الـكَـ.... تعيجَزت آكمٍل آدخلُو واعرفُوا السالفهْ ..1 - شبكة القناص

Řǿ7 ậЇőЙőţћάн · 07-03-2010, 11:00 PM

بسم الله الرحمن الرحيم ..

اول شيء اذكروا الله على قريحتي الفكاهية لاتنقرض
وطبعا بهالموضوع اببتعد عن الفصحى وبتكلم بالعاميه او القصيمي ..
وعشان ماحد يقول انتي غامضه قلت اكتب لي كم موضوع بالمجلس والجايات اكثر إن شاء الله ..
حتى ببتعد عن اللون الازرق .. <_ وش اتفقنا

الموضوع يناقش ظاهرة اجتماعية سعودية متفشية بقوة وقسوة وعنف

اتحدى تلقون عايلة مافيهم[ ان لم يكن كلهم ] احد يعاني من هالشيء .!

ليه حنا يالشعب السعودي شعب كسوووووول لدرجة الجنون ..
نتعجز لانسوي اتفه اتفه الاشياء ..

بتكلم عن نفسي اول شيء

اعترف اني زوله ممم عشان ماظلم نفسي درجه ثانيه صراحه

احيان اموت من الجوع واتعيجز لا اقوم المطبخ اسوي لي شئ اكله ..

أحيانا يجيني عجز موب طبيعي عجز غريب اتعيجز حتى أقوم من فراشي اجيب جوالي اللي على التسريحه

المهم فـ اقعد انتظر احد يصحى ويسوي له فطور واقط معه

وعادي ترا لو يستمر انتظاري ثلاث اربع ساعات ..
بس تجين القرامه برمضان لان امي وراي تشب علي ادخلي المطبخ
بكرا ماتلقين احد يزوجتس ولده
اتركي العجز عنتس وووو
امي تقول انتي لا زوجناتس بترجعين لنا من ثااني يوم

..

مرة إتصلت على وحده من البنات .. رد علي اخوه ..
قلت له وين مشاعل .؟
قال لحظة .. وحطه السمااعه بيده ..
واسمعه يناديه ..
بس مشاعل مهب حوله ..
شووي اسمعه يقول لأخوه قم نادي مشاعل ..
هذاك يقول ناده انت .. موب انت اللي رديت..!
يرجع يقوله يابن الحلال قمممممم ناده ..

هذاك .: ناده انت قال مانب مناديه..
اخر شيء قالي مشاعل ماتت وسكر السماعه .!!

اخوان البنت هذي فضيعين بالعجز احيانا يقولون مشاعل نايمه
واحيانا يقولون دقي على جواله ..

اذا بغينا ننادي احد بالغرفه اللي جنبنا نعطيه رنه .!!

<_ لا وازيدكم من الشعر بيت اخذين الطريقهذي من مرت خالي ..

واذا لقينا احد يسمع الكلام نستغله اشد استغلال .. رٍح جب هات حط شل ود خذ

حتى بزاريننا صاروا اردى مناا ..

امس والله العظيم اسمع امي تقول لاختي ام 4 سنوات روحي لم الشغاله فوق تحفظتس
قالت يوه يا ماما عدزه <_
قالت امي روحي بسرررعه قبل ندخل ننام يلله وتصيح والله انه تصيح ههههههههههه وتقول عدزه
ولو امرناه الحين تقول اوووف عدزه ..

و مرة واحد من اخواني .. كان يبي ينام , جاء بيشرب مويه مالقى كوب قريب ..
تكاسل لا يدور وقال يلا اشرب بكرة وراح ينام

يا إلهى ما هذا ..؟

وبالشتاا .. وما ادراك مالشتاا

يكون الوضع ادهى وامرّ ..

و بما ان الجو باااااارد نكون جالسين بالمقلط وتكون عندنا الدفاية ..
مجرد ماينفتح الباب يجي هوا باررررررد .. تبدأ الحرب
واذا انفتح الباب يبدأ موال قم صك الباب

انت اقرب من قم انت صكووه ..

- انا صكيتوه قبل شووي .. هالمرة عليك قم انت صكوه ..

ويستمر هالموال الين مايلمحون احد ماشي برا وينادونوه عشان يصك الباب معوه ..

والا وحده من صديقاتي .. تقول ابوه يجي ويجلس
يقول من أحسن بناتي اللي تقوم وتجيب لي مويه ..؟؟
ماحد يقوم خخخخخخ
الين ماهو بنفسه يسمي قومي يافلانة جيبي لي مويه .. خخخخ

هذا غيض من فيض من افعالنا اللي تفشل ..

ليه مانصير شعب نشيط .. لانؤجل عمل الحين الى بعدين ..؟؟
ليه مانتسابق على خدمة بعض .!!

ليه مايكون عندنا ايثار ونشاط ..؟

..

- قُمت بعمل هذا الاستفتاء على بعض بنات الشعب السعودي المريض بداء الكسل ..

كان السؤال [ وش تعريفك للكسل او العجز ..؟ ]

وكانت اجاباتهم كـ الآتي ..

<_ هالإنسان مافيه أعجز منه مايطلب المليح
حتى الرد عجزن يرد

ماعاقت ..

اذا قلت لكم إن هالإنسانه فيلسوفه درجه اولى ..
بس مره راحت خدامتهم تقول اخته اننا ميتين جوع وخاصه دلي واتفقنا حنا يالخوات الـ 3 اننا نسوي لنا عشا
وان وحده تقشر البطاطس وتقطعه
ووحده تقلاه ووحده تغسل المواعين ..
تقول ماشفنا إلا غباره ماتبي تشتغل قالت مير انا شبعانه بروح انام ..

هذي انسانه غاسله يده من الحياة ..

اشوا إني مانب هي ..
حاله مستعصيه ..

..

صارت لي سالفه مع اخوي بالمسن الصيف اللي راح ..

أبيكم تعرفون ان شعبنا يحب النوم ..

دوكم ..

..

عاد لا تستغربون إن تعيجزت أرد عليكم ..

الموضوع كتبته على عجل ولا راجعته
عجزه صراحه ..

برايفت
سيده دورتس بالمسن ابيتس تكتبين لي عنوان مالقيتس ههههههههههههههههههه

07-03-2010, 11:00 PM	#1
Řǿ7 ậЇőЙőţћάн هلالـي مميــز و شمعة المجلس	الـكَـ.... تعيجَزت آكمٍل آدخلُو واعرفُوا السالفهْ ..1 بسم الله الرحمن الرحيم .. اول شيء اذكروا الله على قريحتي الفكاهية لاتنقرض وطبعا بهالموضوع اببتعد عن الفصحى وبتكلم بالعاميه او القصيمي .. وعشان ماحد يقول انتي غامضه قلت اكتب لي كم موضوع بالمجلس والجايات اكثر إن شاء الله .. حتى ببتعد عن اللون الازرق .. <_ وش اتفقنا الموضوع يناقش ظاهرة اجتماعية سعودية متفشية بقوة وقسوة وعنف اتحدى تلقون عايلة مافيهم[ ان لم يكن كلهم ] احد يعاني من هالشيء .! ليه حنا يالشعب السعودي شعب كسوووووول لدرجة الجنون .. نتعجز لانسوي اتفه اتفه الاشياء .. بتكلم عن نفسي اول شيء اعترف اني زوله ممم عشان ماظلم نفسي درجه ثانيه صراحه احيان اموت من الجوع واتعيجز لا اقوم المطبخ اسوي لي شئ اكله .. أحيانا يجيني عجز موب طبيعي عجز غريب اتعيجز حتى أقوم من فراشي اجيب جوالي اللي على التسريحه المهم فـ اقعد انتظر احد يصحى ويسوي له فطور واقط معه وعادي ترا لو يستمر انتظاري ثلاث اربع ساعات .. بس تجين القرامه برمضان لان امي وراي تشب علي ادخلي المطبخ بكرا ماتلقين احد يزوجتس ولده اتركي العجز عنتس وووو امي تقول انتي لا زوجناتس بترجعين لنا من ثااني يوم .. مرة إتصلت على وحده من البنات .. رد علي اخوه .. قلت له وين مشاعل .؟ قال لحظة .. وحطه السمااعه بيده .. واسمعه يناديه .. بس مشاعل مهب حوله .. شووي اسمعه يقول لأخوه قم نادي مشاعل .. هذاك يقول ناده انت .. موب انت اللي رديت..! يرجع يقوله يابن الحلال قمممممم ناده .. هذاك .: ناده انت قال مانب مناديه.. اخر شيء قالي مشاعل ماتت وسكر السماعه .!! اخوان البنت هذي فضيعين بالعجز احيانا يقولون مشاعل نايمه واحيانا يقولون دقي على جواله .. اذا بغينا ننادي احد بالغرفه اللي جنبنا نعطيه رنه .!! <_ لا وازيدكم من الشعر بيت اخذين الطريقهذي من مرت خالي .. واذا لقينا احد يسمع الكلام نستغله اشد استغلال .. رٍح جب هات حط شل ود خذ حتى بزاريننا صاروا اردى مناا .. امس والله العظيم اسمع امي تقول لاختي ام 4 سنوات روحي لم الشغاله فوق تحفظتس قالت يوه يا ماما عدزه <_ قالت امي روحي بسرررعه قبل ندخل ننام يلله وتصيح والله انه تصيح ههههههههههه وتقول عدزه ولو امرناه الحين تقول اوووف عدزه .. و مرة واحد من اخواني .. كان يبي ينام , جاء بيشرب مويه مالقى كوب قريب .. تكاسل لا يدور وقال يلا اشرب بكرة وراح ينام يا إلهى ما هذا ..؟ وبالشتاا .. وما ادراك مالشتاا يكون الوضع ادهى وامرّ .. و بما ان الجو باااااارد نكون جالسين بالمقلط وتكون عندنا الدفاية .. مجرد ماينفتح الباب يجي هوا باررررررد .. تبدأ الحرب واذا انفتح الباب يبدأ موال قم صك الباب انت اقرب من قم انت صكووه .. - انا صكيتوه قبل شووي .. هالمرة عليك قم انت صكوه .. ويستمر هالموال الين مايلمحون احد ماشي برا وينادونوه عشان يصك الباب معوه .. والا وحده من صديقاتي .. تقول ابوه يجي ويجلس يقول من أحسن بناتي اللي تقوم وتجيب لي مويه ..؟؟ ماحد يقوم خخخخخخ الين ماهو بنفسه يسمي قومي يافلانة جيبي لي مويه .. خخخخ هذا غيض من فيض من افعالنا اللي تفشل .. ليه مانصير شعب نشيط .. لانؤجل عمل الحين الى بعدين ..؟؟ ليه مانتسابق على خدمة بعض .!! ليه مايكون عندنا ايثار ونشاط ..؟ .. - قُمت بعمل هذا الاستفتاء على بعض بنات الشعب السعودي المريض بداء الكسل .. كان السؤال [ وش تعريفك للكسل او العجز ..؟ ] وكانت اجاباتهم كـ الآتي .. <_ هالإنسان مافيه أعجز منه مايطلب المليح حتى الرد عجزن يرد ماعاقت .. اذا قلت لكم إن هالإنسانه فيلسوفه درجه اولى .. بس مره راحت خدامتهم تقول اخته اننا ميتين جوع وخاصه دلي واتفقنا حنا يالخوات الـ 3 اننا نسوي لنا عشا وان وحده تقشر البطاطس وتقطعه ووحده تقلاه ووحده تغسل المواعين .. تقول ماشفنا إلا غباره ماتبي تشتغل قالت مير انا شبعانه بروح انام .. هذي انسانه غاسله يده من الحياة .. اشوا إني مانب هي .. حاله مستعصيه .. .. صارت لي سالفه مع اخوي بالمسن الصيف اللي راح .. أبيكم تعرفون ان شعبنا يحب النوم .. دوكم .. .. عاد لا تستغربون إن تعيجزت أرد عليكم .. الموضوع كتبته على عجل ولا راجعته عجزه صراحه .. برايفت سيده دورتس بالمسن ابيتس تكتبين لي عنوان مالقيتس ههههههههههههههههههه التوقيع: 1 / 5 / 1431 هـ أدعي عسى الرحمن يسعدك دآيم وتخنقني العبرة وأنا أقول آآآمين التعديل الأخير تم بواسطة Řǿ7 ậЇőЙőţћάн ; 07-03-2010 الساعة 11:05 PM