السلام عليكم

كيفكم ياعيون كلاسكـ <<بالدلع كوكو

لاحضت بكل الاقسام بنهاية السنه كثرة المواضيع الغير مفيدة او المواضيع المكررة ..

صراحه نبي مواضيع توصل للأتحاد السعودي انا اكتب وانت تكتب وفلان يكتب كذا نوصل صوتنا

1/اكتبوا مواضيع عن ترقيم الكراسي وتضبيط امورنا دخولنا للملاعب اطير نفسي العصر عشان احجز سلامات بفسحه مدرسه
2/اكتبوا مواضيع عن معاناة داخل الملعب
3/اكتبوا المساهمه في تطوير بيع التذاكر لي متى الملحجه معقوله الي وراك يتنفس عند اذنك
4/الى متى والجمهور يزحف للملعب من العصر ومن ابسط حقوقه مويه باردة على الأقل
5/تخيلو كتمه وانفاس وتدخين طيب حطو محل لغير المدخنين ووقتها الواحد يقدر يأخذ اخوانه واخواته الصغار وهو مرتاح
6/تخيلوا تكون الكاميرات الداخلية على كامل المدرج وقتها المشجع هو من يتعاقب وليس الفريق ككل بنقل مباراة او غرامة مادية
7/لاموية لابيبسي بارد لااكل زي العالم والناس الى متى وانتم راضين وساكتين !!
لولا الله ثم اتحاد ابن همام الى يومكم تلقون الملاعب صبات !!بدون اي مراعاة للجماهير
8/يناااااااس ياعااااالم مانبي مكيفات بالملعب زي قطر ولا نبي الاكل يوصل الى عندك والي تبيه بكل اشكاله ولا نبي محلات دونات بالملعب مثل اخواننا في قطر (نبي شوية كرامة لنا)
طورنا الدوري بحضورنا ..دفعت الملايين من الشركات والسبب الجمهور ..حقوق الدوري السعودي وصل لأرقام قياسيه والي جاب لكم الدراهم السبب انحن طيب الجمهور ماله حق عليكم !!
9/ياناس ياعالم كلش مقدورن عليه بس احتسو حسسو انكم منتم مرتاحين
10/طيب قلنا مشيناها موية حارة وفطيرة ميبسه تناظر التاريخ بعد تلقى باقي على انتهاء مدتها اقل من شهرين ويأخذونها بنصف السعر
حتى الاعلام تتصادر منك والله اني شاري علم بـ 20 ريال واخرتها ياخذهـ العسكري الحنس مني واذا خلص دوامه يعطيه عياله في بيته
العالم وصلت القمر بالنظام وبالسعوديه ماقدروا ينظموا ملعب ويرقمونه الحمدلله والشكر بس

ما أقول الا دحدري يابلادي دحدري

عذراً رفعت صوتي وازعجت جيراننا بالارشيف وبالرياضة السعوديه بسسس لاتلومونن منغبن والله