بسـم الله الرحمـن الرحـيم
روايع الشعر كن تكتب بمي الذهب=وأنا كتبت الروايع والذهب ميـّـها
تجاربن تحكي الماضي لصدرن رحب=ومشاعرن تسحر القرّاي من غيـّـها
فـياللي سمعت التجارب من صدوقن كتب=إحفظ جزيل القصايد وإطمح إلزيـّـها
اليوم اببحر عسى موجن تلاطم ادب=يركد على هيبة الفكره وقافيـّـها
إثنين مامثلهم بين البشر والعرب=في ذمتي هم غناة الروح وهنيـّـها
وإثنين في حبهم ببقى احب واحبّ=اثنين من حضرة الدنيا وماضيـّـها
وإثنين في بعدهم عمري جفاف ولهب=وفي قربهم تزهر دروبي نواحيـّـها
ابوي وامي ولو بلحق جزاهم صعب=جزاهم اكبر من الحاجه وراعيـّـها
ابوي رجلن كريم المرجله والنسب=وامي هدب عين جداني وياحيـّـها
في برهم ماشكيت المهلكه والتعب=لو يطلبون العيون السود مع ضيـّـها