» - اڷـمـايگ معَ » A r e e j « ¬ ! - شبكة القناص

**..: قسم المجلس :..** · 12-02-2010, 04:14 AM

.

= تلتقط ‘المــايك
لـ تحكي عن سنين عمرها
وما حاكت فيها من ضحكات وعبرات
وأمـاني عظام ..‘

سـ نتقرب أكثر من أفكارها ..
و يومياتها المملة ...
ومواقفها الطريفة ‘

‘

» A r e e j « ¬

* سـ تحكي لِــ 3 أيـام
وانتم تقرؤون فقط . .
وبعدها يفتح المجال لـ تعليقاتكم !

فــكرة :
ملائــكيه
تصميم:
Anoud '90

**..: قسم المجلس :..** · 12-02-2010, 04:16 AM

* مُــشاهدة ممتـــعة

**A r e e j** · 12-02-2010, 02:55 PM

*
*

بـِ الصلاة والسلام على سيد المرسلين نبيّنا محمد
" صلّى الله عليه وسلّم " -
أبدأ ..

المايك مع ................
.................. أريـج ..

قليل من يعرف الكثير عن أريج في الموقع ..
بس أريج ماتحب تتكلم كثير عن نفسها عشان كذا يمكن محد قِدر يتعمق في معرفتها ..
وهذا هوْ الوقت جآء ..
ومن الصعب عليّ إنّي هنا أتكلم عن أريج ..

كونوا في الإنتظار وسأكون بين أيديكم ..

**A r e e j** · 12-02-2010, 03:14 PM

*
*
أبرز النقاط التي سأكون بها هنا ..

( 1 )
نبذة مختصرة عن [ أريـجْ ] ..

( 2 )
من أهمْ [ التغيرات ] في حياتي ..!

( 3 )
عشقي الأبدّي لا يزول مهما [ تغّيرت ] الظروف ..

( 4 )
موطن[ سكنتْ ] به ويصعُب علي فراقه ..!

( 5 )
صدمة [ قلبتْ ] أحوالي إلى الأفضل ..!

( 6 )
بس .. : )

**A r e e j** · 12-02-2010, 05:05 PM

*
*

قلب ، عروقه من ماء طاهر
و طيبة الأريج هي سر جاذبيتها ، كما أن الحزن لا يليق بها أبداً . ف هي تصنع التفاؤل للآخرين و هي أولى بإستخدامه .

ماذكر أعلاه بحق أريج من شخصية مقرّبه مِنها وهي أقرب لـَ أريج كثييييييير ..
لأني خشيت من وصف الأريج فحبيت أبدا بهذا الكلام إلي يعني لي الشيء الكبير ..

[ أريج ]
فتاة تودّع 24 وترّحب بالـ 25 عاماً ..
من مواليد 12 / 7 / 1405 هـ ، 3 / 4 / 1985 م ..

أريج طامحه متعاونه نشيطه ، تحب وتعشق الاطفال ..
ولها خبرة في تربيتهم والتعامل معهم وكسب محبتهم ..
أريج طول ما الحياة تمشي هي لها بصمة فيها ..
وإن ماكان لها مجال معين تشتغل فيه ..

أريج تحمل قلب ورثتهُ من تاج رآسها [ أمها ]
قلب يحمل الحنان والحب والعطف والخير للجميع ..
قلب مرهف الاحساس غلب عليه الكتمان ..
أغلب صفاتها من أمها خذتها .. يعني قليل فيها من أبوها ..
وتفتخر أنها مثل أمها في كل شيء ربي يخليها لها ..
ولله الحمد إلى الآن لم أصادف أعداء ومشاكل من الموقع أو خارجه ..
مسالمه ..

**A r e e j** · 12-02-2010, 05:10 PM

تخرجت أريـجْ من الثانوية العامة قسم علمي عام 1423 - 1424 هـ
بنسبة 79.31 % ماتوقعتها أبداً على نسبة الترم الأول 90 % ..

وتقريباً حالياً تدخل في السنة السابعة من بعد تخرجها من الثانوية ..
تحب المعادلات والمسائل الحسابية ، وكان طموحها تتخصص فيزياء وتصير مدرسة فيزياء ..
لكن مالله أراد .. وخيره يمكن لها ..

بعد التخرج حاولت في كُلّيات وجامعات لكن للأسف ماقبلوا إلا إنتساب وكان ردها بالرفض ..
وماصار هالشيء والحمدلله على كل حال ..
وسنة بعد سنة وبعد سنة شالت من بالها التقديم في الكُلّيات ..
وبعد 6 سنوات تقريباً سجلت في معهد حاسب آلي وخذت شهادتين :-

* [ شهادة الرخصة الدولية لقيادة الحاسب الآلي ( ICDL ) ] ..
* [ شهادة المعارف ] ..
ولاَ زال البحث جاري عن وظيفة ..

**A r e e j** · 12-02-2010, 05:40 PM

من أهم وأجمل التغيرات التي مريت فيها بعد الدراسة ومحاسبة نفسي على كل خطوة أسويها ..
كنت أرددها كثير لمن يسألني وش هواياتك ..
وبكل ثقه أقولها [ سماع الأغاني ] ..!!

كان أغلب وقتي في المدرسة أردد الأغاني الي أحبها ..
أو أكتبها على كتبي وقت المذاكراة , ولازم لما أذاكر أشغّل نوال أو أحلام ..
وكان وقتي على روتانا أغاني راشد الماجد على عبدالمجيد عبدالله على ريم وووو......

وكنت من عشّاق ومحبين أحلام كثير ...
وكنت أعشق أغنيه [ والله أحتاجك أنا ] ..

ومجنونه فيها لدرجة يوم سافرنا [ دبي ] وأول مادخلنا تعرفون إلي في الشوراع
يزوعون إعلانات وأستقبلونا بـَ إعلان [ حفلة للأحلام ] ومعها عيضه المنهالي ..
بس الأهم عندي كان أحلام ..

وكان وقتها نجحت من ثالث متوسط ورايحه على أولى ثانوي ..

ومن بعد الاعلان جلست فوق رأس أمي وابوي عشان أحضر الحفلة بإي طريقة ..
وبحكم أمي ماكانت تسمع أغاني رفضت اني أروح في البداية ..
بس مانسيت السالفه دامها دخلت في بالي بس أفكر كيف أقنعهم ...؟

وقتها كان خالي وزوجته مسافرين معنا وكان من حسن حظي وقتها وأقنعتهم أني اروح مع خالي ..

وبكل سهولة وافقوا وأنا طرت من الفرح ..

أني أول مرة اشوف أحلام على الطبيعه ..

وسرينا للحفلة بعد ما شرينا التذاكر وإنطربت بصوت أحلام .. " استغفر الله "

وتمنيت أتهّور وأورح لين عندها في المسرح ..
هذي من الامنيات في وقت المراهقه ..

وسبحان مغيّر الأحوال .. يغّير ولا يتغير ..
بعد تعلقي في هالأغاني والفنانين والفنانات بديت حبه حبه ..
وأولها بتكسير الأشرطه إلي عندي وكانت قليله تنعد على الأصابع ..
وحبه حبه لين ماحذفت قنوات الأغاني وكل شيء تعلق فيها من [ الرسيفر ] ..
لأن ماكان إلا أنا أهتم فيها بهبال ..
وكانت رغبة مني بدون تدّخل أهلي ، رغم أنها أمي كانت تحاول فيني قبل أني أترك الأغاني ..
ودايم تقولها لي [ لو تتركين هالأغاني أحسن لك ] ..
وأنا أجاوبها وأقول [ خليني أتمتع بحياتي زي ماكنتوا قبل ] .!!

ماكنت وقتها واعيه في ها الأمور بشكل كبير ..
والحمدلله صار البيت ألحين كلّه مايسمعون أغاني ..
وزرعوا هالشيء في أخواين الصغار ونموهم على هالشيء والحمدلله ..

**A r e e j** · 12-02-2010, 08:26 PM

الفراغ شييين بقوة وخصوصاً للبنت إلي مالها طلعات ولا روحات وجيات .. : )
بس الحمدلله كان من صالحي إني أجلس في البيت بعد الدراسة وأتفرغ لنفسي وأكسب خبرات أكثر ..

بعد ما أنتهيت من دراستي بديت أحس بالملل ووقتي ماكان له معنى بدون شيء .. :/
شعور صعب أتعود عليه بسرعة بعد ماكنت يومياً أصحى الصباح عشان أروح المدرسة ..
وأرجع ويكون يومي كله في نشاط وحركه ووو .....
وينتهي بالتعب والنوم ويرجع نفس النشاط في اليوم الثاني ..
وفجأة يتغير الوضع عليْ ..

كان وقتي يمرّ صعب علي كنت أعصّب على أقل شيء وأتفهه الأسباب وبدون إي سبب ..
يعني بالأصح كانت نفسيتي [ زفت ] وما أتحمل أبسط الأمور ..
أشوف خواتي يدرسون ورايحين المدارس وأنا جالسه لا شغله ولا مشغله ..!

مع مرور الوقت والشهور أشغلت نفسي بشغل البيت ..
وبحكم أمي - الله يحفظها - ماتحب الشغّالات أبداً وتحب كل شيء تسويه من نفسها ..
وخلتنا مثلها نفس الطبع ..
صارت تعلمني على بعض الطبخات ..
والأشياء إللي مالي فيها خبره ويخص المطبخ ..
والحمدلله تعلمت علي أشيآء كثيرة في وقت قصير مااااااره ..

وصار لي دور في غسيل الملابس وكويها وتنظيف البيت والمطبخ ..
بس الطبخ نادراً ماأطبخ إلا في حالات الطوارئ مثلاً أمي تعبت .. :/
أو وقت ما إنكسرت يد أخوي الصغير وتنوم في المستشفى ورافقت معه أمي .. :/
فكنت أطبخ أنا وأختي - الله يرحمها - كانت أدوار مابيننا ..

وأستفدت من تعليم أمي وخصوصاً وقت ولادتها في آخر العنقود [ فيصل ] ..
تعرفون إلي تولد لها أكلات خاصة زي [ العصيده و المرقوق ] و الأكلات الي تنفعهم ..
وقتها كنت أطبخ لأمي والحمدلله طلعت نتايج التعليم ..

وهذا فصولي هو إللي ملا علي دنيتي ..

هو إللي خلاني أشغل نفسي فيه ..
وخصوصاً كان قبله [ فهد ] فرق بينهم سنتين ، أمي ماحبت تهتم في فصولي أكثر من فهودي ..
عشان مايتعرض لحالة نفسية أوشي من هالقبيل ..
كان فصولي أغلب وقته معي أغير له وأسوي له حليبه وأنومه وكل شيء ..
كان معي أغلب وقتي ..

وأذكر كانوا كلهم يدخلون ينامون إلا أنا أكون معه في الصالة وأسهر معه لين ينام ..
وإذا نام خلاص أدخله عند أمي ..
ويوم صار عمره سنتين صرت أخليه ينام عندي على سريري ..
لأنه تعود علي في كل شيء من صغره صرت أمه الثانيه ..

وألحين عمره 6 سنوات بيكملها إن شآء الله في اليوم الثامن من الشهر الجاي هجري ..

**A r e e j** · 12-02-2010, 11:12 PM

عشقي الأبدّي لا يزول مهما [ تغّيرت ] الظروف ..!

عشقي الهلالي لم يكن صدفه ..!
كان وراثياً عن جدي وجدتي إلي هم ْ أبو وأم [ أبوي ] ..

وأخوي بعد هلالي ، أما باقي البيت مالهم إي ميول ..

إلا أمي كانت قبل الزواج [ نصراوية ] ..

بس الحمدلله إنها بعد الزواج إبتعدت عن [ النصر ] ولا كان علووووم ..

بس أحسها لين الحين يحن قلبها لهم ..

بس الحمدلله هذا الشيء الوحيد إللي ماخذيته من أمي إللي هو [ تشجيع النصر ] ..

بداية عشقي للهلال من صغري أيام الدراسة كنت بس أسأل أبوي عن النتيجة إذا فيه مباراة للهلال ..
أما المباريات ما أتابعها ولا أجيب خبرها وأكره شيء إسمه [ إستديو تحليلي ] ..

<< يقالكم ألحين مشغوله بالدراسة وأنام بدري أصلي العشآء وأنام ..

وبعد ما خصلت هالثانوية حطيت حرّتي في شيء إسمه [ كووووره ] ..
حسيتها هي الشيء إلي قريب مني وإللي تناسبني في ظل هالفراغ ..

يعني ماكنت زي باقي البنات أتبع آخر موضه وأزياء ومسلسلات وخرابيطها وووو ...

لا أبداً مريحه بالي من هالناحيه وأكتفيت بالكورة من ناحية متابعه أو لعب ..

وتابعت دوري سعودي على قطري على إماراتي على كويتي ..
بس أكثر شيء السعودي والقطري شدني ، بس هالأيام سحبت عليهم ما صرت أتابع إلا الهلال ..

عكس قبل لو مباراة للنصر وفريق ثاني تابعته بكل شيء إستدويو تحليلي ولقآءات ..
يمكن صار عندي تشبع منهم وأكتفيت بالهلال ..

وصديقي في كل المباريات [ أبوي ] ..

كل ماجت مباراة نتجهز لها وعلى طول في مجلس أبوي ..
أغلب وقتي أنا معه إذا فيه مباريات وبرامج خاصة بالكورة
سوآء كل الرياضة ، أو صدى الملاعب أو في المرمى أو الجولة ..

نجتمع ونحلل مع بعض ونطلع حرّة الخسارة في إي شيء ..

أمّا [ الفوز ] أخليه يعشينا وأطلع أقولهم أبوي بمناسبة فوز الهلال بيعشيكم أو إي شيء يعجبهم ..
يعني أحطه أمام الأمر الواقع وهو ماكان مخطط لشيء ..

كنت قبل لازم ألبس كل شيء هلالي وقت المباراة وأتشخص بكل شيء أزرق ..

لكن هالأيام تركتها هالصفه ، مدري بس كذا خلاص خليتها ..

ولازم اي مباراة للهلال أسجلها ، وقبل بكم يوم أشتري الأشرطه أبو ساعتين أو ثلاث ساعات ..
وأسجل مبارايات ولقآءآت خاصة بلاعبي [ الزعيم ] ..

فوق الثلاثين شريط ..

ووبعد حالياً تركت التسجيل وأكتفيت بالمتابعه بس ..

بس يبقى عشقي للهلال مثل ماهو ..

**A r e e j** · 13-02-2010, 05:41 AM

موطن[ سكنتْ ] به ويصعُب علي فراقه ..!

موقع [ القناص ] هو موطني الذي أكتشفت منّه مواهب فيني وخلاها تنتشر ..

بعد ماكانت مدفونه في داخلي ..

موقع القناص يمكن ذكرت قبل كذا في موضوع لي من كم سنة ..
إني تعرفت على الموقع من خلال تصفحي لموقع الزعيم ..
ولقيت رابط موقع القناص على صورة لياسر أتوقع أو تصميم ..
وآخذ الرابط وبدون تردد أدخله وأتصفح وكان وقتها مالي خبره في النت ولا كيفية التسجيل فيها ..

ما كنت أذكر إلا قسم الصور وأتصفح وأجمع صور لـِ ياسر
والطابعه موجوده وأطبع وأحتفظ فيها في ملفي الخاص بكل شيء هلالي لين مافضى حبر الطابعه ..

وبعد كم يوم ومن كثر ماصرت أدخل موقع القناص تعرفت على كيف أسجل فيه
من أخوي الكبير [ خالد ] طبعاً هو إلي علمني كيف أسجّل وهو إلي سوا لي الإيميل وكلمة المرور ..
وأنا ولا أعرف شيء أبد ..

وعاد يوم جآء يسجل جلست أفكّر وش أختار نك نيم لي ..؟
فقلت لـِ أمي وش أختار هي قالت لي مجنونة الهلال ..

بس للأسف كان موجود هالأسم ، وجربت كذا إسم ..
آخر شيء أمي [ الغالية ] أختارت لي [ مجنونة هلالية ] ..

وتمّ تسجيلي بهذا اليوزر ، وكان غالي علي كثير لأنه من أختيار [ نبض قلبي ] ..

يتبع >>

**A r e e j** · 13-02-2010, 06:16 AM

تعديت خطوة التسجيل ولله الحمد ..

بس ماكان طموحي بس التسجيل وأجلس كذا بدون تواجد يُذكر ..!
كنت أطمح لشيء أكبر كثيـر من مجرد تسجيل ..

ومن حبي لـِ موهبة وفنْ اللاعب [ ياسر القحطاني ]
قررت يكون لي [ إسم ] يثبت تواجده من أجل هذا الشخص فقط لا غير ..!

وكنتْ أتصفح الأقسام ككل لكن مالفت نظري وحطيته في بالي إلاّ [ صوت جماهير القناص ] ..

وخططّت مباشرة إنه يكون إسمي بين [ مشرفين ] هالقسم بغض النظر عن الإسمآء الموجوده ..

وكانوا هم [ حالي الذوق ، وسعودي ويلوموني ، ومشرف ثالث يوزره " القحطاني " بالإنقلش ] ..
وكان المراقب على القسم وقتها [ الهرش ] ..

كنت أدوّر وش أسوي عشان أوصل لـِ [ الإشراف ] ..؟

جلست أتصفح الملفات الشخصية الخاصة بـِ مشرفين قسم [ صوت جماهير القناص ] ..
لقيت إلي أغلب مواضيعه عن إشادات ياسر من المواقع العالمية والفيفا وكذا ..
بس حسيته صعبه شوي لأنه مالي خبره في هذا الشيء ..

جيت لملف ثاني لقيت أبرز مواضيعه دعم لياسر سوآء قبل المباراة أو بعدها ..
دخلت مزاجي كثير هالفكرة إني أكون مع ياسر في كل وقت الخسارة أو الفوز بـِ مواضيعي عنّه ..

ومن زود الحماس كان أول موضوعي [ هنا ] ..
بس إني دعمت ياسر بعد ماطلع مع المنتخب من كأس العالم 2006م ..

وبعدها بكمْ يوم صرت أحاول أرد على كل موضوع يخص [ ياسر ] ..
طبعاً كأي عضو جديد بـِ مشكور ، والله يعطيك العافية ..

ومع حذف الردود لي من المشرفين تعلّمت أعبّر عن أجمل العبارات في حق نجمنا [ القناص ] ..
وكانت بعيده عن الالفاظ إلي يردون فيها بعض البنات ..

كنت أرد وكلامي عن موهبة [ ياسر ] وكيف كان في المباراة هذي وكذا يعني ..

وبدت الإشادات تجيني من مشرفين القسم وعلى رأسهم المراقب [ الهرش ] ..
ولقيت دعم كبير منهم يوم واصلت بس في ردودي وصرت عضوه بازره في الردود على مواضيع [ ياسر ] ..
وكان تحفيزهم في إني أكتب موضوع عن [ ياسر ] ..
وكان رد للـِ [ الهرش ] في أحد المواضيع إلي هو كتبها عن [ ياسر ]
يعقّب على ردي وطلب إني أكتب موضوع ..
وقتها تحمّست في إني أكتب موضوع عن [ ياسر ] ويكون أول موضوع جدّي مو زي أول واحد ..

طبعاً الفترة هذي إللي برزت فيها ماكان أبداً فيه بنات لهم حضور قوي إلا بس [ الشباب ] ..
من بعد إنتقال المتميزة والقريبة لقلبي [ المزن الهلالي ] إللي أعجز عن وصفها ..

مثال ونموذج يُقتدّى فيه من ناحية دِفاعها عن ياسر
يوم كانت مشرفة على الصوت وحتى بعد ماتركته أو كمستشاره ..

وهذي إلي حمسني وخلاني أثبت تواجدي أكثر وأكثر ..

في عدم تواجد إي عضوه بازره ..

وبدا وقت الجد وكانت إرادتي القويه وأملي في الله كبير إن تكون هالخطوة ناجحه بالنسبه لي ..

..
وقررت أكتب موضوع عن [ ياسر ] ماكان وقتها فيه مباراة ..
بس جتني عزيمة ورغبة شديدة في بداية المشوار من خلال هالموضوع [ هنا ] ..

ولقيت التفاعل الكبير إللي كنت أحتاجه وتواجد ردود من مشرفين القسم
وكان أول موضوع لي في القسم بعد الإرادة القويه ..
وأول موضوع ينقل للأرشيف المواضيع المميزه ..

يتبع >>

**A r e e j** · 13-02-2010, 08:14 AM

وواصلت تواجدي وحضوري في [ صوت جماهير القناص ] ..

وبعد أول موضوع لي قررت بعد فترة أكتب موضوع عن [ ياسر ] ..
وكان وقتها ياسر غايب عن الهلال والمنتخب ..
وكانت فرصة حلوه لي إني ادعم ياسر في هذا الوقت بموضوع أواصل في خطواتي للي أبيه ..

وكتبت الموضوع ومثل ما كان في الموضوع الأول
من تواجد مشرفين القسم والهرش في دعمي بالردود وتشجيعي للمواصلة ..
كانت هاالمرة تواجد ودعم كبار الهلاليين في الساحة الرياضية [ على معتـوق العمـري ] ..
كان تواجده دافع كبير لـِ مسيرة [ قلمي ] وفي بداية مشواري في عالم الكتابة ..

[ هنا ]

وبعد مجهود واصلت وتميزت في تواجدي تم تعييني مستشاره ..

ضمن لجنة مستشارين خاصين بـِ تطوير الموقع ككل بكل إقتراح يفيد الموقع ..

كنت :-

مجنونة هلالية
قناص جديد

وبعدها أصبحت :-

مجنونة هلالية
. : مستشـار : .

ولم أقف إلى هذا الحد .. وأكتفي بهذا القدر بهذه الرتبة ..!
بل واصلت وأثبت إستحقاقي الإشادات التي حصلت عليها ..

ولا زلت على تواجدي وحضوري المتواصل
في [ الموقع ] بـِ صِفة عامة وقسم [ صوت جماهير القناص ] بصفه خاصه ..

ولم يختفي تواجدي بعد تعييني مستشاره ..

كثفت ردودي وكتبت موضوع بعد التعيين [ هنا ] ..

ويمر شهر شهرين ثلاثة شهور ووووو ....
وأصبحت الإشادات أكثر سوآء من مشرفين أو مراقبين الموقع [ Yasser 20 أو روبـن هـود أو بن خوري ] ..
فكان تواجد يوزرات بحجم هكذا تواجد يجعلني أكثر من قبل ويبقى أملي أكبر في الوصول للأشراف ..

وقرّب وقرّب اليوم إللي خططّت عليه و كنت أنتظره ..

ويبلّغني مراقب القسم [ الهرش ]
بترشيحهم لـِ [ مجنونة هلالية ] مشرفة على قسم [ صوت جماهير القناص ] ..

وأنا على طول أرسل الموافقه وبدون إي تردد ..

لدرجة اذكر أنه يسألني ويقول ترى تكليف وقسم جماهيري وهو واجهة المنتدى فكري لا تستعجلين ..

مايدري أني كل هالمدة إلي مرّت وأنا أفكرّ على هالشيء ..

مجنونة هلالية
مشرفة قسم صوت جماهير القناص

وهذ إلي كنت أتمناه [ هنا ] ..

ولله الحمد تعب ومجهود الـ 6 شهور من تسجيلي في الموقع ماراح تعب على الفاضي ..
توّج وبمجهود كل من دعمني بعد توفيق ربي بـِ [ الإشراف ]
على القسم إللي حبيته وتمنيته ..

والأحلى أن الكل راهن على نجاحي والحمدلله ماخيبت ظنهم وقدمت إلي أطمح له ..

**A r e e j** · 13-02-2010, 07:17 PM

الكابتن [ ياسر القحطاني ] ليس لأنه هلالي أنا من جمهوره ومتابعيه ..!
لا .. كنت أتابع كل مايخص ياسر قبل لا يجي للهلالْ ..

لفت نظري في حضوره مع المنتخب في [ خليجي 16 ] وماكنت أعرف إنّه في إي نادي ..
بس كنت أتحمس على إي مباراة هو يلعب فيها ..
وبعد متابعتي اليومية للدوري السعودي عرفت أنه في [ القادسية ] ..
وصرت أتابع مباريات القادسية عشان [ ياسر ] ..

وصرت إذا فيه مباراة للقادسية ما أطلع من البيت أجلس مع أخوي أو إي أحد يجلس بالبيت ..

وكانت وقتها في مباريات مهمة وخروج مغلوب في كأس ولي العهد ..
وكان ياسر له حضور قوي وله أهداف حاسمة في هذي البطولة [ كأس ولي العهد ] ..

وتأهل نادي [ القادسية ] إلى النهائي ..
وطبعاً لازم يكون طرف ثابت في كل نهائي [ الهلال ]

عاد أنا هلالية وياسرية في نفس الوقت ..

شجّعت الهلال طبعاً بس تمنيت ياسر يسجل هدف في هذي المباراة في مرمى الهلال ..

والبطولة مثل ماتمنيت جت للهلال ..

بس للأسف [ ياسر ] وقتها ماسجل وإنطرد في هذي المباراة .. :/
بس أحلى شيء إنها آخر مباراة لياسر مع القادسية ..

وبعدها إنتقل للزعيم ..

وأذكر أول لقآء شفته له كان في برنامج [ المواجهه ]
إلي يقدمه [ بتال القوس ] ..

**A r e e j** · 13-02-2010, 10:53 PM

صدمة [ قلبتْ ] أحوالي إلى الأفضل ..!

يمر على الإنسان لحظات ماكانت في البال وبعيده كثير ..
مرّيت بظروف قاسية وكانت بـِ فراق أغلى وأقرب البشر من روح وفكر [ أريج ] ..
كانت وفاة أختي - الله يرحمها -
أكبر مني بسنة وحده ، أقرب لي من أختي إلي أصغر مني كثير ..
كانت أسراري كلها عندها ، كنت أحكي لها وأشكي ..
أستشيرها في كل شيء أسويه ، تنصحني وتوجهني ..

كانت لي كل شيء ،، كانت دنيتي كلها تفهمني بدون ما أتكلم وأنا نفس الشيء ..
عرفنا تفكير بعض ..

قررررررررررررررررررررررريبه مني كثير ..
إذا راحت امي مكان أنا وياها نتفق أننا نروح ثنتينا ولاّ نجلس مع بعض ..
عشنا قرّاب من بعض وحتى وقت فراقنا كنا مع بعض ..

إيه وقت فراقها وقت ما إرتفعت روحها لـِ ربي ..
كانت بين يديني بين يديني بين يديني ..

ماكان فيها شيء ولا تعاني من إي مرض ، بس حست بدقات قلبها تزيد وضيق في التنفس ..
فقلت أنا بروح معها المستشفى وأبوي يودينا ..

وخلاص لبست عبايتي وهي لبست عبايتها إلا تفقد توازنها وتمسكني ..
ماقدرت تمشي خلاص ماقدرت رجولها تسندها ، أخوي وأنا شلناها لين ركبت أنا في السيارة ..
وركبنا ورى وسدحتها وحطيت رأسها في حضني وأمسح وجهها بمويه مقري فيها وهي خلاص ..
كأنها تودع الدنيا وتودعني وهي بين يديني ..

أبوي ماعرف يسوق خلاص ماصار يشوف الطريق يسرع وبتهور يبي يروح لأقرب مستشفى ..
وهي ماغير تقول [ لا إله إلا الله ] ومو حاسه فيني أكلمها ماترد ..

خلاص بديت أنهار ولا كان ودي أوضح لأبوي إنها خلاص طلعت روحها ..
أبي يكون الأمل موجود لين ما نوصل للمستشفى ..

ووصلنا ووحاولوا الدكاتره في تنشيط القلب وو

بس خلااااااااااااااااااااااااااااااااااااااص
أمر ربي وقدر مكتوب في أن روحها ترجع لربها في هذا اليوم ..

ماعرفت يوم شفت أبوي زي المجنون عندي وأمي من جهه في البيت ماتدري وش إللي صار ..
تدق على جوالي وجوال أبوي بس مانرد عليها ..

لإن بيوضح من صوتنا أنه أختي فيها شيء ..

أنا دقيت على عمي وعمتي وماقصروا وجو عندنا في المستشفى ..
وكان وقتها معزومين عند اقارب لنا وكلهم جو المستشفى ..
مو مصدقين توقعوا إني غلطانه ..!

وأمي وقلبها حس إن فيه شيء جت مع أخوي وأخواني الصغار معهم ..
هي شافت عند باب المستشفى كل الأهل والأقارب وقتها ماقدرت تمشي ..
وتجيها وحده منهم وتقولها كذا في وجهها [ عظم الله أجرك ] ..!

أمي معها ضغط ما تحملت وطاحت علينا ..
وبعد ماصحت ، تلومنا في إننا ماقلنا لها ..
وبغت تشوفها خلاص نقلوها للثلاجة وقالوا بكرى خذوها وتقدورن تشوفونها ..

وأمي ماقدرت لأنها كان قبل شهرين جدتي توفت - الله يرحمها - إللي هي أمها ..
بعد صراع مع [ السرطان ] الله يحميكم ويحمي جميع المسلمين من كل مرض ..

وجاء اليوم الثاني ورحت انا معي امي وعماتي مغسلة الأموات ..
كنت أبي أدخل مع أمي وعماتي أغسل أختي ..
بس رفضو قالوا بس ثلاثة قلت أنا خلاص أدخل أشوفها واحبها قبل لا يدفنوننها ..
دخلت أمي وعماتي الثنتين ، وأنا جلست أنتظر متى ينتهون ..

أفكر كيف أشوفها كنت خايفه مدري وش ردة فعلي لما أشوفها ..
وكانت آخر مره أشوفها فيها ، شفتها بعين الوداع ، شفتها ومسكت نفسي وحاولت أكون قدام أمي أقوى ..
إذا أمي وأبوي وأخوي أنهاروا كنت أقوى وأصبرهم ..

:(

**A r e e j** · 14-02-2010, 12:07 AM

وإستمرت الحياة وتغيرت أشيآء كثير فيني ..
وصرت أكبر البنات وقبلي بس أخوي ..
بس صارت المسؤولية كبيره عليّ ، والحمدلله قدرت أتحملها ..

تركت [ صوت جماهير القناص ] إلي كان أغلب وقتي فيه ..
هو إلي ماقدرت أتحمل أكون موجوده فيه وأنا بهذي الحاله ، يبي لها مجهود أكبر ..

قررت الإستقالة وإبتعدت عن القسم والموقع ككل ، بعدت عن كل الناس ..
حبيت أبعد وأعيش بعيد ، صرت حساسه أكثر من اللزوم ..

هذا الشيء إلي خلاني أبعد عن الكل ، قلت أرّيحهم وأرتاح ..

كنت أشغل وقتي بقناة بداية ومحاضراتها كانت جداً مفيده ومؤثره في حياتي ..
كنت وقتها أحتاج مثل هالأشيآء إللي تزيد من صبري على قدر الله ..

صرت مسؤوله عن أخواني الصغار في غياب أمي أو إنشغالها ..
كان إي شيء يصير لازم أكون أنا إلي مسؤوله عنه ..

12-02-2010, 04:14 AM	#1
..: قسم المجلس :.. اليوزر الإداري لقسم المجلس	» - اڷـمـايگ معَ » A r e e j « ¬ ! . = تلتقط ‘المــايك لـ تحكي عن سنين عمرها وما حاكت فيها من ضحكات وعبرات وأمـاني عظام ..‘ سـ نتقرب أكثر من أفكارها .. و يومياتها المملة ... ومواقفها الطريفة ‘ ‘ » A r e e j « ¬ * سـ تحكي لِــ 3 أيـام وانتم تقرؤون فقط . . وبعدها يفتح المجال لـ تعليقاتكم ! فــكرة : ملائــكيه تصميم: Anoud '90 التعديل الأخير تم بواسطة ـأَوْطَـانٌ . ; 21-02-2010 الساعة 05:44 AM

12-02-2010, 04:16 AM	#2
..: قسم المجلس :.. اليوزر الإداري لقسم المجلس	» - اڷـمـايگ معَ » A r e e j « ¬ ! * مُــشاهدة ممتـــعة التعديل الأخير تم بواسطة ـأَوْطَـانٌ . ; 21-02-2010 الساعة 05:44 AM

12-02-2010, 02:55 PM	#3
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! * * بـِ الصلاة والسلام على سيد المرسلين نبيّنا محمد " صلّى الله عليه وسلّم " - أبدأ .. المايك مع ................ .................. أريـج .. قليل من يعرف الكثير عن أريج في الموقع .. بس أريج ماتحب تتكلم كثير عن نفسها عشان كذا يمكن محد قِدر يتعمق في معرفتها .. وهذا هوْ الوقت جآء .. ومن الصعب عليّ إنّي هنا أتكلم عن أريج .. كونوا في الإنتظار وسأكون بين أيديكم .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

12-02-2010, 03:14 PM	#4
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! * * أبرز النقاط التي سأكون بها هنا .. ( 1 ) نبذة مختصرة عن [ أريـجْ ] .. ( 2 ) من أهمْ [ التغيرات ] في حياتي ..! ( 3 ) عشقي الأبدّي لا يزول مهما [ تغّيرت ] الظروف .. ( 4 ) موطن[ سكنتْ ] به ويصعُب علي فراقه ..! ( 5 ) صدمة [ قلبتْ ] أحوالي إلى الأفضل ..! ( 6 ) بس .. : ) التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

12-02-2010, 05:05 PM	#5
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! * * قلب ، عروقه من ماء طاهر و طيبة الأريج هي سر جاذبيتها ، كما أن الحزن لا يليق بها أبداً . ف هي تصنع التفاؤل للآخرين و هي أولى بإستخدامه . ماذكر أعلاه بحق أريج من شخصية مقرّبه مِنها وهي أقرب لـَ أريج كثييييييير .. لأني خشيت من وصف الأريج فحبيت أبدا بهذا الكلام إلي يعني لي الشيء الكبير .. [ أريج ] فتاة تودّع 24 وترّحب بالـ 25 عاماً .. من مواليد 12 / 7 / 1405 هـ ، 3 / 4 / 1985 م .. أريج طامحه متعاونه نشيطه ، تحب وتعشق الاطفال .. ولها خبرة في تربيتهم والتعامل معهم وكسب محبتهم .. أريج طول ما الحياة تمشي هي لها بصمة فيها .. وإن ماكان لها مجال معين تشتغل فيه .. أريج تحمل قلب ورثتهُ من تاج رآسها [ أمها ] قلب يحمل الحنان والحب والعطف والخير للجميع .. قلب مرهف الاحساس غلب عليه الكتمان .. أغلب صفاتها من أمها خذتها .. يعني قليل فيها من أبوها .. وتفتخر أنها مثل أمها في كل شيء ربي يخليها لها .. ولله الحمد إلى الآن لم أصادف أعداء ومشاكل من الموقع أو خارجه .. مسالمه .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

12-02-2010, 05:10 PM	#6
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! تخرجت أريـجْ من الثانوية العامة قسم علمي عام 1423 - 1424 هـ بنسبة 79.31 % ماتوقعتها أبداً على نسبة الترم الأول 90 % .. وتقريباً حالياً تدخل في السنة السابعة من بعد تخرجها من الثانوية .. تحب المعادلات والمسائل الحسابية ، وكان طموحها تتخصص فيزياء وتصير مدرسة فيزياء .. لكن مالله أراد .. وخيره يمكن لها .. بعد التخرج حاولت في كُلّيات وجامعات لكن للأسف ماقبلوا إلا إنتساب وكان ردها بالرفض .. وماصار هالشيء والحمدلله على كل حال .. وسنة بعد سنة وبعد سنة شالت من بالها التقديم في الكُلّيات .. وبعد 6 سنوات تقريباً سجلت في معهد حاسب آلي وخذت شهادتين :- * [ شهادة الرخصة الدولية لقيادة الحاسب الآلي ( ICDL ) ] .. * [ شهادة المعارف ] .. ولاَ زال البحث جاري عن وظيفة .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

12-02-2010, 05:40 PM	#7
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! من أهم وأجمل التغيرات التي مريت فيها بعد الدراسة ومحاسبة نفسي على كل خطوة أسويها .. كنت أرددها كثير لمن يسألني وش هواياتك .. وبكل ثقه أقولها [ سماع الأغاني ] ..!! كان أغلب وقتي في المدرسة أردد الأغاني الي أحبها .. أو أكتبها على كتبي وقت المذاكراة , ولازم لما أذاكر أشغّل نوال أو أحلام .. وكان وقتي على روتانا أغاني راشد الماجد على عبدالمجيد عبدالله على ريم وووو...... وكنت من عشّاق ومحبين أحلام كثير ... وكنت أعشق أغنيه [ والله أحتاجك أنا ] .. ومجنونه فيها لدرجة يوم سافرنا [ دبي ] وأول مادخلنا تعرفون إلي في الشوراع يزوعون إعلانات وأستقبلونا بـَ إعلان [ حفلة للأحلام ] ومعها عيضه المنهالي .. بس الأهم عندي كان أحلام .. وكان وقتها نجحت من ثالث متوسط ورايحه على أولى ثانوي .. ومن بعد الاعلان جلست فوق رأس أمي وابوي عشان أحضر الحفلة بإي طريقة .. وبحكم أمي ماكانت تسمع أغاني رفضت اني أروح في البداية .. بس مانسيت السالفه دامها دخلت في بالي بس أفكر كيف أقنعهم ...؟ وقتها كان خالي وزوجته مسافرين معنا وكان من حسن حظي وقتها وأقنعتهم أني اروح مع خالي .. وبكل سهولة وافقوا وأنا طرت من الفرح .. أني أول مرة اشوف أحلام على الطبيعه .. وسرينا للحفلة بعد ما شرينا التذاكر وإنطربت بصوت أحلام .. " استغفر الله " وتمنيت أتهّور وأورح لين عندها في المسرح .. هذي من الامنيات في وقت المراهقه .. وسبحان مغيّر الأحوال .. يغّير ولا يتغير .. بعد تعلقي في هالأغاني والفنانين والفنانات بديت حبه حبه .. وأولها بتكسير الأشرطه إلي عندي وكانت قليله تنعد على الأصابع .. وحبه حبه لين ماحذفت قنوات الأغاني وكل شيء تعلق فيها من [ الرسيفر ] .. لأن ماكان إلا أنا أهتم فيها بهبال .. وكانت رغبة مني بدون تدّخل أهلي ، رغم أنها أمي كانت تحاول فيني قبل أني أترك الأغاني .. ودايم تقولها لي [ لو تتركين هالأغاني أحسن لك ] .. وأنا أجاوبها وأقول [ خليني أتمتع بحياتي زي ماكنتوا قبل ] .!! ماكنت وقتها واعيه في ها الأمور بشكل كبير .. والحمدلله صار البيت ألحين كلّه مايسمعون أغاني .. وزرعوا هالشيء في أخواين الصغار ونموهم على هالشيء والحمدلله .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

12-02-2010, 08:26 PM	#8
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! الفراغ شييين بقوة وخصوصاً للبنت إلي مالها طلعات ولا روحات وجيات .. : ) بس الحمدلله كان من صالحي إني أجلس في البيت بعد الدراسة وأتفرغ لنفسي وأكسب خبرات أكثر .. بعد ما أنتهيت من دراستي بديت أحس بالملل ووقتي ماكان له معنى بدون شيء .. :/ شعور صعب أتعود عليه بسرعة بعد ماكنت يومياً أصحى الصباح عشان أروح المدرسة .. وأرجع ويكون يومي كله في نشاط وحركه ووو ..... وينتهي بالتعب والنوم ويرجع نفس النشاط في اليوم الثاني .. وفجأة يتغير الوضع عليْ .. كان وقتي يمرّ صعب علي كنت أعصّب على أقل شيء وأتفهه الأسباب وبدون إي سبب .. يعني بالأصح كانت نفسيتي [ زفت ] وما أتحمل أبسط الأمور .. أشوف خواتي يدرسون ورايحين المدارس وأنا جالسه لا شغله ولا مشغله ..! مع مرور الوقت والشهور أشغلت نفسي بشغل البيت .. وبحكم أمي - الله يحفظها - ماتحب الشغّالات أبداً وتحب كل شيء تسويه من نفسها .. وخلتنا مثلها نفس الطبع .. صارت تعلمني على بعض الطبخات .. والأشياء إللي مالي فيها خبره ويخص المطبخ .. والحمدلله تعلمت علي أشيآء كثيرة في وقت قصير مااااااره .. وصار لي دور في غسيل الملابس وكويها وتنظيف البيت والمطبخ .. بس الطبخ نادراً ماأطبخ إلا في حالات الطوارئ مثلاً أمي تعبت .. :/ أو وقت ما إنكسرت يد أخوي الصغير وتنوم في المستشفى ورافقت معه أمي .. :/ فكنت أطبخ أنا وأختي - الله يرحمها - كانت أدوار مابيننا .. وأستفدت من تعليم أمي وخصوصاً وقت ولادتها في آخر العنقود [ فيصل ] .. تعرفون إلي تولد لها أكلات خاصة زي [ العصيده و المرقوق ] و الأكلات الي تنفعهم .. وقتها كنت أطبخ لأمي والحمدلله طلعت نتايج التعليم .. وهذا فصولي هو إللي ملا علي دنيتي .. هو إللي خلاني أشغل نفسي فيه .. وخصوصاً كان قبله [ فهد ] فرق بينهم سنتين ، أمي ماحبت تهتم في فصولي أكثر من فهودي .. عشان مايتعرض لحالة نفسية أوشي من هالقبيل .. كان فصولي أغلب وقته معي أغير له وأسوي له حليبه وأنومه وكل شيء .. كان معي أغلب وقتي .. وأذكر كانوا كلهم يدخلون ينامون إلا أنا أكون معه في الصالة وأسهر معه لين ينام .. وإذا نام خلاص أدخله عند أمي .. ويوم صار عمره سنتين صرت أخليه ينام عندي على سريري .. لأنه تعود علي في كل شيء من صغره صرت أمه الثانيه .. وألحين عمره 6 سنوات بيكملها إن شآء الله في اليوم الثامن من الشهر الجاي هجري .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

12-02-2010, 11:12 PM	#9
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! عشقي الأبدّي لا يزول مهما [ تغّيرت ] الظروف ..! عشقي الهلالي لم يكن صدفه ..! كان وراثياً عن جدي وجدتي إلي هم ْ أبو وأم [ أبوي ] .. وأخوي بعد هلالي ، أما باقي البيت مالهم إي ميول .. إلا أمي كانت قبل الزواج [ نصراوية ] .. بس الحمدلله إنها بعد الزواج إبتعدت عن [ النصر ] ولا كان علووووم .. بس أحسها لين الحين يحن قلبها لهم .. بس الحمدلله هذا الشيء الوحيد إللي ماخذيته من أمي إللي هو [ تشجيع النصر ] .. بداية عشقي للهلال من صغري أيام الدراسة كنت بس أسأل أبوي عن النتيجة إذا فيه مباراة للهلال .. أما المباريات ما أتابعها ولا أجيب خبرها وأكره شيء إسمه [ إستديو تحليلي ] .. << يقالكم ألحين مشغوله بالدراسة وأنام بدري أصلي العشآء وأنام .. وبعد ما خصلت هالثانوية حطيت حرّتي في شيء إسمه [ كووووره ] .. حسيتها هي الشيء إلي قريب مني وإللي تناسبني في ظل هالفراغ .. يعني ماكنت زي باقي البنات أتبع آخر موضه وأزياء ومسلسلات وخرابيطها وووو ... لا أبداً مريحه بالي من هالناحيه وأكتفيت بالكورة من ناحية متابعه أو لعب .. وتابعت دوري سعودي على قطري على إماراتي على كويتي .. بس أكثر شيء السعودي والقطري شدني ، بس هالأيام سحبت عليهم ما صرت أتابع إلا الهلال .. عكس قبل لو مباراة للنصر وفريق ثاني تابعته بكل شيء إستدويو تحليلي ولقآءات .. يمكن صار عندي تشبع منهم وأكتفيت بالهلال .. وصديقي في كل المباريات [ أبوي ] .. كل ماجت مباراة نتجهز لها وعلى طول في مجلس أبوي .. أغلب وقتي أنا معه إذا فيه مباريات وبرامج خاصة بالكورة سوآء كل الرياضة ، أو صدى الملاعب أو في المرمى أو الجولة .. نجتمع ونحلل مع بعض ونطلع حرّة الخسارة في إي شيء .. أمّا [ الفوز ] أخليه يعشينا وأطلع أقولهم أبوي بمناسبة فوز الهلال بيعشيكم أو إي شيء يعجبهم .. يعني أحطه أمام الأمر الواقع وهو ماكان مخطط لشيء .. كنت قبل لازم ألبس كل شيء هلالي وقت المباراة وأتشخص بكل شيء أزرق .. لكن هالأيام تركتها هالصفه ، مدري بس كذا خلاص خليتها .. ولازم اي مباراة للهلال أسجلها ، وقبل بكم يوم أشتري الأشرطه أبو ساعتين أو ثلاث ساعات .. وأسجل مبارايات ولقآءآت خاصة بلاعبي [ الزعيم ] .. فوق الثلاثين شريط .. ووبعد حالياً تركت التسجيل وأكتفيت بالمتابعه بس .. بس يبقى عشقي للهلال مثل ماهو .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

13-02-2010, 05:41 AM	#10
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! موطن[ سكنتْ ] به ويصعُب علي فراقه ..! موقع [ القناص ] هو موطني الذي أكتشفت منّه مواهب فيني وخلاها تنتشر .. بعد ماكانت مدفونه في داخلي .. موقع القناص يمكن ذكرت قبل كذا في موضوع لي من كم سنة .. إني تعرفت على الموقع من خلال تصفحي لموقع الزعيم .. ولقيت رابط موقع القناص على صورة لياسر أتوقع أو تصميم .. وآخذ الرابط وبدون تردد أدخله وأتصفح وكان وقتها مالي خبره في النت ولا كيفية التسجيل فيها .. ما كنت أذكر إلا قسم الصور وأتصفح وأجمع صور لـِ ياسر والطابعه موجوده وأطبع وأحتفظ فيها في ملفي الخاص بكل شيء هلالي لين مافضى حبر الطابعه .. وبعد كم يوم ومن كثر ماصرت أدخل موقع القناص تعرفت على كيف أسجل فيه من أخوي الكبير [ خالد ] طبعاً هو إلي علمني كيف أسجّل وهو إلي سوا لي الإيميل وكلمة المرور .. وأنا ولا أعرف شيء أبد .. وعاد يوم جآء يسجل جلست أفكّر وش أختار نك نيم لي ..؟ فقلت لـِ أمي وش أختار هي قالت لي مجنونة الهلال .. بس للأسف كان موجود هالأسم ، وجربت كذا إسم .. آخر شيء أمي [ الغالية ] أختارت لي [ مجنونة هلالية ] .. وتمّ تسجيلي بهذا اليوزر ، وكان غالي علي كثير لأنه من أختيار [ نبض قلبي ] .. يتبع >> التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

13-02-2010, 06:16 AM	#11
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! تعديت خطوة التسجيل ولله الحمد .. بس ماكان طموحي بس التسجيل وأجلس كذا بدون تواجد يُذكر ..! كنت أطمح لشيء أكبر كثيـر من مجرد تسجيل .. ومن حبي لـِ موهبة وفنْ اللاعب [ ياسر القحطاني ] قررت يكون لي [ إسم ] يثبت تواجده من أجل هذا الشخص فقط لا غير ..! وكنتْ أتصفح الأقسام ككل لكن مالفت نظري وحطيته في بالي إلاّ [ صوت جماهير القناص ] .. وخططّت مباشرة إنه يكون إسمي بين [ مشرفين ] هالقسم بغض النظر عن الإسمآء الموجوده .. وكانوا هم [ حالي الذوق ، وسعودي ويلوموني ، ومشرف ثالث يوزره " القحطاني " بالإنقلش ] .. وكان المراقب على القسم وقتها [ الهرش ] .. كنت أدوّر وش أسوي عشان أوصل لـِ [ الإشراف ] ..؟ جلست أتصفح الملفات الشخصية الخاصة بـِ مشرفين قسم [ صوت جماهير القناص ] .. لقيت إلي أغلب مواضيعه عن إشادات ياسر من المواقع العالمية والفيفا وكذا .. بس حسيته صعبه شوي لأنه مالي خبره في هذا الشيء .. جيت لملف ثاني لقيت أبرز مواضيعه دعم لياسر سوآء قبل المباراة أو بعدها .. دخلت مزاجي كثير هالفكرة إني أكون مع ياسر في كل وقت الخسارة أو الفوز بـِ مواضيعي عنّه .. ومن زود الحماس كان أول موضوعي [ هنا ] .. بس إني دعمت ياسر بعد ماطلع مع المنتخب من كأس العالم 2006م .. وبعدها بكمْ يوم صرت أحاول أرد على كل موضوع يخص [ ياسر ] .. طبعاً كأي عضو جديد بـِ مشكور ، والله يعطيك العافية .. ومع حذف الردود لي من المشرفين تعلّمت أعبّر عن أجمل العبارات في حق نجمنا [ القناص ] .. وكانت بعيده عن الالفاظ إلي يردون فيها بعض البنات .. كنت أرد وكلامي عن موهبة [ ياسر ] وكيف كان في المباراة هذي وكذا يعني .. وبدت الإشادات تجيني من مشرفين القسم وعلى رأسهم المراقب [ الهرش ] .. ولقيت دعم كبير منهم يوم واصلت بس في ردودي وصرت عضوه بازره في الردود على مواضيع [ ياسر ] .. وكان تحفيزهم في إني أكتب موضوع عن [ ياسر ] .. وكان رد للـِ [ الهرش ] في أحد المواضيع إلي هو كتبها عن [ ياسر ] يعقّب على ردي وطلب إني أكتب موضوع .. وقتها تحمّست في إني أكتب موضوع عن [ ياسر ] ويكون أول موضوع جدّي مو زي أول واحد .. طبعاً الفترة هذي إللي برزت فيها ماكان أبداً فيه بنات لهم حضور قوي إلا بس [ الشباب ] .. من بعد إنتقال المتميزة والقريبة لقلبي [ المزن الهلالي ] إللي أعجز عن وصفها .. مثال ونموذج يُقتدّى فيه من ناحية دِفاعها عن ياسر يوم كانت مشرفة على الصوت وحتى بعد ماتركته أو كمستشاره .. وهذي إلي حمسني وخلاني أثبت تواجدي أكثر وأكثر .. في عدم تواجد إي عضوه بازره .. وبدا وقت الجد وكانت إرادتي القويه وأملي في الله كبير إن تكون هالخطوة ناجحه بالنسبه لي .. .. وقررت أكتب موضوع عن [ ياسر ] ماكان وقتها فيه مباراة .. بس جتني عزيمة ورغبة شديدة في بداية المشوار من خلال هالموضوع [ هنا ] .. ولقيت التفاعل الكبير إللي كنت أحتاجه وتواجد ردود من مشرفين القسم وكان أول موضوع لي في القسم بعد الإرادة القويه .. وأول موضوع ينقل للأرشيف المواضيع المميزه .. يتبع >> التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

13-02-2010, 08:14 AM	#12
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! وواصلت تواجدي وحضوري في [ صوت جماهير القناص ] .. وبعد أول موضوع لي قررت بعد فترة أكتب موضوع عن [ ياسر ] .. وكان وقتها ياسر غايب عن الهلال والمنتخب .. وكانت فرصة حلوه لي إني ادعم ياسر في هذا الوقت بموضوع أواصل في خطواتي للي أبيه .. وكتبت الموضوع ومثل ما كان في الموضوع الأول من تواجد مشرفين القسم والهرش في دعمي بالردود وتشجيعي للمواصلة .. كانت هاالمرة تواجد ودعم كبار الهلاليين في الساحة الرياضية [ على معتـوق العمـري ] .. كان تواجده دافع كبير لـِ مسيرة [ قلمي ] وفي بداية مشواري في عالم الكتابة .. [ هنا ] وبعد مجهود واصلت وتميزت في تواجدي تم تعييني مستشاره .. ضمن لجنة مستشارين خاصين بـِ تطوير الموقع ككل بكل إقتراح يفيد الموقع .. كنت :- مجنونة هلالية قناص جديد وبعدها أصبحت :- مجنونة هلالية . : مستشـار : . ولم أقف إلى هذا الحد .. وأكتفي بهذا القدر بهذه الرتبة ..! بل واصلت وأثبت إستحقاقي الإشادات التي حصلت عليها .. ولا زلت على تواجدي وحضوري المتواصل في [ الموقع ] بـِ صِفة عامة وقسم [ صوت جماهير القناص ] بصفه خاصه .. ولم يختفي تواجدي بعد تعييني مستشاره .. كثفت ردودي وكتبت موضوع بعد التعيين [ هنا ] .. ويمر شهر شهرين ثلاثة شهور ووووو .... وأصبحت الإشادات أكثر سوآء من مشرفين أو مراقبين الموقع [ Yasser 20 أو روبـن هـود أو بن خوري ] .. فكان تواجد يوزرات بحجم هكذا تواجد يجعلني أكثر من قبل ويبقى أملي أكبر في الوصول للأشراف .. وقرّب وقرّب اليوم إللي خططّت عليه و كنت أنتظره .. ويبلّغني مراقب القسم [ الهرش ] بترشيحهم لـِ [ مجنونة هلالية ] مشرفة على قسم [ صوت جماهير القناص ] .. وأنا على طول أرسل الموافقه وبدون إي تردد .. لدرجة اذكر أنه يسألني ويقول ترى تكليف وقسم جماهيري وهو واجهة المنتدى فكري لا تستعجلين .. مايدري أني كل هالمدة إلي مرّت وأنا أفكرّ على هالشيء .. مجنونة هلالية مشرفة قسم صوت جماهير القناص وهذ إلي كنت أتمناه [ هنا ] .. ولله الحمد تعب ومجهود الـ 6 شهور من تسجيلي في الموقع ماراح تعب على الفاضي .. توّج وبمجهود كل من دعمني بعد توفيق ربي بـِ [ الإشراف ] على القسم إللي حبيته وتمنيته .. والأحلى أن الكل راهن على نجاحي والحمدلله ماخيبت ظنهم وقدمت إلي أطمح له .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /، التعديل الأخير تم بواسطة ـأَوْطَـانٌ . ; 13-02-2010 الساعة 09:04 PM سبب آخر: تـعديل رابـط :$

13-02-2010, 07:17 PM	#13
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! الكابتن [ ياسر القحطاني ] ليس لأنه هلالي أنا من جمهوره ومتابعيه ..! لا .. كنت أتابع كل مايخص ياسر قبل لا يجي للهلالْ .. لفت نظري في حضوره مع المنتخب في [ خليجي 16 ] وماكنت أعرف إنّه في إي نادي .. بس كنت أتحمس على إي مباراة هو يلعب فيها .. وبعد متابعتي اليومية للدوري السعودي عرفت أنه في [ القادسية ] .. وصرت أتابع مباريات القادسية عشان [ ياسر ] .. وصرت إذا فيه مباراة للقادسية ما أطلع من البيت أجلس مع أخوي أو إي أحد يجلس بالبيت .. وكانت وقتها في مباريات مهمة وخروج مغلوب في كأس ولي العهد .. وكان ياسر له حضور قوي وله أهداف حاسمة في هذي البطولة [ كأس ولي العهد ] .. وتأهل نادي [ القادسية ] إلى النهائي .. وطبعاً لازم يكون طرف ثابت في كل نهائي [ الهلال ] عاد أنا هلالية وياسرية في نفس الوقت .. شجّعت الهلال طبعاً بس تمنيت ياسر يسجل هدف في هذي المباراة في مرمى الهلال .. والبطولة مثل ماتمنيت جت للهلال .. بس للأسف [ ياسر ] وقتها ماسجل وإنطرد في هذي المباراة .. :/ بس أحلى شيء إنها آخر مباراة لياسر مع القادسية .. وبعدها إنتقل للزعيم .. وأذكر أول لقآء شفته له كان في برنامج [ المواجهه ] إلي يقدمه [ بتال القوس ] .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

13-02-2010, 10:53 PM	#14
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! صدمة [ قلبتْ ] أحوالي إلى الأفضل ..! يمر على الإنسان لحظات ماكانت في البال وبعيده كثير .. مرّيت بظروف قاسية وكانت بـِ فراق أغلى وأقرب البشر من روح وفكر [ أريج ] .. كانت وفاة أختي - الله يرحمها - أكبر مني بسنة وحده ، أقرب لي من أختي إلي أصغر مني كثير .. كانت أسراري كلها عندها ، كنت أحكي لها وأشكي .. أستشيرها في كل شيء أسويه ، تنصحني وتوجهني .. كانت لي كل شيء ،، كانت دنيتي كلها تفهمني بدون ما أتكلم وأنا نفس الشيء .. عرفنا تفكير بعض .. قررررررررررررررررررررررريبه مني كثير .. إذا راحت امي مكان أنا وياها نتفق أننا نروح ثنتينا ولاّ نجلس مع بعض .. عشنا قرّاب من بعض وحتى وقت فراقنا كنا مع بعض .. إيه وقت فراقها وقت ما إرتفعت روحها لـِ ربي .. كانت بين يديني بين يديني بين يديني .. ماكان فيها شيء ولا تعاني من إي مرض ، بس حست بدقات قلبها تزيد وضيق في التنفس .. فقلت أنا بروح معها المستشفى وأبوي يودينا .. وخلاص لبست عبايتي وهي لبست عبايتها إلا تفقد توازنها وتمسكني .. ماقدرت تمشي خلاص ماقدرت رجولها تسندها ، أخوي وأنا شلناها لين ركبت أنا في السيارة .. وركبنا ورى وسدحتها وحطيت رأسها في حضني وأمسح وجهها بمويه مقري فيها وهي خلاص .. كأنها تودع الدنيا وتودعني وهي بين يديني .. أبوي ماعرف يسوق خلاص ماصار يشوف الطريق يسرع وبتهور يبي يروح لأقرب مستشفى .. وهي ماغير تقول [ لا إله إلا الله ] ومو حاسه فيني أكلمها ماترد .. خلاص بديت أنهار ولا كان ودي أوضح لأبوي إنها خلاص طلعت روحها .. أبي يكون الأمل موجود لين ما نوصل للمستشفى .. ووصلنا ووحاولوا الدكاتره في تنشيط القلب وو بس خلااااااااااااااااااااااااااااااااااااااص أمر ربي وقدر مكتوب في أن روحها ترجع لربها في هذا اليوم .. ماعرفت يوم شفت أبوي زي المجنون عندي وأمي من جهه في البيت ماتدري وش إللي صار .. تدق على جوالي وجوال أبوي بس مانرد عليها .. لإن بيوضح من صوتنا أنه أختي فيها شيء .. أنا دقيت على عمي وعمتي وماقصروا وجو عندنا في المستشفى .. وكان وقتها معزومين عند اقارب لنا وكلهم جو المستشفى .. مو مصدقين توقعوا إني غلطانه ..! وأمي وقلبها حس إن فيه شيء جت مع أخوي وأخواني الصغار معهم .. هي شافت عند باب المستشفى كل الأهل والأقارب وقتها ماقدرت تمشي .. وتجيها وحده منهم وتقولها كذا في وجهها [ عظم الله أجرك ] ..! أمي معها ضغط ما تحملت وطاحت علينا .. وبعد ماصحت ، تلومنا في إننا ماقلنا لها .. وبغت تشوفها خلاص نقلوها للثلاجة وقالوا بكرى خذوها وتقدورن تشوفونها .. وأمي ماقدرت لأنها كان قبل شهرين جدتي توفت - الله يرحمها - إللي هي أمها .. بعد صراع مع [ السرطان ] الله يحميكم ويحمي جميع المسلمين من كل مرض .. وجاء اليوم الثاني ورحت انا معي امي وعماتي مغسلة الأموات .. كنت أبي أدخل مع أمي وعماتي أغسل أختي .. بس رفضو قالوا بس ثلاثة قلت أنا خلاص أدخل أشوفها واحبها قبل لا يدفنوننها .. دخلت أمي وعماتي الثنتين ، وأنا جلست أنتظر متى ينتهون .. أفكر كيف أشوفها كنت خايفه مدري وش ردة فعلي لما أشوفها .. وكانت آخر مره أشوفها فيها ، شفتها بعين الوداع ، شفتها ومسكت نفسي وحاولت أكون قدام أمي أقوى .. إذا أمي وأبوي وأخوي أنهاروا كنت أقوى وأصبرهم .. :( التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،

14-02-2010, 12:07 AM	#15
A r e e j . . : زعيم القناصين : . .	رد: » - اڷـمـايگ معَ » A r e e j « ¬ ! وإستمرت الحياة وتغيرت أشيآء كثير فيني .. وصرت أكبر البنات وقبلي بس أخوي .. بس صارت المسؤولية كبيره عليّ ، والحمدلله قدرت أتحملها .. تركت [ صوت جماهير القناص ] إلي كان أغلب وقتي فيه .. هو إلي ماقدرت أتحمل أكون موجوده فيه وأنا بهذي الحاله ، يبي لها مجهود أكبر .. قررت الإستقالة وإبتعدت عن القسم والموقع ككل ، بعدت عن كل الناس .. حبيت أبعد وأعيش بعيد ، صرت حساسه أكثر من اللزوم .. هذا الشيء إلي خلاني أبعد عن الكل ، قلت أرّيحهم وأرتاح .. كنت أشغل وقتي بقناة بداية ومحاضراتها كانت جداً مفيده ومؤثره في حياتي .. كنت وقتها أحتاج مثل هالأشيآء إللي تزيد من صبري على قدر الله .. صرت مسؤوله عن أخواني الصغار في غياب أمي أو إنشغالها .. كان إي شيء يصير لازم أكون أنا إلي مسؤوله عنه .. التوقيع: ؛ ؛ أعتذر عن كل لحظة من غيابي .. مَرْ وقَتي وماعرفت أحسب حسابي .. /،