بمراااااحل..
وهاذولي اقل ما يقال لهم القافله تسير والكلاب تنبح والله يهني العاقل بعقله.

http://img51.imageshack.us/img51/4669/8967908.gif

بعد انتقال ياسر الى الرياض هل تأثرت انت كشقيق لياسر وهل تأثر ياسر بذلك بحكم انك اخاه الاكبر والموجه له ؟!

والله اكيد تأثرت تخيل اخوك معاك 24 ساعه غداك وعشاك معه وتطلع وتجي معه..
وبعدين يتغير الحال
اكيد تأثرت وهو بعد تأثر....بس الحمد لله كل الأهل بالرياض ولاهي بعيده كل ما هزه الشوق جانا.
نايف ما كنك قلبتها دراما يابووو...؟

http://img51.imageshack.us/img51/4669/8967908.gif

كيف تصف ياسر بعد إنتقاله للهلال وبعد زواجه ؟!

مدري والله بس الملعون كنهم حلو شوي ..هههههه لا امزح ..أكيد انتقاله لاكبر وأعظم فريق بالمملكه
غير اشياء كثيره وأهمها الاهتمام بالاحترافيه....اما بعد زواجه اكيد استقر نفسيآ ...وصار يعزم كثييير هههههه .

http://img51.imageshack.us/img51/4669/8967908.gif

هل تغيرت علاقات ياسر معكم او مع اصدقائه بعد انتقاله الى الهلال ووصوله الى هذا النجوميه ؟!

ابد هذا يااااسر ما تغير ...حتى..دا..دا..دا للحين نقولها....
هذي لزمه بينا ماقدر اقول..

http://img51.imageshack.us/img51/4669/8967908.gif

كيف تواجه الشهرة التي حققها اخاك . . وهل اثرت عليك انت شخصيا ً ؟!

والله بحكم اني اطخم منه بكثييير أكيد تأثرت تصدق مقدر اجيب ملابس من المغسله هههههههه
لا, صدق اول كنا نتضايق من سالفت الأشاعات بس الحين ولا على بالي .

http://img51.imageshack.us/img51/4669/8967908.gif

طيب ابو ود ودنا تطلعنا على اسرارياسر؟!

وشو ؟ يااابو نهبلت ؟؟

اقصد اسراره العاديه الي ما يعرفهاالجمهور؟؟؟

العاديه ...ايه..وهو فيه شي ماعرفه الجمهور ماشالله عليهم....يلاه ما يخالف وش تبي تعرف ؟!

وش ماركه ياسر الي يحبها بالملابس ؟!

قصدك وش الي مايحبه ...بس ارمني التوب عنده

ما نوع سيارته ؟ وعطره المفضل؟!
سيارته مرسيدس وعطره اسمه الخاص.

http://img51.imageshack.us/img51/4669/8967908.gif

التوفيق بيد رب العالمين لكن ماهي الاسباب التي ادت الى عدم احتراف ياسر حاليا ً خارجيا ً..
حيث انه من افضل اللاعبين والملعب يشهد له وايضا ً محرزهدف في كاس العالم .. هل ترا انه الكره السعوديه
بصفه عامه غير مؤيده للاحتراف امالمشكله من وكيل اعمال اللاعب يريده داخليا ً فقط او الى ماذا تعزو الاسباب؟!

طيب انا بقول شي وعارف ان الغالبيه بيقولون هذا جالس يستهبل علينا...بس ولو بقوله وياليت يسمحولي
أقسم بالله مو مخلي ياسر يرفض كل العروض الداخليه والخارجيه الي جاته حتى قبل ما ينتهي عقده بسنه
الاحب ياسر الجنوني للهلال لانه يعتبره ما يقل عن برشلونه ولا مانشستر...هذا بالمختصرالمفيد.
والي يبي يصدق يصدق ولي ما يبي لايصدق..

http://img51.imageshack.us/img51/4669/8967908.gif

اين يقضي ياسر اوقاته في الرياض وفي وقت الاجازات في الشرقيه ؟!

في الرياض مع عيال اعمامي اكثر شي اما في الشرقيه
ما يبيلها دلوع ماما بحظنها..

http://img51.imageshack.us/img51/4669/8967908.gif

كيف ترى اصابة ياسر وهل ترا ان الجهاز الطبي اخطأ في إعادة ياسر الى التمارين مبكرا
ً في معسكر النمسا خصوصا ً اذا مارئينا ان بعض اللاعبين لمن ينضموا الى الان , وايضا ً
اكدت بعض الاخبار معاودة الألام لياسر هل تعتقد انها ستؤثر على مستوى ياسر ومشاركته من بداية الدوري ؟!

بالعكس انضمام ياسرلمعسكر الفريق بالنمسا كان ضروري لانه جزء من برنامجه التأهيلي
الذي اقربه طبيبه البرفسور فالش , بشرط ان لا يدخل بالمناورات اوالألتحامات فقط يقتصرعلى الجري
الخفيف وتمارين سويديه السهله بالنسبه للألام اخر اتصال كان بينا اليوم وبلغني ياسر بأنها طبيعيه
وانا بكره بزوره بالمعسكر انشالله لأطمن اكثراتمنى ان لانستعجل عوده ياسر وان نعطيه الوقت الكافي
ليسترد عافيته كي عطينا كل ماعنده..كيف الغه العربيه معك ههههههههههه

http://img51.imageshack.us/img51/4669/8967908.gif

بحكم قرابتك من ياسر ماهي سر الاصابه في الكتف ؟ ولماذا ياسر تحامل عليها ؟ وهل كنت تعلم
عنها وفي حال علمك عنها لماذا تسمح له بالجلوس كل هذا الفتره وهو مصاب مثل هاذا الاصابه ؟!

الاصابه صعب وصفها بس بختصار عباره عن كسرداخل عظمه الكتف ولتهاب بلأوتار وتمزق بالعضلات
وبنسبه لتحامل ياسر عليها الألام الاصابه ما كانت واضحه بالبدايه مثل الصداع تحس انك لمى تاخذ حبه
بنادول بتخفولكن مع الوقت بدأت تشد الألأم .. والمنتخب والهلال كانوا يمروا بأوقات صعبه وأوقات حسم فقرر ياسر
مع نهايه الموسم فوراً يعمل اشاعه ومع الاشاعه بيبين خطورة الاصابه فقرر ياسر والمسئولين بالمنتخب والهلال
ان انسب وقت لعمل العمليه هوالان لستغلال فترت التوقف..والحمد لله هو الان بأحسن حال بس يبغاله شويه
وقت مع شويه دعاء من قلوبكم الطيبه ويرجع البطل.

http://img51.imageshack.us/img51/4669/8967908.gif

اكدت ( مصادرنا الخاصه ) انك حملت العضويه الشرفيه لنادي الهلالو اهديت لك من إدارة ابن مساعد هل هذا صحيح ؟!

لا...
وسلملي على المصدر الي قالك..يابووو

http://img51.imageshack.us/img51/4669/8967908.gif

اين انت عن موقع ياسر وهل متابع له ولـ اخباره ؟ ومارايك بكل صراحه في الاستايل الجديد؟!

والله متابعتي هالايام لك عليها شوي....
والستايل الجديد يحكيييييييي .

http://img51.imageshack.us/img51/4669/8967908.gif

ماهي ابرز المواقف لك مع ياسر في صغرك , وفي كبرك , وبعد انتقاله الى الهلال ,, نريد ابرز المواقف مع ياسر؟!

عاد انت اختبار منها اللي تبي واترك اللي تبي

شف وهو صغير والله المسيكين تحملني كثير خذ عندك اول يوم اني مراهق ما كنت احب النظام ..
والوالد الله يحفظه كان نظامي مره لدرجه اشك ان غوانتنامو فكرته...ومايحب احد يسهر برا البيت ابد
ربعك جبهم بالملحق الله لا يهينك وسهر لصبح ان بغيت.... المهم انا ما واطن قعدت البيت ابد
ناديت ياسر بالحوش وقلت له اسمع ابوي بينام بعد شوي لين رقد خذ مفتاح البيت قبل ما تنام وحطه
هنا ووريته تحت شجره عند باب الشارع برا...خلاص لا تنام ولاتنسى..قال خلاص
أكيد لا تنكبني
والله خلاص لاتخاف ...المسيكين مجتهد يبي يعجبني...خلاص ابشر...المهم مالكم فالطويله
طلعت وفليتها مع العيال طبعا الشباب الي بسني ها لحين عارفين هالسوالف الزبده رجعت للبيت
متأخر لا وصفر بعد من زود الثقه عندي يااسر التكانه..تكانه طل..واجي عند الشجره وأدور
لا يمكن حطه منا يؤ يؤ ياولد تعوذ من ابليس وركز وحوس الشجره فوق تحت ما لقيته.
طبعا استسلمت
للامر الواقع...السور طويل ما فيه امل انطه..منجلد منجلد ياولد نم الحين والصباح رباح المهم نمت
بسياره لين جا الفجر طبعا جا الشايب يصحينى منيب بفراشي...ويمسك ياااسر وين اخوك ويتوعى
مع كشته ويناظر في بوي مغمض عين ومفتح عين ويقول هاه تحت الشجره المفتاح...الله ينكبك يالنكبه
حتى مزبن المفتاح فضحه.. وش مفتاحه ويطلع ابوي برا ويشوفني نايم بسياره.....عاد وش صار لي ماله داعي ؟؟؟؟!!!!
ابوي طييييب.. وحنون لين عصب... هيييين...دا..دا..دا يانكبه....هذا وهو صغير.

http://img51.imageshack.us/img51/4669/8967908.gif

خذ عندك يوم كبر ..عاد هالموقف للحين وانا اااااضحك عليه...اول ما نقل للرياض كلمني قال تعال للرياض
ابشوف لي بيت اشريه ولا أجره..قلت وشوله العجله اسكن بيتنا ودور على راحتك....قال يا شيخ
بيتنا يوحشبيني بينكم هو صادق الا يروع كله شجر وكبييير ما ينفع الواحد الحاله....المهم
رحت ومرينا كم مكتب عقار وشفنا كم بيت ما جاز لنا شي ...يوم جا الليل قلت ياسر ورى ما نروح
الي بيتنا ونام فيه نجربه الليله يمكن يجوزلك.. بعدها الملعونه وقتها وافق ...رحنا ههههههههههههههههههههههههه
معليش بس كل مذكر الموقف اموووت من الضحك.. رحنا للبيت اول ما وصلنا والبيت ظلمه لمبه الشارع
محروقه ويالله تشوف يدك المهم .. طلعت المفتاح وانا جالس احاول افتح الباب يمين يسار ويااسر
لابق بظهري ويقول بصوت واطي حكيم اخلص اخلص...اول ما فتحت الباب ههههههههههههههه ا
لا وذا الزول الي بوجهي طويل وسود ولابس ثوبهم ذا الوسيع وعمامته .. ما تشوف الا بياض اسنانه
ويطقققققق ياسر بذاك الصوت يااااااااااااااااااااااااو جني انحشششش يااااااااااااااااااو يحط رجله
ههههههههههههههههههههههههههههههههههه وهو يركض حكيم انحش جني رافع ثوبه وشماغه بيده
جني انحش ياااااااااااااااااااااااااااااو..انا مت طحت بموت من الضحك لا والسوداني يلحقه
عم ياسر عم ياسر انا بكر عم ياسر انا بكر ما جني .

هههههههههههههههههههههههههههههههههههههههههههههههههه
ربي من جد موقف للحين نضحك عليه .

عاد يمكن المواقف ما تضحك الا صاحبها بس نايف ذبحني على هالمواقف
خلاص يابووو استانست

http://img51.imageshack.us/img51/4669/8967908.gif

سألت الكابتن ياسر من ذو صغرك هل تتعرض لضرب من شقيقك الاكبر قال نعم عندما افعل شي يغضبه
او بمعنى الأصح عندما نخرب , ماصحة هذا ؟!

يعني على خفيف..
يعني بذمتك زي سالفه المفتاح مايستاهل الجلد, الأ جلدته
وعلقته على شجره المفتاح بعد .

http://img51.imageshack.us/img51/4669/8967908.gif

شكراً لك على قبولك والدعوه واعطائنا القليل من وقتك ؟!

لا , نايف انا الي احب اشكرك وشكر كل اعضاء ومشرفين واداري منتدى القناص المخلصين صدقني لولا الله ثم انتم ما وصل المنتدى للي هو فيه..
وسترو على ما وجهتم .
محمد جهيم تحيه خاصه من القلب.

http://img51.imageshack.us/img51/4669/8967908.gif

http://img821.imageshack.us/img821/4236/66666666.jpg