» - اڷـمـايگ معَ »همس المحبة ~ « ¬ ! - شبكة القناص

**..: قسم المجلس :..** · 19-05-2010, 07:38 AM

.

= تلتقط ‘المــايك
لـ تحكي عن سنين عمرها
وما حاكت فيها من ضحكات وعبرات
وأمـاني عظام ..‘

سـ نتقرب أكثر من أفكارها..
و يومياتها المملة ...
ومواقفها الطريفة ‘

‘

» همس المحبة ~« ¬

* سـ تحكي لِــ 3 أيـام
وانتم تقرؤون فقط . .
وبعدها يفتح المجال لـ تعليقاتكم !

فــكرة :
ملائــكيه
تصميم:
ســمــاء

**..: قسم المجلس :..** · 19-05-2010, 07:39 AM

* مُــشاهدة ممتـــعة

**همس المحبة** · 19-05-2010, 08:38 AM

بسم الله الرحمن الرحيم ..

بالبداية أحب أشكر قسم المجلس والمشرفين عليه

على إستضافتهم لي وإن شاء الله أكون عند حسن الظن وأبيض الوجه

وأشكرهم على إنهم فتحوا لي المجال عشان القناصين والقناصات
يتعرفون على [ همس المحبة ] بشكل أكبر لإن الكثيرين هنا مايعرفون
من هي [ همس ] والبلا مني موب منهم

أمممم وبس

أتمنى أكون ضيفة خفيفة الظل
عليكم بالثلاث الأيام

إنتظروني الليلة بإذن الواحد الأحد

**همس المحبة** · 20-05-2010, 02:16 AM

البطاقة الشخصية :-

الإسم : همس الحربي
<<< همس الإسم الفني بالشبكة العنكبوتية

العمر :- 20 سنة

ترتيبي الـ 3 بين أختين و3 أخوان أصغر مني

أنا أصغر البنات ودلوعتهم

أول سنة جامعة قسم دعوة - - > محولة السنة الجاية خدمة إجتماعية ..
كنت بأحول إعلام وتراجعت بأخر لحظة ،،
أطمح إني أخذ الماجستير رغم اني كنت معارضة الفكرة بس مدري وش اللي
قلبها برأسي

وإني أصير أستاذة بالجامعة أو أشتغل بأحد البنوك

وإن شاء الله ربي يقدرني وأحقق هالحلم ..
أحب القراءة لكن لما تجي السالفة إني أكتب مافي أكسل مني

أحب قرأة الروايات بالذات ( لآجاثا كريستي )

التلفزيون مالي علاقة به إلا قناة بداية ( محاضرات - بيت عرسان - زد رصيدك 2 )

وقناة كوريا tv

وقنوات الرياضة وأمور الهلال فقط

أما مسلسلات والأمور ذي إذا موب هم بالبيت حطو عليه ما أدورها أبد ..
بتقولون شلون ذي ماتتابع مسلسلات وتحب كوريا

ايه أعشق قناة كوريا وما أتابع درامات إلا كوريية ويابانيه وأنيمات فقط
بالإنترنت يعني عندي هارديسك بس للأنيمات والدرامات ودايم يقولون لي أنا وخواتي خلاص
كبرتوا على هالأمور وشو أنيمات بس أنا مطنشة وعايشه حياتي بالشيء اللي يعجبني

وأمووووووت بـ كونان

فيس يناظر أريج

وكل الخلق يبونه ينتهي وأولهم أمي كل ماسألتني ليش لابك مفتوح وموب قاعده عليه
أقولها أحمل ما أكمل كلمتي إلا هي تقول كونان غثيتونا به متى ينتهي
تحسه ينافسها وياخذنا منها

وأخبّل فيها يوم أتكلم معاها ياباني تقول مو منك من هالمخبول كونان اللي تشوفينه ليل نهار ض1
والحمد لله بيتنا يخلو من سماع الأغاني كنا نسمع زمان بس الحمد لله
ربي هدانا والفضل لله ثم بدعوات أمي الله يحفظها

وقناة المجد وبداية ..
أعشق تصفح الإنترنت بشكل كبير

وحلمي فيه إني أتعلم وأحترف بالفوتوشوب

الشعر مالي علاقة بشكل كبير لكن كنت أعشق أشعار شبيه الريح بس موب عشانه رئيس الهلال
من زمان هالكلام وهو الوحيد اللي كنت اتابع أمسياته الشعرية

**همس المحبة** · 21-05-2010, 03:02 AM

طفولتي :-

أممم كنت طفلة شقية وبكل فخر

وكانت كل طلباتي مُجابة بحكم إني آخر العنقود ودلوعة امها وأبوها

طفولتي كلها ماكان عندي صديقات أو أحد من بنات العيلة اللي بسني قريبين مني
صديقي الصدوق ولد خالي بعمري وأخوه اللي أكبر منه وأختي قده ..
عاد انا وولد خالي اللي بعمري أصحاب وهي وأخوه أصحاب كلن يفهم على اللي بعمره

وصديقي هو الوحيد اللي كنت أثق فيه وكل أسراري وخططي ومصايبي ما أقولها إلا له
وإذا أحد يبي يعرف شيء سويته وإلا مخبيتيه عنهم يقولون روحوا لصندوق أسرارها محد يعرفها غيره
وأنا نفس الشيء بس كنا أذكى منهم ومتفقين مانعلمهم مهما صار وتفشل جميع محاولتهم

أفتقدته بصراحة بعد ماكبرت بالذات اني ماحاولت اني أختلط بأي أحد وغلطت بهالشيء
لإني تعبت نفسياً

بس لقيت لي أحد أقدر أقوله كل شيء إلحين اللي هي أمي الله يحفظها

تقدرون تقولون إننا كنا شلة مكونه منّا إحنا الأربعة

كنا مسببين أزمة للعائلة يوم نجتمع
ما نجتمع إلا تكون ورى هالجمّعة مصيبة

مرة كنا بالطايف ورحنا لمكان به صخوور كبيرة فوق بعض كأنها جبل بوسط المكان
جلسوا الحريم تحتها تسترهم وياخذون راحتهم
وكنا الأربعة نموت بـ هايدي وودنا نطبق هالشيء اللي تسويه عملي

أختي وولد خالي الكبير اختفوا مدري وين راحوا المهم
راحوا يمشون وقابلوا راعي معه غنم وشافوه يحلب ويشرب بذي الزبدية
صرخوا وقالوا زي هايدي

يالله نشرب <<< الله يقرفهم

وأمي عندها نظافة شديدة لدرجة أوب طبيعة

وجووا فرحانين بعملتهم ويوم قالوا اللي سووه بغى يوقف قلبها

وأنا وصديقي الا بنتسلق ذي الصخور ونخطط شلون نطلع لها

عاد أنا خوافة بشكل وشايلة هم اني أطيح غير ان امي قالت لو تسلقتي بأذبحك

عاد هو قال ماعليك منهم هالكبار بس يخوفنا عشان مانطلع بس انا بأمسك بس تسلقي زين مو تطيحين
وتطيحيني معك

قلت له طيب وتسلقنا لين نص الصخور وأنا متمسكة فيه بأقوى ماعندي
ونسمع صراخ الحريم أثر طاح عليهم ثعبان من الصخور
أنا يوم سمعت صرختهم خفت حسبتهم كفشونا وتعثر رجلي أطيح وأطيّح ولد خالي معي رجعنا لهم حالتنا حاله
غير الأجراح والملابس تقطعت وهي جديدة أشتروها لنا بنفس اليوم

وأمي وزوجة خالي كذا لما شافوا الملابس

وأذكر مرة بالعيد خالي باني له غرفة بالسطح يقعد فيها لحاله
ومن اللقافة كنت دايم انا وولده نقول وش يحسون فيه الناس يوم يشيشون أو يشربون دخان

وطلعنا فوق وفرصة أنه خالي ماكان موجود كان توه طالع منها والشيشة توه مسويها
صرنا نتلفت وقلنا جاء الوقت المناسب عشان نجربها

وجربنا أنا مرة وهو مرة وكنا صغار وقتها مابعد دخلنا المدرسة
وانكتمنا بغينا نموت واليوم الثاني كلن أخذ له علقة من أمه

ايه والحمد لله خالي ترك الشيشة وأنا صرت
أكره أشم ريحة أي دخان أو شيشه مع أي رجال ض1

من الأشياء اللي ما أنساها مرة أختي مدري وش قهرتني فيه ما أذكر

المهم من القهر أنا قمت عضيتها بكتفها ونزلت تبكي عند أمي ولحقتها

وأنا أمشي ما أدري إلا ذاك الشيء اللي يعضني بظهري عضة عمري ماراح أنساها من قوتها

طلع ولد خالي الكبير أنقهر علي ليش عضيتها

عاد أنا مارديتها له لكن قلت له عيالي بالمستقبل بأخليهم يعضونه بنفس المكان إن شاء الله

يالله من جد كانت أحلى مراحل عمري هي طفولتي ولو يقولون وش تتمنين
أقولهم أبغى يرجع الزمن بي وأعيش طفولتي مرة ثانيه مع عيال خالي وأختي

ولو أكتب لكم عن المصايب اللي كنا نسويها ماراح أغلق

طفولتي مافيها تغير روتيني كان واحد أنا وأختي وعيال خالي بس

كانوا هم تسليتي وكل شيء بحياتي وما أفرح وأستانس بأي خرجة إذا ماكانوا معانا

وأيام الدراسة كنت انتظر إجازة الأسبوع على أحر من الجمر عشان نروح عندي جدتي ونشوفهم
وطول اليوم معاهم مانفترق إلا عند النوم

وأكره يوم الجمعه عشان نرجع بيتنا

بعد ماكبرنا وجاء الوقت اللي نغطي عنهم ومانقابلهم انا وأختي نقول لأمي مايصير نغطي عن كل العيال
إلا هالأثنين مانبي نغطي عنهم

من جد أيام أحلى أيام حياتي وإلحين كل ماشفتهم أو تذكرتهم أسمع هالأنشودة

يوم أن كنا صغاراً

مرررة حلوة وتحزن بالذات اللي يشتاق لأيام طفولته

**همس المحبة** · 21-05-2010, 07:32 AM

أمي وأبوي أغلى شيء بحيآتي - 1

بتكلم عن أغلى وأهم الناس بـ حيآتي

وبـ حيآة كل إنسان ،،

بالبداية بأتكلم عن أبوي

أبوي اللي فقدته من سنة ونص

أبوي كان حنون ، طيب ، كريم اللي بجيبه موب له حتى لوكان هو بحاجة هالشيء
مافيه شيء كنت أتمناه أنا وخواتي ويقول لنا لا ومايقصر علينا شيء
وهو موجود كنا مدللين لأبعد درجة رغم انه كان يحب يقعد لحاله
بس كنت أحاول أكون قريبة منه ..

أبوي كان أكثر شيء يهتم فيه بالتلفزيون الكورة .. الكورة وبس
يمكن أنا حبيتها منه وهو السبب الرئيسي رغم إختلاف ميولنا ،،
كان يحب يناكفني ( يعني يجادلني )

بكل شيء يخص الهلال بس عشان يرفع ضغطي ويشوفني معصبة

وناسته يشوفني معصبة منه بخصوص الهلال

لا وبعض الأحيان يوم يطفش
يقولهم نادوها لي أجيه أقوله وش تبي يقول تعالي أبغى أرفع ضغطك ويمسك هالجريدة ويغمز للي عنده
ويقول الهلال فيه وفيه بس عشان أعصب ويستانس

بس كان إتحآدي متعصب وغير متعصب بنفس الوقت

كان كل مايشتري له شعار للإتحاد جديد يشتري لي معه أجدد شعار للهلال رغم اني ماطلبت منه

وكان مايشوف جريدة أو مجلة فيها لاعب هلالي أو رئيس أو ياسر أو أي شيء يخص الهلال
إلا ويشتريها لي حتى لو ما أدري عنها

أصعب الأيام أو بالأحرى الـ 6 سنين الأخيرة اللي مرت علي هو فترة مرضه بالفشل الكلوي
ورغم المرض كان بعض الأحيان أول مايجي من الغسيل ونكون بحاجة شيء أو مشوار يودينا مايقول لا

نقوله جيب سواق عشان ترتاح يقول وش له السواق وأنا موجود لادفنتوني جيبوا لكم سواق
كان يحب الشقى لعمره على حساب راحة الآخرين

الـ 6 شهور الأخيرة تعب بشكل مو طبيعي وزاد عليه المرض وجاته موية بالرئة
وجاته بعدها نزيف أستمر معه 3 شهور ولما نوديه يقولون عادي نزيف عادي واللي تشوفه العين
ماكان عادي

الشهرين الأخيرة دخلناه بأحد المستشفيات الخاصة .. وحسبي الله عليهم معاملة زي الزفت الله يكرمكم
وطلبوا دفعة قبل مانحجز له غرفة ودفعناها لهم
وبيوم من الأيام شفناه تعبان مرة وهو بدأ عقله يروح ويجي من النزيف يتذكرنا شوي وبعدين يرجع ينسانا
وماكان على لسانه إلا كلمة هذولي يهود مايخافون من ربهم بس مايقول شيء ثاني أثرهم لما أخذنا تقرير
عن اسبوعه اللي قضاه ماغسلوا له وهو المفروض انه يوم عن يوم يغسل لما سألنهم قالوا نبي دفعة جديدة
25 ألف عشان نغسل له رميناها بوجيههم وقلنا ندفع اللي تبونه كله أهم شيء ماتهملونه
ونفس الشيء معاملة زي الزفت أخذوا 100 ألف ومن بعدها قالوا علاجه موب عندنا

أخذناه معانا البيت قعد أسبوع بالبيت ورجع تعب وديناه قعد بغيبوبه لمدة أسبوعين بسبب ورم خبيث ..

11 / 9 / 1429هـ توفى الله يرحمه

وأنا ليومكم هذا موب مستوعبة انه مات إلا إذا مريت من غرفته
عارفة إنه قضاء وقدر لكن هالشيء غصباً عني وكل اللي بالبيت مانستوعب
إلا إذا مرينا من غرفته وشفنا مكانه اللي يقعد فيه دايم خالي

ماله منّا بهالوقت غير الدعاء

وحلمي إني أكون أستاذة بالجامعة رغم إن كنت رافضة فكرة التدريس بتاتاً
هو إني كنت أشوفه أحسن وأطيب أستاذ بالعالم وودي أصير مثله إلحين

**همس المحبة** · 21-05-2010, 08:22 AM

أمي وأبوي أغلى شيء بحيآتي - 2

إلحين نجي لأغلى وأحلى وأحب إنسانه لي

أمي (

)

هالأنسانه لو أكتب الي أكتبه ما أوفيها حقها ،،
حتى وصفها صعب

أمي هي ، حبيبتي ، صديقتي ، حياتي ، صندوق أسراري
كل شيء كل شيء يخصني أقدر أقوله لها وبكل صراحة وشفافية
علمتنا أنا وخواتي نكون كتاب مفتوح لها وصديقاتها موب بنات بس وهي نفس الشيء

بأتكلم عن نفسي كوني تدلعت أكثر وحدة وأقول السبب ليش

هو إنه أنا الوحيدة اللي الفرق بيني وبين أخوي اللي بعدي 8 سنوات ونلت النصيب الأكبر من الدلع

كنت من وأنا صغيرة بكل مكان معاها حتى أنام بحضنها لين جاء أخوي وخرب علي

ماتخيلت يوم انه يجي واحد ياخذ مكاني

وفيه شيء محرجة أقوله

بس ماعليه إنتم يالقناصين والقناصات أخواني وماعلي منكم

المهم لما صار لأمي 3 أسابيع والده إلا لاحظت خالتي بشيء غريب فيني تدقق فيني يمين شمال
وأكتشفت إني قربت أصلع من كثر ما أنتف بشعري من القهر

وماني حاسه << ياأحس إني خبلة بذاك الوقت

بس الحمد لله أتجاوزت هالمرحلة من بدري والفضل لله ثم لخالتي

أنا إلحين صار أغلب يومي معاها والـ 5 سنوات الأخيرة قلبت برأسها
وخليتها تشجع الهلال معي بعد ماكانت أهلاويه صميمه من الصغر بس عرفت ألعب بمخها

والهلال يستاهل

وإلحين صارت مجنونه بالهلال أكثر مني وهي تخبرني بأخبارهم أول ما أقوم

لاوصرنا مسمينها بالبيت المحامية الرسمية للهلال إدارياً وفنياً وكل مايخص اللاعبين
وبالذات ياسر بجميع المجالس اللي تجلسها <<< ريحتني من مهمتي القديمة

مثل ماقلت لكم أي شيء يخصني أخبرها على طول مهما كان هالشيء
حتى بعض صديقاتي يقولون شلون تقولين مثل هالشيء لأمك لو إحنا مانقدر
قلت لهم ليش لا مافيه سبب يخليني أخبي عنها أي شيء لو إيش ماكان

أصلاً ما أتخيل حياتي بدونها ودايم أقول لها لو تزوجت بأسكن عندك أو موب متزوجه خير شر
تقول لي مهبوله انتي قلت ايه

الله يحفظها لي

ويحفظ لكم يا أخواني وخواتي وكل من أمه وأبوه حي اللهم أمين

ويرحم أمواتنا ويدخلهم الجنة من أوسع أبوابها ..

**همس المحبة** · 22-05-2010, 04:21 PM

موقع القناص .. شقتي المفضلة - -> [ قسم صور وفيديو القناص ]

في البداية أقولكم شلون سجلت بالموقع

أنا من ثالث إبتدائي بدأت أشجع الهلال واللي خلاني أشجعه
أبوعبدالله [ سامي الجابر ]

شفته بمباراة مع المنتخب سجل هدف وعجبني ماأذكر مع أي منتخب وإلا وش المناسبة

المهم سألت أبوي الله يرحمه من ذا اللاعب

قال سامي قلت إيه بأي فريق يلعب
قال الهلال قلت له خلاص أعلنت تشجيعي من اليوم للهلال

ومن يومها وأنا هلاليه وما أقتنع بأي لاعب إلا إذا كان هلالي وشفته لابس أزرق
لو قالوا لي أطلق لاعب بالنادي الفلاني غير الهلال أقولهم يخسى مافي أحسن من لعيبتنا

بطولة خليجي 16 كانت بداية بروز ياسر وكانوا أهلي يشيدون بلعبه والإعلام
بالذات بعد هدفه الدبل كيك بمرمى البحرين

شدني بس كنت أكابر لإنه موب لاعب هلالي

المهم جات مباراتنا مع عمان وكانت حماسية ومهمة لأبعد درجة وكنا متعادلين
والتعادل ماكان من صالحنا

بالوقت بدل الضايع من الشوط الثاني ويجيب القناص ذاك الهدف
اللي طيرنا من أماكنا من شدة الفرح

صاروا يقولون لي ها إلى الآن موب مقتنعه إنه فنان .. قلت لهم أطلق لاعب بالبطوله كلها بعد ذا الهدف

ومن وقتها وصارت الجرايد والبرامج تتكلم عن ياسر ونجوميته والأندية بتتفاوض معه
وشفت من ضمنهم الهلال

من بعدها ضميته لقائمة المفضلين وأتحدى الكل إنه بيصير لاعب هلالي بإذن الله والأيام بيننا

المهم ماكنت مهتمه بالنت وقتها يعني أدخل مواقع الهلال وأنيمات وأشوف وش آخر أخبار ياسر
ومفاوضاته وكنت شايله هم الإتحاد ياخذونه وأطلع ما أطول

وبيوم من الأيام أختي تبحث بالنت وشافت موقع ياسر وسجلت فيه
وبعدها نادتني قالت شوفي ياسر فتحوا له موقع وسجلتك فيه ترتاحين أكيد بتلقين آخر أخبار مفاوضاته
بدال ماتفرفرين بذي المواقع اللي أغلبها أخبار موب صحيحة

ومن 20 / 7 / 2005 وأنا من أعضاء هالموقع وما أطلع منه كنت جاهله بأمور المنتديات
وكل ما أبغى أنزل موضوع أنادي أختي تساعدني آخر شيء قالت لو أدري ماسجلتك قلبتي راسي

بس ماعلي منها أنا أهم شيء إني أنزل وأريح قلبي ماعلي من تعبها

شدني قسم [ صور وفيديو القناص ] ولقيت نفسي فيه مع الأيام والقسم المفضل بالنسبة لي

تعلمت شوي شوي وكان حلمي أكون مشرفة عليه مع أخواتي الله يذكرهم بالخير ( رجه M!ss و M!cc_Cute )
وصرت أشوف وش يسون من متابعة للردود والمواضيع وأحاول أقلدهم المهم أوصل للي أبيه

بعد مرور سنة ونص أو سنتين ما أذكر بالضبط

أرسل لي أخوي وكان مشرف معانا بالقسم ~ModAbid~
الله يذكره بالخير إنه إذا كنت أوافق أصير مشرفة معاهم بالقسم ساعتها
أنا طرررررت من مكاني حسيت إني أحلم وقتها

ماصدقت خبر وعلى طول قلت إيه موافقة حلم وتحقق شلون ما أوافق

5 - 5 - 2006 تعينت مشرفة على القسم اللي أعشقه وأحبه والقريب من قلبي وعلى قول أنوته
غاطسه فيه ماتطلعين منه

كنت وقتها بس أنقل صور ياسر من المواقع أو اللي يرسلونها لنا اللجنة الإعلاميه وبعدين
قلت بأطور من نفسي وأبغى أسجل وأنزل مثل أبو طلال أرسلت له وماقصر معي أبوطلو
علمني بكل شيء أول بأول لدرجة إني أستحيت منه بس تحملني ماشاء الله عليه

ومن وقتها إلى هالوقت وانا أسجل وأنزل تغطيات وكنت أحب أوفر أي شي يخص ياسر للأعضاء

قسم الصور أخذ كل وقتي يعني أنا أشوف نفسي بهالقسم وأتابع الأقسام الثانيه بس من كسلي ما أرد

وهذا عيب فيني أحاول أغيره مع الوقت

يمكن بسبب هالعيب بعض الناس مايعرفوني كثير والبعض قال عني مغرورة

بس أكتشفت انه موب بس أنا ينقال عني مغرورة وصلت حتى لـ هلالــ 4ever ـيـه وأنوته ( سديم ، )

بس أنا مسامحتهم صح اني زعلت أول ماخبرتني المزن الهلالي انه ينقال لها بصفحتها
عنا كذا بس بعدين صار الوضع عادي عندي وقلت الله يسامحهم

**همس المحبة** · 22-05-2010, 05:51 PM

أخواتي [ ملتقى القناص ]

آخر شيء بأتكلم عن أخوات أحببتهم وأحبوني
وأشعر إنهم أخوات لي لم تلدهم أمي

قضيت معاهم احلى اللحظات كانوا معي
وعشنا أيام فيها الفرح وفيها الحزن ..وروح التعاون والأخوة

هلالــ 4ever ـيـه : زميلتي ، صديقتي ، من أروع وأحب الأشخاص لقلب ( همس )
يكفي إنها من توليت الإشراف إلى الآن وهي الوحيدة اللي مافارقتني بالقسم ودايم تقول لي
هموس خيسّنا أنا وإنتي هنا مغبررررين

وبكل صراحة لو هلاليه تركت القسم لاقدر الله ما أظن إني أقدر أكمل بعدها

هالإنسانه مافي منها إثنين مخلصة لشغلها ولقسمها ولو كانت بتموت من التعب ..
من جد فخر وأكبر فخر هو وجود هلاليه بالموقع لإنها مكسب

والشيء الوحيد اللي أقوله الله لايفرقنا ويحرمنا من بعض يا أقدم وأروع صديقة لهمس

. . .

أنوته ( سديم ، ) : يالبى قلبها هالإنسانه عسسسل وخسراان اللي مايحبها

أكثر شيء أحبه فيها يوم أعصب بها تقول لي ( همس ليه ماتحبيني

) يوووه تجنن

والشيء اللي يميزها عن غيرها مافي أحد يقدر يجادلها تطلع روحه وترفع ضغطه

يعني معاند أنوته خسرااان

ولما ماتكون عليها تغطيه ونجهز الصبح للمباراة تقول أشوف أساعدكم بشيء إذا كنت صاحيه

عايشه حياتها براحتها ودمها خفيف وهالشيء اللي حببني فيها أكثر

الله يسعدك ياأحلى مغرورة بالدنيا

<<<< بأنجلد

....

C . NONA : حياتي هالإنسانه ويكفي إنها بنت العم

عشانها من نفس القبيلة

شطووورة وطيووبه وعسل وتستاهل اللي هي موجودة فيه إلحين

من الأشخاص القريبين
وماخيبت ظني فيها أحبها ويكفي إنها تعرف وش مكان نونا بقلب همس

....

Genefar : الله يسعدها إنسانه قمة في الأخلاق وماوصلت لهالشيء اللي هي فيه
إلا لإنها تستاهل جهودها واضحة ومحد يقدر ينكرها .. ويسعدني إنها معي بنفس القسم والعمل معاها
أخت عزيزة وغالية

المزن الهلالي : هالإنسانة قمة قمة .. وجود إسمها بالموقع يعطي هيبه ما أخبي عليكم إنه كنت أخاف أتعامل
معاها مو لشيء

بس أنامن دخلت الموقع وكانت المزن من أهم الشخصيات فيه ،،
ولما صارت مستشارة بأقسام ياسر كنت خايفة أتعامل معاها <<< مدري وش أحس فيه قمة في الدلاخة

بس يوم تعاملت معاها إنسانه وش أقول صعب صعب وصفها

أخلاق وعسل ورزانه ومافي أطيب من قلبها

الله يخليك ويسعدك يا أحلى مزن

....

الهنوف السامية : حبيبتي هالبنت وأكبر خسارة هي إستقالتها من الإشراف .. ما أنسى أحلى الأيام
اللي قضيناها سوا والله لايفرقنا ويبقى التواصل بيننا

....

حُمرة الورد : تعرفت عليها من مدة قصيرة لكن أحس إني أعرفها من زمان ..
وإن شاء الله يجي اليوم ونسوي الدويتو اللي أتفقنا عليه

....

A r e e j : أروووووووووجه

توأم روح هموس

صح المسافة بيننا بعيييييدة
لكن تقدرون تقولون إنها معي 24 ساعة ماأقدر على فراقها لو يوم لازم أكلمها

بالموقع ، بالمسن ، بالبي بي بكل الوسائل

حتى بالبيت صاروا يعرفون أريج من كثر ما أتكلم معاها ض1
من المواقف اللي تضحك معاها

آخر حلقة ببرنامج زد رصيدك أتفقنا نسوي تغطية بالقناص <<< عمركم شفتوا تغطية لبرنامج آخر حلقة بس

وجلسنا نتفق آخر أسبوع لهم وش بنسوي وشلون بتكون التغطية ،،
أنا ماتابعت البرنامج إلا آخر شهر بس وهي من البدايه ماشاء الله عليها عاد كنا نشجعع كل الشباب
ماشاء الله عليهم دين وحفظة كتاب الله يشرحون الصدر بس كانت هي من أنصار غرم وأنا بالبيت كلهم يشجعون
عبدالإله صرت مع الخيل ياشقراء يعني بس عشانهم هم شجعته

ومن يوم واحد نصراوي ارسله هواش عشان مكتبته صبغها أزرق وأبيض عشانه هلالي عصبت وأعلنت دعمي له

خبرت أريج وصرنا نتنافس من يفوز على الثاني بالنهاية طبعاً كله مزح وضحك وإلا الشباب كلهم فيهم الخير والبركة
أنا من عادتي أتعب ببرامج الواقع ببداية بالحفلة الختاميه وأسخن من بداية اليوم أتصلت عليها قلت نبطل تعبت نفسياً
قالت حتى أنا تعبانه من الخوف

بالله وجيهنا وجيه تغطية

وأختي صارت تتريق علينا طول الأسبوع

أروجه فديت قلبك ياتوأم روحي يكفي إننا نتشابهه بأشياااء كثيرة أولها آخر العنقود فصولي

....

أعتذر لو نسيت أحد بس والله الذاكره لكم عليها شوي يبيلها تصليح

في النهاية أشكر قسم المجلس والقائمين عليه على إتاحه الفرصة

وأتمنى ما أكون ضيفة ثقيلة الظل على القناصين والقناصات

قسم المجلس - - >

المآيك لكم

**A r e e j** · 22-05-2010, 05:51 PM

*
*
هلا وغلا بـَ عدد نجوم المساء وأكثر ..
يالله وأخيراً هموستي هنا ..
وجاء الوقت إللي أبي الكل يعرف هموسه ويعرفون سر حبي لها ..

ملك روحي ترى بغت ترفض هموسة بس أنا خليتها تغير رأيها ..
يعني ثانية مره إذا تبون شيء من هموسة تعالوا لي قبل << واثقه

يلا بسم الله نتوكل وندخل في التعليق على الردود

[ 1 ]

أول شيء خفيفة ظل وأخف بعد من نسمات الهواء على قلبي
وهـ بس على الإسم الفني ..
ومن ناحية دلوعه أنا أشششهد بس غير عن باقي الدلوعات ..
يعني دلوعة بس منك فايدة كثير ويعتمدون عليها في البيت في أشياء كثيره
ربي يحفظك من كل شر
وإن شآء الله تثبتين على خدمة إجتماعية مو تغيرين رأيك
لإنك كل مرة تفكرين في مجال هههههههههه
والمهم موفقه قلبي في كل التخصصات ..
أما عشقك للمسلسلات اليابانيه هذا شيء ثاني ، وهرجك بالياباني
من بعد ما أرسلت لك البرودكاست حق الحروف اليابانيه
مابغيتي تفكين الحروف من كثر الجمل إللي سويتيها ..

اقتباس:

المشاركة الأصلية كتبت بواسطة همس المحبة

وأمووووووت بـ كونان فيس يناظر أريج

أيه شفت الفيس لبى قلب صاحبة الفيس إللي يناظرني ..
كونان من ضمن العوامل المشتركه بيننا ..
اليوم بعد الفجر أشوف في سبيس باور والجزء السادس كاتبين بعد ..
تابعيه لا يفوتك أمس أرسلت لك بس كنتي نايمه ..

[ 2 ]
أكتشفت حتى وانتي صغيره شقيه ولا بعد هايدي ، مالقيتوا جدها ..
وراعية سوابق ههههههههههههه
شيشه ياهموسة ، زين انكم كبرتوا يـ هموسه ..
الله ياهموسة ع الإنشودة تجنن واحب اسمعها لكن هالمره غير لإنها منك ..
وحفظتها في جوالي وجلست اكررها لين مافضت بطاريتي ..

[ 3 ]

الام والاب نعمه عظيمه في الحياة ..
وربي يرحم ابوك ياقلبي ويرحم جميع أمواتنا المسلمين ..

أما أمك لبى قليبها ربي يحفظها لك وأشوفها قريب يارب ..
أشوفها حتي لا جيت اكلمك تسولف معنا
الله لا يحرمنا منها ..

[ 4 ]

الله يعافي سامي إللي يخلينا نشوفك هنا ..
وصراحه تستحقين الإشراف ومجهودك إللي سويته في فترة قصيرة ..
ومتابعتك لك شيء يخص ياسر مجهود خيالي ، وهذا اللي قهر العذال ..
أجل يقولون أنتي مغروره ..
الغيره وماتسوي ، ربي يديم إبداعك وقهره عذالك ..

[ 5 ]
روح وعمر وقلب أروجه أنتي ..
وهـ بس فديتك وفديت قلبك وأخوتك إللي افتخر فيها ..
أنتي تعنين لي الشيء الكبير ومايحتاج أوصف أكثر ، يكفي القلوب تترجم المشاعر ..

وبالنسبة للبرنامج نغطي زد رصيدك 3 إن شآء الله من بدايته عشان مانجي متأخر ..

همووووووووووووووووووسه
كثير كثير كثير نورتي ومثل ماقلت لك أخف ضيفه ولا حسينا بثقل ولا شيء ..

**سَـلامْ ،** · 22-05-2010, 05:51 PM

*

مرحبا
هلا بهموسة .. نورتي المجلس يا حلوة

حبيتك يوم قلتي ما لك علاقة بالتي في..
بس خربتيها بالإنمي
< ما أحبهم

والمحقق كونان مين ما يحبه بس

وبما إن ما لك علاقة كبيرة بالشعر ..
انصحك بفهد المساعد
< فيس عيونه عَ شوق ض1

أقتباسراحوا يمشون وقابلوا راعي معه غنم وشافوه يحلب ويشرب بذي الزبدية
صرخوا وقالوا زي هايدي
يالله نشرب <<< الله يقرفهم

أعه
لا يكون شربتي
قولي الحقيقة اختك اللي شربت ولا إنتي وحطيتي السالفة براسها ؟
ترى انهي علاقتي معك من الآن<

أقتباسغير الأجراح والملابس تقطعت وهي جديدة أشتروها لنا بنفس اليوم
وأمي وزوجة خالي كذا لما شافوا الملابس

ههههههههههههههههههههه
يعني انقهروا عَ الملابس ، ما خافوا عليكم

أقتباسماله منّا بهالوقت غير الدعاء
وحلمي إني أكون أستاذة بالجامعة رغم إن كنت رافضة فكرة التدريس بتاتاً
هو إني كنت أشوفه أحسن وأطيب أستاذ بالعالم وودي أصير مثله إلحين

الله يغفر له
ويحقق لك اللي تتمنين

* حبيت علاقتك بامك كثير
الله يحفظها حبيبة قلبي دامها أم احلى بنوته
وتحب ياسر كمان

أقتباسبعض الناس مايعرفوني كثير والبعض قال عني مغرورة
بس أكتشفت انه موب بس أنا ينقال عني مغرورة وصلت حتى لـ هلالــ 4ever ـيـه وأنوته ( سديم ، )

ههههههههههههههههههههههههههه
عاد كله بكفة وسالفة الغرور بكفة
همس ليه انتي هيك ؟
شايفة نفسك
ما تردين عَ الخلق
متكبرة
مدري عَ ايش كل هذا عاد

<

يا جماعة حَ استغل هذا المتصفح واقول لكم شغله
همس انسانه مغرورة بشكل
شايفة نفسها والحكي تطلعه بدون نفس
ما تمزح ابد .. ما تضحك ابد .. ما تبتسم ابد
............... وأنوته بتنجلد

* همس المحبة ،
أبعد ما يكون عن الغرور .. الغياب عن الردود في الاقسام الثانية مش شرط يكون تكبر
ضغط الشغل كابت عَ نفسها المسكينة :( ض1
بس ان شاء الله تحاول تتواجد والله يساعدها

أقتباسأنوته ( سديم ، ) : يالبى قلبها هالإنسانه عسسسل وخسراان اللي مايحبها
أكثر شيء أحبه فيها يوم أعصب بها تقول لي ( همس ليه ماتحبيني ) يوووه تجنن
والشيء اللي يميزها عن غيرها مافي أحد يقدر يجادلها تطلع روحه وترفع ضغطه
يعني معاند أنوته خسرااان

ههههههههههههههههههههههههههه
همس ليه انتي ما تحبيني ؟
أما محد يقدر يجادلني حرام عليك
متى جادلتك انا اصلا
غلبانه انا :( ض1

أقتباسولما ماتكون عليها تغطيه ونجهز الصبح للمباراة تقول أشوف أساعدكم بشيء إذا كنت صاحيه
عايشه حياتها براحتها ودمها خفيف وهالشيء اللي حببني فيها أكثر
الله يسعدك ياأحلى مغرورة بالدنيا <<<< بأنجلد

هههههههههههههههههههههههههههههههه
ههههههههههههههههههههههه
يا اختي وش اسوي اذا مبارياتنا وقتها غلط ض1
بعدين انتي قلتيها ما تكون التغطية عندي..
يعني اذا راحت علي نومه عادي

وبعدين مع سالفة الغرور

- هموووسه
احلى مايك والله
شخصية احمد ربي اني تعرفت عليها
يمكن هذي من الاشياء الحلوة اللي اعطاني اياها الاشراف في اقسام ياسر
مسكييييييييين اللي ما يعرف هموسه

**ملك روحي** · 22-05-2010, 05:59 PM

8

ترا سهل جدا احذف مشاركاتكم واكون اولى أنا
بس عشان اروجه صارت اولى هونت--> بتنجلد

همس
المجلس زعلان وعتبان منك
لكن الحين يقول ...قلبي سامحها شوي بس

لي باك ياقمر

**A r e e j** · 22-05-2010, 06:08 PM

^
^
وخري شواقه شوي ..

كسبببببببببببببببببببببببببببت التحدّي ولله الحمد ..

أنوته ودي أجي أشوف وجهك ..
انا صرت أول رد ..
بعد مد و جزر وضراب أنا وأنوته في محادثتنا مه هموسه وهي تقول انا اول رد ..
قلت لها بإذن الله انا أول رد بعد قلبي هموسه ..
وفعلاً هي قامت تهلي كالعاده وانا سبقتها ..

**همس المحبة** · 22-05-2010, 06:13 PM

اقتباس:

المشاركة الأصلية كتبت بواسطة ملك روحي

8

همس

المجلس زعلان وعتبان منك
لكن الحين يقول ...قلبي سامحها شوي بس

لي باك ياقمر

ياعمري قسم بالله مالي وجهه

من جد حقكم علي ما أذكر متى آخر رد لي هنا

لكن أوعدك بأكون قريبه إن شاء الله .. وانتظرك

اقتباس:

المشاركة الأصلية كتبت بواسطة ملك روحي

8

ترا سهل جدا احذف مشاركاتكم واكون اولى أنا

بس عشان اروجه صارت اولى هونت

--> بتنجلد

إيه ماعليك أحذفيها حلالك موب إنتي كنتي بالمنافسه معاهم

والبيت بيتك هنا وتفوزين عليهم

والله أنا اللي بأنجلد موب إنتي

**سَـلامْ ،** · 22-05-2010, 07:13 PM

*

ملك روحي ،

أقتباس

ترا سهل جدا احذف مشاركاتكم واكون اولى أنا

بس عشان اروجه صارت اولى هونت--> بتنجلد

لأ يا ماما

حذف مشاركات الخضر حرام

< حرام!!!

وبعدين انا واريج عينين في راس
اذا هي الأول يعني كني انا الأول< بزرانض1

ولا وش رايك يا ارو ؟

همس

أقتباسيعني معاند أنوته خسرااان

خسرااان يا معاند أنّوت

< حسيتني الهلال

أقتباس

ياعمري قسم بالله مالي وجهه

من جد حقكم علي ما أذكر متى آخر رد لي هنا

انا اذكر ض1

رمضان اللي راح في ديوانية الأريج ض1

همس ..
استمتعنا معك مررة

ثانكس همس .. ثانكس الـ مجلس ،

× وبس،.

19-05-2010, 07:38 AM	#1
..: قسم المجلس :.. اليوزر الإداري لقسم المجلس	» - اڷـمـايگ معَ »همس المحبة ~ « ¬ ! . = تلتقط ‘المــايك لـ تحكي عن سنين عمرها وما حاكت فيها من ضحكات وعبرات وأمـاني عظام ..‘ سـ نتقرب أكثر من أفكارها.. و يومياتها المملة ... ومواقفها الطريفة ‘ ‘ » همس المحبة ~« ¬ * سـ تحكي لِــ 3 أيـام وانتم تقرؤون فقط . . وبعدها يفتح المجال لـ تعليقاتكم ! فــكرة : ملائــكيه تصميم: ســمــاء

19-05-2010, 07:39 AM	#2
..: قسم المجلس :.. اليوزر الإداري لقسم المجلس	رد: » - اڷـمـايگ معَ » همس المحبة ~ « ¬ ! * مُــشاهدة ممتـــعة

19-05-2010, 08:38 AM	#3
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! بسم الله الرحمن الرحيم .. بالبداية أحب أشكر قسم المجلس والمشرفين عليه على إستضافتهم لي وإن شاء الله أكون عند حسن الظن وأبيض الوجه وأشكرهم على إنهم فتحوا لي المجال عشان القناصين والقناصات يتعرفون على [ همس المحبة ] بشكل أكبر لإن الكثيرين هنا مايعرفون من هي [ همس ] والبلا مني موب منهم أمممم وبس أتمنى أكون ضيفة خفيفة الظل عليكم بالثلاث الأيام إنتظروني الليلة بإذن الواحد الأحد التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]]..

20-05-2010, 02:16 AM	#4
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! البطاقة الشخصية :- الإسم : همس الحربي <<< همس الإسم الفني بالشبكة العنكبوتية العمر :- 20 سنة ترتيبي الـ 3 بين أختين و3 أخوان أصغر مني أنا أصغر البنات ودلوعتهم أول سنة جامعة قسم دعوة - - > محولة السنة الجاية خدمة إجتماعية .. كنت بأحول إعلام وتراجعت بأخر لحظة ،، أطمح إني أخذ الماجستير رغم اني كنت معارضة الفكرة بس مدري وش اللي قلبها برأسي وإني أصير أستاذة بالجامعة أو أشتغل بأحد البنوك وإن شاء الله ربي يقدرني وأحقق هالحلم .. أحب القراءة لكن لما تجي السالفة إني أكتب مافي أكسل مني أحب قرأة الروايات بالذات ( لآجاثا كريستي ) التلفزيون مالي علاقة به إلا قناة بداية ( محاضرات - بيت عرسان - زد رصيدك 2 ) وقناة كوريا tv وقنوات الرياضة وأمور الهلال فقط أما مسلسلات والأمور ذي إذا موب هم بالبيت حطو عليه ما أدورها أبد .. بتقولون شلون ذي ماتتابع مسلسلات وتحب كوريا ايه أعشق قناة كوريا وما أتابع درامات إلا كوريية ويابانيه وأنيمات فقط بالإنترنت يعني عندي هارديسك بس للأنيمات والدرامات ودايم يقولون لي أنا وخواتي خلاص كبرتوا على هالأمور وشو أنيمات بس أنا مطنشة وعايشه حياتي بالشيء اللي يعجبني وأمووووووت بـ كونان فيس يناظر أريج وكل الخلق يبونه ينتهي وأولهم أمي كل ماسألتني ليش لابك مفتوح وموب قاعده عليه أقولها أحمل ما أكمل كلمتي إلا هي تقول كونان غثيتونا به متى ينتهي تحسه ينافسها وياخذنا منها وأخبّل فيها يوم أتكلم معاها ياباني تقول مو منك من هالمخبول كونان اللي تشوفينه ليل نهار ض1 والحمد لله بيتنا يخلو من سماع الأغاني كنا نسمع زمان بس الحمد لله ربي هدانا والفضل لله ثم بدعوات أمي الله يحفظها وقناة المجد وبداية .. أعشق تصفح الإنترنت بشكل كبير وحلمي فيه إني أتعلم وأحترف بالفوتوشوب الشعر مالي علاقة بشكل كبير لكن كنت أعشق أشعار شبيه الريح بس موب عشانه رئيس الهلال من زمان هالكلام وهو الوحيد اللي كنت اتابع أمسياته الشعرية التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]].. التعديل الأخير تم بواسطة همس المحبة ; 20-05-2010 الساعة 02:20 AM

21-05-2010, 03:02 AM	#5
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! طفولتي :- أممم كنت طفلة شقية وبكل فخر وكانت كل طلباتي مُجابة بحكم إني آخر العنقود ودلوعة امها وأبوها طفولتي كلها ماكان عندي صديقات أو أحد من بنات العيلة اللي بسني قريبين مني صديقي الصدوق ولد خالي بعمري وأخوه اللي أكبر منه وأختي قده .. عاد انا وولد خالي اللي بعمري أصحاب وهي وأخوه أصحاب كلن يفهم على اللي بعمره وصديقي هو الوحيد اللي كنت أثق فيه وكل أسراري وخططي ومصايبي ما أقولها إلا له وإذا أحد يبي يعرف شيء سويته وإلا مخبيتيه عنهم يقولون روحوا لصندوق أسرارها محد يعرفها غيره وأنا نفس الشيء بس كنا أذكى منهم ومتفقين مانعلمهم مهما صار وتفشل جميع محاولتهم أفتقدته بصراحة بعد ماكبرت بالذات اني ماحاولت اني أختلط بأي أحد وغلطت بهالشيء لإني تعبت نفسياً بس لقيت لي أحد أقدر أقوله كل شيء إلحين اللي هي أمي الله يحفظها تقدرون تقولون إننا كنا شلة مكونه منّا إحنا الأربعة كنا مسببين أزمة للعائلة يوم نجتمع ما نجتمع إلا تكون ورى هالجمّعة مصيبة مرة كنا بالطايف ورحنا لمكان به صخوور كبيرة فوق بعض كأنها جبل بوسط المكان جلسوا الحريم تحتها تسترهم وياخذون راحتهم وكنا الأربعة نموت بـ هايدي وودنا نطبق هالشيء اللي تسويه عملي أختي وولد خالي الكبير اختفوا مدري وين راحوا المهم راحوا يمشون وقابلوا راعي معه غنم وشافوه يحلب ويشرب بذي الزبدية صرخوا وقالوا زي هايدي يالله نشرب <<< الله يقرفهم وأمي عندها نظافة شديدة لدرجة أوب طبيعة وجووا فرحانين بعملتهم ويوم قالوا اللي سووه بغى يوقف قلبها وأنا وصديقي الا بنتسلق ذي الصخور ونخطط شلون نطلع لها عاد أنا خوافة بشكل وشايلة هم اني أطيح غير ان امي قالت لو تسلقتي بأذبحك عاد هو قال ماعليك منهم هالكبار بس يخوفنا عشان مانطلع بس انا بأمسك بس تسلقي زين مو تطيحين وتطيحيني معك قلت له طيب وتسلقنا لين نص الصخور وأنا متمسكة فيه بأقوى ماعندي ونسمع صراخ الحريم أثر طاح عليهم ثعبان من الصخور أنا يوم سمعت صرختهم خفت حسبتهم كفشونا وتعثر رجلي أطيح وأطيّح ولد خالي معي رجعنا لهم حالتنا حاله غير الأجراح والملابس تقطعت وهي جديدة أشتروها لنا بنفس اليوم وأمي وزوجة خالي كذا لما شافوا الملابس وأذكر مرة بالعيد خالي باني له غرفة بالسطح يقعد فيها لحاله ومن اللقافة كنت دايم انا وولده نقول وش يحسون فيه الناس يوم يشيشون أو يشربون دخان وطلعنا فوق وفرصة أنه خالي ماكان موجود كان توه طالع منها والشيشة توه مسويها صرنا نتلفت وقلنا جاء الوقت المناسب عشان نجربها وجربنا أنا مرة وهو مرة وكنا صغار وقتها مابعد دخلنا المدرسة وانكتمنا بغينا نموت واليوم الثاني كلن أخذ له علقة من أمه ايه والحمد لله خالي ترك الشيشة وأنا صرت أكره أشم ريحة أي دخان أو شيشه مع أي رجال ض1 من الأشياء اللي ما أنساها مرة أختي مدري وش قهرتني فيه ما أذكر المهم من القهر أنا قمت عضيتها بكتفها ونزلت تبكي عند أمي ولحقتها وأنا أمشي ما أدري إلا ذاك الشيء اللي يعضني بظهري عضة عمري ماراح أنساها من قوتها طلع ولد خالي الكبير أنقهر علي ليش عضيتها عاد أنا مارديتها له لكن قلت له عيالي بالمستقبل بأخليهم يعضونه بنفس المكان إن شاء الله يالله من جد كانت أحلى مراحل عمري هي طفولتي ولو يقولون وش تتمنين أقولهم أبغى يرجع الزمن بي وأعيش طفولتي مرة ثانيه مع عيال خالي وأختي ولو أكتب لكم عن المصايب اللي كنا نسويها ماراح أغلق طفولتي مافيها تغير روتيني كان واحد أنا وأختي وعيال خالي بس كانوا هم تسليتي وكل شيء بحياتي وما أفرح وأستانس بأي خرجة إذا ماكانوا معانا وأيام الدراسة كنت انتظر إجازة الأسبوع على أحر من الجمر عشان نروح عندي جدتي ونشوفهم وطول اليوم معاهم مانفترق إلا عند النوم وأكره يوم الجمعه عشان نرجع بيتنا بعد ماكبرنا وجاء الوقت اللي نغطي عنهم ومانقابلهم انا وأختي نقول لأمي مايصير نغطي عن كل العيال إلا هالأثنين مانبي نغطي عنهم من جد أيام أحلى أيام حياتي وإلحين كل ماشفتهم أو تذكرتهم أسمع هالأنشودة يوم أن كنا صغاراً مرررة حلوة وتحزن بالذات اللي يشتاق لأيام طفولته التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]].. التعديل الأخير تم بواسطة همس المحبة ; 21-05-2010 الساعة 05:42 AM

21-05-2010, 07:32 AM	#6
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! أمي وأبوي أغلى شيء بحيآتي - 1 بتكلم عن أغلى وأهم الناس بـ حيآتي وبـ حيآة كل إنسان ،، بالبداية بأتكلم عن أبوي أبوي اللي فقدته من سنة ونص أبوي كان حنون ، طيب ، كريم اللي بجيبه موب له حتى لوكان هو بحاجة هالشيء مافيه شيء كنت أتمناه أنا وخواتي ويقول لنا لا ومايقصر علينا شيء وهو موجود كنا مدللين لأبعد درجة رغم انه كان يحب يقعد لحاله بس كنت أحاول أكون قريبة منه .. أبوي كان أكثر شيء يهتم فيه بالتلفزيون الكورة .. الكورة وبس يمكن أنا حبيتها منه وهو السبب الرئيسي رغم إختلاف ميولنا ،، كان يحب يناكفني ( يعني يجادلني ) بكل شيء يخص الهلال بس عشان يرفع ضغطي ويشوفني معصبة وناسته يشوفني معصبة منه بخصوص الهلال لا وبعض الأحيان يوم يطفش يقولهم نادوها لي أجيه أقوله وش تبي يقول تعالي أبغى أرفع ضغطك ويمسك هالجريدة ويغمز للي عنده ويقول الهلال فيه وفيه بس عشان أعصب ويستانس بس كان إتحآدي متعصب وغير متعصب بنفس الوقت كان كل مايشتري له شعار للإتحاد جديد يشتري لي معه أجدد شعار للهلال رغم اني ماطلبت منه وكان مايشوف جريدة أو مجلة فيها لاعب هلالي أو رئيس أو ياسر أو أي شيء يخص الهلال إلا ويشتريها لي حتى لو ما أدري عنها أصعب الأيام أو بالأحرى الـ 6 سنين الأخيرة اللي مرت علي هو فترة مرضه بالفشل الكلوي ورغم المرض كان بعض الأحيان أول مايجي من الغسيل ونكون بحاجة شيء أو مشوار يودينا مايقول لا نقوله جيب سواق عشان ترتاح يقول وش له السواق وأنا موجود لادفنتوني جيبوا لكم سواق كان يحب الشقى لعمره على حساب راحة الآخرين الـ 6 شهور الأخيرة تعب بشكل مو طبيعي وزاد عليه المرض وجاته موية بالرئة وجاته بعدها نزيف أستمر معه 3 شهور ولما نوديه يقولون عادي نزيف عادي واللي تشوفه العين ماكان عادي الشهرين الأخيرة دخلناه بأحد المستشفيات الخاصة .. وحسبي الله عليهم معاملة زي الزفت الله يكرمكم وطلبوا دفعة قبل مانحجز له غرفة ودفعناها لهم وبيوم من الأيام شفناه تعبان مرة وهو بدأ عقله يروح ويجي من النزيف يتذكرنا شوي وبعدين يرجع ينسانا وماكان على لسانه إلا كلمة هذولي يهود مايخافون من ربهم بس مايقول شيء ثاني أثرهم لما أخذنا تقرير عن اسبوعه اللي قضاه ماغسلوا له وهو المفروض انه يوم عن يوم يغسل لما سألنهم قالوا نبي دفعة جديدة 25 ألف عشان نغسل له رميناها بوجيههم وقلنا ندفع اللي تبونه كله أهم شيء ماتهملونه ونفس الشيء معاملة زي الزفت أخذوا 100 ألف ومن بعدها قالوا علاجه موب عندنا أخذناه معانا البيت قعد أسبوع بالبيت ورجع تعب وديناه قعد بغيبوبه لمدة أسبوعين بسبب ورم خبيث .. 11 / 9 / 1429هـ توفى الله يرحمه وأنا ليومكم هذا موب مستوعبة انه مات إلا إذا مريت من غرفته عارفة إنه قضاء وقدر لكن هالشيء غصباً عني وكل اللي بالبيت مانستوعب إلا إذا مرينا من غرفته وشفنا مكانه اللي يقعد فيه دايم خالي ماله منّا بهالوقت غير الدعاء وحلمي إني أكون أستاذة بالجامعة رغم إن كنت رافضة فكرة التدريس بتاتاً هو إني كنت أشوفه أحسن وأطيب أستاذ بالعالم وودي أصير مثله إلحين التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]].. التعديل الأخير تم بواسطة همس المحبة ; 21-05-2010 الساعة 07:39 AM

21-05-2010, 08:22 AM	#7
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! أمي وأبوي أغلى شيء بحيآتي - 2 إلحين نجي لأغلى وأحلى وأحب إنسانه لي أمي ( ) هالأنسانه لو أكتب الي أكتبه ما أوفيها حقها ،، حتى وصفها صعب أمي هي ، حبيبتي ، صديقتي ، حياتي ، صندوق أسراري كل شيء كل شيء يخصني أقدر أقوله لها وبكل صراحة وشفافية علمتنا أنا وخواتي نكون كتاب مفتوح لها وصديقاتها موب بنات بس وهي نفس الشيء بأتكلم عن نفسي كوني تدلعت أكثر وحدة وأقول السبب ليش هو إنه أنا الوحيدة اللي الفرق بيني وبين أخوي اللي بعدي 8 سنوات ونلت النصيب الأكبر من الدلع كنت من وأنا صغيرة بكل مكان معاها حتى أنام بحضنها لين جاء أخوي وخرب علي ماتخيلت يوم انه يجي واحد ياخذ مكاني وفيه شيء محرجة أقوله بس ماعليه إنتم يالقناصين والقناصات أخواني وماعلي منكم المهم لما صار لأمي 3 أسابيع والده إلا لاحظت خالتي بشيء غريب فيني تدقق فيني يمين شمال وأكتشفت إني قربت أصلع من كثر ما أنتف بشعري من القهر وماني حاسه << ياأحس إني خبلة بذاك الوقت بس الحمد لله أتجاوزت هالمرحلة من بدري والفضل لله ثم لخالتي أنا إلحين صار أغلب يومي معاها والـ 5 سنوات الأخيرة قلبت برأسها وخليتها تشجع الهلال معي بعد ماكانت أهلاويه صميمه من الصغر بس عرفت ألعب بمخها والهلال يستاهل وإلحين صارت مجنونه بالهلال أكثر مني وهي تخبرني بأخبارهم أول ما أقوم لاوصرنا مسمينها بالبيت المحامية الرسمية للهلال إدارياً وفنياً وكل مايخص اللاعبين وبالذات ياسر بجميع المجالس اللي تجلسها <<< ريحتني من مهمتي القديمة مثل ماقلت لكم أي شيء يخصني أخبرها على طول مهما كان هالشيء حتى بعض صديقاتي يقولون شلون تقولين مثل هالشيء لأمك لو إحنا مانقدر قلت لهم ليش لا مافيه سبب يخليني أخبي عنها أي شيء لو إيش ماكان أصلاً ما أتخيل حياتي بدونها ودايم أقول لها لو تزوجت بأسكن عندك أو موب متزوجه خير شر تقول لي مهبوله انتي قلت ايه الله يحفظها لي ويحفظ لكم يا أخواني وخواتي وكل من أمه وأبوه حي اللهم أمين ويرحم أمواتنا ويدخلهم الجنة من أوسع أبوابها .. التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]].. التعديل الأخير تم بواسطة همس المحبة ; 21-05-2010 الساعة 08:26 AM

22-05-2010, 04:21 PM	#8
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! موقع القناص .. شقتي المفضلة - -> [ قسم صور وفيديو القناص ] في البداية أقولكم شلون سجلت بالموقع أنا من ثالث إبتدائي بدأت أشجع الهلال واللي خلاني أشجعه أبوعبدالله [ سامي الجابر ] شفته بمباراة مع المنتخب سجل هدف وعجبني ماأذكر مع أي منتخب وإلا وش المناسبة المهم سألت أبوي الله يرحمه من ذا اللاعب قال سامي قلت إيه بأي فريق يلعب قال الهلال قلت له خلاص أعلنت تشجيعي من اليوم للهلال ومن يومها وأنا هلاليه وما أقتنع بأي لاعب إلا إذا كان هلالي وشفته لابس أزرق لو قالوا لي أطلق لاعب بالنادي الفلاني غير الهلال أقولهم يخسى مافي أحسن من لعيبتنا بطولة خليجي 16 كانت بداية بروز ياسر وكانوا أهلي يشيدون بلعبه والإعلام بالذات بعد هدفه الدبل كيك بمرمى البحرين شدني بس كنت أكابر لإنه موب لاعب هلالي المهم جات مباراتنا مع عمان وكانت حماسية ومهمة لأبعد درجة وكنا متعادلين والتعادل ماكان من صالحنا بالوقت بدل الضايع من الشوط الثاني ويجيب القناص ذاك الهدف اللي طيرنا من أماكنا من شدة الفرح صاروا يقولون لي ها إلى الآن موب مقتنعه إنه فنان .. قلت لهم أطلق لاعب بالبطوله كلها بعد ذا الهدف ومن وقتها وصارت الجرايد والبرامج تتكلم عن ياسر ونجوميته والأندية بتتفاوض معه وشفت من ضمنهم الهلال من بعدها ضميته لقائمة المفضلين وأتحدى الكل إنه بيصير لاعب هلالي بإذن الله والأيام بيننا المهم ماكنت مهتمه بالنت وقتها يعني أدخل مواقع الهلال وأنيمات وأشوف وش آخر أخبار ياسر ومفاوضاته وكنت شايله هم الإتحاد ياخذونه وأطلع ما أطول وبيوم من الأيام أختي تبحث بالنت وشافت موقع ياسر وسجلت فيه وبعدها نادتني قالت شوفي ياسر فتحوا له موقع وسجلتك فيه ترتاحين أكيد بتلقين آخر أخبار مفاوضاته بدال ماتفرفرين بذي المواقع اللي أغلبها أخبار موب صحيحة ومن 20 / 7 / 2005 وأنا من أعضاء هالموقع وما أطلع منه كنت جاهله بأمور المنتديات وكل ما أبغى أنزل موضوع أنادي أختي تساعدني آخر شيء قالت لو أدري ماسجلتك قلبتي راسي بس ماعلي منها أنا أهم شيء إني أنزل وأريح قلبي ماعلي من تعبها شدني قسم [ صور وفيديو القناص ] ولقيت نفسي فيه مع الأيام والقسم المفضل بالنسبة لي تعلمت شوي شوي وكان حلمي أكون مشرفة عليه مع أخواتي الله يذكرهم بالخير ( رجه M!ss و M!cc_Cute ) وصرت أشوف وش يسون من متابعة للردود والمواضيع وأحاول أقلدهم المهم أوصل للي أبيه بعد مرور سنة ونص أو سنتين ما أذكر بالضبط أرسل لي أخوي وكان مشرف معانا بالقسم ~ModAbid~ الله يذكره بالخير إنه إذا كنت أوافق أصير مشرفة معاهم بالقسم ساعتها أنا طرررررت من مكاني حسيت إني أحلم وقتها ماصدقت خبر وعلى طول قلت إيه موافقة حلم وتحقق شلون ما أوافق 5 - 5 - 2006 تعينت مشرفة على القسم اللي أعشقه وأحبه والقريب من قلبي وعلى قول أنوته غاطسه فيه ماتطلعين منه كنت وقتها بس أنقل صور ياسر من المواقع أو اللي يرسلونها لنا اللجنة الإعلاميه وبعدين قلت بأطور من نفسي وأبغى أسجل وأنزل مثل أبو طلال أرسلت له وماقصر معي أبوطلو علمني بكل شيء أول بأول لدرجة إني أستحيت منه بس تحملني ماشاء الله عليه ومن وقتها إلى هالوقت وانا أسجل وأنزل تغطيات وكنت أحب أوفر أي شي يخص ياسر للأعضاء قسم الصور أخذ كل وقتي يعني أنا أشوف نفسي بهالقسم وأتابع الأقسام الثانيه بس من كسلي ما أرد وهذا عيب فيني أحاول أغيره مع الوقت يمكن بسبب هالعيب بعض الناس مايعرفوني كثير والبعض قال عني مغرورة بس أكتشفت انه موب بس أنا ينقال عني مغرورة وصلت حتى لـ هلالــ 4ever ـيـه وأنوته ( سديم ، ) بس أنا مسامحتهم صح اني زعلت أول ماخبرتني المزن الهلالي انه ينقال لها بصفحتها عنا كذا بس بعدين صار الوضع عادي عندي وقلت الله يسامحهم التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]].. التعديل الأخير تم بواسطة همس المحبة ; 22-05-2010 الساعة 04:35 PM

22-05-2010, 05:51 PM	#9
همس المحبة مشرفة منتدى صور وفيديو القناص	رد: » - اڷـمـايگ معَ » همس المحبة ~ « ¬ ! أخواتي [ ملتقى القناص ] آخر شيء بأتكلم عن أخوات أحببتهم وأحبوني وأشعر إنهم أخوات لي لم تلدهم أمي قضيت معاهم احلى اللحظات كانوا معي وعشنا أيام فيها الفرح وفيها الحزن ..وروح التعاون والأخوة هلالــ 4ever ـيـه : زميلتي ، صديقتي ، من أروع وأحب الأشخاص لقلب ( همس ) يكفي إنها من توليت الإشراف إلى الآن وهي الوحيدة اللي مافارقتني بالقسم ودايم تقول لي هموس خيسّنا أنا وإنتي هنا مغبررررين وبكل صراحة لو هلاليه تركت القسم لاقدر الله ما أظن إني أقدر أكمل بعدها هالإنسانه مافي منها إثنين مخلصة لشغلها ولقسمها ولو كانت بتموت من التعب .. من جد فخر وأكبر فخر هو وجود هلاليه بالموقع لإنها مكسب والشيء الوحيد اللي أقوله الله لايفرقنا ويحرمنا من بعض يا أقدم وأروع صديقة لهمس . . . أنوته ( سديم ، ) : يالبى قلبها هالإنسانه عسسسل وخسراان اللي مايحبها أكثر شيء أحبه فيها يوم أعصب بها تقول لي ( همس ليه ماتحبيني ) يوووه تجنن والشيء اللي يميزها عن غيرها مافي أحد يقدر يجادلها تطلع روحه وترفع ضغطه يعني معاند أنوته خسرااان ولما ماتكون عليها تغطيه ونجهز الصبح للمباراة تقول أشوف أساعدكم بشيء إذا كنت صاحيه عايشه حياتها براحتها ودمها خفيف وهالشيء اللي حببني فيها أكثر الله يسعدك ياأحلى مغرورة بالدنيا <<<< بأنجلد .... C . NONA : حياتي هالإنسانه ويكفي إنها بنت العم عشانها من نفس القبيلة شطووورة وطيووبه وعسل وتستاهل اللي هي موجودة فيه إلحين من الأشخاص القريبين وماخيبت ظني فيها أحبها ويكفي إنها تعرف وش مكان نونا بقلب همس .... Genefar : الله يسعدها إنسانه قمة في الأخلاق وماوصلت لهالشيء اللي هي فيه إلا لإنها تستاهل جهودها واضحة ومحد يقدر ينكرها .. ويسعدني إنها معي بنفس القسم والعمل معاها أخت عزيزة وغالية المزن الهلالي : هالإنسانة قمة قمة .. وجود إسمها بالموقع يعطي هيبه ما أخبي عليكم إنه كنت أخاف أتعامل معاها مو لشيء بس أنامن دخلت الموقع وكانت المزن من أهم الشخصيات فيه ،، ولما صارت مستشارة بأقسام ياسر كنت خايفة أتعامل معاها <<< مدري وش أحس فيه قمة في الدلاخة بس يوم تعاملت معاها إنسانه وش أقول صعب صعب وصفها أخلاق وعسل ورزانه ومافي أطيب من قلبها الله يخليك ويسعدك يا أحلى مزن .... الهنوف السامية : حبيبتي هالبنت وأكبر خسارة هي إستقالتها من الإشراف .. ما أنسى أحلى الأيام اللي قضيناها سوا والله لايفرقنا ويبقى التواصل بيننا .... حُمرة الورد : تعرفت عليها من مدة قصيرة لكن أحس إني أعرفها من زمان .. وإن شاء الله يجي اليوم ونسوي الدويتو اللي أتفقنا عليه .... A r e e j : أروووووووووجه توأم روح هموس صح المسافة بيننا بعيييييدة لكن تقدرون تقولون إنها معي 24 ساعة ماأقدر على فراقها لو يوم لازم أكلمها بالموقع ، بالمسن ، بالبي بي بكل الوسائل حتى بالبيت صاروا يعرفون أريج من كثر ما أتكلم معاها ض1 من المواقف اللي تضحك معاها آخر حلقة ببرنامج زد رصيدك أتفقنا نسوي تغطية بالقناص <<< عمركم شفتوا تغطية لبرنامج آخر حلقة بس وجلسنا نتفق آخر أسبوع لهم وش بنسوي وشلون بتكون التغطية ،، أنا ماتابعت البرنامج إلا آخر شهر بس وهي من البدايه ماشاء الله عليها عاد كنا نشجعع كل الشباب ماشاء الله عليهم دين وحفظة كتاب الله يشرحون الصدر بس كانت هي من أنصار غرم وأنا بالبيت كلهم يشجعون عبدالإله صرت مع الخيل ياشقراء يعني بس عشانهم هم شجعته ومن يوم واحد نصراوي ارسله هواش عشان مكتبته صبغها أزرق وأبيض عشانه هلالي عصبت وأعلنت دعمي له خبرت أريج وصرنا نتنافس من يفوز على الثاني بالنهاية طبعاً كله مزح وضحك وإلا الشباب كلهم فيهم الخير والبركة أنا من عادتي أتعب ببرامج الواقع ببداية بالحفلة الختاميه وأسخن من بداية اليوم أتصلت عليها قلت نبطل تعبت نفسياً قالت حتى أنا تعبانه من الخوف بالله وجيهنا وجيه تغطية وأختي صارت تتريق علينا طول الأسبوع أروجه فديت قلبك ياتوأم روحي يكفي إننا نتشابهه بأشياااء كثيرة أولها آخر العنقود فصولي .... أعتذر لو نسيت أحد بس والله الذاكره لكم عليها شوي يبيلها تصليح في النهاية أشكر قسم المجلس والقائمين عليه على إتاحه الفرصة وأتمنى ما أكون ضيفة ثقيلة الظل على القناصين والقناصات قسم المجلس - - > المآيك لكم التوقيع: -, قائد الزعيم لا يليق به سوى ♡ شعار الزعيم ..[[ اللهم يامُقلب القلوب ثبتْ قلبي على دينك ]].. التعديل الأخير تم بواسطة همس المحبة ; 22-05-2010 الساعة 05:53 PM

22-05-2010, 05:51 PM	#11
سَـلامْ ، . . : زعيم القناصين : . .	رد: » - اڷـمـايگ معَ » همس المحبة ~ « ¬ ! * مرحبا هلا بهموسة .. نورتي المجلس يا حلوة حبيتك يوم قلتي ما لك علاقة بالتي في.. بس خربتيها بالإنمي < ما أحبهم والمحقق كونان مين ما يحبه بس وبما إن ما لك علاقة كبيرة بالشعر .. انصحك بفهد المساعد < فيس عيونه عَ شوق ض1 أقتباسراحوا يمشون وقابلوا راعي معه غنم وشافوه يحلب ويشرب بذي الزبدية صرخوا وقالوا زي هايدي يالله نشرب <<< الله يقرفهم أعه لا يكون شربتي قولي الحقيقة اختك اللي شربت ولا إنتي وحطيتي السالفة براسها ؟ ترى انهي علاقتي معك من الآن< أقتباسغير الأجراح والملابس تقطعت وهي جديدة أشتروها لنا بنفس اليوم وأمي وزوجة خالي كذا لما شافوا الملابس ههههههههههههههههههههه يعني انقهروا عَ الملابس ، ما خافوا عليكم أقتباسماله منّا بهالوقت غير الدعاء وحلمي إني أكون أستاذة بالجامعة رغم إن كنت رافضة فكرة التدريس بتاتاً هو إني كنت أشوفه أحسن وأطيب أستاذ بالعالم وودي أصير مثله إلحين الله يغفر له ويحقق لك اللي تتمنين * حبيت علاقتك بامك كثير الله يحفظها حبيبة قلبي دامها أم احلى بنوته وتحب ياسر كمان أقتباسبعض الناس مايعرفوني كثير والبعض قال عني مغرورة بس أكتشفت انه موب بس أنا ينقال عني مغرورة وصلت حتى لـ هلالــ 4ever ـيـه وأنوته ( سديم ، ) ههههههههههههههههههههههههههه عاد كله بكفة وسالفة الغرور بكفة همس ليه انتي هيك ؟ شايفة نفسك ما تردين عَ الخلق متكبرة مدري عَ ايش كل هذا عاد < يا جماعة حَ استغل هذا المتصفح واقول لكم شغله همس انسانه مغرورة بشكل شايفة نفسها والحكي تطلعه بدون نفس ما تمزح ابد .. ما تضحك ابد .. ما تبتسم ابد ............... وأنوته بتنجلد * همس المحبة ، أبعد ما يكون عن الغرور .. الغياب عن الردود في الاقسام الثانية مش شرط يكون تكبر ضغط الشغل كابت عَ نفسها المسكينة :( ض1 بس ان شاء الله تحاول تتواجد والله يساعدها أقتباسأنوته ( سديم ، ) : يالبى قلبها هالإنسانه عسسسل وخسراان اللي مايحبها أكثر شيء أحبه فيها يوم أعصب بها تقول لي ( همس ليه ماتحبيني ) يوووه تجنن والشيء اللي يميزها عن غيرها مافي أحد يقدر يجادلها تطلع روحه وترفع ضغطه يعني معاند أنوته خسرااان ههههههههههههههههههههههههههه همس ليه انتي ما تحبيني ؟ أما محد يقدر يجادلني حرام عليك متى جادلتك انا اصلا غلبانه انا :( ض1 أقتباسولما ماتكون عليها تغطيه ونجهز الصبح للمباراة تقول أشوف أساعدكم بشيء إذا كنت صاحيه عايشه حياتها براحتها ودمها خفيف وهالشيء اللي حببني فيها أكثر الله يسعدك ياأحلى مغرورة بالدنيا <<<< بأنجلد هههههههههههههههههههههههههههههههه ههههههههههههههههههههههه يا اختي وش اسوي اذا مبارياتنا وقتها غلط ض1 بعدين انتي قلتيها ما تكون التغطية عندي.. يعني اذا راحت علي نومه عادي وبعدين مع سالفة الغرور - هموووسه احلى مايك والله شخصية احمد ربي اني تعرفت عليها يمكن هذي من الاشياء الحلوة اللي اعطاني اياها الاشراف في اقسام ياسر مسكييييييييين اللي ما يعرف هموسه التعديل الأخير تم بواسطة سَـلامْ ، ; 22-05-2010 الساعة 07:03 PM

22-05-2010, 05:59 PM	#12
ملك روحي . . : زعيم القناصين : . .	رد: » - اڷـمـايگ معَ » همس المحبة ~ « ¬ ! 8 ترا سهل جدا احذف مشاركاتكم واكون اولى أنا بس عشان اروجه صارت اولى هونت--> بتنجلد همس المجلس زعلان وعتبان منك لكن الحين يقول ...قلبي سامحها شوي بس لي باك ياقمر التوقيع: -

22-05-2010, 06:08 PM	#13
A r e e j . . : زعيم القناصين : . .	رد: » - اڷـمـايگ معَ » همس المحبة ~ « ¬ ! ^ ^ وخري شواقه شوي .. كسبببببببببببببببببببببببببببت التحدّي ولله الحمد .. أنوته ودي أجي أشوف وجهك .. انا صرت أول رد .. بعد مد و جزر وضراب أنا وأنوته في محادثتنا مه هموسه وهي تقول انا اول رد .. قلت لها بإذن الله انا أول رد بعد قلبي هموسه .. وفعلاً هي قامت تهلي كالعاده وانا سبقتها .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

22-05-2010, 07:13 PM	#15
سَـلامْ ، . . : زعيم القناصين : . .	رد: » - اڷـمـايگ معَ » همس المحبة ~ « ¬ ! * ملك روحي ، أقتباس ترا سهل جدا احذف مشاركاتكم واكون اولى أنا بس عشان اروجه صارت اولى هونت--> بتنجلد لأ يا ماما حذف مشاركات الخضر حرام < حرام!!! وبعدين انا واريج عينين في راس اذا هي الأول يعني كني انا الأول< بزرانض1 ولا وش رايك يا ارو ؟ همس أقتباسيعني معاند أنوته خسرااان خسرااان يا معاند أنّوت < حسيتني الهلال أقتباس ياعمري قسم بالله مالي وجهه من جد حقكم علي ما أذكر متى آخر رد لي هنا انا اذكر ض1 رمضان اللي راح في ديوانية الأريج ض1 همس .. استمتعنا معك مررة ثانكس همس .. ثانكس الـ مجلس ، × وبس،. التوقيع: دِبنا ع غيابك دِبنا https://twitter.com/Rossulami التعديل الأخير تم بواسطة سَـلامْ ، ; 22-05-2010 الساعة 09:09 PM