شبكة القناص - الموقع الرسمي للاعب ياسر القحطاني - حياتي في المدرسه حلوه ومع الاستهبال يحلى كل شي ( الفاضي يجي )

السلاام عليكم اخواني في الله كيف حالكم
انا حبيت اكتب لكم عن اللي اسويه في المدرسه
من بداية اليوم لما نهايته
والله المدرسه حلوه والدروس سهله وكل شي
يلا يلا نبدا قبل لا نبدا
ملاحضه : ( اهم شي ياسره الهلاليه تقرى الموضوع لن انا كاتبته عشان اوضح لها ان المدرسه حلوه )
انا اسمي سما عمري 14 في ثاني متوسط
عندي صديقه اسمها صفا وهي مثلي في كل شي في الاستهبال والضحك وفي حب الهلال وياسر
امثله على استهبالاتنا بالمدرسه
في الفسحه يجون بنات النظام يقولون انزلو الكل ينزل الا انا وصفا نجلس نجننهم نجيب لهم المرض والالم والصمرقع والاغماء اللذي ينقض الوضوء وكل شي مره قالو يلا يلا انزلو قلنا لهم ليه احنا ننزل والبنات اللي هناك في ذاك الفصل يلا روحي نزليهم تروح تنزلهم وتجب لنا تقول يلا انزلو نقول لها شوفي ذاك الفصل يلا نزلي البنات اللي فيه تروح تنزلهم تقريبا يمضي الوقت واحنا نساعدها تنزل البنات بس احنا ما ننزل وتجي وتعصب وتقول يلا انزلو قالت صفا والله ما انزل الا من الدرج الثاني عصبت زياده واحنا نجننا ونستهبل عليها وبعدين جات البنت الثانيه تساعد صقيقتها عشان ينزلونا بس ما عرفو جات الثالثه وصارو ثلاث مو قادرين علينا وجات الرابعه وقالت الله ثلااث بنات على سما وصفا ومشت لانها عارفه انها ماراح تقدر علينا وبعد ما يأست صفا قالت خلاص يلا سما تعالي ننزل وانا اشتغلت حالتي النفسيه وجلست اصرخ واقول اتركوني انا حالفه انزل من ذاك الدرج واصلا انا ما حلف هاذي صفا الغبيه اللي حلفت وما نزلت من الدرج اللي هي حلفت تنزل منه والله غبيه وتجيني تقول خلاص سما يلا يلا ننزل قلت ابروح من ذاك الدرج قالو لا مافيه من هاذا الدرج قلت لا من ذاك الدرج يعني من ذاك الدرج ورحت ارررررركض وتلحقني بنت تب تمسكني الا بغت تزلقت وتجي الثانيه وانا على طول لفيت وهي صقعت بالجدار وانا هلكت من الضحك عليها ونزلت وطبعا قبل مانزلت قالت لي صفا سما انا ابنزل من ذاك الدرج وابي اشوفك تحت لا تنحاشين قلت طيب طيب ونزلت وشفتها نزلت من الدرج الثاني واحنا ميتين ضحك على البنات جاتني قالت لي كفك قلت لها اسحبي ملفك حمار يلفك في ليلة عرسك ونروح نبي نستهبل على البنات ونتسبب وبعدين تذكرت ان في بنت من زماااااااان تسببت عليها وقالت نها بتضربني بالنعله وجيتها خانقتها ومن تكن ذي عشان تضربني بالنعله من تكون وخانقتها اكثر من مره وبعدين رحت لصفا قلت لها ترى ذيك البنت تقول انها تبي تضربني بالنعله قالت تخسي الا هي تضربك بالنعله يلا يلا قومي نخانقها عاد خانقناها بقوه وانا اصلا فيني الضحكه لن ذا كله استهبال اصلا بعدين يم رن الجرس ورحنا فوق قالو لنا البنات ان البنت ذي تصيح قلت احسن تستاهل احنا ما ضربناها ولا شي بس ليه تقول انها تبي تضربني بالنعله وخلها تروح تشتكي اصلا هاذا اللي انا ابيه عشان اروح للمديره وافتك من الحصص بس مع الاسف ما راحت اشتكت ورحنا كل وحده لفصلها طبعا اخيس مرحله متوسط لن مفرقينا عن بعض انا وصقيقاتي عشان ما نسوي ازعاج مثل اللي سويناه في ابتدائي ورحت الفصل في حصة الانجليزي عاد استاذتنا منسمه الله لا يوريكم بس طيبه ورحت وزعت حلويات يم كانت تكتب على السبوره وكنت اسأل البنت اقول لها تبين حلاوه اذا قالت ايه اقول لها بس تاكلينها الحين وتقول طيب اما اذا قالت ما تبي تاكلها الحين اقول لها اجل مافي حلاوه فتضطر الى انها تغير رايها
وصار اغلب اللي بالفصل ياكلون حلاوه ووحده جالسه اخر الفصل قالت سما سما انا ابي حلااوه قلت طيب وارمي الحلاوه بعديييييييد لما وصلت لها والظاهر ان الاستاذه سمعت صوت الطيحه لتفتت وقالت من اللي سوت كذا من والبنات ساكتين وبعدين انا صرخت قلت انا استاذه ما سويت شي والله من الكذب واصلا محد مشبب الفصل الا انا بعدين بدينا نحل الاسئله والبنت اللي وراي جات جمبي عشان تكتب معي وجلست انا ابي اسوي ازعاج رحت طلعت معقم وقلت لها شفتي المعقم ذا تراه ينظف بس مافيه ريحه اما اللي هناك عند افنان << ( صديقتنا) ينظف وفيه ريحه اما الي عندي ذا ينظف بس مافيه ريحه قالت ايه مثل ذاك الي معلق جمب الدرج قلت لالالا ذاك فيه ريحه وينظف اما اللي عندي ما فيه ريحه بس ينظف بعدين الاستاذه عصبت وقالت من من اللي تهذر ذي البنات ساكتين كلهم الا نطقت وحده منهم قالت سما الاستاذه قالت سما تعالي جيبي كرسيك قدام هنا قلت لالالالالا خلاص اخر مره ما اسوي ازعاج وبعدين قلت للبنت شوفي اذا تكلمتي مره ثانيه شلل في لسانك وكسر ما يتجبر في اسنانك فاهمه قالت اص انتي قلت تشب قالت اص قلت شتب قالت اص قلت ابلعي العافيه واسكتي واضحكت يعني احنا كلنا كذا نتخانق بعدين نضحك وطول الحصه واانا اهذر دخلت بنت قالت عندكم مقص قلت لها حبك الجني ورقص جات بنت ثانيه قالت عندكم لزقه قالت لها بنت مكتبه احنا قلت انا لا قرطاسيه وانتهت الحصه وتجي حصة الفنيه وكل البنات انزلو بقى انا وبنت واحنا ننزل هي تنزل بكل هدوء وانا مستحيل انزل الدرج مثل الناس مستحيل لازم اركض انط استعرض وبعدين زلقت وطحت طيحه قوووووووويه بس والله تضحك وانا هلكت على نفسي من الضحك والبنت اللي معي قالت اااااااي يا سما ومدري ايش وتقول كلام كن هي اللي طاحت مو انا ورحت للبنات وانا ميته ضحك ويقولون وش فيك وانا مو عارفه اتكلم من الضحك اقول كلمه واضحك وهو يقولون وش فيها ذي وما قلت لهم الا بعدين لما خلصت من الضحك وقبل ما جات الاستاذه قلت ابي اركض بس وين ؟ ابي اطلع بره من تطلع معي ايع البنات خايفين احد يشوفهم ومدري ايش اما انا لا مو خايفه وش فيها اذا طلعت بره لحالي الله المكان فاااااضي اركض على كيفي طبعا انا من النوع اللي اتعب اذا كنت جالسه وقت طويل وقلت ها من الخبله عندنا في الفصل قالت لي وحده الخبله صفا قلت لها صفا بالفصل الثاني ياغبيه كيف تجي ورحت ابي بنت تروح معي تركض وكلهم مو راضيين وقلت خلاص ابروح لحالي ورحت وركضت ورجعت والبنات يقولون اتحداك تروحين ةيم رجعت قلت لهمم هاذا انا رحت وجات الاستاذه وهي ما تدري عن شي اد الفنيه والله ما احبها يع يع وش ذا ماده ما لها داعي واذا كان في شي مو مشتهيه اسويه اروح لها واقول حطيلي صفر عادي ودايما كذا يعني خناق انا وياها وتجي حصة الدين الاستاذه طيبه كثير بس ماجاتنا مبكر ورحت شفت بنات مدري وش يسووون والله المهم انهم جالسين يشتغلون يعلقون اوراق على ابواب الفصول وانا اسوي نفسي اشتغل معهم ويم خلصنا قلنا يلا نعيد ندور من اول عشان نضيع الوقت وضيعنا وقت بعدين شافتنا وحده من المدرسات قالت خذو الاوراق ذي وديها للمديره والبنات ذيلي راحو يودونهم وانا رحت لصديقتي ههههههه اللي كانت تدرسني في ابتدائي دايما اذا كنت فاضيه اروح لها وجلست اسولف معها ويم زهقت رجعت الفصل الا شفت الاستاذه جات ولا بعد المساعده جايه تحظر الحصه وقالت لي الاستاذه وين كنتي قلت لها ان في استاذه عطتنا اوراق وكذا ومدري ايش العب عليها يعني وقالت لي روحي جيبي ورقه من الاستاذه اللي كنتي معها والاستاذه ذي عندها اخت توأم ورحت لها والله فله دايما تساعدني عشان افتك من الحصص وقلت لها السالفه وعلى طول جابت ورقه وكتبت وكانت مستعجله وكتبت بقلم رصاص ورحت الفصل وعطيتها الورقه وفيني الضحكه ورحت جلست ولا ادري عن الدرس شي وطول الوقت ساكته ايه بس عشان الوكيله موجوده وقالت لي الاستاذه وش فيك ياسما ساكته ليه ما تتكلمين ولا زعلاانه عشان قلنا لك جيبي ورقه من الاستاذه اللي كنتي معها قلت لالالا ولا شي قالت اجل يلا جاوبي على السؤال وجاوبت على السؤال وجات حصة العلوم افففففففف عاد والله الاستاذه ذي حتى قبل لا تجلس على الكرسي تقول الواجب وانا والله ما اهتم له ولا احله ولا شي ومرات انساه وكل يوم ما احله وقالت لي البنت اللي وراي سما حليتي الواجب قلت لها ولا ادري عنه قلت لها احسن عشان تودينا عند المديره ونفتك من الحصه وطبعا مو انا بس اللي ما حليت الواجب لالا فيه بنات زياده وظلينا واقفين وجلست تسأل البنات وحده وحده واللي تجاوب صح تجلس وجا دوري قالت يلا اقري السؤال وجاوبي السؤال هو س1 : عللي القمر جسم غير مضيئ قلت لها لانه غير مضيئ والبنات ماتو ضحك قالت لي سما انا اقول لك القمر جسم غير مضيئ ليييه وبعدين جاوبت صح ههههههههه بس بعد ما جننتها وترى فيه خنقات واستهبالات كثيره راح اقولها لكم عن قريب انشالله