سجل حضورك {{ من ضمن 70 الف متفرج }} هذي المره في ملعب الدره , نبغاها تاريخيه نبغاها مجنونه
موقعه الهلال والنصر
موقعه القمه
ان شالله من ضمن الحاضرين في ملعب الدره ومن ضمن 70 الف متفرج بس كل الملعب هلالي
مااتوقع حضور للجمهور النصرواي
اما يحضرون ماادري بس على كثر مااكلم نصراويين يقولون
{ مستحيل احضر مجنون المباراه محسومه للهلال ان شالله }
جمهور الزعيم { كونوا على الموعد }
الهمه الهمه ياعيال الرياض , انا جاي من الغربيه ان شالله وبالتحديد { جده } مرورا بالطايف
{ جايب معي اثنين نفر } هههه يعني خوياي وان شالله الملعب دايركت
يعني لاهنتوا ياعيال الرياض الملعب حولكم , وانا بطق الف كيلو عشان الهلال
مقوله / يعترف بها اغلب جمهور الهلال وملاحظها فيهم مقوله { لعيونك تهون المسافات }
وانا اشهد
المهم والاهم
بالنسبه للهلال والنصر
الهلال والحمدلله
متكاملين والكمال لله
* رئيس وعندنا افضل رئيس والحمدلله { عبدالرحمن بن مساعد }
* مدرب وعندنا افضل مدرب والحمدلله { الجنرال قريتس }
* نجوم وعندنا افضل نجوم فالدوري السعودي والحمدلله { نجوم الهلال }
* فريق وعندنا افضل فريق فالدوري السعودي والحمدلله { الهلال السعودي ونادي القرن زعيم اسيا }
* اقوى هجوم واقوى دفاع والحمدلله { كلها فالهلال }
* الهلال مستقر في الاداء والحمدلله { اداري وفني }
* جمهور وعندنا افضل جمهور فالمملكه واقولها بلغه الواثق مين يقدر { يضاهي جمهور الهلال }
في كل مكان ياربي لايحرمنا منكم .
* انا خايف من شي واحد /
الغرور والبرود على نجوم الهلال واحنا مطالبيت بااحترام الخصم
مهما كان مستواه ومهما كان النقص الحاصل في الفريق .....
الاحترام قبل كل شي شفنا الشباب لعب قدام النصر والنصر ناقص واحرج الشباب ....
مااحنا ناقصين مفاجات
بكره اذا النصر فاز لاقدر الله { بعيده عنهم ان شالله }
وش بيقولون والله لو يطلعون من الدوري ويخسرون الدوري بيقولون { فزنا على الهلال }
والله ياشيخ يجلسون الموسم كله فزنا على الهلال وانا ادري ان الفوز على الهلال له نكهه خاصه بس
{{{ احنا متفائلين خير في نجوم الزعيم وجماهيره .. }}}
بالمختصر المفيد
نبغاها تاريخه
نبغاها مجنونه
نبي الحضور فالملعب مليان مانبي الكراسي فاضيه
نبيكم تحشرون جمهور النصر ماتخلون لهم مكان { اذا فكروا يحضرون } خوفا من النتايج ...
تنبيه للزعماء من محب طبعا
* ان شالله اذا فزنا على النصر ماهو جديد الشي هذا لاننا من 5 سنوات ونفوز عليهم ولاعمرهم اهزمونا
* { المطلوب } عدم المبالغه في الفرح
مانبي نخسر احد او تجي احد اصابه ولا شي
الدعوه كلها 3 نقاط وادري ان الهلال ممتع الموسم هذا والحمدلله ومن حقنا نفرح ...
لكن مانبي هياط وزحف فكونا مانبي نشوف حوادث
خلوا فرحتكم فالملعب بس ....... وخارج الملعب اخذها وناسه وقول يالحالمي بس ...
* بالنسبه لريمكس القوس قوسك { طال انتظاره وانا داري }
لكن اوعدكم ان شالله بنزله بعد مباراه الحالمي اول مااوصل جده ان شالله خلونا نفوز وخلوا ياسر يسجل بس ... لان الريمكس لياسر ....
* واللي مستعجل على الريمكس { الريمكس في جوالي معي }
واللي يبغاه ابشر وعدنا الملعب نتقابل وابشر بالسعد برسله لك ......
* دعواتكم لي بالسلامه في الذهاب والعوده و كذلك الحال لجمهور الزعيم القادمين من المسافات البعيده ..
* خلوا المقاهي وخلوا الاستراحات لهم وخلوا لنا الملعب
خلونا نعلمهم من هم جمهور الهلال ....
* مقوله لفيصل بن تركي وافتخر بها لجمهوره الكريم بخصوص انه صاحب سمو ورئيس النصر
قالها فيصل بن تركي ولااضنه كذووووب @@@ جمهور الفقر البنات اكثر من الذكور
قويه بحق الجمهور النصراوي .....
بناتنا اكثر من عيالنا يعني اللي فالملعب كان يحضر ماهو عاجبك ...
على العموم / الفوز حليف لنا لاننا هلاللين ,,,
ان شالله ومتصدرين بنفس الكلام ....
ومواصلين ....الصداره .....
ان شالله / يبتسم الحظ لنا في الفرص الضائعه وان شالله ماتفوت أي كوره قدام الباب
ان شالله
وتوقعاتي مهما كانت النتيجه واتوقعها كبيره ان شالله
والتسجيل حليف ياسر القحطاني ومحمد الشلهوب وتياقو نيفيز و يلهامسون
لن تأتي الاهداف من غيرهم لكن الكل فيهم الخير والبركه يسجل من يسجل بس يفوز الهلال ....
عواااااافي على الاطاله
موفق يالازرق ان شالله ...
الله الله بالحضور .....
دعواتكم لنا فالذهاب والعوده
انتظرونا بعد اللقاء ان شالله .....