السلام عليكم ورحمة الله وبركاته
صباحكم / مسآؤكم سكرر
-
ما ادري شلون ابدخل موضوعي وكيف ومن وين ابتدي
لكن سلمكم الله هـ الوقت عطله ووناسة وسعة صصدر ووقت مثل هـ المواضييع
وقبلها أحب أبارك للناجحين ومن بعده شعب التراكمي الي جاب نسبه والجامعي الي عدى هـ الترم
اليوم بتكلم عن الحجاب ولا حول ولا قوة الا بالله
هاللحين ذا الوقت وقت مجمعات ووقت تمشي وتقضي
فَ ما بالكم لما اخشش المجمع الا والاقي أمة محمد أمة التوحيد
ما يطبقون كلام الرسول على النهج الصحيح !!
ترى حنا بلد التوحيد الاول والقدوه لـ جميع الدول الاسلامـيـه والعالم على حسن الاخلاق وو ..
والسوق تجمع لـ كل الجنسيات الي موجوده ببلدنا ويسبب إنطبآع لـ صورة المسلمييـن
يعني بديناها لثمه همين خفيف همين فتشنا الوجه وبعده الشعر وش أحتري أكثر ؟
تفصخون العبايـه مثلاً ؟
انا ما ادري ليه الاصرار على ان الوحده تفتش وتحط بيكينق بودر وكحل وحمره ومن ذي الحركات
والله بعضهم بدون ذي الاشياء مثل ركبت المنتشري وانتم بكرامه
وبعضهم يفتنن الشعب ب جمالهم
ف انا اقول لـ الصنف الاول إنهم يحسّون إن ورانا أكل وشرب وما نبي سدة نفس
والصنف الثاني إن الفتنـه بنت سته وستين كلب
يَ بنت الحلال قسم بالله حنا شباب وش الغرض من الفتش قدامنا !!
والله ما حنا بمحارم لكم !!!! ولا جآك المسيكين خق تقوم تسوي انا الشريفـه
يعاكسني !! لو ما تبينه يعاكستس كان ما فتشتي او لبستي الضيق الله يصلح من حالتس الي ما تلبس حجاب كامل الله ما يحبها يَ بنات ترى ما يحبها
العموم ما عندي في تزويد الهرج غير أرحمو حالنا شوي وتسترن من وإلى الله يصلح حالكم
حبيت من هـ المنبر أحس إني إنسان أقدم النصيحة وإني كويس لو لمره
وهذا الشئ لوجه الله ومن ثم لـ مصلحتكم ومصلحتنا ومصلحة الامة
والمايك لـ اخوي فيصل بعده إنطلقو ب آلردود بِ راحتكم
02-07-2010, 01:05 AM
[[ حجـابك عفافك إن صنتيـه صـانك ]]
ولا جآك المسيكين خق 
العرض الشجري
