|
- تـعبـنــــاا .... !
السـلام عليـكم ...
مساكم الله بالخيـر ... " من زمان ماكتبت وتعبت وابي اكتب .. بس ترا العنوان مو عشاني تعبت العنوان عشان يعني احنا تعبنا pp13" لو جاء واحد وقعد يركض يركض ويركض زياده بعد .. بيتعب وبيوقف ولو جاء واحد يصارخ ويصارخ ويعصب ويتحرك ويمشي .. بيتعب وبيوقف ولو جاء واحد ثاني غيرهم وجلس يلعب كورة 4 ساعات بيتعب وبيوقف هاذي هي مقدمة موضوعي والي هي / تعبنا من الدراسه ! <-- المقدمه حكايه ثانيه الحين المفروض علينا .. ندرس من اولى ابتدائي الى ثالث ثانوي وبعدها على الجامعة اول " كانوا " ينبسطووون لين ثاني ثانوي ويشدون ثالث وينجحون بدرجة حلوه /\ لكن لما زياد يوصل .. لاااازم نتعبه pq1 قبل فتره حطوا التراكمي .. وتوهقنا فيه .. صار الاستاذ يذل الطالب على الدرجة ويكرف بالاختبارات ويكرف ويكرف ويكرف .. وبالنهايه نموت :( <-- لاحد يدقق نظام الدراسة عندنا في السعودية كله مايسوى .. لازم يغيرونه كله على بعضه نبي نتطور ياعالم .. اجل دوام 8 حصص ويومين 9 حصص ويحطون الحصص العلمية ورا بعض واخر شيء !؟ وش يحسبوننا اينشتاينات ؟ p7 عقل البني ادم مايتحمل كذا ! العقل يتحمل كميه معينه من المعلومات .. بس لما تجلس وتحاول تخزن كل هالمعلومات مستحيييل وبقوه ! وبالنهايه يقولون جيبوا درجات زينه !؟؟؟ والاستاذ يبقى يصعب على الطالب ويطلع روحه .. همين يقول جيب درجة زي العالم والناس !؟ عندنا استاذ ... ولا تدرون اساتذه .. اقل مايقال عنهم متخلفين ! الاستاذ ( المفروض ) يسهل على الطالب الشرح ويحاول يريحه بأفضل الطرق عشان يريحه للاختبارات وغيرها اما يجي استاذ ويكتب السبوره 3 مرات ويعبيها كلها ويبينا نكتب .. لا وخطه صغير pq1 واللي يقهر معه الملخص بيده طيب عطنا الملخص وحنا نبي نطبعه عندنا الفيزياء .. اصعب المواد .. وكلها كرررررف .. ويجينا الاستاذ الفاضل .. يكرفنا ( ولا يعررررف يشررررح ياناس ) وبالنهايه يجيب اختبار .. عيوني تحّول لاشفته .. ويقول انا اجهزكم للجامعة تدرون وش المشكله ؟ .. ماراح نخش الجامعة بالدرجات الي بنجيبها pq1 نجيب اقل من 5 درجات بالاختبار اي جامعة تبي تقبلنا pq1 انت سهّل علينا .. عشان ننقبل همين يصير خير وقت الجامعة pq1 دخلت مدارس حكوميه اكتشفت انها فاشله والاساتذه مع كامل الاحترام والتقدير 90% منهم ماعندهم سالفه اذكر عندنا استاذ تعبير بالمتوسط .. قال اكتبوا اي شيء قسم بالله اني كتبت قصه كامله اني انا وخويي رحنا لندن وسهرنا وافتلينا .. وشربنا وسكرنا .. ومصححها وكاتب ممتاز والدفتر للحين عندي وبنزلها قريب بتوقيعي والاساتذه المصاريه .. اكبر همهم يتعبونك .. بعضهم 100 % وبعضهم ودك تجلده لين يصب دم من اذنه pq1 وحتى الاردنيين p7 .. متى نتطور ويصير نظامنا معقول ويريح الطالب ياخي ارسلوا اي واحد يشوف نظام امريكا وكندا وغيرها وطبقووه عندنا !! تعبنا قسم بالله تعبنا ! ترانا بني آدميين .. عقولنا ماتتحمل كل هالاشياء !!! مستقبل الشباب السعودي بيضيع وبنصير كلنا عاطلين وماعندنا وظايف .. والسبب التعليم الي عندنا تطوروا .. الناس وصلت المريخ وانتم للحين تلاحقون الطلاب وتبونهم يحلقون p7 قولوا للطالب الي شعره لين كتوفه .. الي شعره شكله يجيب المرض اما طالب شعره مرتب ونظيف .. ياخي ماعليك منه ! واخيراً وليس اخراً فضفضت شوي .. وان شاءالله ماكون كثرت عليكم .. كُتب يوم الاحد الموافق مدري كم / مدري كم / 1431 ه كُتب من قِبل / أنــا (F) |
رد: - تـعبـنــــاا .... !
موضوووع مؤلم pq3pq3pq3
راجعة لك وأنا كلي ألم pq3pq3pq3 |
رد: - تـعبـنــــاا .... !
.. فضفضه تـنم عن شششي بدآخلك ..قهر مكبووت ع حآلنآ لـ الاسسف.. آللي غييرنا وصلوا المريـخ وآحنــآ تونآ بـ التراكمي والحووووسه.. اجـل نآس اعرفهم النسبه الموزونه عندهم [ 85 % ] بس بدوون الوزن تعدت 96%...قسسسسسسسسم بالله انهم يقهروون من جد.. ... ولا بعد الغياب وهيكآ يحسسب حتى لو مقدم لهم عذر.. لعنبوووهم وش يبوونآ نسسوي ..!.. ووقت الاختبارات كل معلم\ـه ييدخل وتحديد وآورآق..ولحسسه مخ.. بس اذا استلمت ورقه الامتحآن ماتلاقي اللي ذاكرته..!!!!!!!!!!!!!! وش ذآ بالله وش يحسسسون فيه هم ونظآمهم !!!! .. واذا جيت تبي تتنآقش معهم..[ قالوا لك توووكل كل شووي قرار ] تدري متى بيتغير نظآم الدرآسسه عندنآ.. إذا حجت البقر ع قرووونها.. |
رد: - تـعبـنــــاا .... !
آهـ يا ثالث ثآنوي :(:P9 يناااااااااااااااس ياعااااااالم نبي [ جآمعه ] << :(: متى نطور هآذي علمها عند ربي P9 .. آوما الفشل والتخبطآت هذي لا إله إلا الله منتشره بمجتمعنا وبشكل اللي نلاحظة .. وللأســف وزارتنا المؤقره مآزالت بالتخبطآت .. :(: بجد والله آجل شنو ترآكمي وخرابيطهم ؟؟ :(: نآخذ نسبة مجنونه وبعدها تطييييييييييييييييييييح من أجل الترآكمي .. ليش :(:P9 خلآلآلآلآلآص يكفي القيآس :(: وبالنسبة لدلاخة بعض المدرسين .. من قلب يآكثرهم :(: أجل معلمات فوق الاربعين باقي بمناصبهم [ معلمات ] والطالبات المتخرجين مآيلقون مدرسة فيها محل معلمة واحده فقط عشان تدّرس ؟؟ p7 بالامآنه هذا حآل :(: .. من تخبط إلى تخبط ؟؟ بس جد بكره نخلص جامعه وين بنروح .. :(: نتطور ببيوتنا يعني ؟ ولا بزيآدة ماده ولا حصة من شآن الطالب ينفجر رآسسسة :(: للآســــــف نحن يالطلبة السعوديين [ حقل تجآرب ] :(: شكرـآ وزآرتي :(: لاهنت يامُفضفض [ zyad ] (F) |
رد: - تـعبـنــــاا .... !
موضوعك يحكي معاناة كثيره صراحه (F) بـس بتكلم عن نقطة وحده الحين ,, :$ متى نتطور ويصير نظامنا معقول ويريح الطالب ياخي ارسلوا اي واحد يشوف نظام امريكا وكندا وغيرها وطبقووه عندنا !! تعبنا قسم بالله تعبنا ! فيه تطور شوي .. صار عندنا نظام اسمه دبلوما ( American Diploma ) هذا نظام زي نظام المقررات تاخذ لك 7 مواد وتدرسها كلها بالانجليزي طبعا اللي مطبقه عندنا بالرياض يمكن بس 4 مدارس شهادته مرره كويسه وتنفعك .. طبعا يبدى من اولى ثانوي . وبس .. يمكن ارجع ثانيه بس حبيت اتكلم عن هالشي (F):d شـكرا زيـآد :f: |
رد: - تـعبـنــــاا .... !
لو جاء واحد وقعد يركض يركض ويركض زياده بعد .. بيتعب وبيوقف
ولو جاء واحد يصارخ ويصارخ ويعصب ويتحرك ويمشي .. بيتعب وبيوقف ولو جاء واحد ثاني غيرهم وجلس يلعب كورة 4 ساعات بيتعب وبيوقف هههههههههههههه المقدمه شي ثاااااني ..^,^ بس والله مالومك انا بالموت اندفيت للكليه اللي اصبحت الان كل ابو هالمسمى تحت مسمي جامعة ..! مرهق واليم هالشي ولازم تتحمل وتصبر وتشد حيلك وانا اختك وارفع ايديك للسماء وادع ربك سوا لك ولا عليهم وكلها ان شالله سنه بتمر بخيرها وشرها وتعدي وان شالله تكون انت وكل آل ثالث ثانوي من صبايا وشباب منقبلين يارب موفق اخوي ان شالله ومعاناة اليمه ارتحت يوم تركتها والله ..^,^ ونظام فاشل جدا في المملكه يوم طبقوا على قولتهم النظام الامريكي ماطبقوه الا بالتراكمي .. خخخ النظام الامريكي ينص على تقسيم المواد وتقسيم الساعات بشكل مرتب ولا شوف طلابهم همهم انهم يروحون ولايغيبون ولا يوم خخخـ الف شكر اخوي وبارك الله فيك والله يوفقكم كل أبوكم وصبرا جميلا والله المستعان ^,^ |
رد: - تـعبـنــــاا .... !
ولكم زياد P9
ألم وربي ألم P9pq5 لا ابشرك حقت الفيزياء حقتنا عندها بوردين وسمارت بورد بعد وكل هذا ماملى عينها pp57 ! تنقلنا الملخص بـ لسانها pq17 < كيف بس pb034pq1 ! وطبعا تقرى الملخص من دفتر معاها وهي ملحوقه p7 اكتب كلمه وانط2627637 كلمه ماألحق عليها pp7 بليييز تحتها خط pq5 هذا إذا صار عندنا مستقبل اصلا pb034pp7 باقي 4 شهور معركه طويله P9 حياة وموت P9 ثانكس زياد طلعت حرتي منهم pp7(F) |
لـ حد يدفّ لو سمحتوا ..
|
رد: - تـعبـنــــاا .... !
الحمدالله وفقت بالمدارس الحكوميه مدرساتها قمة الروعه وبالاختبارات مساعدات في غاية الروعه
وخاصه ثالث ثانوي جد كانت من اكثر مراحل عمري كنت جديه بها بس مستحييل انسى المدرسات اللي وقفوا معنا لاخر حد >>>>>>اذكر اخر يوم قلتلهم اردها لبناتكم ان شاء الله الحمدالله خلصنا من سنين السلم التعليمي ...... اما الخاص ماانصحك فيه الحكومي اضمن وشد حييلك وبالتوفيق للطلاب المدارس وعسا الله يحقق امانيكم وبالنسبه للمدرسين المصرين اللي ذكرتهم بموضوعك ماشاء الله اهم اذكياء وللاسف مايقدر الفروق الفرديه ..... مريت من هنا رهف |
رد: - تـعبـنــــاا .... !
،
عندنا وعندكم خييير ..، نظام المدارس الحين وخصوصا الثانويه دمآر الله يعين الطلاب عليها مناهج صعببه ووأختبارات مادري من وين يجيبون أسألتها السنه هذي طلاب الثانويه جايتهم أسأله خارج المنهج والله :(::d ويقولون لهم حلوها طيب أهم بالاول يحلو اللي داخل المنهج إن قدروا عشان يحلون اللي خارج المنهج ..؟! وبألاخيير مايجيب النسب المرتفعه إلا المصريين p6:dياعليهم مخ ودايماً أهم الاوائل وغير نسب القبول واختبار القدرات للكليه ..، بس على الله يشيلون الوزيره اللي عندنا {الكويت}يا أنها جتها دعاوي بتدخلها الجنه الظاهر :d ، والحمدالله أني عديت هالمرحله بسلام ودخلت الجامعه CC2P9 اللي تسوى المدرسه ومن سواها p13 زياد * كان الله في عونك وعون الطلاب معك موفق ...(F)..× ـ |
رد: - تـعبـنــــاا .... !
مآدري وش إقـول غير آللهـ يكـون بعـوننآ بس :(:
إحنآ لآزم نسـوي مظآهرآت وعنوآنهآ لا لالآ للمـدآرس < pp13 زيآد مشكـوورpq5 |
رد: - تـعبـنــــاا .... !
والله الموضوع ع الجرح
مشكله التعليم عندنا أنه واقف مايتحرك ولايطلع على تعليم الدول ألاخرى وموب عيب نمشي على خطواتهم في التعليم لنرتقي بفكرنا ومستقبلنا وهذا مايمنع نأخذ منهم الايجابيات الكثيره ونترك السلبيات نبغى التعليم يصير ألالكتروني مو بالقراطيس مثلآ الكتب ألا الان ماتغيرت نفسها وأسألوا أي شخص متخرج ومتوظف يقول لكم نفسها من 6سنوات ماتغيرت!!! نبي نتطور ياعالم .. اجل دوام 8 حصص ويومين 9 حصص ويحطون الحصص العلمية ورا بعض واخر شيء !؟ . . . والله أليمه بجد يقولك يحطونها ورا بعض عشان يتفتح عقلك وتركز مره وحده لازم يتغير ذا النظام حنا خلاص راحت علينا بس اجيالنا القادمه يستفدون من تعليم متقدم يعود بنفع عليهم وعلى وطنهم..,’ يعطيك العافيه .., |
رد: - تـعبـنــــاا .... !
الله يعين النظام الجديد هو الي [ مَودينا بداهيه ] .. انا بفهم ليش يعني يحطون نظام التراكمي ليــش مو حرام عليهم يبون يتعبونا p7 p6 p6 توصل لـ 9 حصص احنا سبع حصص ويالله لا صج الله يعينكم وبعد كان وكان فعل ماضي يكون يوم الخميس 6 حصص بس زياد يعطيك العافيه (F) |
رد: - تـعبـنــــاا .... !
الله يعين نظام التعليم عندنا مخيس جداً جداًpp4 والله لآفي المدآرس ولآ في الجامعات..pp4 الكل يشتكي من أول إبتدآئي الى التخرج من الجامعه..pp7 والحين يوم الله فتح عليهم قاموا وغيروا أغلفة الكتب والصورpq2 أستغفر الله بس.. ينطبق عليهم مثل من برا الله الله ومن جوا يعلم الله..:(: طيب بقولكم شي فيه شخص أعرفه يدرس ببريطانيا قسمه رياضيات ماشاء الله ، ومعاه واحد ثاني سعودي اما الباقين كلهم أجانب الدكتور جا وسوا لهم إختبار وكلهم رسبوا ماعدا الأثنين السعوديين والدكتور إنصدم قالهم كيف نجحتوا..!p6 قالوا له الإختبار هذا إحنا مآخذينه في المتوسط في السعودية.. الدكتور وجهه صار كذاpq2pq2pq2 تخيلوا في الجامعة هناك يآخذون اللي نآخذه هنا في المتوسط..؟pq1 بتقولون طيب كويس..، بقولكم ..لألأ طل طل طل موب كويس أبد ، طيب وش إستفدنا..غير البطالة والغباء المستحكم<:d وإذا طلعنا من الإمتحان مانتذكر ولآشي.p7pp13 عموماً ترى أنا في الجامعة بس فزعت معكم لأني عااااانيت ولحد الآن أعاني..pq3pq9 والوزارة عندنا لآحياة لمن تناديpq13 زياد..(F).. شكراً خليتنا نفضفض من قلب.:d |
رد: - تـعبـنــــاا .... !
,
:d نعآني مثلك زيآد .. مآ يتفلسف علينآ إلّآ معلمة الفيزيآء .. وهي الوحيدهـ اللي مآ تعرف تشرح ..:d > تقعد تحك برآسهآ إذآ توهقت لين يطيح القمل .. pp4 أنا أقولك متى يتغير النظآم عندنآ بالسعوديه .. p7 أذا طلعت أنا ويآك :d من ثآلث على خير .. بيجي نظآم متطور p7 عآد هذي مأسآهـ عندنآ .. p7 الكيميآء ما قد أخذناهـ قبل الفسحه .. أغلب ححص الكيميآء تكون السادسه .. ويحطون تدبير حصتين أولى p7p7 pq1 والاحيآء ما بعد بدينآ p7 مدري وش يحتروون ؟!pq1 من جد التعليم عندنآ رآيح فيهـآ p7p7 pq5 .. عموماً :d شكـراً لك زيآد خليتـنآ نفضفض شوي وقلبنآ المواجع على بعـض (F)P9 |
| الساعة الآن 12:48 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0