http://dc03.arabsh.com/i/01738/xn0j59h5ssmq.jpg

يالله ورجعت لإيام زمان ’ تبون القصه بالتمام يالله نكتبها ونقرأها بالكمال !

أنا / يمه يوم زواجك كيف كان احكيلي
أمي / يازين ايام من أول مافيه تكاليف ولافشخره على غير سنع !
أنا / احكي احكي ابي اعرف اكثر
أمي / تدرين ابوتس يوم ياخذني كم راتبه ؟
أنا / كم :!
أمي / ماتعدى ال 300 ريال
أنا / من جددددددددك وش يجيب هذا
أمي / كل شيء عندنا رخيص ومكفينا وزود
أنا / يعني معقوله مهرك ماياصل الآف ؟ طيب شلون تجهزتي !
أمي / ابد الحمدالله عرسي كان ببطن السطح
أنا / ( طبعآ قاطعتها ) لحظظظظظه وشو بطن السطح ! يمه فيه احد يحط عرسه بسطح !
أمي / ايه ليت عروسنا هاللحين مثل اللي بِ ال سطوح وش زينها وحتى اننا نأكل من صحن واحد
أنا / يمه طيب سويتي زفه بعرسك ؟
أمي / ماعندي زفات جالستن بغرفتي لين جاني ابوتس !
أنا / تصدقين يمه اهم مافي العرس الزفه وش اللي سطوح ومافي زفات
وصحن واحد , http://dc11.arabsh.com/i/01739/49frhhojjaec.gif
أمي / ليت الزمن يرجع وتشوفين ايامنا وعروسنا البعيد يجيك من اقصى الدنيا ويحضر لك
اما اللحين ماحولتس أحد
أنا / وكان عندكم بوفيهات
أمي / الله يخلي الذبايح
أنا / فستانك يايمه مثل هاللحين يسوى العشر الاف وفوق !
أمي / مايجي قيمته ال 100 ريال واكثر شوي ووش زينه
أنا / ياررررررربيه اثركم ماهنا زود بالكشخه
أمي / اقول اقضبي هرجتس وخلينا نشوف عرستس شلون بيصير
أنا / ايه بزبرقه وش حسبالكم !
أمي / الله يعين القرش ماعاد يوفي

http://dc03.arabsh.com/i/01738/xn0j59h5ssmq.jpg

من .. [ الحجاز لِ الشمال لِ الجنوب لِ اقصى نجد ] ..
عادات مختلفه بِ الزواج , سواء في تقديم الماكولات , الرقصات ,
اللِباس , تقديم الهدايا لِ العروسين ...
مراسم الحفل من تمتمة اللسان لِ إطلاق [ زغروطه ]
http://dc11.arabsh.com/i/01739/4yhjbmdpuy5q.gif
لِ دف الدفوف وابتدا اهازيج الفرح : P
وكان الحديث طويل بالمختصر المفيد بيني وبين والدتي
هنا نبي نعرف " عادات وتقاليد الزواج "بكل منطقه من مناطق المملكه ..
تحكون لنا فيها عن ابرز الأحداث وكيف طريقتكم فيها

http://dc03.arabsh.com/i/01738/xn0j59h5ssmq.jpg

الموضوع بحر اسراره بِ ايديكم / افضحو عنها http://dc11.arabsh.com/i/01739/d6yvgx59z1dc.gif
ولو حابين تحطون صور يكون احلى بعد الأهم مو من النت ..
عرس الرجال يختلف عن الحريم , ودنا نشوف عرسكم كيف , http://dc11.arabsh.com/i/01739/5rm9t2om0j6v.gif

الشكر لمن صمم / ـخُرافي
الشكر لمن صنع الفلاش عليه / عديل الروح

- http://dc11.arabsh.com/i/01739/bqplbazi9krj.gif

لحظه قبل ارد لازم اعطيكم شوط "
http://dc11.arabsh.com/i/01739/0mvl4x1w2vuz.gif http://dc11.arabsh.com/i/01739/0mvl4x1w2vuz.gif http://dc11.arabsh.com/i/01739/0mvl4x1w2vuz.gif

P9pq9

سمو بسم الله عليها الف تكبير وصلاة = > علي انا pp35pp13
يالله حيهم بموضوعنا الجديد,

طبعآ بالبدايه بقولكم الماما نامت وإلا كان نخلتها نخل شلون عروسهم
وش كان وضعها .. هم مثل بنات هالايام حياويات = > ايه هين :$
اللي فهمته منها ان عروس من اول مافيها تكاليف زي هاللحين

ماعلينا من هذا كله الأهم بموضوعنا نوضح كل منطقه كيف طبعهم وعاداتهم بالزواجات
طيب بما انّي نجديه , راح اقولكم عاداتنا .

حنا ياأهل نجد او بالاخص بيتنا p6
يعني كأنه اول زواج يواجهنا من التعب اللي يصير به واللي يقهر انه مجرد يوم :(:

اهم شيء عندي الطقاقات إذا مافيه ماكنه زواج بالنسبه لنا P9:d
امهاتنا يدهرون بالبوفيه كيف يكون / الرجال طبعآ ذبايح ونادر يكون لهم بوفيه وهيك

طبعآ اهل نجد غالب طبعهم اهل الزوج يجون يشوفون البنت قبل اذا اعجبتهم
وطلعو من بيتهم / ام الولد تكلم اهل البنت مره ثانيه انو كل شيء تمام
عاد الباقي عليكم اذا تسألون عن الولد وهيك ..

اهل البنت يسألون عن الولد بالمسجد بالدوام ... الخ يعني بكل النواحي
إذا تم كل شيء كويس ولله الحمد هنا تتفق ام البنت مع ام الولد انو كلش تمام

عاد وقتها يحدد ابو البنت موعد مع الولد ويجي له يعني يستامرون الحديث
ويعرفه اكثر = > :$pp13

الولد عندنا لازم يشوف البنت قبل يتملك عليها :)P9
عاد هي تدخل بعصير ان شاءالله بكلينكس المهم تطل ويشوفها همن تطلع

= > لاتسوون مثل اختي مغططططططت مغطه وهجت pq5:d
المهم بعد كذا الولد يقول لامه اذا اعجبته خلاص يتم كل شيء
ويتحدد بين الرجال موعد الملكه ويجب المهر

طبعآ الملكه اما يكون بس رجال او يكون فيه حريم يعني البنت خالاتها عماتها هيك

بعد الملكه خلاص البنت من حقها تكلم الولد بس ماتطلع معه والولد بالملكه يجيب هديه للبنت واحيان امها مدري شالسر pp13
انا اذا اعرست منب معطيه الا ابوي وش دخلني باامه
= >> الشطانه من اولها :p
هذا طبعنا P9
تكلمه ايه ماهنا مشكله يتفقون على اللي يبون لكن طلعات لاه pp35

وعاد يتحدد وقت الزواج وتبدأ البنت تجهز والولد بعد

عندكم شيء اسمه " العونات " اللي هي الهدايا والقروش اللي تجي للبنت والولد
= عجيّز p11

امممممم وش بعد عاد تبدا الدهره اللي تجهز كوشتها واللي تقاول بوفيه وش يحطون
من تقديمات وتبدا تبحث عن زفه
لان طبعنا البنت لها حريه اذا تبي تنزف للحضور او ماتنزف
واذا تبي فهي تنزف قبل العشاء طبعآ P3
وماتطول يعني من نص ساعه الى ساعه جالسه بعدين تطلع وتركب سيارتها

= > بتصيح تذكرت اختها :(:P9 : P

اممممم هذا بختصار اهل نجد وحنا
ترا ماخلصت باقي برجع بس ابي انتو تحكون ابي اعرف اكثر

وخاصه اهل الحجاز ودي اعرف شلون عاداتهم :d

يالله هلمو pq9

أقتباس

والله عندنا تقول عزا مو عرس

ههههههههههههههههههههههههه
انتو تقدرون تغيرون هالشيء
حطو عرضه حطو اي شيء P9P9
مره ابوي حضر زواج وتأخر مارجع قلت وش عندك مطول
اخبركم تسلمون وتتعشون وتمشون !
قال بلا ماشفتي العرضه والرقص P9P9:d

راجعه للكل بس احكو لنا اكثر pq9


اهل القصيم وحايل ابي اعرف عروسكم كيف P9pq9