شبكة القناص - الموقع الرسمي للاعب ياسر القحطاني - عيشو معنا جو الضحكه مع مسلسل 37 [ تغـطيه ] ~

.

http://up.arab-x.com/Feb10/Q4s89440.png

مساء الخير P9

هذي التغطيه الكتابيه للحلقه السابعه
في بداية الحلقة نقاش بين بدر وعبدالله وطب عليهم سعدون أبو الأرانب وبدأ يعطيهم من ذا اللي عنده
قال : أنا مسوي آخر علاجات لـ إطاله الشعر تحط زيت زيتون وعسل وتغطيها حدود نص ساعه ثمن تغسل شعرك < لاتسمعون كلامه تراه نصاااب
لجأ بدر إلى أنه ينهي الموضوع بشكل ودي وتكلم مع عبدالله ومازال سعدون قاط وجهه
المهم بدر كان يشكي من حالة ماسكها محمد قال إن عنده مرافق نشبه
قال سعدون ياكثرهم بعض الأحيان أقول ليتني مادرست طب
قال عبدالله ليه وش كنت ناوي تدرس
قال سعدون كان ودي أصير رائد فضاء عشان يصير الفضاء أرانب تطير
وللأسف إن الحاله اللي شكى منها بدر إستلمها ليته ساكت غثيثه الحاله من جد

وبدأت صنوف التجوال مع طلاب الإمتياز الجدد
قسم الجراحه : قام غسان بالترحيب فيهم بطريقه جداً ليست بدائيه
أجل يرحب يقول هلا فيكم في بيتكم الأول ولا بعد مغششه عبدالله
الطالب الأول / للأسف إسمه سعدون معليش يالمخرج واحد وذبح كل الأرانب اللي في العالم ,, هذا وش النيه ؟؟
لا ومتفائل فيه غسان يقول إن شاء الله ماتصير زيه إلا قل أنصب منه
والثاني / مدري وش إسمه الظاهر أبجد بن فارس < إذا صارت صح عطوني جائزه
كتم الضحكه عبدالله يوم سمع إسمه بس طلعت وقويه بعد
والثالثه / منال عادل

قسم الباطنه : الأولى / مبدله مع واحد إسمها هيا مطر
الثاني / راكان راضي غير سعودي ,, لا سعودي بس سليمان شك إنه مهوب سعودي ويوم عرفوا إنه سعودي قال معاذ إيه واضح
الثالث / نتشرف بالثالث إنه من ضمن طلاب الإمتياز الجدد إسمه مهند محسن < يمثله الفنان القدير والمبدع محمد المقبل
بس لو إنه مصحصح معنا شوي بس
أحسه يقول ياليت تجي السآعة 12,30 طيرآن وتثبت عند 5 عشآن مايداوم ياحبه للنوم وياالله يمشي

ياهم دوافير هالطلاب شاطرين شاطرين شاطرين
يجاوبون قبل السؤال ولا بعد ياخذون حالات - يحبون الكرف
عاد معاذ لو ماجاه أحد يمسك حالته حذفها عليهم وقال بقريح وقرنقح
وجاه واحد من طلاب الإمتياز وتبرع يمسك الحاله عنه
وش تتوقعون بيسوي بيقول ( خذهم كلهم ) ياااكبرها معه
إلا واحد من طلاب الامتياز عجاز - هو اللي يحب النوم ومايحب يمسك حالات وماهر بالتصريف
تقوله نوف إنا رايحين نفحص حاله في قسم النساء , يقولها ( روحي لحالك أنتي تكفين ماشاء الله خبره )
ولافاد هالعذر مع نوف ماعاقت معه حجرها جاب عذر ثاني , يقول إنه قسم نساء وأنا أستحي < عجــااااز

فيه جيفارا على غفله في المستشفى إسمه ( أبو سعود )
هذا داء داء وإنتشر في أرجاء المستشفى
قايلتلكم مجنون تعب العالم ياجماعه أمسكوه
مسكوه وخلصت الحلقه ..
لا لحظه النصاب الثاني سعدون بالسياره وطالع مع الأهل - وشلون تجي ؟
ولا يزين النظاره ويكلم بالجوال يقول أمس درجة حرارتي كانت أربعين والمستشفى جتهم حاله
وتحاملت على نفسي وأنقذته < كــذااااب

* * *

بدأت الحلقه الثامنه
كان د/ معاذ نايم ودق جواله ( المشكله )
رد عليه - بعد بحث طويل عنه - طلع د/ محمد يقوله وراك ماجيت بنبدأ الراوند وعلى فكره فيه دكتور جديد جانا
قاله معاذ مايكفي الكرف اللي كرفناه الأسبوع اللي راح تخيل معاذ الكرف >> ( قاعدين يلعبون ورقه ثلاثتهم ورابعهم المريض ) << هذا الكرف اللي جاهم

د/ وحيد بعد القسطره رجع لنا حامل بيده ملف شافه سليمان ورحب فيه ياهلا ويامرحبا
وقاله : ان المستشفى ظلام دامس < إحفظوا هالجمله لأنه يمشي يقولها يعني بتنقال في أكثر من موضع ولأكثر من شخص
المهم طلعلنا واحد ماأدري ليه جاي يشتري ويكاسر الهندي , ماله حق الهندي قهوه سمراء وعليها سكر بـ 15 المفروض بـ 10
لو إنها شعلة وعليها هيل تستاهل الواحد يدفع 15
وكان بالمشهد د/ معاذ يناظره بكل حوسه وش ذا اللي يكاسر من وين جانا
قاله اللي ماندري وش يبي أنت ياالأخو أبي قسم الباطنه أنا مبطي عن المستشفى وتخبر رمموه ولا أعرف
قاله معاذ : ثالث لفه على اليمين < الجمله منافسه مقدر أغير فيها
بيشرح الجمله معاذ قال يعني قدام وثالث خش يمين ,, قال اللي ماندري وش يبي : ثالث وخش عاليمين طيب
وتفلسف عليه معاذ قال ترى مواعيد الزيارة إنتهت < ليته ماتفلسف
قال لا عارف وأنا شغلي كله هنا ..

حوار جميل بين سعدون وعبدالله لقى سعدون بطاطس بالصدفه
قام عبدالله ياكل منه قال سعدون هذا أنا جايبه لك عارف انك جوعان وانا احبك ومن هل علينا
وعبدالله مازال ياكل ,, قال سعدون : عبدالله وش رايك بالزواج , قال عبدالله : ليه تسأل ؟
قال سعدون انا افكر اتزوج دكتوره وتعرف كلام الناس عن اللي يتزوج دكتوره
إنصدم عبدالله قال لاماأعرف علمني وطب عليهم نايف وراحت السالفه
معقوله ولا واحد من الشباب يعرف إن عبدالله متزوج نوف
يدرون إنه متزوج بس مايدرون إنها نوف
المهم البطاطس اللي جايبه سعدون لعبدالله طلع لحبيبتنا أرنستا

جاء اللي يكاسر عند الكوفي يتلفت يمين يسار شافه سليمان وسلم عليه وقال إن المستشفى من دونك ظلام دامس < ياكثر ماقالها
وعرفه على الشباب معاذ ونوف ومحمد قالهم سليمان أقدم لكم البرفسور فيحان عرابي في قسم الباطنه
قال البرفسور : هاه جاهزين نسوي راوند
قال سليمان دقايق فيه شغله بس طبعاً بدر راح يجيب تمر لأن البرفسور مايمشي إلا بقهوه وتمر
قال فيحان : خلاص أجل بروح أطلق رجلي وأجيكم وراح
قال سليمان للشباب وراكم وكانوا مره مصدومين
سليمان : وراكم هذا الدكتور فيحان البرفسور فيحان أطلق دكتور في المملكه
معاذ : ذا الطعس
سليمان : هذا حطم الرقم القياسي بالأبحاث
معاذ : ذا الطعس
وقام سليمان يسرد معجزات الأخ الفاضل فيحان , وجاب التمر بدر من بيتهم وبدأ التجول
طلع أبو الفرافسه كلهم بطل ضرغام شخص الحالات كلهم بشربه قهوه
وآخر شي تخيلوا إنه مجرم مايحبونه الدكاتره شرير يطقهم بالعصا

ورجع عبدالله يسأل سعدون وش يقولون عن اللي متزوج دكتوره
قاله سعدون : ولا شي ياخي يقولون يابخت اللي يتزوج دكتوره بتجيبله فلوس كثير ..

واعذرونا على القصور :(:P9

.