بسم الله الرحمن الرحيم
آعضاء منتدى آلقناص وكل سعودي يشوف هالموضوع سواء كان هلالي اتحادي اهلاوي نصراوي وغيره
ورساله لكل واحد يبي يردد الاشاعات الي تطلع على ياسر في الملاعب واثناء تواجده مثل ماشفنا
اخر مره في مباراة الاتحاد الي راحت الحين وين ديننا الاسلامي الي تربينا عليه وش قال النبي صلى الله عليه وسلم
وش قال ربنا سبحانه في كتابه ترا ياسر انسان مسلم قبل لايكون لاعب لاياخذ الحقد انك تنسى دينك عشان كوره
وتردد اشاعات الاعلام والناس الي بايعه ضميرها وذمتها ولا هي حاسبه حساب جنه ونار وبعدين خلنا نتكلم على انها كورهـ مو في صالحنا لو ياسر نزل مستواه ياسر مهاجم في المنتخب السعودي وانت الحين لو صار شي للمنتخب
قعدت تسبهم وحالتك حاله وكلها من اللاعب الفلاني واللاعب الفلاني وانت تدمر لاعيبة منتخب بترديدك اشاعات عليهم
في المدرجات وحجتك انا اتحادي وهو لاعب هلالي وين العقل كفايه تفكير صغار متى تكبرون وتصرون كبار من جد
والله ما اقول الا الله يعين ياسر على هالشعب الا من رحم ربي مو راضي يكبر وينظف قلبه ويصفاء ويعرف دينه زين
قبل لا يشجع الكورهـ وانا اعلانها لهولآء الي للاسف صغار ونسو دينهم و وعقلهم ياسر باذن الله باقي واحنا معاهـ
ويبظل ياسر هو القناص الي الجميع يحبه ويعزه مهما طلع من نجوم ياسر غير واهداف ياسر غير ودموع ياسر غير
وفرحة ياسر غير حبنا وحبيناه وفاء لنا واحنا وافين له لين اخر يوم مكتوب لنا بها الدنيا وانا اقول لياسر واتمنى
انه شاف موضوعي ياسر انت نجم وكلامك في اللقاء الي سويته بعد مباراة الاتحاد يدل على عقليتك لاعب كبير
وهذا الشي عارفينه من زمان ماعليك من احد ولا عليك من حاقد وحاسد واعرف انا وكل هلالي معاك يا ابوعزوز
مهما صار لك ومهما طلع عليك من إشاعة جديده اعرف ان النجم محارب والانسان الناجح يكثرون اعداءهـ
وان ياسر لها ناس تحبه وتعزهـ ومعه في كل وقت يمر بها الدنيا احنا معك ركز على اسيا واخذ لقبك افضل لاعب
باسيا واعرف انه بيدك تصير افضل لاعب في اسيا 2010 مافيه شي صعب ولا فيه شي مستحيل ولا انت قدها واذا الكوره ماطوعتك معك خلها تطوع يا ابوعزوز ولك خبرته كيف تطاوع معك.
* قصيده عدلت عليه لياسر مني*
غصب على العذال ياروح روحي ..
نبقى انا واياك حتى النهايه ..
انته منى عيني وغاية طموحي ..
وانت اخر المشوار وانت البدايه ..
انت اشتياقي وانت سري وبوحي ..
وانت القحطاني اللي هويتك هوايه ..
منك العذاب ومنك قمة جروحي ..
مرتاح متضايق وعل وعسايه ..
لولاك ما جريت بالليل نوحي ..
ولولاك ما وضعت بالقلب رايه ..
لولاك ما صاحبت فكر سروحي ..
ولا عصيت القلب واخلفت رايه ..
ياحظ من مثلك حبيبه سموحي ..
عمره ما صدق بك ملام ووشايه ..
قلب المحب ابيض صدوق ونصوحي ..
يفيض من نهره حنان وعنايه ..
والحب ما يقوه قلب مزوحي ..
ولا يظن الحب دفع العصايه ..
باعاملك باللطف ياروح روحي ..
واموت بك دام أنك معي للنهايه ..
آسف على الاطاله
( يآسر يلعـب وآلخصــم يتعب)
آبوعتب 20