- ودي آسوي فلم بدوي , !نروح للبر انا وخلّي ,
هو يتفنن بركوبه لدبابه وانا اتفنن في لثمتي مع نظرتي والمشيه !
يقرّب حولي ويعرض لي مهاراته , يعني شوفيني قوي بالحيل يابنيّه
وانا مدري علامي احسب اني مااحب واثري له صرت ارفع يدي واشجع
لله لله لله ماغيرك ملكني هالصبحيه 
!
يبي يعرف وش آسمي , وآبي آعرف منهو الشيخ آبوه والاعمه وخاله ؟
بردّ الهوى في داخلي هبّ هبوب شماليه ..
وانا كل مره انطق شوي شوي يامهبووول البريّه 
وده آني اركب معه , بس الهوى ضدي مستحي من اللي حواليّه
ياليتني بس ثياب الشتاء اللي تلمك ولاترجف من قول هلت المربعانيّه
+ انت ياللي مدري وش آسمه !
نفسي آسمع من لسانك قصيد
علامك يآبنت الناس تراتس فتنتيني بهالصوت !
قولي وش ودتس تسمعين .؟
انا حضَريه وانتا بدوي .. وشكلك ماتعرف الرومنسيه
* الوكآد آنتس ماتعرفين عروقي الشعريّه
دوتس حالي وش يقول ’l
البارحـة كلمتنـي بنـت مبلـيـة
معاملتهـا صراحـة لـي تعبانـه
قالت كيف الحال قلت اهلين يا بنية
قالت بغيت البنات قلـت غلطانـه
قالت بلاش ي دلـع رح نـاد بدريـة
وان كانها نايمة صـوت لسلطانـه
قلت الحقيقه تـرى حنـا عزوبيـة
والكل منا يابنت الناس في شانـه
قالت تغشمر قلـت احكـي بجديـة
انا رجل والرجل ملـزوم بلسانـه
قالت بسولف معك لو تسمح شوية
تراني قبل اتصلبك كنـت طفشانـه
قلت اهرجي معي زين وصفي النية
وانا بسولـف عليـك بنيـة زينه
قالت بغيت اسألك وش بعد سورية
والهند كانك ذكي وش كثر سكانـه
قلت الحقيقه ماعرف الا البجاديـه
واعرف من حد مكه ليـن غيلانـه
قالت تحب وقلت احب اللي حوالية
واحب ربي واحب الكنق واخوانـه
واحب ديني احب ارض السعوديـه
ومحبة ماعطاهـا الخـل لخلانـه
قالت بضحكه ورى اخلاقك تجاريـة
اصلا انا يوم اسولف معك خسرانه
وانت بدوي ماتعلمت الرومانسيـة
وكل بدوي حياتـه مالهـا خانـه
قلت اسمعي زين كان انتي طبيعيـة
لكن اظن يابنـت النـاس سكرانـه
انا بدوي ماحنيت الـراس موليـة
الا لربي عزيـز الشـان سبحانـه
وحنـا بـدو لاثــارت الحمـيـة
نثبت ليا عارض البـارود دخانـه
واحنا بدو اليا انكشف ستر السنافية
يفرح بنا اللي خذوا ذوده وحيرانـه
احنا بدو اليا كوينا نضـج الكيـه
يفرح بنا اللي يشوف الضيم بعيانه
ياللي تقوليـن بـدو اقـول يابنيـة
الاصل حنا وعز البيـت سيسانـه
’
صح لسانك يالأجودي
’
صباحكم ’ انا وخلّي l’
______________ كل بـرٍ وطنّا l’
آلواحد اذا صار فاضي وده يبعد عن الحزن والمشاعر الإليمه
ولو انه اذا كان عايشها مهما ضحك مستحيل يهرب منها
آسـالوني دكتورة جروحي : )
> ماقلنا بلا حزن : $
طعبآ دايم تلفتنا صور الحاضر واشياء جديده وحلوه
واي شيء قديم على قولتهم هذا مغبر نبعد عنه
والا بس هههههه نضحك : |
يااااااااه وشذي متبرقعه الله يحوم تسبدها
والاذا هو وثوبه المعفط ياهو شكله بااايخ
والا ليش انا اركب ددسن .. او دباب اكل عليه الدهر وشرّب !
نبي نطور نبي نصير بس ( حضر ) !
كل شيء جديد , واذا لبست ذيك اللثمه ولو ان عيوني ( نتفه )
اضمن الدنيا بتخق معاي !
* انا مابي احب واحد ويطلع ساكن بصحراء وكل حياته بران و بران
طيب انا طلعت ذاك اليوم بجمعة عماني وخوالي .. جمبنا خيمه فيها واحد هاوي
اسمعه بس يقول قصيد ماسكت لين مالشمس غابت !
حبيته .. مو لانه شخص ماله من المال شيء كافي
لانه يحس بشعوره مايحسب لها مكان خافي
مره من المرات سألتني صآحبتي وش ودك تحققين بالحياة !
قلت لها اكونّ عائله بسيطه بكل مافيها ,
جلست تضحك تضحك وتضحك,
تقول الناس تقول اسكن في قصر , ارتبط بشخص منصبه مهم
اغير الحياة كلها ,ماشوف ماضي لونه بُني !
الناس بدت تتحضر بدت تعيش ,
شوفي وش تاكل وتشرب ,
شوفي وش تلبس وش تركب ,
شوفي امس طلعت مع شلة بنات صحيح كنت متلثمه مثلهم
- بس هُم حتى العبايات صار لها نظره وموال !
يعني تخيلي ( يطلعون ) بعبايه وكنها فستان
اسكتي بس والاذاك الولد شفتي سيارته ؟
من زود فلوسه ماخلى شيء ماجابه تهتويه الانفاس
لحظه بعد اكمل لك ..
امس كنا في مُخيم الثمامه انا و نوره و صيته و باقي البنات
كل وحده فينا معاها دباب ,
مر واحد رسمة ملامحه ضيعت دروب دباب وداني لكل مكان !
شفتي يالحلوه ترى اهل الكشخه بكل مكان
لاتحقرين آللي يقول نطلع البران!
,
هنا فيه فروقات كبيره لكن العقل مُبرمج على حضارة وبداوه
وفيه ناس ماتفقه للزمان
* موضوع بسيط حبيت اوضح ان الزين زين , والكاش كاش , والمنصب منصب
والعقل عقل , والدين دين , والاجناس اجناس ... الخ
بدواه وحضاره .. المُهم (( حنا نـــآس 
!
حبيت اخلي بدايته شوي فُكـاهي عشان ماتملون ’l....
’l....وووبس 
’l.... لـ لمسة التصميم مُبدع كَ : المشتآق 
02-12-2009, 02:41 AM
+ انا وخلّي كل بـر (ن) وطنّا |,
العرض الشجري
