طعس التحدي .. (الجزء الثاني ) .. - الصفحة 2 - شبكة القناص

أميره هلاليه · 20-02-2006, 01:19 PM

السلام عليكم ورحمة الله وبركاته

بعد ما أنتهيتنا من يوم الأربعاء .. أنقل إليكم أحداث يوم الخميس

فهذا عاد شي ثاني .. طبعا إذا كان شتاء والجو ممطر ..

مالنا إلا الثمامه وأكيد بالجيب حقي عشان نطعس .. ولازم نرز علم الهلال

فوق التنده <<< مادري هي اسمها كذا صح و إلا غلط ..

مانبي نروح منتزهات الثمامه هذي لها وقتها بس نبي نروح ..

طعس التحدي ............... لأن ألأجواء هناك خياليه وذهبنا إلى الطعس

وكان الطريق طويلا وشاقا .. والناس ياكافي كنهم بالحج ماهنا احد بالرياض

ماطلع من بيته .. وهالشباب ماغير يقزون .. وكلن مسنتر بالطعس كنهم

دارين عنا إنا نبي نجي ..!!

وإلا هالزحمه من له أكيد علشانا .. وقبل ما نوصل الطعس وقفنا عند

أسواق نوووف .. عاد منيره هي اللي تسوق بغت تطير الهندي

(عامل المحطه ) .. ويوم وقفنا نعبي .. قلنا نبي ننزل نتفضى ,, بساكيت

وشيبسات وأندومي ولزوم الكشته ..

عاد قبل ماننزل كل وحده فينا قامت تزين برقعها وتحط كحل .. تخبرون

لزوم الكشخه ,, وش دراكم يمكن أحد يخطبنا .. إيه عاد وش يبون

سنعات ومماليح وبنات حمايل ونعرف نسوق وفوق كل هذا هلاليات

يالله من فضلك <<<<< خخخخخخخخخخ

وبينما كنا نتكشخ ونمشي وطبعا المشيه هنا غير تصير (بريستيج)

>>> وين معه !!!!!

إلا شوي وحسينا إننا ناقصين ..

..

أم شنب وينها ... لا ومن زين الخشه ناسيه جوالها بالسياره

وينها ياربييه عسى ما خطفوها المرهبين واخذوها رهينه .. عاد مالقوا

إلا هي .. المرهبين =إلإرهابيين بس من الروعه طلعت كذا ..

المهم مادرينا إلا اللي تناقز قدامنا وبرقعها واصل جبهتها .. وشعرها طالع

وشوفتها تطرد الرزق .. تروعت يوم شفتها قلت وش فيتس .. تطامرين

عسى مابه ذيب بالبقاله !!

إيه إن كانه ذيب أمره هين بس لايصير صرصور ,, أجابت أم شنب ويدها

ترتعدان .. لا لا مهوب صرصور ولا ذيب .. به واحد سكبه داخل

قالي ياحلو ... واستحيت وطلعت >>>> لاحظوا إنها مستحيه الحين ..

سوير من الروعه هجت للسياره والمفاتيح معنا .. ومنيره ماشفنا إلا غبرتها

توجهت إلى البقاله على الفور عشان تشوف هالسكبه !!

و أروى قالت والله لأسحبه انا هالأشكال أعرف لها زين ..

والله ضايق صدري .. بالله هذي أشكال تطلع كشته ,, وحده عربجيه ,

والثانيه خوافه ,والثالثه مسبوهه, والرابعه تسوي ثقل , والله مافيكم عاقله

إلأ أنا .. الحمدلله على العقل بس ,,

وعقب ما تقضينا وركبنا السياره ,,

قالت أم شنب أنا حاسه إن هالأنسان حبني نظراته كانها فيها إعجاب !!!

نظرته وراها شيء ...

ردت منيره !! أقول إنثبري وإخسي إقطعي .. أصلا هو ميت على عيوني

قالت أروى أقول أهجدن أنا أعرف هالأشكال زين مايحبون إلا الثقال مثلي ..

المهم إني تنرفزت منهم .. وتضايقت وقلت ياربي وش يسكتهم ..

واشغلهم بنت الشهراني (موضي ) ,, قلبي ياللي مابعد ماذاق للراحه طعم ..

وتعالوا شوفو الردح مب صاحي قامن يناقزن تقل فيهم زيران ..

بسم الله علينا .. إلين وصلنا الطعس .. وما أدراك مالطعس ...

وبعد عناء شديد عثرنا على مكان زين نقز فيه من جميع الجهات وقمنا

ننزل عدة الكشته تعرفونها .. دارفور وفرشه وأنو وكيرم ..إلخ..

وبعد الشوال قالت أم شنب يسوي لكم شاهي .. ماقصرت شغلت الدافور

وبينما كنا نلعب أونو نسيناها مب لمها .. وفجأه لمحنا وحد من بعيد

راكبه دباب أبو أربع كفرات تلوح لنا بيدها الكريمه والعبايه مادري

وش تبي من الحياه .. رابطتها ومطلعه الجنز ويوم قربت غبرت علينا

ومن زين الخشه تقول هااااااي ..

إلا ووتطلع أم شنب هي راعية الدباب ..

أثريها مصفقة لها واحد ومنحاشه منه وماتدري وين تروح من الروعه

عاد هي ماقصرت حاست بالطعس لين ضيعته وبعد ما سألناها ..

علامتس عطيتيه كف ؟؟؟؟

قالت إنه يغازلني .. وعصبت منيره وقالت لها أجل وش زود اللي بالمحطه

أجابت // هذاك .. هلالي

قلت لها وش عرفك فيه ؟؟.. قالت وجهه سمح ونيته صافيه >>> بيستانسون

الشباب اللي بالمنتدى ..

أما هذا من شفته ما ارتحت له قلبي (ناغزني ) يقول إنه إتحادي ..

قلت لها انثبري ولاتحركين إلا رجلي على رجلتس >> صدقت إنها شخصيه

وبعد ما جلسنا إلا ونشوف شباب معهم طبول .. ومرواس .. وعود .. ويغنون

وإنا أولهم ماأستحملت قمت أرقص والشله قاموا يغنون ويطقون >> أنواع التقليد

عاد تصدقون الشباب زحمه علينا .. كلن يبي بس نظره >> أوووه قويه ..

وتلمح أروى من بعيد الهيئه وتصرخ بصوت مرتفع .. المطاوعه ,,

وأخذنا قشنا كله ماعدا ,, الدافور ,, والكيرم ,, والفرشه ,, وألأنو ,,

>> وش بقى تكفين ..

وننحاش ..ونحن في السياره رن جوالي .. يامال فرقى العين يومه نساني

>> لازم تدرون وشهي النغمه ..

أشوف الرقم غريب .. خفت مارديت قلنا بس هذولا الهيئه .. والجوال يرن

ويرن , ويرن ,,

بالأخير أخذت أم شنب الجوال وردت بكل شجاعه ..

أم شنب ..>ألـو

الرقم الغريب ..>ساكت ..

أم شنب ..> ألـو

الرقم الغريب ..> ساكت

أم شنب ..> ألـو مين .. الهيئه >> شوفو الغباء كيف ..

ألو .. ألو .. طوط طوط طوط >> يعني إنقطع

توقعون مين ..

ويدق مره ثانيه نفس الرقم بس على جوال سوير وهي من الخوف

رمت الجوال من الدريشه >> عاد هذي قمة الغباء ,,

شكينا إن الموضوع فيه إن ..

المهم ماحصلنا طلعه في طعس التحدي لأن الهيئه خربت علينا ..

وكانت كل أحلامنا وأمانينا إنا نفحط هناك .. ونتحدى الشباب

ونتحدى أبو عراده ,, وقاهرهم .. بس تدرون من صاحب الرقم الغريب

طلع بالاخير ,, امي ,, من الغباء ماخزنت رقمها الجديد تقولنا يالله يامال الماحي

تعالو تأخر الوقت >>>>> تخيلو أمي كذا ..

أتمنى إني أكون أعجبتكم في الموضوع اللي أشك أنه قصير >> وين معه

إلا دبلتي كبودهم ..

ياليت الكل يرد علي .. يعني نوعا ما أرفعو معنوياتي ,, تعبت وانا أكتب

وأولا وأخيرا الحمدلله إن المرأه ماتسوق ,, وإلا كان سوالف ......

تقبلو تحياتي ..

أختكم ..

أميره هلاليه ,,

20-02-2006, 01:19 PM	#1
أميره هلاليه قنــاص فعــال	طعس التحدي .. (الجزء الثاني ) .. السلام عليكم ورحمة الله وبركاته بعد ما أنتهيتنا من يوم الأربعاء .. أنقل إليكم أحداث يوم الخميس فهذا عاد شي ثاني .. طبعا إذا كان شتاء والجو ممطر .. مالنا إلا الثمامه وأكيد بالجيب حقي عشان نطعس .. ولازم نرز علم الهلال فوق التنده <<< مادري هي اسمها كذا صح و إلا غلط .. مانبي نروح منتزهات الثمامه هذي لها وقتها بس نبي نروح .. طعس التحدي ............... لأن ألأجواء هناك خياليه وذهبنا إلى الطعس وكان الطريق طويلا وشاقا .. والناس ياكافي كنهم بالحج ماهنا احد بالرياض ماطلع من بيته .. وهالشباب ماغير يقزون .. وكلن مسنتر بالطعس كنهم دارين عنا إنا نبي نجي ..!! وإلا هالزحمه من له أكيد علشانا .. وقبل ما نوصل الطعس وقفنا عند أسواق نوووف .. عاد منيره هي اللي تسوق بغت تطير الهندي (عامل المحطه ) .. ويوم وقفنا نعبي .. قلنا نبي ننزل نتفضى ,, بساكيت وشيبسات وأندومي ولزوم الكشته .. عاد قبل ماننزل كل وحده فينا قامت تزين برقعها وتحط كحل .. تخبرون لزوم الكشخه ,, وش دراكم يمكن أحد يخطبنا .. إيه عاد وش يبون سنعات ومماليح وبنات حمايل ونعرف نسوق وفوق كل هذا هلاليات يالله من فضلك <<<<< خخخخخخخخخخ وبينما كنا نتكشخ ونمشي وطبعا المشيه هنا غير تصير (بريستيج) >>> وين معه !!!!! إلا شوي وحسينا إننا ناقصين .. .. .. أم شنب وينها ... لا ومن زين الخشه ناسيه جوالها بالسياره وينها ياربييه عسى ما خطفوها المرهبين واخذوها رهينه .. عاد مالقوا إلا هي .. المرهبين =إلإرهابيين بس من الروعه طلعت كذا .. المهم مادرينا إلا اللي تناقز قدامنا وبرقعها واصل جبهتها .. وشعرها طالع وشوفتها تطرد الرزق .. تروعت يوم شفتها قلت وش فيتس .. تطامرين عسى مابه ذيب بالبقاله !! إيه إن كانه ذيب أمره هين بس لايصير صرصور ,, أجابت أم شنب ويدها ترتعدان .. لا لا مهوب صرصور ولا ذيب .. به واحد سكبه داخل قالي ياحلو ... واستحيت وطلعت >>>> لاحظوا إنها مستحيه الحين .. سوير من الروعه هجت للسياره والمفاتيح معنا .. ومنيره ماشفنا إلا غبرتها توجهت إلى البقاله على الفور عشان تشوف هالسكبه !! و أروى قالت والله لأسحبه انا هالأشكال أعرف لها زين .. والله ضايق صدري .. بالله هذي أشكال تطلع كشته ,, وحده عربجيه , والثانيه خوافه ,والثالثه مسبوهه, والرابعه تسوي ثقل , والله مافيكم عاقله إلأ أنا .. الحمدلله على العقل بس ,, وعقب ما تقضينا وركبنا السياره ,, قالت أم شنب أنا حاسه إن هالأنسان حبني نظراته كانها فيها إعجاب !!! نظرته وراها شيء ... ردت منيره !! أقول إنثبري وإخسي إقطعي .. أصلا هو ميت على عيوني قالت أروى أقول أهجدن أنا أعرف هالأشكال زين مايحبون إلا الثقال مثلي .. المهم إني تنرفزت منهم .. وتضايقت وقلت ياربي وش يسكتهم .. واشغلهم بنت الشهراني (موضي ) ,, قلبي ياللي مابعد ماذاق للراحه طعم .. وتعالوا شوفو الردح مب صاحي قامن يناقزن تقل فيهم زيران .. بسم الله علينا .. إلين وصلنا الطعس .. وما أدراك مالطعس ... وبعد عناء شديد عثرنا على مكان زين نقز فيه من جميع الجهات وقمنا ننزل عدة الكشته تعرفونها .. دارفور وفرشه وأنو وكيرم ..إلخ.. وبعد الشوال قالت أم شنب يسوي لكم شاهي .. ماقصرت شغلت الدافور وبينما كنا نلعب أونو نسيناها مب لمها .. وفجأه لمحنا وحد من بعيد راكبه دباب أبو أربع كفرات تلوح لنا بيدها الكريمه والعبايه مادري وش تبي من الحياه .. رابطتها ومطلعه الجنز ويوم قربت غبرت علينا ومن زين الخشه تقول هااااااي .. إلا ووتطلع أم شنب هي راعية الدباب .. أثريها مصفقة لها واحد ومنحاشه منه وماتدري وين تروح من الروعه عاد هي ماقصرت حاست بالطعس لين ضيعته وبعد ما سألناها .. علامتس عطيتيه كف ؟؟؟؟ قالت إنه يغازلني .. وعصبت منيره وقالت لها أجل وش زود اللي بالمحطه أجابت // هذاك .. هلالي قلت لها وش عرفك فيه ؟؟.. قالت وجهه سمح ونيته صافيه >>> بيستانسون الشباب اللي بالمنتدى .. أما هذا من شفته ما ارتحت له قلبي (ناغزني ) يقول إنه إتحادي .. قلت لها انثبري ولاتحركين إلا رجلي على رجلتس >> صدقت إنها شخصيه وبعد ما جلسنا إلا ونشوف شباب معهم طبول .. ومرواس .. وعود .. ويغنون وإنا أولهم ماأستحملت قمت أرقص والشله قاموا يغنون ويطقون >> أنواع التقليد عاد تصدقون الشباب زحمه علينا .. كلن يبي بس نظره >> أوووه قويه .. وتلمح أروى من بعيد الهيئه وتصرخ بصوت مرتفع .. المطاوعه ,, وأخذنا قشنا كله ماعدا ,, الدافور ,, والكيرم ,, والفرشه ,, وألأنو ,, >> وش بقى تكفين .. وننحاش ..ونحن في السياره رن جوالي .. يامال فرقى العين يومه نساني >> لازم تدرون وشهي النغمه .. أشوف الرقم غريب .. خفت مارديت قلنا بس هذولا الهيئه .. والجوال يرن ويرن , ويرن ,, بالأخير أخذت أم شنب الجوال وردت بكل شجاعه .. أم شنب ..>ألـو الرقم الغريب ..>ساكت .. أم شنب ..> ألـو الرقم الغريب ..> ساكت أم شنب ..> ألـو مين .. الهيئه >> شوفو الغباء كيف .. ألو .. ألو .. طوط طوط طوط >> يعني إنقطع توقعون مين .. ويدق مره ثانيه نفس الرقم بس على جوال سوير وهي من الخوف رمت الجوال من الدريشه >> عاد هذي قمة الغباء ,, شكينا إن الموضوع فيه إن .. المهم ماحصلنا طلعه في طعس التحدي لأن الهيئه خربت علينا .. وكانت كل أحلامنا وأمانينا إنا نفحط هناك .. ونتحدى الشباب ونتحدى أبو عراده ,, وقاهرهم .. بس تدرون من صاحب الرقم الغريب طلع بالاخير ,, امي ,, من الغباء ماخزنت رقمها الجديد تقولنا يالله يامال الماحي تعالو تأخر الوقت >>>>> تخيلو أمي كذا .. أتمنى إني أكون أعجبتكم في الموضوع اللي أشك أنه قصير >> وين معه إلا دبلتي كبودهم .. ياليت الكل يرد علي .. يعني نوعا ما أرفعو معنوياتي ,, تعبت وانا أكتب وأولا وأخيرا الحمدلله إن المرأه ماتسوق ,, وإلا كان سوالف ...... تقبلو تحياتي .. أختكم .. أميره هلاليه ,,