سبحان الله و بحمده سبحان الله العظيم إذا أحبك مليون فأنا منهم .. و إذا حبك واحد فهذا أنا .. دايما نحب نثبت انه انا احبك اكثر واحد و انا اغليك اكثر شي و انا اكثر واحد يحترم ابوه , و انا اكثر وحده عانت من الوحده و الفراغ و انا اكثر وحده تحب امها و انا اكثر واحد فقير و منتف وانا اكثر واحد ساعد خوينا و انا أكثر ام تهتم بعيالها و أنا اكثر أب ضحى عشان بيته و عيلته ..و انا احسن واحد يلعب كوره و انا اكثر وحده زرت عمتي بالمستشفى و أنا أكثر واحد عانى و تعب ف الدنيا !! و انا اكثر بنت ذاكرت في الامتحانات <<هذه أصدقها انا وهذا اكثر واحد بكى على موت أبوه و هذه أكثر وحده شفتها تنوح في عزى جدتها ..!! و انا أشطر واحد يطيح البنات و انا اكثر وحده انجرحت ف الحب و انا اكثر واحد شقى و شاف الويل لعيون حبيبته ..الخ و انا و انا و انا و انا اكثر وحده تحب ياسرالقحطاني هههههههه<<لا هذه صدق <<برا ==== دايما احنا في مرتبة الشرف . .سواء في الفرح أو في الحزن ..؟ و بدون اخطاء حتى لو كانت عفويه غير مقصوده..!! بس ليه نفضل الكم على الكيف ..؟ حتى اذا زعلنا نحب نقول انا اكثر واحد زعلان و تعيس على وجه الأرض و اذا جاك خبر مفرح قمتي تناقزي و انا أسعد انسانه على وجه البسيطه ..!! توك البارح تبكين و كنتي التعيسه المجروحه ..! مداك.. هههههههههه لا بس جد وش سالفة انا اكثر واحد و أنا أكثر وحده ================= وش العباره الماصله هذه يلي كل يوم نسمعها و تتكرر معانا و هيه مجرد كذبه بيضا ..و كبيييييره كمان ماشيه بدمنا و جاريه على لساننا حافظينها زي اسمنا اعوذ بالله يعني عباره حتى جوابها مدري شلون صاير كنه لغز.. (من يحب الثاني أكثر ..؟ أنا اكثر و انتي اكثر..! كيف كذه ؟؟ ههههههههههه إلا اثنينهم يكونون اكثر و يكونون اكثر شي ههههههههههه يعني حب التفرد و الامتياز هذا موجود عندنا كلنا في كل الحالات ==== يعني حتى اذا بكينا نبي نكون اكثر واحد بكى و اكثر وحده بكت..! من زين البكا الحين نفاخر فيه و نحجمه و نهولّه !! و نسوي روحنا ملك البكاء أو ملكة البكاء مو باقي غير نبيع دموع ع الأقل عشان نستحق لقب الملك .. <<ملك البكاء === اذكر اول و آخر مره دخلت فيها الشات قبل 6 او 7 سنوات شفت واحد لقبه ..برنس الحب يا ويلي ..انا أتعب ..أنا اش ذا .. على طول قبل أكلمه قال اطلعي و تعالي باسم برنسيسة الحب..!! الله .. و طلعت و دخلت فيه ما صدقت خبر و صرت برنسيسة الحب طلعت و دخلت روم ثاني .. شفت: ملك الحب و امبراطور الحزن و أميرة العالم و سيدة خلانها أجمل بنت و مروض الحرف و أمير الكلمه كلها الناس صايره ملوك و أمراء و سلطات و مناصب ههههههههههههه احلا شي بالنت يخلينا نحلم و يقص علينا و احنا نقص عليه هههههههههههههههه احبك يا النت بس مدري انا مو فاهمه على روحي و لا انتو فهمتو أكيد بس تقريبا انا أبي أقول : كل واحد فينا فيه فرعون صغير أمانه لا تخلوه يكبر يعني اذا على شات ورومات و منتدى ممكن بس لا تصير فرعون ع زوجتك و لا تصيري فرعونه على عيالك و خدامتك و لا تصير فرعون على موظفينك يا حضرة المدير ..!! و لا تصير فرعون على ربعك بالفصل لنك الرائد مدري رئيس الفصل و لا تصير فرعون على باقي اللعيبه لنك الكابتن و لا تصيري فرعونه على خواتك لنك الكبيره <<مو كنها الصغيره قاعده ع الكبيره هههههههههههههههههه لنه من جد فيه فئات تعاني جدا من الفرعنه .. سواء في البيوت في المدارس في الشوارع ف الملاعب في ميادين العمل لا يكبر الفرعون خليك عون ============ للمشاركه 1-تعتقد فيك فرعون أو لا ؟؟ <<هذا سؤال للأذكياء فقط..؟ 2- وش كبر الفرعون اللي بداخلك طيب..؟ يعني بديت توصل مراحل خطيره متقدمه و مرضيه ؟ 3-كم مره قلت ف حيات أنا أكثر واحد ؟ و كم مره قلتي بحياتك /أنا أكثر وحده ؟ كثير صح أدري مير كم ؟ <<برا شاكره لكم هذا موضوع ع السريع لنه المنتدى مدري اشفيه علي كل ما اسجل دخول تطلع لي عبارة: لم يتم تسجيل دخولك أنا اكثر وحده طلعت لها العباره ذي اذا عجبكم الموضوع: الحمدلله و استغفر الله اذا اخطأت فمن الشيطان تدرون.. مير.. انتظر الفراعين الصغار هجوره الأموره
12-03-2010, 08:59 PM
اذا واحد يحبك بس ..فهذا أنا
سبحان الله و بحمده سبحان الله العظيم
هههههههه
العرض الشجري
