الذبانــــــــــــــه ][ تيماوياتي ][ - شبكة القناص

**عشقي تيماوي** · 26-12-2009, 02:09 AM

عشقي تيماوي يعود اليكم من جديد

مدخل
تروح لك مشوار اؤلت له ياريــــت .. قالت لكن اوعى تغار حولي الذبان كثار

قبل كل شئ الموضوع خيالي ومن العقل اللا واعي لكاتب هذه السطور واقدمه كهديه بسيطه للعزاب والمغاتير والاطفال >> يبي يثبت لكم انه بطل قومي وقاعد يستحوي الطبقه الغير مرغوب فيها بالمجتمع

القصه
في لحظة غير محسوبة العواقب وانا فاتح افمي استطاعت ذبانه الدخول الى فمي والتوغل بكل قلة ادب على طول ولاشعوريا تفلت باقوى ماعندي بوجه اللي قدامي هو قاعد يمسح وانا اترقب بقوه واقوله هاه لقيتها .؟ قال وشي قلت الذبانه ؟ قال لا

قلت لامي ترى انا اكلت ذبانه قالت قم تقلع للمطبخ وخذ لك اي شئ يخليك تتقبأ >> ترى ماودي اقول تطرش عشان ماتضيق صدوركم المهم واروح واشرب واشرب وعجزت اطرش >> وين اتفاقنا يابو

ياناس الذبانه والله اسمع صوتها وهي تصقع جدران بطني من جوا وانا احاول اطلعها ماقدرت رحت لاخوي قال مالك الا تسوي عملية اجهاض قلت يعني اسقطها .؟ قال ايه .؟ قلت وش قالولك يابو احد مسوي فيني شئ ولا ابي اهلي يدرون انت ووجهك انا الحمد لله شريف وابروح للمستشفى وماهب اي مستشفى , ابروح لمستشفى اهلي وبشكل طبيعي مثلي مثل غيري شغل الدس هذا لك ولاشكالك ياوسخ

رحت للمستشفى وعلمتهم قالو خل ناخذ لك اشعه وطلبوا مني الانتظار دخلت على الطبيب قال اسمع يادحيم : اكتشفنا ان الذبانه اللي ببطنك من فصيله نادره جدا او بالاصح هي اخر حبه موجوده على وجه الارض وحنا من باب الحفاظ على البيئه لازم نحمي هالذبانه من الانقراض !!

قلت يعني وش تبيني اسوي ان شاء الله لايكون تبون تشقون بطني عشان تاخذونها خخخخخ قال والله الود ودنا نشق بطنك ونشق راسك بعد ولكن للاسف الذبانه تموت بمجرد تخدير الجسم قلت طيب شقوا بطني من دون ماتخدروني >> غبي ذا الادمي قال والله حنا ماطقينا لك خبر واهم شئ سلامة الذبانه ولكن المشكله الاكبر من كذا ان الذبانه تموت بمجرد وقوع دم عليها وعشان كذا مالنا الا نطلعها بطريقه طبيعيه

حطيت يدي على فمي وقلت أأأأأأ وجلست على الكرسي وقلت فيني دووووخه
الدكتور ناظرني بكل معنى الاستحقار وعرف حينها اني زلابه ومهمتهم بتصير سهله جدا وقال اذلف برى لو سمحت وانا طالع مسكوني اثنين اطول من يوم السبت وجروني مع علباتي وركبوني سيارة اسعاف وعلى بيت مجهول الهويه نمت هناك ويوم قمت الصبح والقى واحد امريكي الجنسيه يقول لي اهلا وسهلا مستر دحيم كيف حالك >> ثقافة افلام الترجمه تكون لغه فصحى قلت بخير ياصديق كيف حال انت .؟ قال نحن هنا نوفر احسن الطعام واجمله وكل شئ تتمناه وكل شئ يرخص قاطعته قائلا : الله مير يسلمك واكمل قائلا : كل شئ يرخص من اجل الذبانه التي معك ياحقيير وانت ستكون بمثابة المدينه الكبرى والذبانه ستعيش بداخلك

انا من هيئة حقوق الحيوان واتينا خصيصا لرعاية الذبانه الموجوده في معدتك واي شئ تريده نحن موافقون مقابل المحافظه على اللي ببطنك

اخبرني دكتوري انني سوف اقوم بالعنايه بالذبانه كانها جنين في بطني حتى 9 اشهر وبعد هالمده سوف تكبر الذبانه ويكون بامكاننا اخراجها بعمليه قيصريييه ووافقت مكرها لابطل

بدأت اعراض الحمل في الشهور الاولى منعني الدكتور من اكل عدة اشياء لكي لايخرج الجنين مشوه او مصاب باعاقات مستديمه وفعلا اقتعت اني حامل حتى مره جاني واحد من اخوياي ثور يوم درى اني حامل قال وين ابوووه .؟ قلت هاااااهـ والله السالفه أأأ قال انا قايلك من اول لاتصدق الشباب وتراهم نصابين ياخذون اللي يبون ويروحون وتقوليي لايحبني ويدوخ فيني خخخخ قلت له ياشين اللي توه شايف برنامج توعوي ويدور النصيحه باللي هي به

بدأت الحمايه المشدده علي من حقوق الحيوان صرت ماروح المدرسه الا بموكب واجي بموكب ومره واحد من اخوياي حب يمزح معي عطاني بقس مع بطني , والحين بالسجن واخيرا قبل فتره قصيره صدر الحكم عليه بالاعدام بحجة مكافحة الارهاب

صاروا الناس بخافون مني خخخ اللي خايف من السجن واللي كرهني بسبة اني حامل بدون ماتزوج وان جلست احاول اقتعهم يعني اني ماسويت شئ والحمل جاي طبيعي قالو وش دعوه يامريم العذراء

احيانا اروح البقاله بسياره مصفحه وادخل البقاله الفع الهندي كف والعن والدين احد الزبائن واخذ اللي ابي واقوله اذا فيك خير سجل ريال واحد على الحساب يحق لي امريكا واقفه معي بحجة مكافحة الارهاب بديت اتكبر وابطش حتى قررت انه حان الوقت لتعويض ايام الضعف والفقر

مره حقدت على واحد مصري قد رسبني ايام الثانوي رحت وقفت بحارتهم وقلت انا كل ماجي هنا يعورني بطني راحوا سكروا السفاره المصريه ووقفوا التعامل الدولي معها
خخخخ تعيش امريكا تعيش تعيش خخخ

جاني الموفد الامريكي وركبت معه على سياره بورش اخر موديل , واول ماشغل الرادو قال ( اهلن بكم في اذاعة لندن ) قلت له العن اووووووم السرعه يالامريكي مامدانا بالرياض يابو قال شفت وشلون هالسياره هذي بتصير لك اذا طلعت الذبانه سليمه

انا انسان فقير جدا ومن الطبقه الكادحه بالمجتمع والذبانه هذي غيرت مجرى حياتي تماما الى درجة اني قررت اتزوج وفعلا اخذت معي واحد من العملاء الامريكيين وطقينا على بيت فوزيه - هذي بنت جيراننا وكنت احبها من زماااان بس وصلت لمرحلة الياس من زواجها يوم شفتها تكتب لي ذكريات على تجراف وانا اكتب لها على حمامات المسجد قسم النساء وماتقراها الا بصلاة التراويح من سنه لسنه خخخ

تاكدت اننا ماحنا من طبقه اجتماعيه واحد وان المستوى المعيشي غير متكافئ اطلاقا لين الله جاب هالذبانه المهم فتحوا لي الباب ودخلت وقلت انا جاي اطلب يد فوزيه قالو تفضل وجابو لنا شاهي ليبتون , انا يوم شفت اللبتون قلت افاا من اولها سحر >> قروي حده ورق ويخب

قلت ياعم انا جاي اتزوج بنتك فوزيه , قال وانت وش عندك يومنك بتتزوج ؟ قلت والله ياعم انا انسان عصامي انا كونت نفسي بنفسي قال : والله اني داري ان هالوجه ماهب خلقة ربنا لعنبوا بليسك انت لو جاي تخطب سواقنا كان ماستصغت الفكره جاين تخطب بنتي بعد

المهم طردني بطريقه غير مباشره بقوله ( جب 200 الف وسياره لكزس و بيت وتعال ) قلت والله ماقدر الا على الاخيره ( تعال ) الباقي ماعندي ورحت سيده لحمامات المسجد وكتبت لها قولي لابوك والله ان تبطي يالمروووووح >>> الداج داج

مع تطور مراحل الحمل ودخولي بالشهر الثالث بديت اتوحم وصار توحمي على اي واحده لابسه طرحه صرت كل ماشوفها اتذكر فوزيه ولسان حالي يقول " ياناس حظي غدا مقرود من يوم حبيت فوزيه " وعلى طول يوجعني بطني خخخخ جت امريكا جابت بنقالي ولبسته حجاب وفجروا فيه وثمن منعوا الحجاب بحجة مكافحة الارهاب خخخخخ واي وحده تلبس حجاب بالسجن وقفلوا محلات العبي النسائيه وسكروا سوق الثلوث وحطوا بدل اللوحه حقته ( شيلي الطرحه عن الوجه السموووح )

عاد بعدين ولانهم مايلبسون حجاب ولاشئ صرت كل شوي اشوف بنت واخق وعلمت امريكا قالو عادي نجيبها لك الحين وجابو واحد طلع فتوى ان زواج ( التوحم ) حلال لاشر فيه ولامنكر واي واحد يتوحم عادي يتزوج خخخخ وصرت كل يوم اتزوج بنت زواج وحم خخخخ مابقى بنت بالديره الا تصير مرتي وحميااا ومابقى واحد بالديره الا اصير انا نسيبه من الوحم

الين صرت زير نساء ولانيب افكر انها زواج اصلن اخذها تسليه وتفريغ طاقات وكل من سبايب ابو فوزيه ضيع مستقبلي حتى اذكر وحده من زوجاتي وهي عندي باول ليله من الزواج سالتها : اهلك يدرون انك هنا .؟ >>> الولد نفسه ماقتنع انه متزوج

ومع تطور فترات الحمل وذات ليلة ساكنه جالسين نتسامر انا واحد اصدقائي
انا : تتوقع يطلع يشبه لي او يشبه لابوه ؟
خالد : اتوقع يطلع على ابوهـ >> يسلك لي طبعا
انا : يعني ماتتوقع يشبه لي
خالد : ( وهو يتذكر خويه اللي اُعدم بسبب بقس ) الا الا اذا ماطلع يشبه لك يشبه لمين اجل ؟
انا : يشبه لابوه ياغبي اااااااااااهـ وصرخت بطنننني بطنننننني اوجعني وسجنته امريكا بحجة انه نايم بالسطح ويتجسس على الاقمار الصناعيه الدولييه
خخخخخ تعيش امريكا تعيش تعيش

قمت الفجر ورحت اصلي بالمسجد وكان الامام يقرأ : ( تبت يدا ابي لهب وتب ماغنى عنه ماله وماكسب ) , ويوم خلصت الصلاه قالي الله يهديك ثاني مره قصر على الاغاني لاقربت من المسجد , انا صرخت بطننننننني بطنيييييي على طول جو امريكا وسجنوووهـ وقالو انه يحرض على الشغب يعني ضاقت مايقرأ من القران الا تبت يدا ابي لهب .؟ اكيد له علاقه بتنظيم القاعده

عزموني اصدقائي التجااار اللي تعرفت عليهم بعد ماتحسنت حالتي المعيشييه وصرت ولد نعمه والعب بالدراهم بمزرعتهم الكبيره وقلت مسافة الطريق وانا جايكم قالوا ننتظرك بس انتبه تسرع تراك حامل وانا رايح لهم بالطريق وقفت اعبي بنزين ويوم خلص قال الحساب قلت له يوم الحساب , قام وضرب السياره بقوه وانا من الهبله بغيت اسقط !!

عاد علمت امريكا وقلت لهم راعي محطة بتروليات بغى يخلي الذبانه تطيح هم سمعوا طاري بترولياااات جو يركضون من دوني خخخخ وعلى طول حطوا هناك قاعده عسكريه وصادروا المحطه بتهمة الاستحواذ على اسلحه محرمه دوليااا
خخخخ وتعيش امريكا تعيش تعيششش

رحت لاخوياي بالاستراحه ويوم طلبوا العشاء طلعت عشره ريال قلت هذي قطتي ياشباب >> اجل صرت ولد نعمه >> ياخوي وش اسويلك كل شئ وعود للحين امريكا ماعطتني شئ خخخ قالو وش دعوه صحن مندي هو خخخخخ وقال الثاني لا ياعيال شكله يحسبنا مستاجرين طاولة بلياردوخخخخ

واسكت كأني ماسمعت شئ واقول بيني وبين نفسي هين الوعد لاخلصت السهره ياعيال الذين والتفت على واحد من اخوياي داج مثلي وقلت له ايهم احسن الفقر والا الغنى .؟ قال لا اللي نعرفه احسن من اللي مانعرفه >> الذله بنت حلال والسهره خلصت من هنا الا انحرقت المزرعه كامله من هنا بحجة تفشي فايروس انلفونزا الخنازير ( اتش ون ان ون ) فيها
خخخخخ تعيش امريكا تعيش تعيش خخخخ

وانا نايم ومطمئن ذات ليلة اوجعني بطني اخر الليل وصرخت صرخه باقوى ماعندي وجو كل العملاء الامريكيين والاطباء يحسبونها الطلق حق الولاده واخر شئ طلع مجرد حلم وثمن اعلنت امريكا ان الاحلام ممنوعه وان اي شاب يحلم بتكوين مستقبل .. يحلم بمعاشرة صديقته >> يروح ويجي على الزواج .. ترى موب اصرف له وانكم تعيشون زلايب زي مانتم وتاكلون تبن ومالكم الا الواقع وبلاش احلام ومشاكل خخخ وفعلا تم وأد كل الاحلام
وتعيش امريكا تعيش تعيش

ومره وانا نايم ذات ليلة اخرى صرررررخت باقوى ماعندي وطلع هالمره الطلق حق الولاده صدق وجابو العده كامه مكلمه استعدادا للعمليه القيصرييه , ايييييييه انا قعدت اتذكر الايام اللي راحت تسع شهووور وانا بنعييييم تسع شهور راحت كيف كنت احافظ عليها من كل خطر كانت اكبر همي ومهجة حياتي تلك الذبانه شريط الذكريات لم ينقطع الا باصوات الاطباء الامريكيين وهم يقولون ييييييييييش ييييييييييش >> ايه ييش لانهم كانو عاضيين الكمامات من الفرحه وواحد منهم يسوي لي حركه غير اخلاقيه باصابعه وانا اقول هلا والله هلا احسبه يسلم على نياتي مادريت ان النوايا الشينه بدت تتضح

طلعت الذبانه سليمه معافاه منتفخه من الاكل الزين وانا اقول وها على امي امانه عليكم قربوها لمي وحبيتها وقلت والله كنها انا تحمست انا وخشتي وخميتها بقوه وماتت انهبلوا الدكاتره قالو وش فيها وش صار قلت لا بس نامت نامتتعبانه مره ياعمري عمرها

صوره للذبانه وهي تنتقل الى رحمة الله

عطيتهم اياها من هنا ورفعت ثوبي وحطيت رجلي من هنا اول من طرا على بالي اصدقائي بس للاسف مابقى منهم احد كلهم بالسجن حتى امي نسيت انها بدار المسنيين لانها اقلقت راحتي يوم اني حامل كل مادخلت قالت منيين جاي يالداشر وطلبت من امريكا يقلعونها لاي محل بس يفكوني من شرها

بعد رحلة توهان شديد ارهقني التعب رحت انام بالمسجد وفجأه دخلوا علي اثنيين طوال اطول من يوم السبت ..>> ايييييه هم نفسهم ماغيررررهم ضفوني للسجن يعدة تهم ابرزها ان لي علاقه بتنظيم القاعده ولا وش ينومني بالمسجد .؟
خخخخخخخ وتعيش امريكا تعيش تعيش

دخلت السجن فوجدت سكان حارتنا كلهم متسدحييين وحقرت نفسي وقلت اييييه هذي الدنيا ناظروني ينظرات حقد وكراهييه وكان الواحد منهم يتمنى فقط ان اقع بين يدييه وجلست لوحدي بالسجن حتى جاني شخص يدعى مصطفى هندي الجنسيه جلس يسولف معي وفجأه سمعت صوت " اززززززززززززززززز " قلت له اكبر تسمع الصوت او يتهيأ لي قال اسمعه سولفنا وثمن سمعته مره ثانيه ازززززززززززززز وحنا ندور مصدر الصوت قلنا شكله رادو خربان او واحد توه بادي يتعلم وشلون يشاخر

فجأه الا انا دايخ وملقي على الارض صرخ الهندي لحرس السجن ونقلوني للمستشفى وطلعت التحاليل انها قرصت ذبانه متسممه وهي نفسها تلك الذبانه اللتي اكتشف فيما بعد هربي انها لم تمت ولكنهم ماصدقوا يفتكون مني ولفقوا علي تلك القضيه لاني زلابه

دخلت السجن فوجدت سكان حارتنا كلهم متسدحييين وحقرت نفسي وقلت اييييه هذي الدنيا ناظروني ينظرات حقد وكراهييه وكان الواحد منهم يتمنى فقط ان اقع بين يدييه وجلست لوحدي بالسجن حتى جاني شخص يدعى مصطفى هندي الجنسيه جلس يسولف معي وفجأه سمعت صوت " اززززززززززززززززز " قلت له مصطفى تسمع الصوت او يتهيأ لي قال اسمعه سولفنا وثمن سمعته مره ثانيه ازززززززززززززز وحنا ندور مصدر الصوت قلنا شكله رادو خربان او واحد توه بادي يتعلم وشلون يشاخر

فجأه الا انا احس بدوخه وقالي مصطفى ترى لون عيونك احمر وش فيك قلت ايه ترى توي بالاربعين اكيد ابتعب وكذا >> صورتي وانا اشرب يانسون وفجأه الا انا دايخ وملقي على الارض ومصطفى يقول شكلها وصلت خمسين عشان كذا فيه دوووخ صرخ الهندي لحرس السجن ونقلوني للمستشفى وطلعت التحاليل انها قرصت ذبانه متسممه وهي نفسها تلك الذبانه اللتي اكتشف فيما بعد هربي انها لم تمت ولكنهم ماصدقوا يفتكون مني ولفقوا علي تلك القضيه لاني زلابه

تيماوياتي
** قرأت فوزيه كتابات دحيم على حمام المسجد بعد سنه وارسلت له تجراف تقول اشوى ان ابوي ماتهور ووافق كان ماشوفك الحين الا بغرفة المعاشره الزوجيه بالسجن
** عرف دحيم فيما بعد ان الذبانه كانت سامه وعرف ايضا سر الحرص عليها
** بعد مرور 10سنوات تم اطلاق صراح دحيم بسبب حالته الصحيه المتدهوره واحتياجه للمتابعه الدائمه
** بعد مرور 15 سنه من السجن دحيـــم يعتبر صاحب اكبر محمية ذبان بالشرق الاوسط
** بعد مرور 20 سنه الحصول على جثة دحيم مرتديا حزام ناسف بعد قيامه بتفجير نفسه في احد مصانع الفليت >> فدائي اسم الله عليه
** مازالت الذبانه تمشي وتقتل من خلق الله بلا حسيب او رقيب منذ القرن التاسع عشر ودحيم ليس اخر الضحاي ا

رموز القصه

الذبانـــــه = (מְדִינַת יִשְׂרָאֵל‎)

مخرج
اؤلت له بطلت خليني في البيت .. قالت اسمع مني وروح وواللي بدو يصير يصير

فتى الرس المدلل
عشقي تيماوي - المملكه العربيه السعوديه - الملحق

تسعة عشر شبحا مروا من هنا

هلاليه رساويه · 26-12-2009, 03:10 AM

/

مآشآء الله مبرووووكـ

غدآآآ الشر

والحمد لله على سلامه الولاده

بس وش سميتوهآ ..؟!

/

فتافيت شابوره · 26-12-2009, 03:51 AM

.

حسبي الله عليك ويا انا تمزعت من الضحك

اهنيك على خيااالك الوااااااااااسع <<من هنا لبيتكم

اجل مالقيت تحط سالفتك الا عن ذبانه ولا علشانه كاثر هاليومين <<

وسعت صدري االله يوسع عليك

ولاتحرمنا من هالخيال تكفى

.

**مـآكِنتُوشٌ** · 26-12-2009, 05:41 AM

هههههههههههههههههههههههههههههههههههههههههههههههههه هههههههههه

العنوان تحفه
اخيرا احد قدر هالكائن في المجتمع

عاد انا مالقيت ادخل هالموضوع الا يوم قمت افطر واروح للجامعه

اشوى اني ماقريته كله

لي باك بهالموضوع بس ابحجز مكاني <-

ŤαŁα ~ · 26-12-2009, 03:46 AM

.
.

اهلييييييييييييين دحوووم ..

منور القسم واللهي ..

واخيرا نزلت القصه .. وطبعا احنا في انتظار الروايه القادمه << بدينا بالاشاعات

أقتباس

كهديه بسيطه للعزاب والمغاتير والاطفال >> يبي يثبت لكم انه بطل قومي وقاعد يستحوي الطبقه الغير مرغوب فيها بالمجتمع

والله وفيك الخير

>

أقتباسيمسح وانا اترقب بقوه واقوله هاه لقيتها .؟ قال وشي قلت الذبانه ؟ قال لا

ههههههههههههههههههههههه
اجل يمسح وهو ساكت !! .. كيف اصدقها ذي

> اصبري الخير جايك

أقتباس

حطيت يدي على فمي وقلت أأأأأأ وجلست على الكرسي وقلت فيني دووووخه

من هالفقره يظهر لنا تأثرك الشديد بالمسلسلات العربيه

أقتباس

واقوله اذا فيك خير سجل ريال واحد على الحساب

حتى هالضعيف ماسلم من شرك

أقتباس

تكتب لي ذكريات على تجراف وانا اكتب لها على حمامات المسجد قسم النساء وماتقراها الا بصلاة التراويح من سنه لسنه خخخ

هههههههههههههههههههههه
هههههههههههههههههههههههههههه

أقتباس

قلت والله ماقدر الا على الاخيره ( تعال ) الباقي ماعندي ورحت سيده لحمامات المسجد وكتبت لها قولي لابوك والله ان تبطي يالمروووووح >>> الداج داج

ههههههههههههههههههههه
كان قلت له فيس تو فيس

واختصرت عليك الشقاء

أقتباس

ومابقى واحد بالديره الا اصير انا نسيبه من الوحم

أقتباس

الولد نفسه ماقتنع انه متزوج

مصيبه

أقتباسانا : تتوقع يطلع يشبه لي او يشبه لابوه ؟

من بداية سؤالك وانت نيتك شينه

.. وش تبيه يقول لك

>> دخلت جو

أقتباسخالد : ( وهو يتذكر خويه اللي اُعدم بسبب بقس ) الا الا اذا ماطلع يشبه لك يشبه لمين اجل ؟

ياقلبي >> فطست ضحك

أقتباسييييييييييش ييييييييييش >> ايه ييش لانهم كانو عاضيين الكمامات من الفرحه

هههههههههههههههههههههههههه

أقتباس

تحمست انا وخشتي وخميتها بقوه وماتت انهبلوا الدكاتره قالو وش فيها وش صار قلت لا بس نامت نامتتعبانه مره ياعمري عمرها

ههههههههههههههههههه

وش اللي لقفك تقربها ؟!

أقتباس

** بعد مرور 15 سنه من السجن دحيـــم يعتبر صاحب اكبر محمية ذبان بالشرق الاوسط

ههههههههههههههههههههههه
اجل محمية ذبان !!

أقتباس

** بعد مرور 20 سنه الحصول على جثة دحيم مرتديا
حزام ناسف بعد قيامه بتفجير نفسه في احد مصانع الفليت >> فدائي اسم الله عليه

هههههههههههههههههههههه
من يومك وانت فدائي

دحوم الله يسعدك ..

كانك ضحكتني لين قلت امين ..

وخساره كتبت رد اطول من الموضوع بس في غمضت عين اختفى

> هونيها وتهون

المهم مثل ماقلت ننتظر الروايه القادمه

عوافي ..

أسيرة عيون ياسر · 26-12-2009, 08:59 AM

رجك الله رجا مبرحا
والله ياني مت من الضحك
اسلوبك جونااان
بس والله هالذبانه طلعت عاقه هذي جزاتك حملت وتعبت واخرتها تسوي فيك كذا ماش عيال هالوقت مامنهم نفعه

تسعة عشر شبحا مروا من هنا >>طلبتك تشيل هالجمله من توقيعك كل ماشفتها وسوست مدري ليه

**بطاش الزعيم** · 26-12-2009, 12:02 PM

هلا بك دحوم ..
والله ياموضوعك قريته بعد ماجيت من الكليه وانا موب جايب العيد الا فوق العيد ..
نجي حق الاقتبسات ويارب ماملي المووضوع اقتباس من كثر ماتمزعت ضحك ..
يلا نبدا ..
خذ ذي بس رجعها باخر الرد ..

أقتباس

مدخل
تروح لك مشوار اؤلت له ياريــــت .. قالت لكن اوعى تغار حولي الذبان كثار

ههههههههههههههههههههههههههههههههههههههههه
الم المدخل شكلي قبل اي مووضوع بطلب تسوي لي مداخل ..

أقتباس

قلت لامي ترى انا اكلت ذبانه قالت قم تقلع للمطبخ وخذ لك اي شئ يخليك تتقبأ >> ترى ماودي اقول تطرش عشان ماتضيق صدوركم المهم واروح واشرب واشرب وعجزت اطرش >> وين اتفاقنا يابو

ههههههههههههههههههههههههههههههههههههههههههههه
اجل طراش ..

أقتباس

انت ووجهك انا الحمد لله شريف وابروح للمستشفى وماهب اي مستشفى , ابروح لمستشفى اهلي وبشكل طبيعي مثلي مثل غيري شغل الدس هذا لك ولاشكالك ياوسخ

ههههههههههههههههههههههههههههههههههههههه
هنا من جد تمزعت ضحك من قلب ..

أقتباس

اخبرني دكتوري انني سوف اقوم بالعنايه بالذبانه كانها جنين في بطني حتى 9 اشهر وبعد هالمده سوف تكبر الذبانه ويكون بامكاننا اخراجها بعمليه قيصريييه ووافقت مكرها لابطل

هههههههههههههههههههههههههههههههههههههه
بطل هنا .؟.
ياخي خيالك كويس لسى ماشي معاك ..

أقتباس

جاني الموفد الامريكي وركبت معه على سياره بورش اخر موديل , واول ماشغل الرادو قال ( اهلن بكم في اذاعة لندن ) قلت له العن اووووووم السرعه يالامريكي مامدانا بالرياض يابو قال شفت وشلون هالسياره هذي بتصير لك اذا طلعت الذبانه سليمه

ه

هههههههههههههههههههههههههههه

اجل البورش بس اي نوع ..

أقتباس

قمت الفجر ورحت اصلي بالمسجد وكان الامام يقرأ : ( تبت يدا ابي لهب وتب ماغنى عنه ماله وماكسب ) , ويوم خلصت الصلاه قالي الله يهديك ثاني مره قصر على الاغاني لاقربت من المسجد , انا صرخت بطننننننني بطنيييييي على طول جو امريكا وسجنوووهـ وقالو انه يحرض على الشغب يعني ضاقت مايقرأ من القران الا تبت يدا ابي لهب .؟ اكيد له علاقه بتنظيم القاعده

ههههههههههههههههههههههههههههههههههههههههههه

اجل الامام والارهابين تحفه ..

أقتباس

** قرأت فوزيه كتابات دحيم على حمام المسجد بعد سنه وارسلت له تجراف تقول اشوى ان ابوي ماتهور ووافق كان ماشوفك الحين الا بغرفة المعاشره الزوجيه بالسجن

تفكير فوزيه اعجبني ..

أقتباس

بعد مرور 20 سنه الحصول على جثة دحيم مرتديا حزام ناسف بعد قيامه بتفجير نفسه في احد مصانع الفليت >> فدائي اسم الله عليه

هههههههههههههههههههههههههههههههههههههههههههه

ياحبك لامور السياسه وتحب تدخل حتى الكومديا فيها ..

دحوم ..

مووضوع ساخر بشكل كبير ويوسع الصدر ..

اللي استعبوته بالمووضوع بعيد عن الضحك والوناسه بالمووضوع ..
ان فيك حس سياسي .

عفيه ياجميل ..
اللي فاضي يقول مره قلت هههه بالمووضوع

**باكر يعـود** · 26-12-2009, 12:55 PM

هههههههههههههههههههههههههههه > (أيقونه بآكر يعود منسدح على ظهره وماسك بطنه )
يآلله حي دحيم نورت المجلس . . أررررررحب
ومبروك عليك ما جآك . . يتربى في عزك >

أقتباس قلت لامي ترى انا اكلت ذبانه قالت قم تقلع للمطبخ وخذ لك اي شئ يخليك تتقبأ

>> ترى ماودي اقول تطرش عشان ماتضيق صدوركم

تطرش عآآآد

. . .
أبد ما غثيتنا ولاكنآ نشرب حليب ودبلت كبودنآ ع الصبح

> من وين طآلع الأخ

> ( أيقونه بآكر يعود يطرش )

أقتباس حطيت يدي على فمي وقلت أأأأأأ وجلست على الكرسي وقلت فيني دووووخه

هههههههههههههههههههههههههه
ههههههههههههههههههههههههههههههههههههههههههــ . . . ألخ

أقتباس فجأه الا انا احس بدوخه وقالي مصطفى ترى لون عيونك احمر وش فيك قلت ايه ترى توي بالاربعين اكيد ابتعب وكذا >> صورتي وانا اشرب يانسون

يخرب عئلاتك ينسوووووون مره وحده هههههههههههههه

والله أنك دآخل جو الحمل بـ قوه خخخخخ

دحيم يآدحيم

عندك حس فكآهي عجيب مآشاء الله عليك

نبي كذا دآيم حآجات توسع الخآطر

مواضيعك دايم خفيف ع الألب

. .
كثر طلاتك هون

> ( أيقونة بآكر يعود يعطي قبلة للجمهور

) > وش دخل الجمهور .

.!؟

**R O N A L D O** · 26-12-2009, 04:40 PM

ههههههه موضوع مضحك جداً وساااخر ..

Majid · 26-12-2009, 06:26 PM

حبيبي مساك ورد
اولاقصتك فيها في الثنايا خبايا
لكن الكوميديا تختلف عن بذات الكلام
اخوي انت
جميل وظريف

لكن ليتك
تبتعد عن بعض المفردات التي سوف تكون
قصتك افضل بدونها
واقول لك (كم صرفتنا يد كن نصرفها : وبات يملكن شعب ملكنه)

أكليل الورد... · 27-12-2009, 04:12 PM

::

مرْحبَا أستْاذَ دحَيـــــْم ..’

قبْل كل َ شيْ أنتَ تجْبـر أي شْخصَ أنه يدخْل ..,‘
عندْكـ أسَلوْب فضَيييعْ ..’وأناَ منْ الاَشخاصْ الي ْ أحبْ أتابعْ أي موَضوعْ لكـْ..

موضَوعْكَ هذاَ خطْيَرررَ ..

يحمْل في َ طيآتْه الكُيييرْ ..يحتْاج الشخَص يفكْ رموزْهـ ..

كْل واحَدَ راْح يفهْمهَا بطريَقتهَ...وأحْلى شيْ أنكـ صغتْها بقْالبَ كوْميَديْ ..!

والشْاطرَ يفَهْمهَا ..’!!

_

دلووووول · 27-12-2009, 09:43 PM

هههههههههههههههههههههههههههههههههههه
هههههههههههههههههههههههههههههههههههه
وربي فللللللللللللللللللللللللللللله انت الله يوسع صدرك يابو خيال
يسلم خيالك

**غزلآن** · 28-12-2009, 06:04 PM

:
هههههههههههههههههههههههههههههههه
هههههههههههههههههههههههههههههههههههههه
وربي تجنن هالخياالياات بجد لاتحرمناامن هالتيمااوياات
خخخخخخخخخخ
وهذالذبانه عجيييييييييبه
وياوهالوحاام الي على كيفكـ صدز انكـ زلابه وازلب واحد شفته
بس عشت حياتكـ يالزلابه 9شهوور
بس الاخير تنتحر يالزلابه
ههههههههههههههههههههه
يسلموو فتى الرس وسعت صدري الله يوسع صدركـ

:

Miracle Future · 28-12-2009, 09:43 PM

سلام علييييكم كيف حالك دحييم <-- يحسبه ماسن
الززبده نجي لم الموضوع يا مقلع
ياخي إيش انا مجرد اني أقرآ كلمه أستمتع شفت القصه طويله مو زي بعض الناس يقولووون يوووه
انا امبسط أقوى شئ
لأني عآرف من إلي كآتبها <--بس لايكبر رآسسك
الززبده ياخي الذبآنه كآن سلفتني اياها شوي بعدين ياخي اسمح لي انت ثور
لو إني منك أقولهم جيبو لي بيت مسآحته 9,999 <-- فآك ع الرقم
وجيبو لي بنتلي سبورت وبآنورمآ ومعهم أطلق ممثله ب هولييود ولا ترى ابضرب بطني عشآن أسقط
ماااااش التفكير حقك محصور على التحجير للناس والانتقام منهم والهيآط
دحيم إنت ضيعت فرصة عمرك زي ما قلت لك ؟ ولا لييش أخرتهآ بالسجن يا مروح
الله يقلعك بسسس
يالله الدنيآ حظوظ والفرصه ما تجي الا مره واحده <-- يبي يندمك
لا تقطع يا حبيييي

الزعيمااات · 28-12-2009, 10:39 PM

هلا والله

الله يوسع صدرك بالطاعة والعافيه

وسع صدري

اجل مالقيت الا ذبان تفلم فيه

26-12-2009, 03:10 AM	#2
هلاليه رساويه قنــاص فعــال	رد: الذبانــــــــــــــه ][ تيماوياتي ][ / مآشآء الله مبرووووكـ غدآآآ الشر والحمد لله على سلامه الولاده بس وش سميتوهآ ..؟! / التوقيع: . .,

26-12-2009, 05:41 AM	#4
مـآكِنتُوشٌ ( صخَب المجلس )	رد: الذبانــــــــــــــه ][ تيماوياتي ][ هههههههههههههههههههههههههههههههههههههههههههههههههه هههههههههه العنوان تحفه اخيرا احد قدر هالكائن في المجتمع عاد انا مالقيت ادخل هالموضوع الا يوم قمت افطر واروح للجامعه اشوى اني ماقريته كله لي باك بهالموضوع بس ابحجز مكاني <- التوقيع: \|

26-12-2009, 03:46 AM	#5
ŤαŁα ~ هلالي مميز	رد: الذبانــــــــــــــه ][ تيماوياتي ][ . . اهلييييييييييييين دحوووم .. منور القسم واللهي .. واخيرا نزلت القصه .. وطبعا احنا في انتظار الروايه القادمه << بدينا بالاشاعات أقتباس كهديه بسيطه للعزاب والمغاتير والاطفال >> يبي يثبت لكم انه بطل قومي وقاعد يستحوي الطبقه الغير مرغوب فيها بالمجتمع والله وفيك الخير > أقتباسيمسح وانا اترقب بقوه واقوله هاه لقيتها .؟ قال وشي قلت الذبانه ؟ قال لا ههههههههههههههههههههههه اجل يمسح وهو ساكت !! .. كيف اصدقها ذي > اصبري الخير جايك أقتباس حطيت يدي على فمي وقلت أأأأأأ وجلست على الكرسي وقلت فيني دووووخه من هالفقره يظهر لنا تأثرك الشديد بالمسلسلات العربيه أقتباس واقوله اذا فيك خير سجل ريال واحد على الحساب حتى هالضعيف ماسلم من شرك أقتباس تكتب لي ذكريات على تجراف وانا اكتب لها على حمامات المسجد قسم النساء وماتقراها الا بصلاة التراويح من سنه لسنه خخخ هههههههههههههههههههههه هههههههههههههههههههههههههههه أقتباس قلت والله ماقدر الا على الاخيره ( تعال ) الباقي ماعندي ورحت سيده لحمامات المسجد وكتبت لها قولي لابوك والله ان تبطي يالمروووووح >>> الداج داج ههههههههههههههههههههه كان قلت له فيس تو فيس واختصرت عليك الشقاء أقتباس ومابقى واحد بالديره الا اصير انا نسيبه من الوحم أقتباس الولد نفسه ماقتنع انه متزوج مصيبه أقتباسانا : تتوقع يطلع يشبه لي او يشبه لابوه ؟ من بداية سؤالك وانت نيتك شينه .. وش تبيه يقول لك >> دخلت جو أقتباسخالد : ( وهو يتذكر خويه اللي اُعدم بسبب بقس ) الا الا اذا ماطلع يشبه لك يشبه لمين اجل ؟ ياقلبي >> فطست ضحك أقتباسييييييييييش ييييييييييش >> ايه ييش لانهم كانو عاضيين الكمامات من الفرحه هههههههههههههههههههههههههه أقتباس تحمست انا وخشتي وخميتها بقوه وماتت انهبلوا الدكاتره قالو وش فيها وش صار قلت لا بس نامت نامتتعبانه مره ياعمري عمرها ههههههههههههههههههه وش اللي لقفك تقربها ؟! أقتباس بعد مرور 15 سنه من السجن دحيـــم يعتبر صاحب اكبر محمية ذبان بالشرق الاوسط ههههههههههههههههههههههه اجل محمية ذبان !! أقتباس بعد مرور 20 سنه الحصول على جثة دحيم مرتديا حزام ناسف بعد قيامه بتفجير نفسه في احد مصانع الفليت >> فدائي اسم الله عليه هههههههههههههههههههههه من يومك وانت فدائي دحوم الله يسعدك .. كانك ضحكتني لين قلت امين .. وخساره كتبت رد اطول من الموضوع بس في غمضت عين اختفى > هونيها وتهون المهم مثل ماقلت ننتظر الروايه القادمه عوافي ..

26-12-2009, 08:59 AM	#6
أسيرة عيون ياسر قنــاص فعــال	رد: الذبانــــــــــــــه ][ تيماوياتي ][ رجك الله رجا مبرحا والله ياني مت من الضحك اسلوبك جونااان بس والله هالذبانه طلعت عاقه هذي جزاتك حملت وتعبت واخرتها تسوي فيك كذا ماش عيال هالوقت مامنهم نفعه تسعة عشر شبحا مروا من هنا >>طلبتك تشيل هالجمله من توقيعك كل ماشفتها وسوست مدري ليه التوقيع:

26-12-2009, 12:55 PM	#8
باكر يعـود ( شُرفة الفِكر )	رد: الذبانــــــــــــــه ][ تيماوياتي ][ هههههههههههههههههههههههههههه > (أيقونه بآكر يعود منسدح على ظهره وماسك بطنه ) يآلله حي دحيم نورت المجلس . . أررررررحب ومبروك عليك ما جآك . . يتربى في عزك > أقتباس قلت لامي ترى انا اكلت ذبانه قالت قم تقلع للمطبخ وخذ لك اي شئ يخليك تتقبأ >> ترى ماودي اقول تطرش عشان ماتضيق صدوركم تطرش عآآآد . . . أبد ما غثيتنا ولاكنآ نشرب حليب ودبلت كبودنآ ع الصبح > من وين طآلع الأخ > ( أيقونه بآكر يعود يطرش ) أقتباس حطيت يدي على فمي وقلت أأأأأأ وجلست على الكرسي وقلت فيني دووووخه هههههههههههههههههههههههههه ههههههههههههههههههههههههههههههههههههههههههــ . . . ألخ أقتباس فجأه الا انا احس بدوخه وقالي مصطفى ترى لون عيونك احمر وش فيك قلت ايه ترى توي بالاربعين اكيد ابتعب وكذا >> صورتي وانا اشرب يانسون يخرب عئلاتك ينسوووووون مره وحده هههههههههههههه والله أنك دآخل جو الحمل بـ قوه خخخخخ دحيم يآدحيم عندك حس فكآهي عجيب مآشاء الله عليك نبي كذا دآيم حآجات توسع الخآطر مواضيعك دايم خفيف ع الألب . . كثر طلاتك هون > ( أيقونة بآكر يعود يعطي قبلة للجمهور ) > وش دخل الجمهور . .!؟ التوقيع: - ــــــوكم لله من لطفٍ خفيَ !

26-12-2009, 04:40 PM	#9
R O N A L D O . . : زعيم القناصين : . .	رد: الذبانــــــــــــــه ][ تيماوياتي ][ ههههههه موضوع مضحك جداً وساااخر .. التوقيع: استغفرالله العظيم و اتوب اليه .. Y20-R9@hotmail.com Twitter : @Zyaad9 ..

26-12-2009, 06:26 PM	#10
Majid قناص مميــز	رد: الذبانــــــــــــــه ][ تيماوياتي ][ حبيبي مساك ورد اولاقصتك فيها في الثنايا خبايا لكن الكوميديا تختلف عن بذات الكلام اخوي انت جميل وظريف لكن ليتك تبتعد عن بعض المفردات التي سوف تكون قصتك افضل بدونها واقول لك (كم صرفتنا يد كن نصرفها : وبات يملكن شعب ملكنه) التوقيع: ...................

27-12-2009, 04:12 PM	#11
أكليل الورد... قناص مميــز	رد: الذبانــــــــــــــه ][ تيماوياتي ][ :: مرْحبَا أستْاذَ دحَيـــــْم ..’ قبْل كل َ شيْ أنتَ تجْبـر أي شْخصَ أنه يدخْل ..,‘ عندْكـ أسَلوْب فضَيييعْ ..’وأناَ منْ الاَشخاصْ الي ْ أحبْ أتابعْ أي موَضوعْ لكـْ.. موضَوعْكَ هذاَ خطْيَرررَ .. يحمْل في َ طيآتْه الكُيييرْ ..يحتْاج الشخَص يفكْ رموزْهـ .. كْل واحَدَ راْح يفهْمهَا بطريَقتهَ...وأحْلى شيْ أنكـ صغتْها بقْالبَ كوْميَديْ ..! والشْاطرَ يفَهْمهَا ..’!! _ التوقيع: . . }! .

27-12-2009, 09:43 PM	#12
دلووووول قنــاص فعــال	رد: الذبانــــــــــــــه ][ تيماوياتي ][ هههههههههههههههههههههههههههههههههههه هههههههههههههههههههههههههههههههههههه وربي فللللللللللللللللللللللللللللله انت الله يوسع صدرك يابو خيال يسلم خيالك التوقيع: استغفر الله واتوب اليه كيف يرضى عنك من حولك ؟! هنا ادعولي ولو بدعوه twitter

28-12-2009, 06:04 PM	#13
غزلآن صديقـة المجلـس	رد: الذبانــــــــــــــه ][ تيماوياتي ][ : هههههههههههههههههههههههههههههههه هههههههههههههههههههههههههههههههههههههه وربي تجنن هالخياالياات بجد لاتحرمناامن هالتيمااوياات خخخخخخخخخخ وهذالذبانه عجيييييييييبه وياوهالوحاام الي على كيفكـ صدز انكـ زلابه وازلب واحد شفته بس عشت حياتكـ يالزلابه 9شهوور بس الاخير تنتحر يالزلابه ههههههههههههههههههههه يسلموو فتى الرس وسعت صدري الله يوسع صدركـ : التوقيع:

28-12-2009, 09:43 PM	#14
Miracle Future قناص مميــز	رد: الذبانــــــــــــــه ][ تيماوياتي ][ سلام علييييكم كيف حالك دحييم <-- يحسبه ماسن الززبده نجي لم الموضوع يا مقلع ياخي إيش انا مجرد اني أقرآ كلمه أستمتع شفت القصه طويله مو زي بعض الناس يقولووون يوووه انا امبسط أقوى شئ لأني عآرف من إلي كآتبها <--بس لايكبر رآسسك الززبده ياخي الذبآنه كآن سلفتني اياها شوي بعدين ياخي اسمح لي انت ثور لو إني منك أقولهم جيبو لي بيت مسآحته 9,999 <-- فآك ع الرقم وجيبو لي بنتلي سبورت وبآنورمآ ومعهم أطلق ممثله ب هولييود ولا ترى ابضرب بطني عشآن أسقط ماااااش التفكير حقك محصور على التحجير للناس والانتقام منهم والهيآط دحيم إنت ضيعت فرصة عمرك زي ما قلت لك ؟ ولا لييش أخرتهآ بالسجن يا مروح الله يقلعك بسسس يالله الدنيآ حظوظ والفرصه ما تجي الا مره واحده <-- يبي يندمك لا تقطع يا حبيييي التوقيع: * ..

28-12-2009, 10:39 PM	#15
الزعيمااات قنــاص مبــدع	رد: الذبانــــــــــــــه ][ تيماوياتي ][ هلا والله الله يوسع صدرك بالطاعة والعافيه وسع صدري اجل مالقيت الا ذبان تفلم فيه التوقيع: ..اللهم اغفرلي ولوالدي وللمسلمين والمسلمات والمؤمنين والمؤمنات.. ..اللهم اهدني لاحسن الاخلاق لايهدي لاحسنها الا انت واصرف عني سيئها لايصرف عني سيئها الا انت.. اللهم صلي وسلم على محمد وعلى اصحابه الاخيار..