انســــان
عدد الضغطات : 18,536
الجمعية الخيرية لتحفيظ القرآن الكريم
عدد الضغطات : 13,036(انسان) الجمعية الخيرية لرعاية الايتام
عدد الضغطات : 18,649استمع إلى القرآن الكريم
عدد الضغطات : 9,850

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس > منصة تتويج المجلس
   

إضافة رد
 
LinkBack أدوات الموضوع انواع عرض الموضوع
قديم 02-01-2010, 03:45 PM   #1
اليوزر الإداري لقسم المجلس
 
Cool » - اڷـمـايگ معَ » RauL_ GirL« ¬ !


































= تلتقط ‘المــايك
لـ تحكي عن سنين عمرها
وما حاكت فيها من ضحكات وعبرات
وأمـاني عظام ..‘


سـ نتقرب أكثر من أفكارها ..
و يومياتها المملة ...
ومواقفها الطريفة ‘







لطيفة الروح ‘

» RauL_ GirL« ¬




* سـ تحكي لِــ 3 أيـام
وانتم تقرؤون فقط . .
وبعدها يفتح المجال لـ تعليقاتكم !







فــكرة :
ملائــكيه
تصميم:
Anoud '90







..: قسم المجلس :.. غير متواجد حالياً   رد مع اقتباس
قديم 02-01-2010, 03:50 PM   #2
اليوزر الإداري لقسم المجلس
 
Cool






* مُــشاهدة ممتـــعة





..: قسم المجلس :.. غير متواجد حالياً   رد مع اقتباس
قديم 03-01-2010, 10:49 AM   #3
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !






< : $



















أصعب شي هو ان الانسان يتكلم عن نفسه بس بحاول قد ما اقدر : D
مريم .. 21 سنه ، ادرس في كلية التربية تخصصي لغة عربية ،
اكبر خواتي واخواني واكبر حفيده بعد : $ وهذي الميزه لها ايجابيات وسلبيات بعدين اقولها : )
بنت من عرفتني وانا احب الضحك اضحك اضحك لين اتعب مستحيل يمر يوم
ما احاول ادور سالفة تضحكني واذا مالقيت اقعد اتطنز على اخواني علشان اضحك < ض1
عصبيه حيل واذا عصبت لاحد يكلمني : ( ، خاصة اذا قمت من النوم ليش مدري : )
شوفوا عاد اذا قمت من النوم ونرفزني شي يوووه اقلب الغرفة حريقه خخخ ض1
حساسة حيل دموعي ممكن تشوفونها بكلمة وحده تنقال لي تجرحني او تضايقني ..
احب الموضه احب الطرب والنت اكيد و احب الرياضه قبل كل شي ..
امم احب الحش على خفيف ض1 واحب سوالف الحريم لا تجمعوا كمستمعه بس
لاني فاشله اجتماعيا ما اقدر اسولف سالفة على بعضها : D بس اعرف اسولف مع الضي عن دوري الابطال ض1
السوق والطلعات شي مهم بحياتي وماكدنالدز شي اقدره حيل
ميولي مدريديه هلاليه قدساويه يعني اذا ما كنت زعيمه بالكويت اصير ملكيه : $
وهو الحال كذلك باسبانيا




خلص التعريف : D

















Raul_Girl غير متواجد حالياً   رد مع اقتباس
قديم 03-01-2010, 09:16 PM   #4
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.












5 \ 7 \ 2006



بهاليوم سجلت بالقناص كنت فرحانه بهالتسجيل ،
تخيلوا اني كنت من اقوم لين انام وانا بالقناص ما اطلع لو اقعد بس بالصفحه الرئيسه
الرياضه العالميه هو اول قسم شاركت فيه بحكم ميولي ،
ما كنت اطلع منه احس اني غلط اذا طلعت .. اممم لدرجة اني اخاف اضيع اذا طلعت < اووص
شوي شوي حسيت بالامان خخخ وصرت اطلع من العالميه لتحت شوي لين استديو الفن سابقا
وشوي شوي اندمجت مع المجلس اما باقي الاقسام ما كنت ادري عنها : S
اللهم البرواز أحب اشوف التصاميم بس ما أرد الا نادرا | الجمهور الهلالي
اطلع بين فترة وفترة , خاصه لا صارت مباريات للهلال ،
علاقتي بالقناص غريبه عجيبه : | اذا ما دخلته يوم احس بفراغ كبير بيومي
يصير يومي طويييييييييل وكئيييب وهدوووء وكل شي انا ما أحبه : D
انا ما استغني عن لابتوبي ولا عن القناص ،


بداية الترقيات كانت بقناص عالمي |
كان من ضمن اللي ترقوا وقتها تعب صديقتي المدريديه الله يذكرها بالخير ويوفقها بدراستها
وجانكيز خان مراقبنا السابق وزعيمنا حاليا : D





طرت من الفرحه بـ هالترقيه مسماها عجبني واقدر كل من يحصل على هالترقيه


قرّب خليجي 18 وصرت من ضمن فريق عمل خليجي 18 ،
وتلون يوزري لأول مره ازرق ، ما همني اللون كثر الشغل اللي بشوفه
لاني انا ادمن على شي اسمه شغل جماعي بالخفاء
وخلص خليجي 18 والشاطر اللي يقول منو فاز فيه
وترى بعد خليجي 18 رجعت قناص عالمي ..
بعده .. صرت عضو اللجنه الاعلاميه ..





بهالصوره تظهر معاي المخيسه روحي تحبك غصب عني تحبك
من أحلى الفترات اللي قضيتها بالقناص ولانه كان تخصص اللجنه بذاك الوقت
مباريات الهلال فقط ولولا الدراسه وظروفها كنت انا للحين منهم وفيهم
حتى اعضاء اللجنه اقدرهم خخخ ،
وهذا النيو لوك الاخير وماتدرون يمكن بكره تلقوني رماديه خخ
اسم الله علي : $ <
الاشراف بالقناص فخر واكيد مسؤوليه لانك مسؤول عن قسم لـ موقع أفضل لاعب
بأسيا فأكيد بيكون محط انظار الكثير .. وان شاء الله اننا كطاقم اشرافي نكون قد المسؤوليه
اهم دعوة بحياتي بعد دعائي بالتوفيق لاخواني هو ان القناص ما يعلق : D
لاني اعاني بسبب هالتعليق وهالاغلاق ..

بسبب هالموقع ، تعرفت على ناس ينحطون ع الجرح يبرى |
ناس غابوا وان شاء الله انهم بخير .. وناس موجودين بس يتغلون
وناس متواصلين عساه دوم هالتواصل
اسمع عن الخلافات اللي تصير دايما بس استغرب اقول ياربي ابي اتهاوش انا < : S
في كذا وحده بجرب معاهم الخلافات بيسو ومرام خخخخ






.

Raul_Girl غير متواجد حالياً   رد مع اقتباس
قديم 04-01-2010, 07:07 AM   #5
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.















يقول كاظم فعلا أحن لـ ذلك الماضي ،
وانا فعلا أحن لذلك الماضي ..
واقصد الاختلافات بين الوضع الحالي وسابقا ،
واكيد كلنا يتمنى يرجع هالماضي او ذاك الوقت
السبب كل شي فيه غير يمكن ندعي او نكون صادقين اذا قلنا فعلا
الزمن حاليا تغير ، فاقدين اشياء كثيره محتاجها ممكن تطمنا
اهمها القيم والاخلاق واشياء ما نحب وجودها اهمها تغير
العادات بشكل رهيب ( يخوّف ) ، يخوف لانه يبشر باندماج كبير
مع الغرب ونعرف انهم لا دين ولا شي | عاد انا اكره شي عندي تقليدهم
بهالحركات : | .. حياتنا لازم تكون مثل ما كنا ايام الصغر والماضي
بسيطه ما تتأثر الا بتفكيرنا عفوية لدرجة كبيره مافيها تعقيد اللي يخليك تكره حياتك : |
ادري الزمن يغير بس نحاول قد ما نقدر .. علشان ما نخاف من حتى
من الايام اللي نعيشها ..

اختلافات كفيله في انها تحسسني ان الحياة تغيرت ،
رمضان وجيته لنا ، العيد وفرحتنا فيه .. العلاقات الاجتماعيه
تصدقون حتى كثرة القنوات تسبب لي حالة اختلاف واقعد اقارن
يعني فرق لما ما يكون عندك الا ام بي سي ملونه
ولما يكون عندك عدد لا متناهي من القنوات ، مجرد التفكير بعددها يتعب : D
اهم مطمن لنا في وسط هالاوضاع المخيفه ان الواحد يتمسك بصلاته
الشي الوحيد اللي للحين باقي ويطمن ،
ويبقى الماضي ذكرى صعب ننساها .









.

Raul_Girl غير متواجد حالياً   رد مع اقتباس
قديم 05-01-2010, 12:30 AM   #6
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.











مواقف مرت علينا تخلينا نتمناها تصير كل يوم ..
انا هون استعنت بالضي علشان تساعدني بالعناوين وانا لي السرد ،
لانها عارفه كل شي للأسف





.. مونديال 2002 و ومكيف بيت جدتي ,


ماكنّا نفكر عقلنا خربان بذاك الوقت اكيد
كأس العالم 2002 مجموعه لاعبين كنا نحبهم ونقدرهم منهم توتي
راؤول بيكهام زيدان نيستا كنّا نتخيلهم داخل هالمكيف ومنو تحت هالمكيف
وذابحهم البرد ؟ بس علشان اللاعبين اللي داخلها يتحملون هالبرد ؟
انا والضي خخخخ ، ونقعد نقول شوفي شوفي ، لين يطلع الفجر نودعهم وننام
ونقوم نلاقي نفسنا مريضات بس ماعليه كل شي يهون في سبيل شوفتهم خخخخ
لا تسألوني شالحكمه ترى مدري : D










.. الا اذا كان حكم المباراة هو كابتن الفريق الخصم ,


اييييه يالظلم ، هذا الظلم بعينه وعلمه
كان ما يمر يوم الا وألعب كوره بفضل الشلة اللي اكبر مننا وخربتنا
كانوا يلعبونا معاهم كوره كل يوم كل يوم ، عاد رئيسنا ولد دكتاتوري
هو كابتن الخصم وهو الحكم ، للأسف احكامه لو تدري فيها الفيفا اللحين كان
اعدمته ، كنا نعديها في سبيل اننا نلعب لاننا ممكن باعتراضنا ماعاد نلعب لين نموت
بس مره حسيت بالقهر حسيت بالظلم الطاغي ، كنا نلعب واللعب ماشي تمام وواحد من فريقي طلّع
الكره برى حرام مايدري : ( ، وقف الدكتاتوري وقال ستووب عليكم سبع بلنتيات
كلنا صرنا كذا ( ) ونقول لا تكفى الله يخليك حرام وكابتنا يكلمه ومدري شنو و مافي فايده للأسف
وتنفذت السبع بلنتيات وفريقهم مستانس وفرحان وحنا معصبيين ونلوم اللي طلعها لييش
تطلعها ليش يعني ماتدري عن قراراته







.. ما هو العمود الذي تحرص على قرائته من الجريده ؟
- امممم صفحة الاستعلامات و عمود ارقام فتح خطوط الدول .


اقوم الصبح الاقي الشله نفسها يسحبوني انا والبقيه علشان ننفذ اوامر
ونجيب الجريده من تحت وناخذ منها الصفحة اللي فيها ارقام فتح الخطوط للدول العربيه
ولاصار الليل ونامت جدتي وناموا كل اللي فالبيت ننزل تحت وناخذ التلفون وندق
على ناس من برا اهم شي انهم مو بالكويت ض1 ، مره دقينا على بحرينية قلنا لها
طلي من الدريشة تلقين جثه والثانيه نقول لها افتحي الباب حاطين جثه بس لا تخافين
ووحده قلنا لها روحي شوفي ابو العيال وينه تراه متزوج الثانيه
هذا غير المطاعم اللي ندق عليهم بسوريا والاردن نقول لهم الطلب ويكون واااااجد
واذا طلبوا العنوان نقول الكويت خخخخ ينصدمون مساكين ونتشرط بعد نقول لو سمحت لا يجي
بارد ولا ترى رديناه عاد لو تسمعونهم وهم يستقبلون الطلبات ض1 أي تكرمي على عيني
المشكله هم بعد اغبياء يعني مايشوفون اللهجه غير : | ،
حتى الفنادق دقينا عليها | ننتقد شغلهم نقول ليش هذا غرف في وسخ يلا سوي نظيف
انا يجي بعد كم يوم مايبي شي وصخ ، والاهم من هذا كله مره بعناها وقلنا هي خاربه
خاربه دقينا على 911 وكلنا نصرخ فااااااااير فااااااااااير وسكرناه على طول
وقعدنا لليوم الثاني خايفين لايجونا من امريكا .. هذي حالتنا لين تطلع الشمس
وتقوم جدتي تقول ماشاء الله قايمين مبكر ؟ نقول ايييه ايييه وحنا فينا نوم نبي نصعد ننام بس تقول
يلا مادام قمتوا اقعدوا اسوي لكم اكل مانقدر نقول لا مانبي علشان مانطلع كذابين
الله يسامحنا







.. كواسر كواسر ، جوارح جوارح يلا نروح برا



فضاوة كبيره نعاني منها ،
ما يمر شي الا وأقلده سواء بروحي او مع جماعه
اهم دور قمت بتقليده هو دور طيف في مسلسل دارت الايام المسلسل بكبره قلدناه
انا كنت طيف وصبا الله يذكرها بالخير ابو ناصر والبقيه البزارين ،
حتى الطراقات انا اكلها علشان نعيش الدور ، والحوار وموت جاسم الولد وكللل شي
ومسلسل الكواسر والجوارح السوريين ، عاد هذا اهلنا اكيد يكرهونه لانه لا خلص يصير ازعاج
لاصار ولا كان ، نقعد نصرخ بلا هدف كواسر كوااااسر جوااارح جواارح مع تقليد اللبس
حتى الفنانات بالمسلسل كانوا يحطون خيط فوق حواجبهم الخيط حطيناه وصار خط احمر
من قوة الشد يعني ض1 ، الشخص الدكتاتوري كان يغصبنا اننا نمثل فيديو كليب ميامي ( غرامك شي عجيب )
ونقلد ماعندنا مانع كل واحد ووحده ياخذ له زاويه ونتعبر خخخخ ض1 ، وفاتح المسجل علشان يسجل
من زين الاصوات ض1 ، الكليب للي يبيه علشان يتخيلنا يضغط .






.

Raul_Girl غير متواجد حالياً   رد مع اقتباس
قديم 05-01-2010, 12:56 AM   #7
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.














تتفق الصدف علي
فهي تأتي بك في كل شيء يشغل تفكيري
لتبعدني عن عالمي تأخذني حيث انت
ان كانت حياتي سـ تسير على هذا النهج
فأنا ارفضها ، وارفض ان اراك في كل شيء
اراه ..
واعلم تماما ان رفضي ليس له نتيجه
فإن نست تلك الصدف ذكرك
يصبح كل شي حولي ( اسمك ) وتلتقي الاحداث
لتذكرني بك .. وارفض وليس لرفضي نتيجه
ما الحل في نظرك ؟
وما الحل في نظرك ؟









.

Raul_Girl غير متواجد حالياً   رد مع اقتباس
قديم 05-01-2010, 04:10 AM   #8
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.















يارب بس مشاكلهم هالعرب ما تخلص
مهما نتفائل ، ننصدم بأخبار ومشاكل تقول ان حالنا يرثى له
اخبار تخليك بس تفكر بالتخلي عن الاحساس بالعروبه وتحاول تتجاهل هالاحساس داخلك
عن نفسي اذا سمعتها الشي الوحيد اللي يجي في بالي اني اعيش بمكان بعيد عنهم ..
ع الاقل ما يسببون لي الحزن : ( ، علاج كل شي بيدينا بس للأسف مانبي هالشي
وكأن الوضع عاجبنا .. اذا بنخص أكثر بجيب مصر على سبيل المثال !
مصر كل المشاكل اللي فيها بما فيها الجرايم كلها تحدث بسبب الفقر .. والادهى والامر
المعلومه اللي تقول ان 50 % من الشعب المصري يعيشون تحت خط الفقر !
اغلبهم مايقدرون يحصلون على قوت يومهم .. لو مثلا نعرف ان مصر ماعندها ثروات ولا ما عندها
مصادر دخل طبيعيه ممكن نقول مساكين :/ ، بس للأسف مصر بمواردها تقدر تصير من اغلى
الدول العربيه وبالواقع تصنيفها رقم 11 او 12 بقائمة الدول الاكثر فقرا : |
الاقتصاد عندها ينمو ماقلنا شي بس للأسف نسبة الفقر ما تقل ، طيب اكيد في اسباب ..
واتوقع ان السرقات اللي محد يدري عنها هي السبب ، غير الحكومه اللي تمر سنيين وسنيين ولا يتغير
بحال مصر شي ، واللي يخليك تنقهر أكثر ان حسني مبارك يجهز ولده للحكم !
ما خلوا للشعب فرصه في انه يختار .. اكيد الحال مارح يتغير ومصر بتظل مصدر للجرائم وللفقر ..
ولا راح يتغير لانهم قد مايقدرون انهم يشغلون المواطن المصري في انه يدور قوت يومه ويبعدونه بهالطريقه عن انه
يسألهم ويتدخل في شؤونهم .. ويفضى لهم الجو لكل اعمالهم الشخصيه بدون مراعاة للشعب ولا تفكير فيه .
الشيء الثاني التفكك الحاصل بين الشعوب العربيه .. اذا بنتكلم عن الخليج كـ ست دول فهو الافضل بينهم
اما العلاقات الباقيه تتسم بالبرود مافي اي تفاهم عربي \ عربي بين الشعوب وهذا اللي يطلعنا بشخصيه ضعيفة
مهزوزه قدام الغرب والعالم كله مع انهم يعرفون ان لغتنا وحده ديننا واحد وعلى بالهم اننا اقوى مايكون
بالتواصل والتفاهم .. الحواجز كل مالها وتكبر اكثر لدرجة صار الصراع شي عادي بيننا
حتى ( الرياضه ) صارت تكون دافع لهالصراع .. واحنا اللي ننادي باقامة البطولات اللي تجمع
العرب علشان تقربنا من بعض .. ماندري يمكن نسوي بطولة وتصير حرب عالمية رابعه ،
النظم الدكتاتورية واللي ندعي ونقول اننا شعوب ديمقراطية .. مثال ليبيا اللي عمرها ما حست بهالديمقراطيه ابدا
ليبيا شعبها يعاني من جد ، ولما عرفوا ووصلت هالمعاناة حدها صارنا نشوف الشعب الليبي يحاول يطلع من ليبيا
يحاول يبعد عنها ويكون نفسه برا ، ع الاقل مايكون شعب يحكمه حكم ديكتاتوري ! ، صار الشعب
حاله وحال العراقيين بالخارج واحد .. مع ان ليبيا ماعندها لا احتلال ولا شي ، كل اللي عندها شخص دكتاتوري
يعاني من ازمات نفسيه ينادي بالديمقراطية وهو بعيد كل البعد عنها ، ينادي بالسلام وهو رأس الارهاب
ينادي الى الاصلاح في شتى المجالات وهو سبب الفساد .. شعب ليبيا تعبان من هالنظام ولا يقدر يتكلم وهذا اللي يتعبه
زياده .. ويبعده عن العرب وصاروا كأنهم ابعد دولة عربيه .. : ( ،
اللي يشوف كل هالمشاكل يحمد ربه على النعمه اللي هو فيها بس معروف ان شعوب الخليج
ذابحها الدلع : ) ولا احنا افضل منهم بس ارحم بكثير









.

Raul_Girl غير متواجد حالياً   رد مع اقتباس
قديم 05-01-2010, 12:47 PM   #9
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.



























القادسيه ..
القادسيه يعني كل شي بالدنيا أصفر وأسود ..
عشق الطفولة بداية تعلق بكرة القدم الكل حولي يشجع
القادسيه مباراة قائمه لاجا هدف للقادسية قام الكل يفرح ويغني
يعني شي طبيعي بتأثر وبقول اذا رفيقاتي بالمدرسه سألوني شنو تشجعين ؟
القادسيه انا قدساويه .. مع اني بذاك الوقت ما كنت اعرف شي
عن القادسيه اللهم ان لونه اصفر .. القادسية فريق عرفته حتى قبل
لا اعرف منتخبنا الوطني خخخخ يعني تقريبا سنة 1995












الهلال ..
الهلال يعني سامي من عرفت سامي وانا هلاليه ..
البيت مني صار كله هلالي .. لاعبين يمرون ع الشاشه امي تقول هذا المرشدي ؟
وانا اقول ايه صح برافو < تدرسهم الهلال ض1
تخلص المباراة انزل تحت يسألوني ها منو فاز ؟ الهلال هم : زيين اشوا ض1
حتى شغالتنا هلاليه اخرتها بمباراة النصر قاعده تشوف المباراة معاي وشافتني
معصبه ع النتيجه قالت لي ماعليه مريم يمكن هلال تعبان شوي كلا فووز .. يعني تواسيني
باختصار الكره العربيه عندي هي الهلال والقادسيه والباقي اشياء مالها داعي : D











الريال ..
يخونني التعبير لا جيت اتكلم عن الريال اهم شي انه عشقي اوروبيا
متعة الكلام تكون فيه وبطاريه خسران فايز انا دايما اقول انه الافضل
حتى لو كان بنظر بعض الناس ان مستواه ولا شي من سنين بس انا اقول
انه الافضل بالعالم .. شسوي يعني هذي نظرتي له صعبه تتغير ..
راؤول هو سبب كبير في عشقي للريال من 2000 وانا معاهم ما اذكر اني
قكرت لو دقيقه في اني اتخلى عن تشجيعهم او اصير غير مدريديه ..
اكثر شي ينرفزني هو ان يجيني واحد ويقعد يتطنز ع الريال يصير شي غير متوقع ض1
الريال نادي اشوفه حتى اوروبا مو بمستواه .. <





المنتخبات ..
الكويت طبعا من 1998 وانا معاهم ..
وعمري ما تخليت عن وطنيتي لاصارت مواجهات لهم بس تعبنا
لكن نقول مالنا غيرهم .. اسأل الله لهم التوفيق في المواجهه القادمه امام استراليا
السعوديه بكأس العالم وأسيا .. وباقي الدول الخليجيه ع المزاج الا البحرين
لو تذبحوني ماقلت لهم كلمة تشجيعية حتى لو بيني وبين نفسي : @ ،
اسبانيا حاله حال منتخب الكويت .. متعة اثارة طموح شباب يتحقق كل شي بهالمنتخب ..
اسأل الله لهم التوفيق في كأس العالم








.

Raul_Girl غير متواجد حالياً   رد مع اقتباس
قديم 05-01-2010, 01:14 PM   #10
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.














في هالفاصل بنطلع شوي عني وبنروح لـ للأفلام الهنديه ..
بقولكم عن بدايتي بالافلام بشكل سريع وبعدها بقترح عليكم كذا فيلم
ان شاء الله تسمعون كلامي وتشوفونه


بدايتي بالافلام الهنديه من سنة 1998 تقريبا لان قبل هالسنه كنت مدمنة افلام عربيه اسود وابيض خخخ
يازين وحيد وليلى مراد لا تجمعوا < وحيد اللي هو أنور وجدي |
ماخلاني أحب الافلام الهنديه الا شارو ق2 ، وبعده حبيت كل بوليود وكل الافلام بغض النظر عن الابطال
اول فيلم شفته هو فيلم شارو وكاجول (Dilwale Dulhaniya Le Jayenge ) واغانيه تهبل
وكل شي فيه حلو قصة شارو ملابس كاجول
وبعده عاد صعب اعدد الافلام اللي شفتها لانها واجد : D
تعالوا اقترح عليكم كم فيلم للي يحبون بوليود وللي مايحبونه بعد
والهالافلام تعتبر افضل ماشاهدت ق1









هذا كابي الفيدا نا كيهنا ( لا تقل وداعا ابدا )
يتكلم عن الخيانه الزوجيه بسبب حب احد الطرفين لشخص اخر بعد الزواج
ولان الزواج ماكان مبني على حب كان شي اكيد ان احد الزوجين يلاقي حبه بعد الزواج
وهذا اللي صار ديف ( شارو ) حب مايا ( راني ) ، بعد فترة قرروا انهم يفترقون ويعلمون
ازواجهم ، ديف قال لبريتي انه كان يحب غيرها قبل فترة بس العلاقه انتهت واول ماقال لها
طلبت ان زواجهم ينتهي والحال نفسه عند ريشي زوج مايا ، ديف ومايا ماكانوا يدرون عن
ردات فعل ريشي وبريتي ، خبوا على بعض وقال ديف ان بريتي عرفت وماقالت شي
ومايا قالت ريشي درى وماقال شي : ( ، وكل واحد راح بطريقه النهاية عاد اترك لكم متعة اكتشافها










الفيلم الثاني هو كابي كوشي كابي غم
هذا اللي أحدث نقله نوعيه في بوليود بسبب اولا النجوم اللي فيه
كارينا كابور ، شارو ، اميتاب ، ريتيك روشان ، كاجول ..
اهم شي ممن الفيلم الاغاني اللي فيييه ما يمر يوم الا واسمعهم لازم لازم
القصة طويله وتبكي بس اتصحكم تشوفونه : D









الثالث اسمه ديفداس
هالفيلم هو اللي فتح باب الشهره لـ اشواريا راي ..
القصة مؤلمة الفيلم بكبره يبكي لان نهايتة نهاية بطل اللي هو شارو
الفليم يتكلم عن الطبقات بالمجمتع بفترة قديمة من الزمن كانت هالطبقات
كفيله في انها تمنع زواج قبله حب دام اكثر من 15 سنه ، وبسبب هالمنع شارو
راح لطريق مو طريقه وتكفلت وحده الله يستر عليها انها تخربه وتعلمه ع الشرب لين مرض : (
ادمن الكحول علشان بس ينسى اشواريا اللي تزوجت رجل من طبقة ارستقراطيه علشان تثبت
لاسرة شارو ان رفضهم لها ماكان له داعي وانها تقدر تاخذ احسن منهم : )
ومن هذا المنبر اهدي اغنيه ميري بيا للضي النحيل : D









اخر فيلم هو فيلم تال ..
الفيلم بعد يتكلم عن الطبقات ، شاب حلو اللي هو اكشاي حب بنت القريه
وقرر يتزوجها بس ابوه منع هالزواج وهالعلاقه بطريقة خلت اشواريا بنفسها هي اللي
ماتبي هالعلاقه لانه ذل ابوها وطرده
تبي تنتقم بطريقة تقهره وما لقت الا الشهره والمال .. راحت عند شاب اخر اللي هو انيل كابور
وخلاها مشهوره بفترة قصيره ، وكل الناس تعرفها والفلوس تجيها من كل صوب
والنهاية اتركها لكم



مع تحيات : مريم خان









.


التعديل الأخير تم بواسطة Raul_Girl ; 05-01-2010 الساعة 01:19 PM
Raul_Girl غير متواجد حالياً   رد مع اقتباس
قديم 06-01-2010, 12:15 AM   #11
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !


















يا قدمه هالصندوق من زمان عندي
احط فيه كل اللي ابيه للذكرى من صغري ..
طبعا ضاع منه اشياء لا اراديا بس مو مهمه حيل ..
اهم شي مذكراتي للحين عندي والصور اللي ابيها للحين عندي

حاطه فيه صور صديقاتي وصوري معاهم
والاوراق الصغيره اللي كنا نسولف فيها بالحصص
غير الاوراق اللي تكفل لنا دخول الحصص بعد التهريب : D
الكرنيهات اللي بمرحلة الثانوي كلها .. اغلفة البومات بس اغلبها ضاعوا
هدايا رسائل معجبات ض1 واشياء اخرى


ترى محد تجرأ للحين يفتحه غيري
صورت كم غرض فيه علشان تشوفونه









الصورة اللي فيها راؤول معاه الكوره هذي من 2002
واللي فيها جملة الارقام القياسية هذي صدتها بمجلة سبيس تون
اخواني كانوا كل شهر يشترونها وما كنت احبها بس صدفة مره قريتها وطلع لي راؤول
والباقي يا اهداء من البنات يا تجميعي الخاص








هذي الصور مع البوم اسأليني وفضل شاكر ونوال
اذا ما خانتني الذاكره انا شريتهم مع بعض .. بشريط واحد يعني
وماشريت الشريط الا علشان صور معذب قلوب العذارى جواد : $
ترى جواد كنت ادمان مو طبيعي عليه شريت شريط المعروف احبك وجه الخير وغيرهم












هذي الصور لقاء لياسر قديم من مجلة الصدف ..
وكان قبل انتقاله للهلال ..








هذي اعز ذكرى على قلبي لانها من اعز صديقاتي
على قولتها جليستي .. 3 سنوات وانا جنبها بالمتوسط
كل سنة نفس الصف المشكله دمها خفيف لدرجة اوفر
وانا اللي اتورط من اداوم لين ارجع البيت وانا اضحك منها
هي تستهبل وانا استهبل لين يجينا العقاب العقاب يا انهم يقولون
مريم شيلي الطاوله وروحي ورى ض1
او يقولون مريم وبشاير وقفوا ورى








هذي مذكراتي من 4 ابتدائي ..
لين الثانوي .. كل ما اقول لوحده تكتب لي فيها تحط لي صور
علشان يعني تفرحني وترضيني خخخخ









سعد جمال الدين








فلوس قديمة عليها ذكرى









عدنان حمد ..
كنت مجنونه فيه لا تسألوني ليش .. كل ما اقول لصديقاتي يستغربون
خاصة ايام خليجي 2003 وبرنامجه مع حليمه ليالي خليجي 16 ..
بس انصدمت اخر حلقة يوم قال انه متزوج وعنده 6 عيال رحت المدرسه انوح خخخ
اللي بالكرنيه فوق من الخبال كاتبه اسمه بكذا لون اول ماجانا الكمبيوتر يحلفون اني خلصت الالوان
على اسمه ض1 ، عاد كل يوم احط اسمه ع الكرنيه بلون غير ض1 واوزعهم بعد على صديقاتي خخخخ








هذي باقي الكرنيهات واحد عليه صورة شعار القادسية ..
والثاني كاظم وشارو .. اللي فيه كاظم وشارو سبب لي احراج مع الوكيلة
مره دخلت عليها مدري اشتكي مدري استدعاء المهم اني طول اليوم قالبه الكرنيه علشان يشوفون
البنات وينقهرون .. وكل ما مرت ابله لفيته على طول .. ويوم دخلت ع الوكيلة نسييت لا اقلبه
وهي تكلمني وتطالع الكرنيه وانا اقول شتبي هذي الله يستر لا تقلبه <
اثاريني نسيت لا الفه قبل لا ادخل وطبعا زفتني زفه محترمه .. وقالت لي مريم برا ض1 بعدين تعالي








هذي ورقة سماح لدخولي انا والشله كنا نحوس وماتوقعنا ردت فعل الابله يوم دخلنا متأخر :/
عاد رحنا ندور لنا ورقة أي شي .. علشان ندخل فيها .. وكتبت لنا ابلة الفنية ودخلنا
لاحظوا التاريخ عيد ميلاد ياسر .. وهذي الورقه قطرة من فيض ..
بس خلاص تبت اخر سنتين : |








عمي كان ماخذ بنات عمي واختي للخبر يومين وانا كان عندي امتحان
قلت تجيبون لي هديه يعني تجيبون لي ..
ويوم دخلوا علي الا بيدهم بيبسي قلت حلووو انضفحنا عند عمي
قالوا لا تخافين محد شافه ض1 وللحين عندي بس ما اذكر اني شربته مدري وين راح البيبسي خخخ




وبس هذا ابرز ما فيه









.


التعديل الأخير تم بواسطة Raul_Girl ; 06-01-2010 الساعة 01:03 AM
Raul_Girl غير متواجد حالياً   رد مع اقتباس
قديم 06-01-2010, 03:32 AM   #12
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.
















الفن عالم جميل .. يجذب الكثير اكيد
وهو جاذبني تماما واكيد الشهره اللي ترتبط فيه : D
اتكلم واقول بروح ستار اكاديمي او سوبر ستار بس يضحكون علي <
ليش كل هالحب للفن ؟ اكيد اني تأثرت بفنانين وفنانات صاغوا لي الفن بطريقة جميله جدا
وبفترة كنت استقبل الاغاني الرائعه بكل مافيها سواء لحن كليب كلمات يعني مو اغاني هاليومين : @
والحمدلله اني لحقت على جيل كان مختلف لانه متمسك بقديمة مع الحرص على التجديد
صعب احصرهم كللهم لانهم واجد ماشاء الله منهم رويشد نوال عبدالمجيد راشد ايهاب توفيق
ديانا حداد اكييد واللي بتكلم عنها نوال الزغبي

نوال الزغبي |
نوال ما انجرفت مع التغييرات الفنيه اللي صارت .. فنها للحين هو هو
اللهم الاسماء اللي كانت تتعامل معاها اختفت نوعا ما ، بس يبقى ذكائها بالاختيار
وهو سبب نجاحها
اذا جينا للأغاني القديمة اللي حبيتها من نوال وخاصه بصغري هي
ما اندم عليك .. قلبي دق .. مالوم ( كانت تبعث في داخلي الغرور ض1 ) ، غريب الراي
دلعونه .. الليالي .. نص القلب رسمتلو ع الورقه وبعتلو .. انا على بالي .. ولا بيهمني
وغيرهم اكيد
نوال كانت ساحرتني كنت اشوف فيها النشاط والموهبة والشباب اسم الله للحين
حتى كليباتها على بساطتها الا انها كانت تحليها بطلتها والاغنيه قبل


بختار أغنيه علشان يعرفها اللي مايعرفها



مالوم ..
كلمات ايلي بيطار والحان جورج مردروسيان واخراج الكليب طوني ابو الياس
الكليب كان قريب جدا من طريقة تصوير كليب على دلعونا ..


مالوم عينك يا الـ تهواني
ماتفارقني لو ثواني ..
تحمل همي وتشغل بالك !
تتمناني دوم قبالك

طمّن بالك .. هد أعصابك | مادام قلبي يهواك
لو بحضورك أو بغيابك | ماتشوف عيني سواك !
ريح قلبي من عذابك .. من هالنار الـ جوّاك
مالوم عينك يالـ تهواني
مالوم لا لا مالوم ..

وانت بقربي انسى وجودي | ومايبقى لي عنوان
الا قلبك هو حدودي| دنيا وكلها الوان
تروي بحبك كل ورودي .. وتبقى عليّا سهران
مالوم عينك يالـ تهواني
مالوم لا لا مالوم










.

Raul_Girl غير متواجد حالياً   رد مع اقتباس
قديم 06-01-2010, 03:54 AM   #13
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.














وسط ازعاجهن اللامبالي بقوانين المكان .. تحديدا في مكتبة الكلية ،
ووسط الثرثرة الغير مفيدة .. متجاهله ما اسمعه لا اراديا منهن
احاول ان ينفصل سمعي عن كلامهن لكن دون فائدة
تسرق يدي ديوان كان أفضل اختياراتي ..
ابدأ بتقليب الصفحات وقراءة القصائد الفاظ جميله
تشبيهات ممتعه .. قصائد بمجملها جواهر في أصلها ، كل قصيدة لها
قصة مختلفة عن الاخرى الا ان الحزن الذي يسكن بها هو ذاته
الى ان اصل الى قصيدة ( وفاء ) ومن دون تفكير
القلم بيدي وأبدا بكتابتها على دفتري استبعدت كل شي في هذه اللحظه
منها ان بمقدوري استعارت الديوان ومنها ان اجد القصيدة ( على النت )
فكتبتها ولم اقرأ بعدها شي !
استمريت اقرأها مرات عديده حتى سمعت صوت اغلاق انوار المكان ..
معلنين ان علينا الخروج ..

وفاء .. هي قصيدة من ديوان الشيخة سعاد الصباح
اعلم ان تاريخها حافل بالقصائد الجميله التي طالما اعجبتني واستمتعت بقرائتها
لكن ذالك الوفاء كان مختلف .. واي اختلاف كان يحمل
يكفيني ان اقول أني كل ما نظرت اليها اشعر وكأنها النظره الاولى لها ..


وفاء |
اخر ثمانية اسطر منها كفيلة في ايصال المعنى العام لها
وكفيلة ايضا ان توضح عمق الجمال فيها .

أمن العدل أن يضيع شبابي ؟
يا أميري في قصة الهجران
ثم تأتي بك الاماني وقد فات
على عمرنا أوان الاماني
فتراني اسيرة لشجوني
كـ عروس زفت بغير تهاني !
غير أني أظل في البعد والقرب
مثال الوفاء في كل أن .

سعاد الصباح..................................








.

Raul_Girl غير متواجد حالياً   رد مع اقتباس
قديم 06-01-2010, 03:59 AM   #14
. . : زعيم القناصين : . .
 
الصورة الرمزية Raul_Girl
 
افتراضي رد: » - اڷـمـايگ معَ » RauL_ GirL« ¬ !

.










المايك لكم |









.

Raul_Girl غير متواجد حالياً   رد مع اقتباس
قديم 06-01-2010, 07:22 AM   #15
جنـة المجلس
 
الصورة الرمزية سيدة خلانها
 
افتراضي رد: » - اڷـمـايگ معَ » RauL_ GirL« ¬ !

.

.

اهلييين راؤوله..
عرفنا شخصيتس عن قرب وعرفنا اشياء مانعرفه عنتس..
أقتباس
بنت من عرفتني وانا احب الضحك اضحك اضحك لين اتعب مستحيل يمر يوم
ما احاول ادور سالفة تضحكني واذا مالقيت اقعد اتطنز على اخواني علشان اضحك < ض1
عصبيه حيل واذا عصبت لاحد يكلمني
امم احب الحش على خفيف ض1 واحب سوالف الحريم لا تجمعوا

كل شيء بتس حلو الا العصبيه
وسواليف الحريم حلوه بس حاولي تحشرين نفستس معهم اهرجي ماعليتس منهم
اول مره بتستحين ومحد معطيتس وجه بس بعدين بتتعودين وتصيرين منهم وفيهم
أقتباس الا اذا كان حكم المباراة هو كابتن الفريق الخصم ,

وش ذا الظلم اللي راضين فيه ؟!
الله الله على صندوقتس السحري اسمتعت وانا اقراه..
شكراً ..



التعديل الأخير تم بواسطة سيدة خلانها ; 06-01-2010 الساعة 07:24 AM
سيدة خلانها غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:48 PM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi