السلام عليكم يابشوات اقصدكم شباب وبنات ماقد طرحت موضوع بالعام من زمان وحبيت اطرح موضوع يستحق للطرح تعرفون ما اجيد المقدمات لكن احب اطرح المواضيع اللي تحتاج الى نقاش جاد في السنوات الأخيرة ظهرت عاده دخيله على المملكه الا وهي مزايين الأبل يقولون بأنها مزيونه وانا اراها مثلها مثل اي ناقه او بعير سنام وبرطم واذاني والحليب اللي تدره نفس الحليب اللي تدره الناقه العاديه الا اذا كان حليب المزيونه فيه نفط او ذهب ناقه او بعير تباع بملايين الريالات وعندنا ناس بالمملكه لايجدون مسكن او حتى كسوة للعيد الله كرم الأنسان عن الحيوان لكن بعضنا كرم الحيوان على الأنسان مايدري ان ديته الشرعيه 120 الف ريال للرجل المسلم عاد المرأه مدري كم ديتها وغير كذا اني قمت بالدخول على احد مواقع المزايين شدني موضوع موضوعه كان ( جمال تحاصرها السيول في وادي الرمه ) نص الموضوع : حاصرت السيول التي هطلت السبوع الماضي بمنطقة نجد والقصيم مجموعة من الابل . الصورة التقطت من خلال الزملاء في موقع مكشات وحتى اعداد هذه التقرير لم يرد تفاصيل اكثر عن مصير هذه الابل . نسأل الله ان لاتكون تعرضت لمكروه ؟؟؟؟!!!!!!؟؟؟؟؟ يهتمون بالأبل وفيه اوادم تحاصر منازلهم وتهدم بسبب السيول ومحد يهتم لن اخص مدن معينه بأن السيول دائما ولحد اهتم في اخبارهم او حتى مساعدتهم...!!!! والأدهى يخرج احد ملاك الأبل المزيونه او المزعومه بالزين والجمال ويقول شريتها بمبلغ 600 الف ريال وكأنها جتني ببلاش هذا ما يدري بأن فيه ناس من اخوانه ومن ابناء مملكته انهم بدون مسكن . وبسببها ظهرت من اشد عادات الجاهليه الا وهي التعصب القبلي ماذا استفاد الشعب السعودي من المزايين ؟ وماهي العادات السيئه اللي عادت للمملكه او للمسلمين عامه بسببها؟ دمتم اخوكم /احمد
12-01-2010, 12:19 AM
والله مزيونه << ياشيخ روح تشبهن بعض :)
العرض الشجري
