شبكة القناص - الموقع الرسمي للاعب ياسر القحطاني - ~..ولد قحطان ,للوفا , والصبر ، والتضحيه, عنوان..~

**.. ولد قحطان ,للوفا , والصبر ، والتضحيه, عنوان ..**

واكيد تتسألون كيف كل ها الصفات تجمعت في شخص واحد لانها صارت في ها الزمن شبه معدومه؟!

بس مع القناص مافي سؤال من غير اجابه ومافي صفه الا وهي مرتبطه بـ ياسر ...

اترك لكم الاجابه من اقتباس :.

اقتباس:

المشاركة الأصلية كتبت بواسطة Yasser Media (المشاركة 2972416)

الكابتن ياسر : الموضوع يعني بكل سهولة أنا كنت أحس يعني الآن هذي إصابة من عام

تقريبا 2005 كانت بدايتها مباراة ودية أمام منتخب المصري بعدين تطورت في مباراة الذهاب في

مبارة عام 2007 تقريبا او في 2008 أمام الوحدة الإماراتي وزادت في الموسم هذا بشكل أكبر من بدايته

الآم كانت في الآم ولكن ما كنت أتوقعها صراحةً راح تكون نتائجها كذا يعني بيكون لازم تدخل جراحي يعني كان ،

أنا قلت إذا غُلبت غُلبت الروم راح يكون موضوع تنظيف بالمنظار يعني فقط لكن فيه تدخل جراحي في
النهاية الحمد الله رب العالمين ، أنا كنت أحس فيها صراحةُ خلال الموسم هذا و حسيت الموسم هذا بشكل كامل
كان تقريبا في كل مباراة الكتف كان الكتف عندي يخرج يعني في وسط المباراة في اثناء المباراة
يطلع ما لا يقل عن ثلاث مرات في نفس المباراة يحد من صعوبة جمب في البروتكت لما أحاول احضن
على كورة أو ان أحاول اسند مدافع أو أني أحاول اتكي يعني بجسمي بالجهه اليسرى ، كان يطلع الكتف يعني
وأنا كنت احس فيه ولا كنت آبين لـ أحد لان أنا عارف لو وقفت راح تأثر على لياقتي وعلى الرتم حقي
فـ أنا حبيت أكمل لـ نهاية الموسم ولا حبيت حتى أني أسوي كشف يصدمني واعترف أن هذا خطاء
لا لمصلحه لياسر ولا لمصلحه الهلال ولا لمصلحة المنتخب أيضاً ولكن أحياناً
ومن الحب ما قتل زي ما يقولون

اعتقد مثل ما انتو شايفين الاجابه ماتحتاج مني توضيح لان اللي ذكرها يعرف كيف يوصل المعلومه لقلوب عشاقه .. ولان اللي ذكرها (..* الوفي , المضّحي , الصابر , او........ سمّوه مثل ماتحبون مايهم بس المهم ؟!

انكم تقدرون ها الموقف وماتنكرونه مع مرور الايام

كـ العاده عند ( البعض ) !..

ينكر وينسى الافراح اللي ياما وياما ياسر

اهداها للجمهور الهلالي ..

ينكر وينسى وفاء وتضحيات ياسر للقميص الهلالي ..

وهذا كله يجي بعد ابتعاد ياسر عن التسجيل في كم مباراه ( والله لايجيب ها اليوم ولايكتبه على ياسر)

وهذا الشي طبيعي يعني مو معقول كل مباراه يسجل مع انه حتى لو ماسجل بصمته تكون حاضره وبقوه

بس هذا مايكفي عند البعض ( الله يهديهم ) ..

وانا قلت ها الكلام لاني عارفه بـ يجي يوم والجمهور بـ يقسى على ياسر و للأسف بـ سهوله ينسون (مراجله) ووقافته معهم ..

**/..بس رسالتي لهم !!..

انهم قبل مايكتبون شي يتقون الله في انفسهم و يحطون عقولهم في راسهم ويستحون على وجيههم

ويفكرون بـ الاول ياسر وش قدم لهم وش سوا عشان عيونهم؟؟!

ومن وجهه نظري تنطبق عليه ها الابيات ...

...عانيت ياما لاجل ارضي خواطرهم ...

...ودرايت همي وكنت اشقى واريحهم ...

... صبرت وصرت انا وقلبي ندور من يصبرنا ...

والله صدق عانى وتعب وضحى وفي الاخير من موقف او بـ الاحرى ( مباراه مايسجل فيها ) الكل ضده

وما يكفيهم فخر انه صار ينضرب فيه المثل بـ ..( صبره ووفاءه وتضحياته الا محدوده لـ ناديه ).. ومن افعاله الكل يتمنى قربه ويطلب وده ..

وادري بتقولون ها الكلام ماله لازم بس في الحقيقه ماله لازم لانكم راضين عن ياسر بس احنا اللحين قدامنا خمس مباريات مصيريه و اذا لاقدر الله والله لايقوله في مباراه ماسجل ياسر بـ تقلبون عليه وانا قلت ها الكلام للتذكير !!.. ومن تجارب سابقه ( جمهورنا عاجنتكم وخابزتكم )

واتمنى تاخذونه بعين الاعتبارلانكم بـ صراحه اذا انتقدتم ياسر توصلون لـ مرحله ( الجحود ) ومايهمكم ماضيه كل اللي يهمكم انه ( آله ) وضروري كل مباراه يسجل ...

وفي النهايه ..

اتمنى من ( الرقم الصعب ) يخف على ياسر ولا يطالبه بـ المستحيلات ويحط في باله ان ياسر احرص عليهم من الهلال وافعاله اكبر دليل...

...............................................................

غبت يوم وعذرنــــاك ..‘

وبولهنا انتظرنــــــاك ..’

يالله ارجع كفايـــــــــا..‘

بـ صراحه فقدنـــــــاك ..’

يعني ما صاحت اذنـك ..‘

ما بكى الشوق منـــك ..’

ما صرخ يوم حزنـــك .. ‘

لحظه اللي طرينـــــاآآك .. ’

وفي غيابك نسينـــــــــا.. ‘

وش لنا وش علينـــــا.. ’

شاغل البال فينـــــــــا.. ‘

ليتنا ماتركنــــــــــــاك .. ’

بس انجبرنا نخليــــــــــــك .. ‘

تبتعد عن مراسيـــــك .. ’

بس واللي يخليـــــــك .. ‘

حتى بالحلم شفنـــــاك .. ’

بـ صراحه فقدناك فقدناك فقدناك ...‘

../..~ ملاحظه .. يمكن تستغربون ان هذا الموضوع مانزل بـ اسم الحمله ( كل شي نملكه فدا ياسر ) بس حبيت تعرفون اني انسحبت من الحمله والسبب ان حقوقي ضايعه فيها و اغلب مواضيعي ماتنزل بـ اسمي وانا حاولت اصلح الامور واتغاضى عن اشياء بس خلاص صبري وصل حده ... p7