انســــان
عدد الضغطات : 18,536
الجمعية الخيرية لتحفيظ القرآن الكريم
عدد الضغطات : 13,036(انسان) الجمعية الخيرية لرعاية الايتام
عدد الضغطات : 18,649استمع إلى القرآن الكريم
عدد الضغطات : 9,850

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس
   

إضافة رد
 
LinkBack أدوات الموضوع انواع عرض الموضوع
قديم 25-02-2010, 03:01 PM   #1
عضو مؤسس للموقع
 
الصورة الرمزية فيصل
 
افتراضي دامك بديره ترابيه .. انسى تتزوج سعوديه

*
*
*
طن طن
سلام عليكمـ

بعد انقطاع طويل عن القناص وبسبب ظروف خاصه ..
نعود لكم من جديد وان شاء الله اخر الانقطاعات

مدري وش جاني وفتحت موضوع جديد بس يقولون ان فيني شهوه كتابه
وان الكتابه تريح المخ والبال وتصفي الاذهان من الشوائب والمخدرات

كان يامكان في قديم الزمان .. هنالك انسان .. يسمى كحيلان خخخخ ( وشو بالتوكه )
كان فيه انسان اسمه متعب قدر الله عليه وتخرج من الجامعه ولقى له هذيك الوظيفه السنعه
طبعا في سلك التعليم وكأي واحد من هاللي تعينوا جدعوه في مكان مايدري وشو
<-- ابد موب كنه انت يوم يجدعونك بديرتك ولا تدري وينهي فيه

راح متعب وحزم اغراضه وجلس يودع اهله تسنه موب شايفهم الا بالجنه
وخذ ياخمخمه وصياااااح هو واهله وامه تقول ياولدي اترك عنك الدشير وانتبه لعمرك
ترى موب نافعينك هالسرابيت ولا نزل راتبك دز لي دريهمات تراني محتاجه وهو يطأطأ برأسه
بمعنى ابشري يايمه

ويمر من عند الاخواااااات وهم مايعطونه وجه ويقولون لاجيتنا بأول اجازه
ترى نبي المطعم الفلاني ولا تنسى تعطينا وشسمه فلوس نبي نكشخ ونصير مثل البنات
ويقول ابشروا بس جاملوني على الاقل وودعوني وكذا .. وهم ماعبروه وساحبين على ابو من جابه خخخخخخ

وقبل مايطلع من البيت يجي يودع ابوه ويقول يايبه تامر شئ ولا ماشيات ؟ .. يرررد عليه ابوه بصوت الرجوله " اذلف واخيرا افتكيت منك ومن الصرفيه عليك خلك رجال واحفظ دريهماتك ترى موب مزوجن روحك الا انت ودراهمك "

ويهز رأسه متعب ويقول لعنبوا ذا الاهل كلشششش فلوس فلوس مايودعون بشئ زين ولا شئ يفتح النفس

راح متعب وركب الطياره للرحله المتوجهه الى المنطقه القريبه من منطقته النائيه وكان جنبه واحد طعسسسسسسس .. متعب بصوت الخايف .. يالاخو انت من اهل الديره .. ايه وش تبى ؟
قال لا بس ديرتكم زينه وفيها سكن ولا كيف .. متعب وقتها انلخم
تجيه نظرات ترووع تسب ديرتنا بوسط طيارتنا ؟ < دفع له كم قرش وصارت طيارتهم
قال الديره تعجبك ونفاهه واهلها وش حليلهم .. بتنبسط وبتوسع صدرك
صدق متعب كلامه واطمئن فؤاده

وصل للديره ولقاها تراب ممسوح لا سكن يسكن فيه ولا مطعم ينوكل منه ..
صار رجالن بس من الدوام للبيت ومن البيت للدوام وكل مادقوا عليه اهله قالوا هاه بشر عسى اموركم سمحه وماشيه ؟ رد بنبره حزن وقال تساااااهيل تسسسساهيل وكلش زين
قالوا اجل كز لنا من دراهمك شوي خخخخخ < اوم البجاحه

مرت الايام وحس متعب انه طفشش للدرجه انه صار يحط بالطوفريه بيالتين وفنجالين
عشان يحس ان احد جالس معه < ماقد سويتها ترى ابد خخخخخخخخ

جت الاجازه السمول ( هالوزاره ودي اعرف وش تحس به هي واجازاتها مايمدي الواحد ينبسط فيها الا مخلصه لعنبوا بليسهم مايمدي الطياره توقع الا هم يقولون اركبوا بنعود خلصت اجازتكم ) .. ايه وصل متعب لأهله واستقبلووه بكل حفاوه وجلسوا جلسه العصر
وجلس متعب يمسمس بشعيراته وياكل اظافره

جلسوا يتسرسون الاب والام يحسبون ولدهم انهبل وجته نفسيه وكذا .. مادروا ان الولد نوى يكمل نصف دينه ويبي العرس .. فاتحهم بالموضوع وانبسسسسسطوا .. ومابقى بنت ماعرضوها عليه .. قام متعب وقال لاتستعجلون شوي شوي .. انا ابي مساعدتكم
ابي دراهم اعرس بها وتحلطموا وردوا عليه بسرعه البرق وكلهم بصوت واحد .. توك بزر على العرس اصبر لين تركد وتمسك وظيفتك ولاحق على العرس

قفلللللللت مع متعب وراح للبنك قال بالله واحد قرض بدون شطه هاهاها .. وخذ ذاك القرض بـ 200 الف ويالله تسد بعد هالزواج .. وقال جبت لكم الفلوس جيبوا لي بنت < طالب شاورما الاخو

وترفع السماعه ام متعب وتدق على على خوياتها ام سوسن وام طرفه وام زكيه ... الخ
والولد يتسمع وقطع الفرشه من الحياء والوناسه .. مادرى ان الصدمات ماتجي مره وحده

ام متعب كل مادقت حافظه هالشريط ( والله ياام .... ان حنا شارينكم وودنا نناسبكم .. ولدي متعب وش ملحه ووش زينه ( التبن بعين امه عسكريم ) وهو متوظف وفي الديره ... ) طووووووط طوووووط وتصرفها ام متعب تقول والله يابوك ذبحنا يامتعب ماسدد الفاتوره وذا الخط دايم يقطع .. وش رايك تقوم تسددها ويقوم وامره لله ويسددها السبيكه لعل وعسى يمشي حاله

ومرت الايام ومابقى على الاجازه الا يووووم .. يقوم متعب من النوم وينزل لأمه
هاه يايمه بشري وش صار على الموضوع .. وترد امه بصوت اصبر تحسب الزواج لعبه .. ويعطيها نظرات متعب بمعنى وش تحسين به ؟ .. قالت ياولدي بصارحك مالقينا لك بنت تقبل بك في ذيك الديره كلهن يبن يجلسن عند اهلهن ومالقيت لك الا بنت عرجاء تنفع
تقففففففل اخلاق متعب وقال وش شايفتني .. مافيني علم(ن) خايب عشان اخذ هالعرجاء
لكن الشرهه مهيب عليهم الشرهه عليتس لو مدور خطابه اصرف منتس ( مشكله متعب لاقفلت اخلاقه مايعرف اهله )

من قفله الاخلاق والنفس الشينه راح متعب لأقرب مكتب خطوط .. وحجز له على المغرب ..
وسحب على الدوام خذ له اجازه اسبوعين .. وراح فيذاك سربت له كم يوم ورجع متزوج على مغربيه شمحوووطه فيها من الجمال مايزن دير بقراها ماكلفته ابد شي(ن) يسوى
ورجع وباقي 3 ارباع القرض واستثمره في الاسهم

ودددددخل على اهله وقال هذي حرمتي رضيتوا ولا مارضيتوا وخلوا قبيلتكم تنفعكم .. وخلوا الخطوط تتشابك وتشربك بعد لانفعني بنت عم ولا نفعني بنت صديقه يايمـّه ..
وترى علماً ياصلكم ويتعداكم ان ماعقلتوا والله لأتزوج سوريه ولبنانيه وسودانيه < الاخيره خشت غلط بس متعب الله يهديه لاتحمس يجيب العيد

ورجع متعب لديرته ومعاه الغزال المغربي وكانوا راكبين بالطياره جنب بعض
قال سبحان الله امس كان جنبي طعس واليوم انتي ياقلبي بكره مايندرى مين


مايستفاد من هالقصه /

1/ ان موب كل من توظف يصير راتبه سبيل لأهله .. .. خلوه ينبسط براتبه ويوسع صدره
2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد
3/ الزواج بعد الوظيفه مايمدحونه ابد .. يقولون العب براتبك لين تمل وعقبها يحلها ربك ( هالشئ من واقع تجارب ناس جربت هالشئ )
4/ يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها

سلامو

التوقيع:


صفحتي ع التويتر- اتشرف بتواجدكم
https://twitter.com/#!/Fai9al15


لِـ / أحْلَامُنَا بَقَايّا لَنْ تكْتَمِل إلاّ فِيّ [ ,’ الجَنّه ,’]

فيصل غير متواجد حالياً   رد مع اقتباس
قديم 25-02-2010, 03:44 PM   #2
عضـو اللجنـة الإعلاميـة
 
الصورة الرمزية D I A N A
 
افتراضي رد: افتراضي دامك بديره ترابيه .. انسى تتزوج سعوديه

:


فيصل متى بتتزوج >
موضوعك بيزعل البنات / انت قاعد تحطم سوقهم
أقتباس

وترفع السماعه ام متعب وتدق على على خوياتها ام سوسن وام طرفه وام زكيه ... الخ
والولد يتسمع وقطع الفرشه من الحياء والوناسه .. مادرى ان الصدمات ماتجي مره وحده



ههههههههههههههههههههههههههه ابد ماتصير بكل بيت
حالتكم الييييييمه وربي


أقتباسقفلللللللت مع متعب وراح للبنك قال بالله واحد قرض بدون شطه هاهاها .. وخذ ذاك القرض بـ 200 الف ويالله تسد بعد هالزواج .. وقال جبت لكم الفلوس جيبوا لي بنت < طالب شاورما الاخو




ابفهم شي وآحد بهالمجتمع
يعني احنا نتزوج ونفتح بيت عشآن نكون ضحيه لهالديووون
يازين السوريين طقطقه فوق السطوح وشرابات فروتي وساعه زمان وانتهى الموضوع


فيصل مرسيه ع هالموضوع الطريف لكن بالاخير بيناقش قضيه مهمه كثير بس بقالب طريف
الله يزوجك بنت الحلال اللي تسرك وترضيك


أقتباس2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد



هههههههههههههههههههه يقالك شاف خير بكندآ وبالديره مابجيب معه الا ريحه الغنم هههههههههه
تفكير طفرآن من المشآعر

التوقيع:

التعديل الأخير تم بواسطة D I A N A ; 25-02-2010 الساعة 03:49 PM
D I A N A غير متواجد حالياً   رد مع اقتباس
قديم 25-02-2010, 03:57 PM   #3
. . : زعيم القناصين : . .
 
الصورة الرمزية R O N A L D O
 
افتراضي رد: افتراضي دامك بديره ترابيه .. انسى تتزوج سعوديه

ههههه ,
صرآحة موضوعـك , إيجآبي بعض الشيئ
من جهة البنآت السعوديآت , بس لو تطرقت مره للإمر .. صدقني منتب لاقي أزين منهن
يعني من عندك مثلاً ..؟
فـ أتوقع إن يعني كلامك صحيح بعض الشيئ .. بس صدقني ترا البنآت السعوديات .. أعتبرهن أنا من أزين البنآت بـ العآلم ..
يعني يكفي بس انهم مسلمين ,
وصرآحة مآتوقع إنك بتلقا زي كذا بجميع الموآصفآت انا ماقول انهم كاملات , والكامل الله سبحـانه ,,
بس يعني هن أفضل شيئ لو تبي الجد , يعني الكويتيات .. معليش لا والله , الاماراتيات اعوذبالله
يعني ماتلقاا لو بتدور .. فـ يعني مالك غير السعوديآت بتدور تدور ومرجعك لهن ..
,,
على العموم مآودي اطلو عليك اخوي فيصل , بس موضوع جد حلو ,,
كل الشكـر والتقدير لك ,,
....

R O N A L D O غير متواجد حالياً   رد مع اقتباس
قديم 25-02-2010, 09:44 PM   #4
. . : زعيم القناصين : . .
 
الصورة الرمزية O X Y G E N
 
افتراضي رد: افتراضي دامك بديره ترابيه .. انسى تتزوج سعوديه












اهلآ , فيصل

ياخي وانا اقرأ قلت متعب ذا هو انت
وموظف بغير ديرته بس اخبرك مااعرست
وتاكل اظافرك وتسحب شعرك نفسيه لاومتخرج من النفس >> بتتكفخ الاشوي
بصراحه اهنيك على جو السيناريو اللي سويته مرااا حلو
وبقولك حاجة دايم هالمقولة اغلب الناس يرددونها
حنا نشتري رجال بااخلاقه وسمعته الطيبة ووظيفته الكويسه
وش يهم وين كان ؟ اغلب المتزوجات اللحين ازواجهم يكملون دراسات خارج المملكه
وهالشيء عندهم عاتي جدآ
طيب وش تفرق الديره ؟ المهم انك مع واحد شاريك وصاينك والا ليش يتعب عمره
ويشق بحيله ويمرمط نفسه عشان يوفر المال اللي بينفعه في حياته وبينفعك

بصراحة بعض العقول اللي تفكر كذا وتوقف في طريق شخص يبي يكمل نصف دينه
احس عقول عقيمة






1/ ان موب كل من توظف يصير راتبه سبيل لأهله .. .. خلوه ينبسط براتبه ويوسع صدره



انبسط محد قال لاتبسط بفلوسك .. بس الفلوس بعد تبي شيء افضل من وناستك !
تبيك تجمع فلس على فلس وتبني مستقبلك فيهم وهذا اللي بينفعك

2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد


معك بهالشيء اغلب البنات يقولون مانبي نبعد عن اهلنا
بروح ديرة ماعرفها شلون بتأقلم مع الناس !
بس لو نفكر بنعرف أن الله مااختار هالطريق إلا لابد اننا نعايش كل الاوضاع الصعبه والسهله
والحياة مو كل شيء نبيه بنلقاه
الديره والا اماكن بعيده وحلوه الأهم اللي معك رجال وشاريك لاتحطون عوائق مثل كذا :/


3/ الزواج بعد الوظيفه مايمدحونه ابد .. يقولون العب براتبك لين تمل وعقبها يحلها ربك ( هالشئ من واقع تجارب ناس جربت هالشئ )



لايكثر
ايه ألعب الين تجلس على الحافه مامعك ولافلس واحد يحقق نصفك الثاني بكل المطالب



4/ يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها


هههههههههههههههههههه
تفتك وش دعوه ؟ جايبتها امها عشان تقول من يبيني غيرها ابي افتك
لاصدقني هالاشياء ماتنقال الا بلحظة عصبيه ابي اي واحد لو كان بالمريخ اهم شيء افتك

لاخير عاد .. اهلي لاغنى عنهم >> تيب لاتصيحين


المهم :
الله يزوجك ذيك الشينه اللي مدري وش عاجبتك فيه

الا بالله وش جنسيتها ؟ ض1


فيصل .. ننتظر طله ثانيه






التوقيع:
| استودعكم الله الذي لاتضيع ودائعه ! ]




O X Y G E N غير متواجد حالياً   رد مع اقتباس
قديم 26-02-2010, 12:17 AM   #5
قلم المجلس النشيط
 
الصورة الرمزية La réponse
 
افتراضي رد: افتراضي دامك بديره ترابيه .. انسى تتزوج سعوديه

اهنن فيصل


أقتباسوجلس متعب يمسمس بشعيراته وياكل اظافره


هههههههههههههه كسر خاطري

أقتباسمرت الايام وحس متعب انه طفشش للدرجه انه صار يحط بالطوفريه بيالتين وفنجالين
عشان يحس ان احد جالس معه < ماقد سويتها ترى ابد خخخخخخخخ




أقتباس
2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد


وش وراها خلها توسع صدرها

أقتباس
4/ يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها


هههههههههههههههههههههههههههههههههه انا اشوف كل الحالتين جايزه

أقتباس
وسودانيه < الاخيره خشت غلط بس متعب الله يهديه لاتحمس يجيب العيد


مو زيي أبد

..

موضوع خفيف وحلو ويغير جو بعد أول أسبوع دوام
يسلم دياتك

التوقيع:
-





-
friend of Mr.Long nose
La réponse غير متواجد حالياً   رد مع اقتباس
قديم 26-02-2010, 03:24 AM   #6
( بصْمة بيضَاء )
 
افتراضي رد: افتراضي دامك بديره ترابيه .. انسى تتزوج سعوديه

اهلن فيصل

موضوعك كله زين .. الا المغربيه


الحين ...........
السعوديات .. راعيات مسئوليه - نظيفه - ام عطورات - تحب الكشخه ض1 < اهم شي
لكن الجنسيات اللي منيب قايله ... غيرنا ... بالاهتمامات وكل شي
يعني كـ سعوديين صعب نتعامل معهم الا اذا جايز تغير الجو وتصير لك مسيار <

انا كـ بنت صراحه أحيان مقدر اتعايش معهم ..... لانهم غيرنا باشياء كثيره .
ابتداء من تفكيرهم الى .. اهتماماتهم .............. !!
فكيف بكره أنتم يالرجال تصير مسئوله عن بيتك .. وووو


أقتباس2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد



شي أكيد .............
نعيش من حاضر إلى أحضر < متعوب عليها ض1
ومو نرجع بحياتنا للورا ونعيش بديره خخخ



شكرا موضوع ممتع


..

التوقيع: -






الـ وجدآن غير متواجد حالياً   رد مع اقتباس
قديم 26-02-2010, 04:50 AM   #7
قلم ياسري
 
الصورة الرمزية بارونه مطير
 
افتراضي رد: افتراضي دامك بديره ترابيه .. انسى تتزوج سعوديه

عاااااااااافاكم ربي

طرح ولا اجمل

هنا اسجل تواجدي

التوقيع: - تريد ان تغتفر جميع ذنوبك ..!

الحل سهل ...قل ( سبحان الله وبحمده)* 100 مره ~ ولن يستغرق منك اقل من 5 دقائق ..
--------------------------------------------------
- كلما ضاقت عليك الدنيا كرر فقط ( لااله الا انت سبحانك اني كنت من الظـآلمـين)
بارونه مطير غير متواجد حالياً   رد مع اقتباس
قديم 26-02-2010, 05:36 AM   #8
عضـو اللجنـة الإعلاميـة ولجنة اصدقاء المجلس
 
الصورة الرمزية Sultanah
 
افتراضي رد: افتراضي دامك بديره ترابيه .. انسى تتزوج سعوديه

,’




أقتباسام متعب كل مادقت حافظه هالشريط ( والله ياام .... ان حنا شارينكم وودنا نناسبكم .. ولدي متعب وش ملحه ووش زينه ( التبن بعين امه عسكريم ) وهو متوظف وفي الديره ... ) طووووووط طوووووط وتصرفها ام متعب تقول والله يابوك ذبحنا يامتعب ماسدد الفاتوره وذا الخط دايم يقطع .. وش رايك تقوم تسددها ويقوم وامره لله ويسددها السبيكه لعل وعسى يمشي حاله



رحمتها





أقتباس ان موب كل من توظف يصير راتبه سبيل لأهله .. .. خلوه ينبسط براتبه ويوسع صدره



الا لاهلـه نستولي عليه قبل لاتجي بنت النااس ثم يسحب علينا ..



أقتباس

2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد




مايبيلـها يااخي وش جااب لجـآآب ..




أقتباس3/ الزواج بعد الوظيفه مايمدحونه ابد .. يقولون العب براتبك لين تمل وعقبها يحلها ربك ( هالشئ من واقع تجارب ناس جربت هالشئ )



انا معك في هالنقطه فللها ليين تمل لاحق على المسؤليـة وعوار الرااس لاعقلت فكر في الزواج ..




الخلالاصـة انكم لو تفحطوون ماانتم لاقين مثل السعووديـة تضفكم ..





عـوآآفي عالموضوع الكويـس ...





’,

التوقيع: [INDENT][INDENT][ حسبُنا الله , سيؤتينا الله من فضله إنا إلى الله رآغبون ♥ ]



[LEFT]
Sultanah غير متواجد حالياً   رد مع اقتباس
قديم 26-02-2010, 07:02 AM   #9
هلالي مميز
 
افتراضي رد: افتراضي دامك بديره ترابيه .. انسى تتزوج سعوديه



اهلين فيصل ..

موضوعك نايس .. بس لو انكم مبعدين عن المغاربه كان احسن -->
أقتباس
ويهز رأسه متعب ويقول لعنبوا ذا الاهل كلشششش فلوس فلوس مايودعون بشئ زين ولا شئ يفتح النفس

ههههههههههههههههههههههههههه
بجد

أقتباسصار رجالن بس من الدوام للبيت ومن البيت للدوام وكل مادقوا عليه اهله قالوا هاه بشر عسى اموركم سمحه وماشيه ؟ رد بنبره حزن وقال تساااااهيل تسسسساهيل وكلش زين
قالوا اجل كز لنا من دراهمك شوي خخخخخ < اوم البجاحه

ياني رحمته رحمه
أقتباس
توك بزر على العرس اصبر لين تركد وتمسك وظيفتك ولاحق على العرس

وش هالحاله

أقتباس
2/ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد


وشسمه شي طبيعي
اجل تقارن كندا بالديره ؟
وليش اغامر واخذه > اجل مغامره .. اكثر ما كثر الله العيال اللي يبون يعرسون
يعني اذا جاني ذا اللي من الديره ماني ملزومة اخذه
بنتظر كونه يجيني واحد احسن منه وفي مكان احسن

أقتباس
4/ يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها


هههههههههههههههههههههه
وليش تفتك ؟ .. لا مو لهدرجه
ومن للأنسان غير اهله ؟!

فيصل موضوع ممتع بجد
لا عدمنا هالطله

ŤαŁα ~ غير متواجد حالياً   رد مع اقتباس
قديم 26-02-2010, 08:05 AM   #10
Yasser Media Team
 
الصورة الرمزية دلوعـة الهيـلا
 
افتراضي رد: افتراضي دامك بديره ترابيه .. انسى تتزوج سعوديه

.
,

وعليكم السلام و الرحمه..
ههههههههههههههههههه

حيّاك الله فيصل ..


أقتباس
/ يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها


ماتنلام والله أجل أهلها حابسينها في البيت و لا يمشونها و يطلعونها تشوف الشمس إلا بعد طلعة الروووووووح تبيها تآخذ واحدن بيروح في ديره ما تعرف فيها أحد وفوق هذا بيحبسها بعد هو وخشته ض1
ولا إذا جت تطلع تتمشى وإلا عندها مشوار واجب تستأذن منه عاد هو يستغل هالنقطه

بس تبـون الجـد بلا زواااج بلا هم بلا وجع رااااس و غم ..


شكرا فيصل ضحكتني الله يوسع صدرك , وترى متعب ماهوب ميّت قبل يومه ض1

التوقيع: https://twitter.com/ys_090
دلوعـة الهيـلا غير متواجد حالياً   رد مع اقتباس
قديم 26-02-2010, 04:25 PM   #11
مراقبة سابقة بشبكة القناص
 
افتراضي رد: افتراضي دامك بديره ترابيه .. انسى تتزوج سعوديه

-
ولكم باك فيصل
منور الموقع وربي

بعدين وش قصتك معانا كل موضوع تحب تحارش السعوديات فيه
ايييه من الحب من قتل كل هذا عشان متشفق أي وحدة تقبل فيك يافتى ضبا


نجي لموضوعك
اللحين متعب ما تحمل الديرة وهو عزوبي ويبي يكون أسرة هناك
والله حالة

بعدين الرجل لما قبل لا يرتبط مو بس يكون مستقر ماديا يكون مستقر مكانيا ومستقر في الديرة اللي بيسكنها..
اللحين متعب عارف نفسه مو مستقر وش له يخطب اللحين يصبر يمكن يجيه نقل بعد كم يوم ياكريم
المسألة لو فكرنا فيها من ناحية دقيقه
الزوجه لما تجلس في ديرة مافيها ترفيه واهلها مو حولها ومافيها اماكن زينه ولا اسواق تطلع طاقاتها فيها بتوجه كل طاقاتها
تدقق في تصرفات زوجها متعب وتشك فيه وتنشب له يعطيها وجه طول اليوم
وهذا يسبب مشاكل ووكذا لما تصير متفرغه لك 24 ساعه ولا عندها مايشغلها غيرك يسبب مشاكل ممكن تكبر..

وبعدين بذمتك تقارن ضبا بكندا معليييش يعني <- من جاب طاري ضبا اللحين


نجي للجد اللي شارين رجال بكل ماتحمله كلمة رجل من معنى وفعلا رجل مايفوت
ما يفرق عندها المكان مهما كان

وشكرا فيصل على الموضوع
اللي احس مو تاليف واقع انت تعيشه ياحررام
بس لا تكون جد تزوجت هالاجازة مسيار

الف شكر وسعت صدورنا
ولاتكون الاخيرة كررها
للامانة 4مرات والله كتبت الرد وطار لظروف مختلفه
مابغى ينزل

التوقيع:
المزن الهلالي غير متواجد حالياً   رد مع اقتباس
قديم 26-02-2010, 04:47 PM   #12
قلـم ريـاضي مميـز
 
الصورة الرمزية بطاش الزعيم
 
Talking رد: افتراضي دامك بديره ترابيه .. انسى تتزوج سعوديه

:
:
ممكن سؤال انت فيك كميه خفة دم ليه ..
اقرى الموووضوع وتجيني حاله من الضحك
من اول وانا كل ماشوف لك موووضوع لازم قبل مادخل اضحك ..
يلا نجي الاقتبسات ..

أقتباسسلام عليكمـ
أقتباس
مدري وش جاني وفتحت موضوع جديد بس يقولون ان فيني شهوه كتابه
وان الكتابه تريح المخ والبال وتصفي الاذهان من الشوائب والمخدرات


الله يبعدك عن الاخيره ..
من يوم شفتك ساكن لحالك هناك واشك انك بتخرب ..

أقتباسكان يامكان في قديم الزمان .. هنالك انسان .. يسمى كحيلان خخخخ ( وشو بالتوكه )

ههههههههههههههههههههههههههههههههههههه

<< المفروض ولانصراوي يرد لان الموووضوع فيه دقه عليهم من تحت الحزام ..

أقتباسراح متعب وحزم اغراضه وجلس يودع اهله تسنه موب شايفهم الا بالجنه


ايه تلقاه اول مره يطلع من بيتهم ..

أقتباسويمر من عند الاخواااااات وهم مايعطونه وجه ويقولون لاجيتنا بأول اجازه
أقتباس
ترى نبي المطعم الفلاني ولا تنسى تعطينا وشسمه فلوس نبي نكشخ ونصير مثل البنات

ههههههههههههههههههههههههههههههههههههه
أقتباس

1/ ان موب كل من توظف يصير راتبه سبيل لأهله .. .. خلوه ينبسط براتبه ويوسع صدره


اي بذي صدقت ..
خل الشاب يسربت بفلوسه على راحته ..

أقتباس2/ ان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد
أقتباس


بالله كم مره خطبك وكرشوك يوم قالتهم ساكن مدري وين بضبا ..
أقتباس

/ الزواج بعد الوظيفه مايمدحونه ابد .. يقولون العب براتبك لين تمل وعقبها يحلها ربك ( هالشئ من واقع تجارب ناس جربت هالشئ )


فيه حديث للرسول بما معناه من تزوج يزود الخير عليه ولد خالتي تزوج يقول راتبي يوم تزوجت كان 6 ولايكفيني لحالي ..
يوم اعرست صرت اوفر ..
أقتباس

يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها


تبي تطلع على الدنيا ..

مووضووع خفيف يوسع الصدر فيه خفة دمك اللي نعرفها شكرا ..










التوقيع:
بطاش الزعيم غير متواجد حالياً   رد مع اقتباس
قديم 26-02-2010, 10:26 PM   #13
قناص مميــز
 
الصورة الرمزية .. فوق هام السحب..
 
افتراضي رد: افتراضي دامك بديره ترابيه .. انسى تتزوج سعوديه




وعليكمـ السلام ,,
مراحب فيصل
وينك مختفي فيه ؟

نجي لموضوعك اللي متشعب ونقاشي مع اني ما احب ادخل في هالمواضيع
الا اني مضطرة اناقشك دامك تكلمت عن السعوديات ..

بالبداية حابة اقولك ان التعميم جائر ..
نجي للاقتباسات ..

أقتباس وخذ ذاك القرض بـ 200 الف ويالله تسد بعد هالزواج

لاحول لله لهالدرجه 200
يمكن فيه عوائل تغلي مهورها وتشترط ان يكون الزواج بذيك القاعه
بس برضو فيه ناس معتدلين ,,

أقتباسمن قفله الاخلاق والنفس الشينه راح متعب لأقرب مكتب خطوط .. وحجز له على المغرب ..
وسحب على الدوام خذ له اجازه اسبوعين .. وراح فيذاك سربت له كم يوم ورجع متزوج على مغربيه شمحوووطه فيها من الجمال مايزن دير بقراها ماكلفته ابد شي(ن) يسوى
ورجع وباقي 3 ارباع القرض واستثمره في الاسهم



معليش انتم يالشباب شايفين المغربيات شي وهم العيون مسحبه والخشم افنس وكبير
والشعر عش عصفوور
انتم قولوا انهم ارخص بس لا تقولون جمال مدري وشو


أقتباس1/ ان موب كل من توظف يصير راتبه سبيل لأهله .. .. خلوه ينبسط براتبه ويوسع صدره


اكيد وهذا حقه بس برضو لازم يكون حنين على اهله مافيها شي لو عطى امه
او فرح اخواته بطلع او مطعم او شي زي كذا
على طاري الأهل
مره وحده من العائلة كانت تسولف على أمي وتسألها نايف ولدك كم راتبه
فالت امي والله مدري قالت مو معقولة ماتدرين قالت امي اهم شي انه مكفيه خلااص
قالت يعني مايعطيك من راتبه شي قالت امي مابيه يعطيني اهم شي انه مرتاح وساده هالراتب
وكأنها نقدت على امي من نظراتها


أقتباسان البنات غريبين لو خطبها واحد بيروح لكندا قالت ابيه .. بس لوخطبها واحد بيروح لديره وشسمه قالت وووووع مابي لو مااتزوج ابد


لا ياخوي
أبشرك صارت حتى لو بكندا بتستانس في البدايه وأول ماتروح شهرين وترجع وترفض تعتب باب بيتهم
الله يهديهم



أقتباس/ يقولون البنت اللي شاريتك تخاويك لو بالمريخ .. وانا اقول تمسوا على خير تبي تفتك من اهلها



لا حرااام محد مايبي أهله
بالعكس تلقى أهلها يصرون عليها ويرعمون انها تروح معه وين ما كان


فيصل ..
اتسهدي بالله ياخوي
وتوكل على ربك واعقلها
لاتعيب كثييير ..

.. فوق هام السحب.. غير متواجد حالياً   رد مع اقتباس
قديم 27-02-2010, 04:52 AM   #14
هلالي مميز
 
افتراضي رد: افتراضي دامك بديره ترابيه .. انسى تتزوج سعوديه

عودة حميدة اخوي

رزقك على الي خالق السود والبيض
ما اظن في يدين البشر حاجت(ن) لك

دامك بديره ترابيه .. انسى تتزوج سعوديه
موضوع فهمته من عنوانه قبل حتى لاأدخل بتفاصيله
وان قلت معاناة بقولك صح
لكن عند فئة عقلها صغير
هناك فرق بين المدينة والقرية
كمنطقة جغرافية
لكن لو جينا نفكر بلعقل ان كلاهم يتنفسون نفس الهواء
ويآكلون ويشربون
وش ماسوينا ماراح نمتاز عن أجدادنا
بلعكس انا اشوف ان حياة الديرة فيها هدوء يعكس صخب المدينة
لكن حكاية ان ارفض الشخص لانه بديرته هذا ضرب من جنون
الي ماله اول اكيد ماله تالي
مثل الي تقول وين بيسكني شقة ولا فيلا
مدينة ولا قريه
أبيض ولا اسمر
قصير ولا طويل

أسئلة الترفع عنها يجلب كل مافيه خير
الجمال ذاهب وقبول الشكل مطلوب
وللأخلاق نور يضئ في الدآرين

الترآب والله ماهوب الي بديرتك وديرتي
التراب الي تحت الأرض
الدنيا لاتستحق العناء مصيرها هباء

قَالَ رَسُولُ اللَّهِ صلى الله عليه وسلم: إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ .

تتمتع بسلاسه الأسلوب ومتعته
أسأل الله أن يرزقك وشباب وفتيآت المسلمين بمن هم أهل لذلك
ودمت بخير

التوقيع: اللهم ارزقنا قبل الموت توبة وعند الموت شهادة وبعد الموت جنة
اللهم اجعل اخر أعمالنا من الدنيا الصلاة واخر قولنا لا إله الا الله محمد رسول الله...
سبحان الله
والله أكبـر
ولاحـول ولا قوة إلا بالله
ولا الـه الا انت سبحانك انـي كنت من الظالمين!

التعديل الأخير تم بواسطة هلالية بنكهة ياسريه ; 27-02-2010 الساعة 04:54 AM
هلالية بنكهة ياسريه غير متواجد حالياً   رد مع اقتباس
قديم 01-03-2010, 11:29 PM   #15
. . : زعيم القناصين : . .
 
الصورة الرمزية ملك روحي
 
افتراضي رد: افتراضي دامك بديره ترابيه .. انسى تتزوج سعوديه

.
.

ياهلا فيصـل
ولكم باك
مدري حسيت انك شايل على بنات السعوديه ض1


أقتباس
2/ ان البنات غريبين لو خطبها واحد بيروح لكندا قالت ابيه ..
بس لوخطبها واحد بيروح لديره وشسمه قالت وووووع مابي لو مااتزوج ابد


الناس مو سوا يعني اذا ربي كاتب هالزواج راح تسكن معاهـ لو بالربع الخالي ض1
ولاتقارن بين ديرة وشسمه و كندا دوله من أفضل دول العالم من جميع الجهات
ثقافياً اقتصادياً حضارياً


أقتباسورجع متزوج على مغربيه شمحوووطه فيها من الجمال مايزن دير بقراها
ماكلفته ابد شي(ن) يسوى
ورجع وباقي 3 ارباع القرض واستثمره في الاسهم


يامدور الهين ترا الكايد احلى ض1

- اممم ياليت متعب يراجع افكاره , لانها أبعد ماتكون عن الصواب ض1


نورت
تعال دايم

التوقيع:
-
ملك روحي غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:24 PM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi