...|[ ـو ريـح السٌمر فى ثيـابه .. + لاستعداداتكم الشتويـة .. - شبكة القناص

عنفوان · 19-11-2009, 03:32 AM

..

حنا على أبواب الشتاء ! " / والشتاء برد !
و النار هــذي ,, ما يدفي ,, حطبها !
و [ برد الشتاء ] /واقف على ضلوعي الجرد !
وعيني , أشوف الدمع / يأكل هدبها ..!
يا ورد ! ما مرك ,, دفــا العمر / يا ورد ؟
عدّت سنينك / ما أعرف اللي سلبها ..
أشتقت لـ شتاء رغـم قسوته وذاك الضيق الذي يحبس انفاسي مع بدايته
الشتاء وأجوائه المفعمه بالجمـال والطبيعه وصوت الرعد والبرق
وهـما يحملان بشـاره بهطول مـطر يغـيثـنا
الضـيق والبرد القـارس الذي لايغني عن زمهريره معطف ! ضريبه كل هـذه النعـم
لله حمـدا كثيرا يليق بجلال وجهه وعظيم سلطانه..

- السلام عليكم ورحمة الله وبركاته

بعيدا عن ابجديات الفصحى سأتحدث لكم بعفويه عـاميه هي الأقـرب
نسمع ان فيه اربع فصول فى السنه لكن حنا مانعرف الا الصيف
أو بالاصح القيض اللى يشويك لين تستوي
ولا الشتا اللى يدخل فى عضامك لين يفرزنها والرياض
استحدثت فصل خامس وهو فصل العج اللى من جد نعيشه بحذافيره
وبما ان حنا على ابواب الشتا فـ كل شي يتغير نظام الأكل النوم
اللـبس حتى النفسيه فيه ناس يحبونه مره وفيه ناس لا
*انا مثلا من الناس اللى اذ جا الشتا جتني نوبة كـأبه فى الليل مـدري ليه
مع أني ماحب الشتـا لانه يقيدني واحس اني زحمه وانا امشي إلا ان اجوائه وحشتني
اكره الشتا لأسباب ان الخلاقين تكثر يعني وش مالبست ماادفى مااقدر اتحرك بسهوله
تتجمد اطرافي لازم احط الدفايه بحظني وعساها تسد وتجيني فيه قوة نوم ميب طبيعيه
بس بالمقابل طبعا فيه أشيااااء كثيره تخليك تعشق الشتا بجنون وتتحمل طقوسه الغريبه
بس لاحظت شي مهم..!
في الصيف مثلا الصبح او الظهر بالعاده نفسياتنـا يـا اهل الرياض شييييينه
يعني السياره مضلله اناظر فى الاشاره الكل معصب وتحسه طفشان هذا وهو الصبح طيب ليه ؟
الشمس اللى صاكته مثلا الليل اللى قصير ومايخليه يشبع نوم الحـر ؟
عكس الشتا يخلي نفسية الواحد حلوه وتشوف الكل مسفهل
عاد لاصارت تمطر الصبح يصيريون حلييييوين وتحس كنا نعرف بعض
حتى وحنا فى معمة الزحمه وتحويلات الملك عبدالله تصير على قلبك زي العسل
س/ كم مره تقول بروح اتروش ثم لاشفت المويه بارده هونت ؟
-ترا صحيا انك تتروش بمويه بارده وتشرب بعدها كاس بارد
بس محد يقدر يسويها ..!

كنت أتوقع أني أنا بس اللى أحس بضيقه بدايه الشتا بس سألت بنات وصار فيه كثير كذا
طبعا اللى احس به موب ضيقه مدري وشو بالضبط بس تحس ان فيك كمية شجن وحنين
مدري وشو بالتحديد بس شعور غريب..!
أشتهي أكتب فيه كثيييير يعني شهية الكتابه عندى تصير بشراهه
سويت بحث بقوقل واقتبست لكم دراسه تـقـول ان الأكتئاب هذا أسمه
( الأظطراب العاطفى الموسمي )

أقتباس

الاضطرابات العاطفية الموسمية (SAD)، هي نوع من الكآبة الذي يلي تتابعالفصول، والتقلبات الجوية أكثر تأثيراً علي الحالة النفسية والمزاجية للإنسان وعليسلوكياته، ومن أكثر أنواعه شيوعاً كآبة الشتاء. وتبدأ عادة في أواخر الخريف، وأوائلالشتاء، بينما تختفي بحلول الصيف. أما النوع الأقل شيوعاً فيعرف بالكآبة الصيفية،ويبدأ عادة في أواخر الربيع أو أوائل الصيف. ويختفي بحلول الشتاء. ويعتقد بأن سببه يرتبط بالتغييرات في كمية ضوء الشمس في الأوقات المختلفة من السنة .ـ
ويعتبرالاضطراب الفصلي غير مفهوم بالشكل الكامل.. ولكن وجوده ثابت، وهو أكثر حدوثاً ممايظن البعض، والأكثر تعرضاً لهذه الحالة هم الشباب والنساء، ويخص البعض النساء أكثرمن الشباب، وهنالك العديد من العوامل التي تزيد احتمال حدوث هذا الاضطراب كالحالةالوراثية والشدة النفسية، كما تلعب بعض النواقل العصبية دوراً مهماً في هذا المجال

- طبعا الدراسه هذي فيها شي من المصداقيه بس مسألة اني احتاج لضوء شمس
ماتوقع ابد .. لان دايم احب النور يصير خافت مره
س/ قولو لنـا نفسياتكم مع بداية الشتـا كيف تكون تحبونه ولا لا ؟

جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبيسفر لليل
بردان أنا تكفى .. أبي احترق بدفا
لعيونك التحنان .. فعيونكالمنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاكاشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه ياالحنين
لليل باب له حارسين
برد وسحاب

حزين من الشتا والاحزين من الظما ياطير
دخيل الريشتين اللي تضفك حل عن عيني
دخيل الما وملح الما وحزن الما قبل ماتطير
تهيا للهبوب اللي تصافق في شراييني
دخيل الغصن والظل الهزيل وهفهفات إعصير
دخيلك لاتشح بنجمتي والليل ممسيني
ترفرف يافقير الريش ضيقه والنهار قصير
علامك كل ماليل جناحك جيت ساريني
انا ماني بخير وجيت يمي وانت مانت بخير
وانا ياطير في من الهجاد اللي مكفيني
ترى لوشفت لي ظل ومهابه في عيون الغير
ترى كل الزهاب اللي معي جرحي وسكيني

ألف غصن من اليباس ..

فز لاجلك .. وانثنى ..
اكسري الاوهام كاس ..
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ....
كل ما قربت يدينا ..
ناض طير.. وجض ريم ..

كنا فى اواخر الشتا قبل اللى فات زى اليومين
دول عيشنا مع بعض حكايات
انا كنت لما احب اتونس معاه انا كنت باخد بعضى واروحله من سكات
والناس فى عز البرد يجروا ويستخبوا وانا كنت بجرى واخبى نفسى قوام فى قلبه
ولحد لما الليل يليل ببقى جنبه وافضل فى عز البرد وياه بالساعات
على سهوة ليه الدنيا بعد ماعشمتنا وعيشتنا شوية رجعت موتتنا
والدنيا من يوميها ياقلبى عودتنا لما بتدى حاجات اوام تاخد حاجات
وسط الشوارع ناس كتيرة مروحين والناس يا قلبى هم هم وهو فين
وانا ماشية بتلفت وبسال كل يوم بيعمل ايه دلوقتى وبيحلم بمين
والناس فى عز البرد يجروا ويستخبو
وانا كنت بجرى واخبى نفسى اوام فى قلب
ولحد لماالليل يليل ببقى جنبه وافضل فى عز البرد وياه بالساعات
على سهوة ليه الدنيابعد ماعشمتنا وعيشتنا شوية رجعت موتتنا
والدنيا من يوميها يا قلبى عودتنالما بتدى حاجات اوام تاخد حاجات

صح نسيت أسالكم نزلتو ملابس الشتا ؟
ليه لاجا الشتا نسأل بعض نزلتو ملابس الشتا ليه نقول نزلتو
يعني ضروري تكون فوق ؟
احب ادخل السوق فى الشتا واشتري كل شي جديد
ايس كاب , سيلبرز , بجامات , قلفصات , سكارفات ,
كل هذي الاشياء ضروريه بالنسبه لنا الشتا تصير الاناقه فيه اكثر
وبالتحديد الشباب نحس بتغير يعني موب ثوب ابيض
نشوف رمادي انيييق اللون هذا
ازرق و بني و اسود و احمر
< ليش مافيكم احد يتجرء و يلبس لون احمر
المهم نبي صور لاول شي شتوي تسوونه او تشترونه مافي شي
معين بس أي شي يخص الشتاء مثلا : اول ماتشبون في بيت الشعر
ولا بالمشب دفايتك ملابسك كل شي كل شي شتوي
الدفايه
الدفايه كم شخص يتحاشرون عندها وكل واحد يدف الثاني برجله ويقول وخر مكاني
ياهي تجيب لي النوووم احسها ادمان
لاحد يجي يقول قديمهفيه تدفئه مركزيه الشتا بدون دفايه زي هذيك اللى لها رجلين ماله طعم
بس ماننسى ان فيه بيوت احترقت بسببها..!
يعني ضروري ننتبه ونحرص منها

مطر .. مطرلك وحشه يامطر
ودي ابلل روحي بغيثك واركض وانا حافي
ودي ارمي مضلتي وما اخلي بين وبين السما حاجز

اللهم اغثنـا يارب غيثً نافعً غير ضار

وحشنا المطر بقوه
سبحان الله المطر يغير جوك ميه وثمنين درجه
يعني كفيل انه يقلب مزاجك لو كنت متضايق
الدعاء مستجاب فيه التخيم وقته له لذه
امس الجو كان غيم شوي ان شاء الله تمطر قريب
يااااه لا مطرت و خيمنا وريحة السـمر تقعد في ملابسي
ايام ماودي اغسلها ومن كثر مااعشق ريحة السـمر
ونتحاشر فى السياره مع عمي ويطعـس بنا
احب اخيم فى البر ماعندي مشكله بس بشرط ماانام فيه
يعني اقعد من الصبح لين الليل بس اذ جا وقت النوم
ضروري ارجع البيت أذكر مره اضطريت اقعد
وعصبت وقلت توبه اروح مره ثانيه

مابه رعد لا برق ، ما غير هتان
عشقٍ جمع ما بين قاعٍ وغيمه
فيض على صدر الثرى دمع الأمزان
همس النديم اللي يعاتب نديمه
صوت المطر كنه تعاتيب خلان

.

.
.
.
.

جريـش ق1 قرصـان وانت برررردان
شاهي بحبق زنجبيل بلاك كوفى
سوفليه صدى التحليه هذا وقته
من كثر ماهو ضروري بحياتي احسه وصفه طبيه
ليل الشتا طويل يعني الواحد يميده يتعشى ويحلي
ويجوع عشان كذا سموه ابو عشاوين
محلى احبهاااااا بقوه فى الشتا مع قهوه عربي
واكلها وانا عيوني تـدمع من الحطب
س/وش الأكل اللى ماتستغنى عنه بالشتا ؟ صوروا لنا

باقي شي لازم أذكر نفسي وأياكم فيه
الحمدالله حنا لاجعنا نشتهي ناكل ونقول هذا نبيه وهذا لا مانبيه : )
وننسى ان فيه ناس يموتون جوع وبرد يعني شي يضيق الصدر
لاذكرت ان فيه احد ممكن مايلقى شي يدفيه ..

لا اكل ولا بطانيه وعندهم اطفال يارب اغنهم بفضلك عمن سواك
ياليت نهتم فى الفقراء فى الفصل هذا بالذات لانه اذ هو متعه لنا
فهو ذل وحاجه لهم ..

ياليت نتصدق بكل شي فلوس لبس مواد غذائيه ادوات كهربائيه
قـد مانقدر نوفر لهم كل الاشياء اللى يحتاجونها فيه ناس يعـفـون انفسهم
من السؤال : (

مخرج..!
* رُوي عن ابن مسعود رضي الله عنه أنه قال: "مرحبًابالشتاء..
تنزل فيه البركة، ويطول فيه الليل للقيام، ويقصر فيه النهارللصيام".
- بل كان الصحابة -رضي الله تعالى عنهم- يرون أن صيام نهار الصيف يعدل قيام ليل
الشتاء في الأجر والثواب؛ ولعل هذا أحد أسباب بكاء معاذ رضي الله تعالى عنه
عند موته؛ إذ قال: "إنما أبكي على ظمأ الهواجر،
وقيام ليل الشتاء،ومزاحمة العلماء بالركب عند حلق الذكر".
-وعن الحسن قال: "نِعْم زمان المؤمن الشتاء، ليله طويل يقومه، ونهاره قصير يصومه".

شكـرا للمصـمم ● мя.šнηв »
ولـ الراعـي الرسمي سيـدة خلانـها

.

**سَـلامْ ،** · 19-11-2009, 03:49 AM

..،

أقتباس
-وعن الحسن قال: "نِعْم زمان المؤمنالشتاء، ليله طويل يقومه، ونهاره قصير يصومه".

..،

صَبَاحك لحظات الدفئ التائهة ..
بين أضلاع الشتاء ،

يا حلو الشتاء ويا حلو أيامه..
بالنسبة لي أنا أحب هالأيام من السنة بشكل خاص ..
مو بس الشتا ..
يعني وقت الحج اللاااااهـ،
<<محد عاش الاجواء لما سمع التكبير في الجامعه امس

موضوعك مره حلو ولما دخلته دفيت
لي عودة ان شاء الله ،

لكن السطر الأخير من موضوعك حرك فيني الشيء الكثير ،
سلمتي عنفوان ،

..،

**مـآكِنتُوشٌ** · 19-11-2009, 04:29 AM

^
اجل دفيتي
شكيت انها توزع بطانيات

نجي لموضوعكـ الطويل والقميل ياقميله

انا من الناس اللي احب الشتا الصراحه لاني انسانه اقدر شي اسمه نوم
وبالشتاء ادخل سبات شتوي رررهيب اشد من النمل

أقتباس
س/ قولو لنـا نفسياتكم مع بداية الشتـا كيف تكون تحبونه ولا لا ؟

ايييييييييه احبه بس مادري ليش العالم مايحبونه ويصيرون مكتأبين
وش احلى من انك تخم الدفايه وتنام

أقتباس
س/وش الأكل اللى ماتستغنى عنه بالشتا ؟ صوروا لنا

المشروبات الدافيه بشكل عام الزنجبيل بالنعناع بشكل خاص

عنوفه <لاعمرك تدلعين
صراحه موضوعك يهبل وبوقته
ويمكن ارجع له

أقتباس
كنا فى اواخر الشتا قبل اللى فات زى اليومين
دول عيشنا مع بعض حكايات

وانا اقول فيه حاجه غلط بالموضوع اللحين وش جاب اليسا

ألـỏỠـلوב آلهلآلے · 19-11-2009, 04:37 AM

كل عام وآحنا للشتاء أقرب ..

وييييييييييييييينه هالشتاء :(

تآخر من جد .. :/

الصور لوحدها تخلي الواحد يتذكر :(

ويتآلم ، ويتامل إن هالشتاء يجي على خير
وبصحة وسلامة < من اللى لاعب عليه ويقول انه عيد

عمومًا .. نتمنـى لكم آوقاتًا سعيدة بجميع آيام السنة ..
عوافي خيتو !

ღ.¸¸.BeSho.¸¸.ღ · 19-11-2009, 05:19 AM

وعليكم السلام ورحمة الله وبركاته..
موضوعك جاء بوقته..
اموووووووت ع الشتاء احبه احبه بس لما اتذكر معناتنا مع البرد القارص خخخخ
اقول مابيه كأنه يشاورني عاد خخخخ
احبه بكل تفاصيله اللبس الاكل النوم والدفااايه نغليها بالشتاااء مرااا
وبالنسبه للمشروبات احب المشروبات الدافيه اللي تسويها الماما..
وصادقه ذبووول حتى انا دفيت
موضوعك مراا اعجبني..
عيشتنا جو الشتاء بكل تفاصيله..
تسلميلنا ياااذوق..

ياسره الهلاليه · 19-11-2009, 05:29 AM

آه يااشتاء بس يالبيه
قسم قسمات انوه اطلق فصل بين الفصول
عنفوان موضوع راقي وعن اشتاء الحلو
يقلون النفسيه تخرب والبشره تسمر والناس تعصب وتمرض
بس عاد انا اعشقه
أحب النار
واحب لمه الناس عند بعض
والمزاج يضبط
وفي هذا الصيف يحلو السرير بعينك وماودك تقوم منه
والحشرات تخف
والهواء الحار يويلي
والامور تظبط
ويقلون ان اشتاء تدفى مشاعر العشاقين
هم يقلون انا مالي دخل
والاغاني الي فيها برد تشتغل
قسم اذكر قصيده لخالد عبدالرحمن لايمكن انسى ذيك الايام الشتويه وانا اسامعه
((لظروف احكام والله يعين اهل الهوى))
((وانت ياليل الشتاء ماطرى لك تنتهي))
((والحبيبه روحت وانت تحسبنا سوى))
((آه ياليتك تدري الحين انا وش مشتهي))
واذا على تنزيل الملابس ياعنفوان
انا مسكت جدتي العجوز
وماخلينا محل يزعل علينا
بس ياهم منزلين اشياء مره حلوه
والالون مره هاديه
وخاصه البناطيل الموضه الحين خطيييييره حقتهم
واذا على اللون الاحمر ياعنفوان يلنبس وكثير بعد
بس مايكون فاقع لا يعني هادي مثل لون الفيس هذا >>ههههههههههه
والاكل انا اعشق شي اسمه ((برتقال))بالشتاء موسمه

عنفوان
برتقاله لك وبرتقاله لي
وبس احب الشاهي كثير بالشتاء
موضوعك حلو واشتاء احلى
تقبل مروري
وكل عام وانتم بخير

d.lost · 19-11-2009, 07:25 AM

.

وعليكم الســـلام ورحمة الله ..

ومن منا لايرى وقوفه على بابه ..

أقتباس
مطر .. مطرلك وحشه يامطر

الله يرزقنا الأمطــار والخير ..

ياما حلا عقب العصر ..شب النار ..
في مجلس كل النشاما يجونه ..
يلفونه اكبــار ..ويلفونه اصغــار ..
من طيب من هو فيه ويقدرونه ..
(هذي طراة الروح لاصرت محتــار ..)
آخير من بيتِ هَلًــه يزلجونــه ..

عنفوان ..
سَلم هذا الفكر في كل الفصول ..
وشكرا برائحة السمر والخزامى ..

.

**انين المشاعر** · 19-11-2009, 10:39 AM

|’,

مرحبآ عنفوآن

...
منورتنآ..

آلشتآء ومآدرآك مآلشتآء

.!؟
آنآ وحده بيني وبين الشتآء عدآوه

.
منب آحبه أبداً ..

لان الشتاء خرآبيطه كثييره
من خلآقيين مضآعفه لمآدري وش
مغير نلبس ونلبس وعسآنآ ندفأ

شوفي آلرجآل هم الي بيروق لهم الجو بقوه

..
آمآ الحريم ثلآث آربآعهم مب رآيق لهم الجو عشآن بزرآنهم
وتطفيحهم ..........الخ
ام الربع الباقي بيجوز لهم الجو ..
عشآن ينخر البرد عظآمهم ..لان حنا ماعندنا برآد زي العالم

آمآ الصيف يآلبى بس

ق1 ..
بس تكييف وتكيفين على الجو

..

أقتباس
س/ كم مره تقول بروح اتروش ثم لاشفت المويه بارده هونت ؟

-ترا صحيا انك تتروش بمويه بارده وتشرب بعدها كاس بارد

خخخخخخخخخخخخخخخخخخخخخخخخخخخخخخخ
كثييير نسويها

..
ولاجينآ لَ صحياً ثلاث ارباع الي نسويه غلط ..
الله يرحم بحآلنآ بس

أقتباس
س/ قولو لنـا نفسياتكم مع بداية الشتـا كيف تكون تحبونه ولا لا ؟

آممممممممم ,’
يمكن آكثر شي تكون متخوفه من الشتآء وبرآده ض1!!
آمآ احبه مسستحيل .. لانه مقلقين بالملآبس الي تدفي
والفرفره بالآسوآق

أقتباس

[

صح نسيت أسالكم نزلتو ملابس الشتا ؟

آي .. عندك حريم اول مآيسمعون طآري للشتاء

تلقين الملآبس متنزله

بس البطآنيآت لا

أقتباس

الدفايه

الدفايه كم شخص يتحاشرون عندها وكل واحد يدف الثاني برجله ويقول وخر مكاني

حنآ نتعآمل مع فحم آمآ دفآيآت لا

أقتباس
س/وش الأكل اللى ماتستغنى عنه بالشتا ؟ صوروا لنا

أقتباس

الفريكه مع قهوه

خل يجي الشتآء صدق وآبشري بعزك

" عنفوآن "

رآئعه أطلالتك
شُكراً لكِ

,’|

**سَـلامْ ،** · 19-11-2009, 11:31 AM

..،

أقتباس- السلام عليكم ورحمة الله وبركاته

- وعليكم السلام ورحمة الله وبركاته ،

أقتباسبعيدا عن ابجديات الفصحى سأتحدث لكم بعفويه عـاميه هي الأقـرب

وهـَ اللي تحكين به الحين وش ؟
حلوة بكل حالاتك

أقتباس
عكس الشتا يخلي نفسية الواحد حلوه وتشوف الكل مسفهل
عاد لاصارت تمطر الصبح يصيريون حلييييوين وتحس كنا نعرف بعض

ههههههههههههههههههههههههههههه
إيه
أحب المشاوير الصباحيه في الشتا
طبعا احبها وانا جالسة في السيارة وأتفرج ع الخلق مب انزل في البرد
<<وانتي ما لك شغله الا خلق الله ؟

أقتباس
س/ كم مره تقول بروح اتروش ثم لاشفت المويه بارده هونت ؟

ولا مرّة
سخّانات الموية وش وظيفتها ؟

أقتباس
كنت أتوقع أني أنا بس اللى أحس بضيقه بدايه الشتا بس سألت بنات وصار فيه كثير كذا
طبعا اللى احس به موب ضيقه مدري وشو بالضبط بس تحس ان فيك كمية شجن وحنين
مدري وشو بالتحديد بس شعور غريب..!

مشكلة البنات رومنسيات بزيادة <<وانتي بالله من أي جنس بشري ؟

أقتباس( الأظطراب العاطفى الموسمي )

يعني في الصيف نكره وفي الشتا نحب ؟
وباقي الفصول وش نسوي فيها ؟
- نعيش في فراغ عاطفي أفضل

أقتباسس/ قولو لنـا نفسياتكم مع بداية الشتـا كيف تكون تحبونه ولا لا ؟

يتعبني البرد ..ياااالله اقوم الفجر
إلا إن اللي ما يحب الشتا .. مدري ع أي أساس بيحب باقي الفصول..،

أقتباس
ألف غصن من اليباس ..
فز لاجلك .. وانثنى ..
اكسري الاوهام كاس ..
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..
وين احب الليله .. وين اهيم ..

،

أقتباس
صح نسيت أسالكم نزلتو ملابس الشتا ؟
ليه لاجا الشتا نسأل بعض نزلتو ملابس الشتا ليه نقول نزلتو
يعني ضروري تكون فوق ؟

حنا ما نقول نزلتوا..
نقول شريتوا ؟

أقتباس
ازرق و بني و اسود و احمر
< ليش مافيكم احد يتجرء و يلبس لون احمر

هم بالأبيض يالله ينبلعون تبينهم يلبسون احمر
وش يطلعون ؟

أقتباس
الدفايه
الدفايه كم شخص يتحاشرون عندها وكل واحد يدف الثاني برجله ويقول وخر مكاني

ههههههههههههههههههههه
الدفاية نكتة الشتاء في منزلنا العامر
مِن كثر ما نتهاوش الماما والبابا قاموا بتوفير مدفئات بعدد مهول جدا
في كل غرفة تلقين دفاية
بحيث تغطي طلبات جميع افراد المبزرة واللق لق
طبعا انا انتمي لـ اللق لق

- أحسن شي شغلي التكييف ع الحار

أقتباس
بس ماننسى ان فيه بيوت احترقت بسببها..!
يعني ضروري ننتبه ونحرص منها

:(

أنا أشهد ان موضوعك شامل وكامل وما خليتي شي

أقتباسمابه رعد لا برق ، ما غير هتان

ع ـطاري الرعد ذكرتيني بسالفه
مرة كان وقت شتا ،
ليل والكل في سبااات
انا جالسة عند التي في وبابا غَلَب عليه النعاس ونام عند التي في
البيت هادي مررره ..
إلا ويجي صوت الرعد :|
انا عادي ما خفت ..
جا مرة ثانية قوي :|:|
إلا واقوم انط فريييرة فوق وأخم بطانيتي
لما جا الصباح بابا جلس يهزأ بي وخلاهم يضحكون علي :(
هههههههههههه كان نايم بس حس بي وانا طايرة

أقتباس
جريـش ق1 قرصـان وانت برررردان

سجع

أقتباسس/وش الأكل اللى ماتستغنى عنه بالشتا ؟

ألأكلة الرسمية للعائلة في وقت الشتاء
- كستناء مشوية

عنفوان ،
ما شاء الله بس ..تعبت وانا ارد
موضوعك مرّة حلو : $
أيامك دافئة ان شاء الله ،
رغم ان شتانا مب صاحي

- يعطيك العافيه انتي ومستر شنب وما تهون الراعي الرسمي : $

..،

**O X Y G E N** · 19-11-2009, 12:55 PM

والناس فى عز البرد يجروا ويستخبو
وانا كنت بجرى واخبى نفسى اوام فى قلبُه

مسائك دافيء يارقيقه : $
وللشتاء في داخلي ذكريات حالمه
ذكريات لايعلمها سوى معطفي ومظلتي الصغيره
الشتاء كلما كانت برودته قارسه ’ ادفاء في جمر اوراقي الماضيه

للشتاء شيء خاص في داخلي
اعشق ألوانه الكثيييره , ارتدي مايقارب فوق الاثثنين واعلم ان التدفئه واحده فأفتقدها !
قهوتي الساخنه .. مدفئه امامي .. اوراقي وقلمي .. وبعض من تدوين شتاء هذه السنه دونه

اعششق الهدوء الساكن , اعششق المطر , اعشق اركان الاجواء في كُل مكان وزمان
اعششق رائحة السمّر , كل مايُحضره الشتاء شبه فاتن لي
اشعر ايضآ بأن الحروف تكون مُختلفه , وحديث الفصول لايُقارن بفصل الشتاء

+ الصباح له طراز خاص عند خروجي له في الشتاء
الأشخاص جميعهم مختلفين , ارواحهم طيبه وتحلو بسعاده
+ المساء إزدحام الشوارع , ورائحة الكوفي تبعث من كل مكان

هي تلك الأوقات تحلو لهم فلنجعلها شتويه ملونه بهم
قد يكون شتائي هذه السنه .. مُبتعث من السمااا ان اكون قويه لإدفاا بطريقتي
فلامدفئه تحميني من البّرد القارس , ولامظله تكون حاجز المطر عني !
سوى إحتضان الاقدار اتمعن في ان يكون قريب لي بعد الإفتقاد

(( وريح السمّر في ثيابه ))

سأكون هُنا قريبه بعدسة تلتقط اجوائي هذه السنه من فصل الشتاء
من : ماارتديه , ركُن جلوسي , ..... الخ
ستكون لي عوده اقوى ,, : $

+ عنفوآن

رائعه ياطفلة الشتااااء
شعرت بالدفء في إنسكاب احرفك

الفخامه · 19-11-2009, 02:14 PM

رغم هدوء ليالي الشتــــــــاء..!
الا انك تجد [ضجيجاً] داخل قلبك
أينما ذهبت..عيونك لاتحكي .. سوى الحزن.تجلس,, وحيدا حائرا ,, بأحزان
محملا بهمومك [وأشجانك]
في غرفتك المظلمه ,,لاتسمع سوى ,, صوت وقع [المطر]
على نافذتك..!
تتناثر قطرات [ المطر ]
بهدوء ورقه
وكأنها تهمس ,, في آذاننا
بصوت خافت
تفاءلوا.,
مازالت [الحياة] مستمره ومازال ,, الأمل ,, موجودا
مازالت ,,تلك القطرات,, تنهمر
وتطرق نافذتك بلطف ,,
فتذهب,, لتتأملها ,,عن قرب
وتقف,, أمام ,, النافذه.
تراقب,, جمال[ المطر ] فترتسم عليك,,
[الابتسامه]
وتنسى,, همومك
ولو للحظات بسيطه..,وستشعر ,, بالحنين إلى كل شي ,.!
إلى ,, [طفولتك]وإلى تلك,, السنوات
التي,, مضت,, من عمرك
ستحن إلى,, قلوب [افتقدتها]وأحاسيس نسيتها ..!
ستغمض [عيـنك]
وتسترجع شريط ..أحلامك.. بحب
ستنسى,, كل,, مابقلبك
من,, نقاط,, [سوداء]
عندما ترى ,,نقاء المطر
تذكّر كل ,,صفاتك ,,الجميله
التي نسيتها ..بفعل
متاعب .. [الحياة]والأوقات القاسيه .. وليالي السهر الحزينه
تذكر كل.. ماكنت,, تفعله
قبل ان يدخل شعور ’البؤس’ إلى قلبـــك..بسبب
حب انتهى ,, أو حلم ..تلاشى
أو صدمااات ..اخترقت.. [قلبك]ومنها تشبّع .. وارتوى.
تذكّر أنك ..كنت [ رائعـــاً ]ومازلت كذلك ..!
لكنك نسيت ..نفسك بين,, متاعبك
وتركتها ضحية لأحزانك..ولأحقاد غيرك وظلمهم
فلاتظلم نفسك,, بأن تقيدها ..بالحزن
ألا يكفيها قهر الزمن .. وظلم البشر ..!!
مازال [المطر] ينهمر..ويشتد وقع صوت تلك ,,القطرات على نافذتك
فتصحو من أحلامك..!وتشعر بضيف ,, يريد ,,دخول غرفتك
تفتح النافذة ,,آذناً لها [بالدخول]
فتحتويك تلك الرائحه ..الرائعه
التي تغلف,, قلبك [بالحياة]
انها "رائحة المطر" ..
هنــــــا أهمـــــس لـك:
اجعل من نافذة غرفتك وكأنها... نافذة حياتك
واجعل من قطرات المطر... [أمـــــــلا]واسمح له بالدخول... ليس على غرفتك فحسب
بل إلى ... حيــــــــاتك وتفاءل ..
عش محباً ,, لنفسك ,,وصادقاً معها،،
كي تحب حياتك ,,وتحياها ..بكل معانيها
وغلّف بالحــب ,,كل القلوب ..التي تراها
اجعل من قلبك ,,وطنــا يحمل حب
الآخرين ..ويحمل.. [أحلامك]
حتى وان تلاشت تلك القلوب..
أو تلك الأحلام ..
فلاتنسى قلبك..
فمازال وطنــاً ..
ماافتقدته سيترك ,,لك بصمات مؤلمه .. لكن استبدلها ,,بحب الناس والحياة..
ولاتقتنع بأن القلب مدينة واحده ..
بل هو وطن..لكن كن قلباً صادقــاً..
انت لاتستطيع أن تزرع وروداً "حمـــراء"في كـــــل ,,القلوب التي ..[تحبهــا]
لكنك تستطيع أن تزرع ,,ورود "بيضــــــــــــاء".

**سُموّ الأَميرَة ،..|’** · 19-11-2009, 03:49 PM

يالبيييييييييييييييييييييييييييه .. ياحبي لهالشيء

مرحبآ عنفوآن .. طلتك حلوة مثل الدفا بليله شتا < لاعمرك تمدحين ..

انتي جيتي عند نقطه حساسه بحياتي :(
الشتاء اعشقة .. اعشقه .. بس اللي ماعندهم هالشيء اللي اسمه شتاء وش يسوون :(
لابغينا الشتاء .. رحنا المدينه كم يوم .. ندوره وقسم
بجده .. الجو ياحار رطب .. يااقل شوي من الحار .. دافيء يعني ..
احب الشتاء خصوصا لاكنت بالقصيم .. وهـ بس
ادري تكثر الخلاقين .. بس اكثر خلاقين ولا اطق من نفسي وودي اخلعها بالصيف
استغفر الله بس مااحبه ..
ليالي الشتاء روعه بالنسبة لي احسها شآعريه ..
لا واذا كانت مصحوبه بمطر ورعود .. الله يجيب المطر بس :(
والزنجبيل .. والجريش والقرصان والمرقوق لها طعم ثاني بالشتاء .. خاصه لاكانت بالبر :(< محرومة :(
احلى شيء بالشتاء بعد ..النوم .. الا بوقت الدراسة لاجا حزة الدوام بس الحمد لله مابعد جربت هالشيء بحياتي
بهالوقت احس الدنيا غير مدري ليه .. يعني مايكون فيه هدوء وطفش مثل الصيف ..
ودي اشوف واحس بالشتاء هالسنة .. :(
يآرب عودة قريبه لأرض الشتاء :(

عنفوآن ..|

حركتي اشياء بداخلي .. الشتاء اليم ..:(
ربي يخليك .. ويسلم دياتك ..

Ť Ŗ ΐ Č К Ϋ · 19-11-2009, 05:19 PM

.....................

اول شي نبدأ مع العنوان وربي انه اليم ذكرتيني

باالجسله حول الضو وسوالف اللي مادري شلون تجي

والشاهي القهوه اذا سويتها على الضو يارباااه الييييمه طعمها غير<~كل هذا من العنوان ض1

يازين ذا اشوف زينااااه

أقتباسس/ كم مره تقول بروح اتروش ثم لاشفت المويه بارده هونت ؟

أقتباس

سؤال اليييم

بس احس انك صافطه او ناسيه اختراع السخانه ض1

أقتباس
( الأظطراب العاطفى الموسمي )

لاتعليق

أقتباس
س/ قولو لنـا نفسياتكم مع بداية الشتـا كيف تكون تحبونه ولا لا ؟

حماااس + ونااااسه

أقتباسصح نسيت أسالكم نزلتو ملابس الشتا ؟

أقتباس
ليه لاجا الشتا نسأل بعض نزلتو ملابس الشتا ليه نقول نزلتو
يعني ضروري تكون فوق ؟

ماقد مر على زي ذا السؤال ض1

أقتباس
ازرق و بني و اسود و احمر
< ليش مافيكم احد يتجرء و يلبس لون احمر

ولله الازرق يالبيه خاصه مع غتره بيضاء يوووه الييم<~علم الهلال ض1

والبني بعد قمه

بس الاسود اعوذ باالله تقول عبايه مااقد لبسة اسود ض2

ام الاحمر خير وين قاعدين جلابيه ض1

بس على طاري الاحمر ولله اشوف عيال يلبسون عنااابي ههههههههه

أقتباس
الدفايه
الدفايه كم شخص يتحاشرون عندها وكل واحد يدف الثاني برجله ويقول وخر مكاني

اذا شفتها شغاله اجلس عندها شوي

بس مااحرص عليها

أقتباس
س/وش الأكل اللى ماتستغنى عنه بالشتا ؟

الاكل هو نفسه مايتغير

بس التغيير يصير في المشروبات يعني مافيه غازيات ولا فيه بيره ق1

مافيه الا قوة زنجبيل ق1

عنفوان

موضوع قمه قمه لاهنتي

سيدة خلانها · 20-11-2009, 03:26 AM

.

.

اهليين عنفوان
جانااا مهجدنا
ابي اطلع لـ البر صار لي سنتين اطلب اهلي ويقولوموب فاضين
يارب نطلع للبر هالشتاء ترا حدنا استراحه ويخب
المهم انا انسانه اكره الشتاء بس انام مااشوف اهلي الا قليل
وغير تسذا اكرهه لاني عجزه ازين لي اكل تالي الليول لاني اذا قعدت ماقمت
فـ الشتاء اصير سودانيه من قلب ونفسيه
بالنسبه لدفايه اكثر وحده اقدره مع اني مااجلس عليه كثير
لاني اذا جلست منب قايمه منه عشان تسذا ماتعودت عليه

أقتباس يعني ضروري ننتبه ونحرص منها

أموت على اللي يهتمون وينصحون
المطر يقولون يازينه بالبر ابي اطلع

الله وبالبر
فـ الشتاء عندي اهم شيء النعناع
البس والخلاقين بالشتاء غير
مع اني اكره كثرة الخلاقين بس ازين مابه نكشخ
قبل امس رحت لسوق تسذا شفت الناس مشتيه والبضاعه كله
شتاء قلت ول عليكم ماصدقتو خبر وهو مابعد جاء المهم اني اشتريت
سليبرز وشراريب والزي منوه وماصورة الا هالصورتين
وبما ان محد نزل قلت انزل كود ينزلون ص1

حبيت شكله ولونه

هالسليبرز شتاء وصيف برجولي
يلا نزلو والا ماانزل الباقي لا2 ص1

أقتباس

وننسى ان فيه ناس يموتون جوع وبرد يعني شي يضيق الصدر
لاذكرت ان فيه احد ممكن مايلقى شي يدفيه ..
لا اكل ولا بطانيه وعندهم اطفال يارب اغنهم بفضلك عمن سواك
ياليت نهتم فى الفقراء فى الفصل هذا بالذات لانه اذ هو متعه لنا
فهو ذل وحاجه لهم ..
ياليت نتصدق بكل شي فلوس لبس مواد غذائيه ادوات كهربائيه
قـد مانقدر نوفر لهم كل الاشياء اللى يحتاجونها فيه ناس يعـفـون انفسهم

من السؤال : (

يارب يامن تعلم احوال عبادك وحاجتهم وضعفهم اليك
اللهم لاتحوجني لغيرك فانت الكريم المعطي بلامن
الجواد قاضي الحاجات اسئلك من فضلك
الحمدلله ياربي على النعمه ..
- المخرج
شكراً مستر شنب f..
شكراً عنفوان
..

**ملك روحي** · 20-11-2009, 06:10 PM

أحبك والشتاء توه علي الأبواب
وأخبر أنك تحب الشتااا زيي
يامساء العطر
عنفوان وش هالطله الحلوه؟

الشتاء وه وه بس يا أنا أعشقـه بقووه
استغرب كثير اذا سمعت حدا يقول مايحب الشتاء ( فيس يناظر انين المشاعر )ض1
مافيه فصل احلى منه يكفي الأجواء تكون حلوه وبارده حتى اعصابنا تصير كول
كل شيء فيه حلو حتى اصغر التفاصيل لها طابع خاص
الهوت شوكلت , الشوارع المبلوله , الضباب ,حتى الجامعه تصير حلوه ض1

المشكله الوحيده بالنسبه لي في الشتاء
وقت الدوام لما اسمع المنبه وضروري اصحى :(
مع البرد يحلو النوم بقووه :(

ما أشرب هالشيء أنا
مافيه قهوه؟
ض1

حنا على أبواب الشتاء ! " / والشتاء برد !
و النار هــذي ,, ما يدفي ,, حطبها !
و [ برد الشتاء ] /واقف على ضلوعي الجرد !
وعيني , أشوف الدمع / يأكل هدبها ..!
يا ورد ! ما مرك ,, دفــا العمر / يا ورد ؟
عدّت سنينك / ما أعرف اللي سلبها ..

الله خقيت :(

موضوعك كامل و تفاصيله ممُتعه
روعـه كثير
حسيت بالبرد ض1

تعالي دايم

وشكرا قد الدنيا لـ الراعي الرسمي

..

مثبت + متـوج

19-11-2009, 03:32 AM	#1
عنفوان قلم رفيع المستوى	...\|[ ـو ريـح السٌمر فى ثيـابه .. + لاستعداداتكم الشتويـة .. .. حنا على أبواب الشتاء ! " / والشتاء برد ! و النار هــذي ,, ما يدفي ,, حطبها ! و [ برد الشتاء ] /واقف على ضلوعي الجرد ! وعيني , أشوف الدمع / يأكل هدبها ..! يا ورد ! ما مرك ,, دفــا العمر / يا ورد ؟ عدّت سنينك / ما أعرف اللي سلبها .. أشتقت لـ شتاء رغـم قسوته وذاك الضيق الذي يحبس انفاسي مع بدايته الشتاء وأجوائه المفعمه بالجمـال والطبيعه وصوت الرعد والبرق وهـما يحملان بشـاره بهطول مـطر يغـيثـنا الضـيق والبرد القـارس الذي لايغني عن زمهريره معطف ! ضريبه كل هـذه النعـم لله حمـدا كثيرا يليق بجلال وجهه وعظيم سلطانه.. - السلام عليكم ورحمة الله وبركاته بعيدا عن ابجديات الفصحى سأتحدث لكم بعفويه عـاميه هي الأقـرب نسمع ان فيه اربع فصول فى السنه لكن حنا مانعرف الا الصيف أو بالاصح القيض اللى يشويك لين تستوي ولا الشتا اللى يدخل فى عضامك لين يفرزنها والرياض استحدثت فصل خامس وهو فصل العج اللى من جد نعيشه بحذافيره وبما ان حنا على ابواب الشتا فـ كل شي يتغير نظام الأكل النوم اللـبس حتى النفسيه فيه ناس يحبونه مره وفيه ناس لا انا مثلا من الناس اللى اذ جا الشتا جتني نوبة كـأبه فى الليل مـدري ليه مع أني ماحب الشتـا لانه يقيدني واحس اني زحمه وانا امشي إلا ان اجوائه وحشتني* اكره الشتا لأسباب ان الخلاقين تكثر يعني وش مالبست ماادفى مااقدر اتحرك بسهوله تتجمد اطرافي لازم احط الدفايه بحظني وعساها تسد وتجيني فيه قوة نوم ميب طبيعيه بس بالمقابل طبعا فيه أشيااااء كثيره تخليك تعشق الشتا بجنون وتتحمل طقوسه الغريبه بس لاحظت شي مهم..! في الصيف مثلا الصبح او الظهر بالعاده نفسياتنـا يـا اهل الرياض شييييينه يعني السياره مضلله اناظر فى الاشاره الكل معصب وتحسه طفشان هذا وهو الصبح طيب ليه ؟ الشمس اللى صاكته مثلا الليل اللى قصير ومايخليه يشبع نوم الحـر ؟ عكس الشتا يخلي نفسية الواحد حلوه وتشوف الكل مسفهل عاد لاصارت تمطر الصبح يصيريون حلييييوين وتحس كنا نعرف بعض حتى وحنا فى معمة الزحمه وتحويلات الملك عبدالله تصير على قلبك زي العسل س/ كم مره تقول بروح اتروش ثم لاشفت المويه بارده هونت ؟ -ترا صحيا انك تتروش بمويه بارده وتشرب بعدها كاس بارد بس محد يقدر يسويها ..! كنت أتوقع أني أنا بس اللى أحس بضيقه بدايه الشتا بس سألت بنات وصار فيه كثير كذا طبعا اللى احس به موب ضيقه مدري وشو بالضبط بس تحس ان فيك كمية شجن وحنين مدري وشو بالتحديد بس شعور غريب..! أشتهي أكتب فيه كثيييير يعني شهية الكتابه عندى تصير بشراهه سويت بحث بقوقل واقتبست لكم دراسه تـقـول ان الأكتئاب هذا أسمه ( الأظطراب العاطفى الموسمي ) أقتباس الاضطرابات العاطفية الموسمية (SAD)، هي نوع من الكآبة الذي يلي تتابعالفصول، والتقلبات الجوية أكثر تأثيراً علي الحالة النفسية والمزاجية للإنسان وعليسلوكياته، ومن أكثر أنواعه شيوعاً كآبة الشتاء. وتبدأ عادة في أواخر الخريف، وأوائلالشتاء، بينما تختفي بحلول الصيف. أما النوع الأقل شيوعاً فيعرف بالكآبة الصيفية،ويبدأ عادة في أواخر الربيع أو أوائل الصيف. ويختفي بحلول الشتاء. ويعتقد بأن سببه يرتبط بالتغييرات في كمية ضوء الشمس في الأوقات المختلفة من السنة .ـ ويعتبرالاضطراب الفصلي غير مفهوم بالشكل الكامل.. ولكن وجوده ثابت، وهو أكثر حدوثاً ممايظن البعض، والأكثر تعرضاً لهذه الحالة هم الشباب والنساء، ويخص البعض النساء أكثرمن الشباب، وهنالك العديد من العوامل التي تزيد احتمال حدوث هذا الاضطراب كالحالةالوراثية والشدة النفسية، كما تلعب بعض النواقل العصبية دوراً مهماً في هذا المجال - طبعا الدراسه هذي فيها شي من المصداقيه بس مسألة اني احتاج لضوء شمس ماتوقع ابد .. لان دايم احب النور يصير خافت مره س/ قولو لنـا نفسياتكم مع بداية الشتـا كيف تكون تحبونه ولا لا ؟ جمرة غضى .. أضمها بكفي أضمها حيل . . أبي الدفا .. لو تحترق كفي وأبيسفر لليل بردان أنا تكفى .. أبي احترق بدفا لعيونك التحنان .. فعيونكالمنفى جيتك من الإعصار .. جفني المطر .. والنار جمرة غضى والله الجفا برد .. وقل الوفا برد والموعد المهجور ما ينبت الورد ياحبي المغرور .. ياللي دفاكاشعور رد القمر للنور .. واحلى العمر .. في وعد بردان .. بردان أنا تكفى.. أبي احترق بدفا يا أول الحب .. شفتك أنا مره واهديت لك قلب ورديت لي جمرة ومن يومها كان الرحيل وليل الشتا .. القاسي الطويل وآه ياالحنين لليل باب له حارسين برد وسحاب حزين من الشتا والاحزين من الظما ياطير دخيل الريشتين اللي تضفك حل عن عيني دخيل الما وملح الما وحزن الما قبل ماتطير تهيا للهبوب اللي تصافق في شراييني دخيل الغصن والظل الهزيل وهفهفات إعصير دخيلك لاتشح بنجمتي والليل ممسيني ترفرف يافقير الريش ضيقه والنهار قصير علامك كل ماليل جناحك جيت ساريني انا ماني بخير وجيت يمي وانت مانت بخير وانا ياطير في من الهجاد اللي مكفيني ترى لوشفت لي ظل ومهابه في عيون الغير ترى كل الزهاب اللي معي جرحي وسكيني ألف غصن من اليباس .. فز لاجلك .. وانثنى .. اكسري الاوهام كاس .. وان عشقتيني انا .. ما ابي من الناس .. ناس .. ما علينا .. لو طربنا وانتشينا آه .. ما ارق ( الرياض ) تالي الليل .. انا لو ابي .. خذتها بيده ..ا ومشينا .. وين احب الليله .. وين اهيم .. اقبلي مثل ديم .. أو غصون النار تنبت فـ الغضى .. وبين ما خلى من النخيل الفضا .. وما نسى الغيم .. أقبلي .. يا بختري عيوني من الربيع .. وطل وجهي من الشتا .. ومثل صوتي من الهبوب .. اقبلي مثل الرياض .. من تعاريج الدروب .. في ضلوع الوادي .. وين حبيتك قمر .. فوق طين أجدادي .... كل ما قربت يدينا .. ناض طير.. وجض ريم .. كنا فى اواخر الشتا قبل اللى فات زى اليومين دول عيشنا مع بعض حكايات انا كنت لما احب اتونس معاه انا كنت باخد بعضى واروحله من سكات والناس فى عز البرد يجروا ويستخبوا وانا كنت بجرى واخبى نفسى قوام فى قلبه ولحد لما الليل يليل ببقى جنبه وافضل فى عز البرد وياه بالساعات على سهوة ليه الدنيا بعد ماعشمتنا وعيشتنا شوية رجعت موتتنا والدنيا من يوميها ياقلبى عودتنا لما بتدى حاجات اوام تاخد حاجات وسط الشوارع ناس كتيرة مروحين والناس يا قلبى هم هم وهو فين وانا ماشية بتلفت وبسال كل يوم بيعمل ايه دلوقتى وبيحلم بمين والناس فى عز البرد يجروا ويستخبو وانا كنت بجرى واخبى نفسى اوام فى قلب ولحد لماالليل يليل ببقى جنبه وافضل فى عز البرد وياه بالساعات على سهوة ليه الدنيابعد ماعشمتنا وعيشتنا شوية رجعت موتتنا والدنيا من يوميها يا قلبى عودتنالما بتدى حاجات اوام تاخد حاجات صح نسيت أسالكم نزلتو ملابس الشتا ؟ ليه لاجا الشتا نسأل بعض نزلتو ملابس الشتا ليه نقول نزلتو يعني ضروري تكون فوق ؟ احب ادخل السوق فى الشتا واشتري كل شي جديد ايس كاب , سيلبرز , بجامات , قلفصات , سكارفات , كل هذي الاشياء ضروريه بالنسبه لنا الشتا تصير الاناقه فيه اكثر وبالتحديد الشباب نحس بتغير يعني موب ثوب ابيض نشوف رمادي انيييق اللون هذا ازرق و بني و اسود و احمر < ليش مافيكم احد يتجرء و يلبس لون احمر المهم نبي صور لاول شي شتوي تسوونه او تشترونه مافي شي معين بس أي شي يخص الشتاء مثلا : اول ماتشبون في بيت الشعر ولا بالمشب دفايتك ملابسك كل شي كل شي شتوي الدفايه الدفايه كم شخص يتحاشرون عندها وكل واحد يدف الثاني برجله ويقول وخر مكاني ياهي تجيب لي النوووم احسها ادمان لاحد يجي يقول قديمهفيه تدفئه مركزيه الشتا بدون دفايه زي هذيك اللى لها رجلين ماله طعم بس ماننسى ان فيه بيوت احترقت بسببها..! يعني ضروري ننتبه ونحرص منها مطر .. مطرلك وحشه يامطر ودي ابلل روحي بغيثك واركض وانا حافي ودي ارمي مضلتي وما اخلي بين وبين السما حاجز اللهم اغثنـا يارب غيثً نافعً غير ضار وحشنا المطر بقوه سبحان الله المطر يغير جوك ميه وثمنين درجه يعني كفيل انه يقلب مزاجك لو كنت متضايق الدعاء مستجاب فيه التخيم وقته له لذه امس الجو كان غيم شوي ان شاء الله تمطر قريب يااااه لا مطرت و خيمنا وريحة السـمر تقعد في ملابسي ايام ماودي اغسلها ومن كثر مااعشق ريحة السـمر ونتحاشر فى السياره مع عمي ويطعـس بنا احب اخيم فى البر ماعندي مشكله بس بشرط ماانام فيه يعني اقعد من الصبح لين الليل بس اذ جا وقت النوم ضروري ارجع البيت أذكر مره اضطريت اقعد وعصبت وقلت توبه اروح مره ثانيه مابه رعد لا برق ، ما غير هتان عشقٍ جمع ما بين قاعٍ وغيمه فيض على صدر الثرى دمع الأمزان همس النديم اللي يعاتب نديمه صوت المطر كنه تعاتيب خلان . . . . . جريـش ق1 قرصـان وانت برررردان شاهي بحبق زنجبيل بلاك كوفى سوفليه صدى التحليه هذا وقته من كثر ماهو ضروري بحياتي احسه وصفه طبيه ليل الشتا طويل يعني الواحد يميده يتعشى ويحلي ويجوع عشان كذا سموه ابو عشاوين محلى احبهاااااا بقوه فى الشتا مع قهوه عربي واكلها وانا عيوني تـدمع من الحطب س/وش الأكل اللى ماتستغنى عنه بالشتا ؟ صوروا لنا باقي شي لازم أذكر نفسي وأياكم فيه الحمدالله حنا لاجعنا نشتهي ناكل ونقول هذا نبيه وهذا لا مانبيه : ) وننسى ان فيه ناس يموتون جوع وبرد يعني شي يضيق الصدر لاذكرت ان فيه احد ممكن مايلقى شي يدفيه .. لا اكل ولا بطانيه وعندهم اطفال يارب اغنهم بفضلك عمن سواك ياليت نهتم فى الفقراء فى الفصل هذا بالذات لانه اذ هو متعه لنا فهو ذل وحاجه لهم .. ياليت نتصدق بكل شي فلوس لبس مواد غذائيه ادوات كهربائيه قـد مانقدر نوفر لهم كل الاشياء اللى يحتاجونها فيه ناس يعـفـون انفسهم من السؤال : ( مخرج..! * رُوي عن ابن مسعود رضي الله عنه أنه قال: "مرحبًابالشتاء.. تنزل فيه البركة، ويطول فيه الليل للقيام، ويقصر فيه النهارللصيام". - بل كان الصحابة -رضي الله تعالى عنهم- يرون أن صيام نهار الصيف يعدل قيام ليل الشتاء في الأجر والثواب؛ ولعل هذا أحد أسباب بكاء معاذ رضي الله تعالى عنه عند موته؛ إذ قال: "إنما أبكي على ظمأ الهواجر، وقيام ليل الشتاء،ومزاحمة العلماء بالركب عند حلق الذكر". -وعن الحسن قال: "نِعْم زمان المؤمن الشتاء، ليله طويل يقومه، ونهاره قصير يصومه". شكـرا للمصـمم ● мя.šнηв » ولـ الراعـي الرسمي سيـدة خلانـها . التوقيع: وياصاحبي ماهي عليّ مقاضيب عذروبي انك ذخري اللى ذخرته عذروبي أنك شوهتك الاكاذيب عذروبي انك جاك طيب ونكرته ومن رحت مني قلت ياعلك مصيب دورت لك عذر كريم وعذرته للي يبي بعدي انا ماني قريب هو ماربحني والا انا ماخسرته رغم الجروح اللى بقلبي معاطيب حبيت كفين الزمان وشكرته التعديل الأخير تم بواسطة عنفوان ; 19-11-2009 الساعة 04:40 AM

19-11-2009, 03:49 AM	#2
سَـلامْ ، . . : زعيم القناصين : . .	رد: ...\|[ ـو ريـح السٌمر فى ثيـابه .. ..، أقتباس -وعن الحسن قال: "نِعْم زمان المؤمنالشتاء، ليله طويل يقومه، ونهاره قصير يصومه". ..، صَبَاحك لحظات الدفئ التائهة .. بين أضلاع الشتاء ، يا حلو الشتاء ويا حلو أيامه.. بالنسبة لي أنا أحب هالأيام من السنة بشكل خاص .. مو بس الشتا .. يعني وقت الحج اللاااااهـ، <<محد عاش الاجواء لما سمع التكبير في الجامعه امس موضوعك مره حلو ولما دخلته دفيت لي عودة ان شاء الله ، لكن السطر الأخير من موضوعك حرك فيني الشيء الكثير ، سلمتي عنفوان ، ..، التوقيع: دِبنا ع غيابك دِبنا https://twitter.com/Rossulami

19-11-2009, 04:29 AM	#3
مـآكِنتُوشٌ ( صخَب المجلس )	رد: ...\|[ ـو ريـح السٌمر فى ثيـابه .. ^ اجل دفيتي شكيت انها توزع بطانيات نجي لموضوعكـ الطويل والقميل ياقميله انا من الناس اللي احب الشتا الصراحه لاني انسانه اقدر شي اسمه نوم وبالشتاء ادخل سبات شتوي رررهيب اشد من النمل أقتباس س/ قولو لنـا نفسياتكم مع بداية الشتـا كيف تكون تحبونه ولا لا ؟ ايييييييييه احبه بس مادري ليش العالم مايحبونه ويصيرون مكتأبين وش احلى من انك تخم الدفايه وتنام أقتباس س/وش الأكل اللى ماتستغنى عنه بالشتا ؟ صوروا لنا المشروبات الدافيه بشكل عام الزنجبيل بالنعناع بشكل خاص عنوفه <لاعمرك تدلعين صراحه موضوعك يهبل وبوقته ويمكن ارجع له أقتباس كنا فى اواخر الشتا قبل اللى فات زى اليومين دول عيشنا مع بعض حكايات وانا اقول فيه حاجه غلط بالموضوع اللحين وش جاب اليسا التوقيع: \| التعديل الأخير تم بواسطة مـآكِنتُوشٌ ; 19-11-2009 الساعة 04:32 AM

19-11-2009, 04:37 AM	#4
ألـỏỠـلوב آلهلآلے قناص مميــز	رد: ...\|[ ـو ريـح السٌمر فى ثيـابه .. كل عام وآحنا للشتاء أقرب .. وييييييييييييييينه هالشتاء :( تآخر من جد .. :/ الصور لوحدها تخلي الواحد يتذكر :( ويتآلم ، ويتامل إن هالشتاء يجي على خير وبصحة وسلامة < من اللى لاعب عليه ويقول انه عيد عمومًا .. نتمنـى لكم آوقاتًا سعيدة بجميع آيام السنة .. عوافي خيتو ! التوقيع:

19-11-2009, 05:19 AM	#5
ღ.¸¸.BeSho.¸¸.ღ قنــاص فعــال	رد: ...\|[ ـو ريـح السٌمر فى ثيـابه .. وعليكم السلام ورحمة الله وبركاته.. موضوعك جاء بوقته.. اموووووووت ع الشتاء احبه احبه بس لما اتذكر معناتنا مع البرد القارص خخخخ اقول مابيه كأنه يشاورني عاد خخخخ احبه بكل تفاصيله اللبس الاكل النوم والدفااايه نغليها بالشتاااء مرااا وبالنسبه للمشروبات احب المشروبات الدافيه اللي تسويها الماما.. وصادقه ذبووول حتى انا دفيت موضوعك مراا اعجبني.. عيشتنا جو الشتاء بكل تفاصيله.. تسلميلنا ياااذوق.. التعديل الأخير تم بواسطة ღ.¸¸.BeSho.¸¸.ღ ; 19-11-2009 الساعة 05:22 AM

19-11-2009, 05:29 AM	#6
ياسره الهلاليه قناص مميــز	رد: ...\|[ ـو ريـح السٌمر فى ثيـابه .. آه يااشتاء بس يالبيه قسم قسمات انوه اطلق فصل بين الفصول عنفوان موضوع راقي وعن اشتاء الحلو يقلون النفسيه تخرب والبشره تسمر والناس تعصب وتمرض بس عاد انا اعشقه أحب النار واحب لمه الناس عند بعض والمزاج يضبط وفي هذا الصيف يحلو السرير بعينك وماودك تقوم منه والحشرات تخف والهواء الحار يويلي والامور تظبط ويقلون ان اشتاء تدفى مشاعر العشاقين هم يقلون انا مالي دخل والاغاني الي فيها برد تشتغل قسم اذكر قصيده لخالد عبدالرحمن لايمكن انسى ذيك الايام الشتويه وانا اسامعه ((لظروف احكام والله يعين اهل الهوى)) ((وانت ياليل الشتاء ماطرى لك تنتهي)) ((والحبيبه روحت وانت تحسبنا سوى)) ((آه ياليتك تدري الحين انا وش مشتهي)) واذا على تنزيل الملابس ياعنفوان انا مسكت جدتي العجوز وماخلينا محل يزعل علينا بس ياهم منزلين اشياء مره حلوه والالون مره هاديه وخاصه البناطيل الموضه الحين خطيييييره حقتهم واذا على اللون الاحمر ياعنفوان يلنبس وكثير بعد بس مايكون فاقع لا يعني هادي مثل لون الفيس هذا >>ههههههههههه والاكل انا اعشق شي اسمه ((برتقال))بالشتاء موسمه عنفوان برتقاله لك وبرتقاله لي وبس احب الشاهي كثير بالشتاء موضوعك حلو واشتاء احلى تقبل مروري وكل عام وانتم بخير التوقيع: التعديل الأخير تم بواسطة ياسره الهلاليه ; 19-11-2009 الساعة 05:37 AM

19-11-2009, 07:25 AM	#7
d.lost قناص عالمي	رد: ...\|[ ـو ريـح السٌمر فى ثيـابه .. . وعليكم الســـلام ورحمة الله .. ومن منا لايرى وقوفه على بابه .. أقتباس مطر .. مطرلك وحشه يامطر الله يرزقنا الأمطــار والخير .. ياما حلا عقب العصر ..شب النار .. في مجلس كل النشاما يجونه .. يلفونه اكبــار ..ويلفونه اصغــار .. من طيب من هو فيه ويقدرونه .. (هذي طراة الروح لاصرت محتــار ..) آخير من بيتِ هَلًــه يزلجونــه .. عنفوان .. سَلم هذا الفكر في كل الفصول .. وشكرا برائحة السمر والخزامى .. . التوقيع: . .

19-11-2009, 10:39 AM	#8
انين المشاعر . . : زعيـــم قناصيـــن : . .	رد: ...\|[ ـو ريـح السٌمر فى ثيـابه .. \|’, مرحبآ عنفوآن ... منورتنآ.. آلشتآء ومآدرآك مآلشتآء .!؟ آنآ وحده بيني وبين الشتآء عدآوه . منب آحبه أبداً .. لان الشتاء خرآبيطه كثييره من خلآقيين مضآعفه لمآدري وش مغير نلبس ونلبس وعسآنآ ندفأ شوفي آلرجآل هم الي بيروق لهم الجو بقوه .. آمآ الحريم ثلآث آربآعهم مب رآيق لهم الجو عشآن بزرآنهم وتطفيحهم ..........الخ ام الربع الباقي بيجوز لهم الجو .. عشآن ينخر البرد عظآمهم ..لان حنا ماعندنا برآد زي العالم آمآ الصيف يآلبى بس ق1 .. بس تكييف وتكيفين على الجو .. أقتباس س/ كم مره تقول بروح اتروش ثم لاشفت المويه بارده هونت ؟ -ترا صحيا انك تتروش بمويه بارده وتشرب بعدها كاس بارد خخخخخخخخخخخخخخخخخخخخخخخخخخخخخخخ كثييير نسويها .. ولاجينآ لَ صحياً ثلاث ارباع الي نسويه غلط .. الله يرحم بحآلنآ بس أقتباس س/ قولو لنـا نفسياتكم مع بداية الشتـا كيف تكون تحبونه ولا لا ؟ آممممممممم ,’ يمكن آكثر شي تكون متخوفه من الشتآء وبرآده ض1!! آمآ احبه مسستحيل .. لانه مقلقين بالملآبس الي تدفي والفرفره بالآسوآق أقتباس [ صح نسيت أسالكم نزلتو ملابس الشتا ؟ آي .. عندك حريم اول مآيسمعون طآري للشتاء تلقين الملآبس متنزله بس البطآنيآت لا أقتباس الدفايه الدفايه كم شخص يتحاشرون عندها وكل واحد يدف الثاني برجله ويقول وخر مكاني حنآ نتعآمل مع فحم آمآ دفآيآت لا أقتباس س/وش الأكل اللى ماتستغنى عنه بالشتا ؟ صوروا لنا أقتباس الفريكه مع قهوه خل يجي الشتآء صدق وآبشري بعزك " عنفوآن " رآئعه أطلالتك شُكراً لكِ ,’\|

19-11-2009, 11:31 AM	#9
سَـلامْ ، . . : زعيم القناصين : . .	رد: ...\|[ ـو ريـح السٌمر فى ثيـابه .. ..، أقتباس- السلام عليكم ورحمة الله وبركاته - وعليكم السلام ورحمة الله وبركاته ، أقتباسبعيدا عن ابجديات الفصحى سأتحدث لكم بعفويه عـاميه هي الأقـرب وهـَ اللي تحكين به الحين وش ؟ حلوة بكل حالاتك أقتباس عكس الشتا يخلي نفسية الواحد حلوه وتشوف الكل مسفهل عاد لاصارت تمطر الصبح يصيريون حلييييوين وتحس كنا نعرف بعض ههههههههههههههههههههههههههههه إيه أحب المشاوير الصباحيه في الشتا طبعا احبها وانا جالسة في السيارة وأتفرج ع الخلق مب انزل في البرد <<وانتي ما لك شغله الا خلق الله ؟ أقتباس س/ كم مره تقول بروح اتروش ثم لاشفت المويه بارده هونت ؟ ولا مرّة سخّانات الموية وش وظيفتها ؟ أقتباس كنت أتوقع أني أنا بس اللى أحس بضيقه بدايه الشتا بس سألت بنات وصار فيه كثير كذا طبعا اللى احس به موب ضيقه مدري وشو بالضبط بس تحس ان فيك كمية شجن وحنين مدري وشو بالتحديد بس شعور غريب..! مشكلة البنات رومنسيات بزيادة <<وانتي بالله من أي جنس بشري ؟ أقتباس( الأظطراب العاطفى الموسمي ) يعني في الصيف نكره وفي الشتا نحب ؟ وباقي الفصول وش نسوي فيها ؟ - نعيش في فراغ عاطفي أفضل أقتباسس/ قولو لنـا نفسياتكم مع بداية الشتـا كيف تكون تحبونه ولا لا ؟ يتعبني البرد ..ياااالله اقوم الفجر إلا إن اللي ما يحب الشتا .. مدري ع أي أساس بيحب باقي الفصول..، أقتباس ألف غصن من اليباس .. فز لاجلك .. وانثنى .. اكسري الاوهام كاس .. وان عشقتيني انا .. ما ابي من الناس .. ناس .. ما علينا .. لو طربنا وانتشينا آه .. ما ارق ( الرياض ) تالي الليل .. انا لو ابي .. خذتها بيده ..ا ومشينا .. وين احب الليله .. وين اهيم .. ، أقتباس صح نسيت أسالكم نزلتو ملابس الشتا ؟ ليه لاجا الشتا نسأل بعض نزلتو ملابس الشتا ليه نقول نزلتو يعني ضروري تكون فوق ؟ حنا ما نقول نزلتوا.. نقول شريتوا ؟ أقتباس ازرق و بني و اسود و احمر < ليش مافيكم احد يتجرء و يلبس لون احمر هم بالأبيض يالله ينبلعون تبينهم يلبسون احمر وش يطلعون ؟ أقتباس الدفايه الدفايه كم شخص يتحاشرون عندها وكل واحد يدف الثاني برجله ويقول وخر مكاني ههههههههههههههههههههه الدفاية نكتة الشتاء في منزلنا العامر مِن كثر ما نتهاوش الماما والبابا قاموا بتوفير مدفئات بعدد مهول جدا في كل غرفة تلقين دفاية بحيث تغطي طلبات جميع افراد المبزرة واللق لق طبعا انا انتمي لـ اللق لق - أحسن شي شغلي التكييف ع الحار أقتباس بس ماننسى ان فيه بيوت احترقت بسببها..! يعني ضروري ننتبه ونحرص منها :( أنا أشهد ان موضوعك شامل وكامل وما خليتي شي أقتباسمابه رعد لا برق ، ما غير هتان ع ـطاري الرعد ذكرتيني بسالفه مرة كان وقت شتا ، ليل والكل في سبااات انا جالسة عند التي في وبابا غَلَب عليه النعاس ونام عند التي في البيت هادي مررره .. إلا ويجي صوت الرعد :\| انا عادي ما خفت .. جا مرة ثانية قوي :\|:\| إلا واقوم انط فريييرة فوق وأخم بطانيتي لما جا الصباح بابا جلس يهزأ بي وخلاهم يضحكون علي :( هههههههههههه كان نايم بس حس بي وانا طايرة أقتباس جريـش ق1 قرصـان وانت برررردان سجع أقتباسس/وش الأكل اللى ماتستغنى عنه بالشتا ؟ ألأكلة الرسمية للعائلة في وقت الشتاء - كستناء مشوية عنفوان ، ما شاء الله بس ..تعبت وانا ارد موضوعك مرّة حلو : $ أيامك دافئة ان شاء الله ، رغم ان شتانا مب صاحي - يعطيك العافيه انتي ومستر شنب وما تهون الراعي الرسمي : $ ..، التوقيع: دِبنا ع غيابك دِبنا https://twitter.com/Rossulami

19-11-2009, 12:55 PM	#10
O X Y G E N . . : زعيم القناصين : . .	+ اُريد معطف الشتاء الأبيض ! والناس فى عز البرد يجروا ويستخبو وانا كنت بجرى واخبى نفسى اوام فى قلبُه مسائك دافيء يارقيقه : $ وللشتاء في داخلي ذكريات حالمه ذكريات لايعلمها سوى معطفي ومظلتي الصغيره الشتاء كلما كانت برودته قارسه ’ ادفاء في جمر اوراقي الماضيه للشتاء شيء خاص في داخلي اعشق ألوانه الكثيييره , ارتدي مايقارب فوق الاثثنين واعلم ان التدفئه واحده فأفتقدها ! قهوتي الساخنه .. مدفئه امامي .. اوراقي وقلمي .. وبعض من تدوين شتاء هذه السنه دونه اعششق الهدوء الساكن , اعششق المطر , اعشق اركان الاجواء في كُل مكان وزمان اعششق رائحة السمّر , كل مايُحضره الشتاء شبه فاتن لي اشعر ايضآ بأن الحروف تكون مُختلفه , وحديث الفصول لايُقارن بفصل الشتاء + الصباح له طراز خاص عند خروجي له في الشتاء الأشخاص جميعهم مختلفين , ارواحهم طيبه وتحلو بسعاده + المساء إزدحام الشوارع , ورائحة الكوفي تبعث من كل مكان هي تلك الأوقات تحلو لهم فلنجعلها شتويه ملونه بهم قد يكون شتائي هذه السنه .. مُبتعث من السمااا ان اكون قويه لإدفاا بطريقتي فلامدفئه تحميني من البّرد القارس , ولامظله تكون حاجز المطر عني ! سوى إحتضان الاقدار اتمعن في ان يكون قريب لي بعد الإفتقاد (( وريح السمّر في ثيابه )) سأكون هُنا قريبه بعدسة تلتقط اجوائي هذه السنه من فصل الشتاء من : ماارتديه , ركُن جلوسي , ..... الخ ستكون لي عوده اقوى ,, : $ + عنفوآن رائعه ياطفلة الشتااااء شعرت بالدفء في إنسكاب احرفك التوقيع: \| استودعكم الله الذي لاتضيع ودائعه ! ] ask.fm,flickr , twitter , tumblr , instagr.am

19-11-2009, 02:14 PM	#11
الفخامه شاعِـره	رد: ...\|[ ـو ريـح السٌمر فى ثيـابه .. رغم هدوء ليالي الشتــــــــاء..! الا انك تجد [ضجيجاً] داخل قلبك أينما ذهبت..عيونك لاتحكي .. سوى الحزن.تجلس,, وحيدا حائرا ,, بأحزان محملا بهمومك [وأشجانك] في غرفتك المظلمه ,,لاتسمع سوى ,, صوت وقع [المطر] على نافذتك..! تتناثر قطرات [ المطر ] بهدوء ورقه وكأنها تهمس ,, في آذاننا بصوت خافت تفاءلوا., مازالت [الحياة] مستمره ومازال ,, الأمل ,, موجودا مازالت ,,تلك القطرات,, تنهمر وتطرق نافذتك بلطف ,, فتذهب,, لتتأملها ,,عن قرب وتقف,, أمام ,, النافذه. تراقب,, جمال[ المطر ] فترتسم عليك,, [الابتسامه] وتنسى,, همومك ولو للحظات بسيطه..,وستشعر ,, بالحنين إلى كل شي ,.! إلى ,, [طفولتك]وإلى تلك,, السنوات التي,, مضت,, من عمرك ستحن إلى,, قلوب [افتقدتها]وأحاسيس نسيتها ..! ستغمض [عيـنك] وتسترجع شريط ..أحلامك.. بحب ستنسى,, كل,, مابقلبك من,, نقاط,, [سوداء] عندما ترى ,,نقاء المطر تذكّر كل ,,صفاتك ,,الجميله التي نسيتها ..بفعل متاعب .. [الحياة]والأوقات القاسيه .. وليالي السهر الحزينه تذكر كل.. ماكنت,, تفعله قبل ان يدخل شعور ’البؤس’ إلى قلبـــك..بسبب حب انتهى ,, أو حلم ..تلاشى أو صدمااات ..اخترقت.. [قلبك]ومنها تشبّع .. وارتوى. تذكّر أنك ..كنت [ رائعـــاً ]ومازلت كذلك ..! لكنك نسيت ..نفسك بين,, متاعبك وتركتها ضحية لأحزانك..ولأحقاد غيرك وظلمهم فلاتظلم نفسك,, بأن تقيدها ..بالحزن ألا يكفيها قهر الزمن .. وظلم البشر ..!! مازال [المطر] ينهمر..ويشتد وقع صوت تلك ,,القطرات على نافذتك فتصحو من أحلامك..!وتشعر بضيف ,, يريد ,,دخول غرفتك تفتح النافذة ,,آذناً لها [بالدخول] فتحتويك تلك الرائحه ..الرائعه التي تغلف,, قلبك [بالحياة] انها "رائحة المطر" .. هنــــــا أهمـــــس لـك: اجعل من نافذة غرفتك وكأنها... نافذة حياتك واجعل من قطرات المطر... [أمـــــــلا]واسمح له بالدخول... ليس على غرفتك فحسب بل إلى ... حيــــــــاتك وتفاءل .. عش محباً ,, لنفسك ,,وصادقاً معها،، كي تحب حياتك ,,وتحياها ..بكل معانيها وغلّف بالحــب ,,كل القلوب ..التي تراها اجعل من قلبك ,,وطنــا يحمل حب الآخرين ..ويحمل.. [أحلامك] حتى وان تلاشت تلك القلوب.. أو تلك الأحلام .. فلاتنسى قلبك.. فمازال وطنــاً .. ماافتقدته سيترك ,,لك بصمات مؤلمه .. لكن استبدلها ,,بحب الناس والحياة.. ولاتقتنع بأن القلب مدينة واحده .. بل هو وطن..لكن كن قلباً صادقــاً.. انت لاتستطيع أن تزرع وروداً "حمـــراء"في كـــــل ,,القلوب التي ..[تحبهــا] لكنك تستطيع أن تزرع ,,ورود "بيضــــــــــــاء".

19-11-2009, 03:49 PM	#12
سُموّ الأَميرَة ،..\|’ قلم المجلس الذهبي	رد: ...\|[ ـو ريـح السٌمر فى ثيـابه .. يالبيييييييييييييييييييييييييييه .. ياحبي لهالشيء مرحبآ عنفوآن .. طلتك حلوة مثل الدفا بليله شتا < لاعمرك تمدحين .. انتي جيتي عند نقطه حساسه بحياتي :( الشتاء اعشقة .. اعشقه .. بس اللي ماعندهم هالشيء اللي اسمه شتاء وش يسوون :( لابغينا الشتاء .. رحنا المدينه كم يوم .. ندوره وقسم بجده .. الجو ياحار رطب .. يااقل شوي من الحار .. دافيء يعني .. احب الشتاء خصوصا لاكنت بالقصيم .. وهـ بس ادري تكثر الخلاقين .. بس اكثر خلاقين ولا اطق من نفسي وودي اخلعها بالصيف استغفر الله بس مااحبه .. ليالي الشتاء روعه بالنسبة لي احسها شآعريه .. لا واذا كانت مصحوبه بمطر ورعود .. الله يجيب المطر بس :( والزنجبيل .. والجريش والقرصان والمرقوق لها طعم ثاني بالشتاء .. خاصه لاكانت بالبر :(< محرومة :( احلى شيء بالشتاء بعد ..النوم .. الا بوقت الدراسة لاجا حزة الدوام بس الحمد لله مابعد جربت هالشيء بحياتي بهالوقت احس الدنيا غير مدري ليه .. يعني مايكون فيه هدوء وطفش مثل الصيف .. ودي اشوف واحس بالشتاء هالسنة .. :( يآرب عودة قريبه لأرض الشتاء :( عنفوآن ..\| حركتي اشياء بداخلي .. الشتاء اليم ..:( ربي يخليك .. ويسلم دياتك ..

19-11-2009, 05:19 PM	#13
Ť Ŗ ΐ Č К Ϋ قناص مميــز	رد: ...\|[ ـو ريـح السٌمر فى ثيـابه .. ..................... اول شي نبدأ مع العنوان وربي انه اليم ذكرتيني باالجسله حول الضو وسوالف اللي مادري شلون تجي والشاهي القهوه اذا سويتها على الضو يارباااه الييييمه طعمها غير<~كل هذا من العنوان ض1 يازين ذا اشوف زينااااه أقتباسس/ كم مره تقول بروح اتروش ثم لاشفت المويه بارده هونت ؟ أقتباس سؤال اليييم بس احس انك صافطه او ناسيه اختراع السخانه ض1 أقتباس ( الأظطراب العاطفى الموسمي ) لاتعليق أقتباس س/ قولو لنـا نفسياتكم مع بداية الشتـا كيف تكون تحبونه ولا لا ؟ حماااس + ونااااسه أقتباسصح نسيت أسالكم نزلتو ملابس الشتا ؟ أقتباس ليه لاجا الشتا نسأل بعض نزلتو ملابس الشتا ليه نقول نزلتو يعني ضروري تكون فوق ؟ ماقد مر على زي ذا السؤال ض1 أقتباس ازرق و بني و اسود و احمر < ليش مافيكم احد يتجرء و يلبس لون احمر ولله الازرق يالبيه خاصه مع غتره بيضاء يوووه الييم<~علم الهلال ض1 والبني بعد قمه بس الاسود اعوذ باالله تقول عبايه مااقد لبسة اسود ض2 ام الاحمر خير وين قاعدين جلابيه ض1 بس على طاري الاحمر ولله اشوف عيال يلبسون عنااابي ههههههههه أقتباس الدفايه الدفايه كم شخص يتحاشرون عندها وكل واحد يدف الثاني برجله ويقول وخر مكاني اذا شفتها شغاله اجلس عندها شوي بس مااحرص عليها أقتباس س/وش الأكل اللى ماتستغنى عنه بالشتا ؟ الاكل هو نفسه مايتغير بس التغيير يصير في المشروبات يعني مافيه غازيات ولا فيه بيره ق1 مافيه الا قوة زنجبيل ق1 عنفوان موضوع قمه قمه لاهنتي التوقيع:

20-11-2009, 03:26 AM	#14
سيدة خلانها جنـة المجلس	رد: ...\|[ ـو ريـح السٌمر فى ثيـابه .. . . اهليين عنفوان جانااا مهجدنا ابي اطلع لـ البر صار لي سنتين اطلب اهلي ويقولوموب فاضين يارب نطلع للبر هالشتاء ترا حدنا استراحه ويخب المهم انا انسانه اكره الشتاء بس انام مااشوف اهلي الا قليل وغير تسذا اكرهه لاني عجزه ازين لي اكل تالي الليول لاني اذا قعدت ماقمت فـ الشتاء اصير سودانيه من قلب ونفسيه بالنسبه لدفايه اكثر وحده اقدره مع اني مااجلس عليه كثير لاني اذا جلست منب قايمه منه عشان تسذا ماتعودت عليه أقتباس يعني ضروري ننتبه ونحرص منها أموت على اللي يهتمون وينصحون المطر يقولون يازينه بالبر ابي اطلع الله وبالبر فـ الشتاء عندي اهم شيء النعناع البس والخلاقين بالشتاء غير مع اني اكره كثرة الخلاقين بس ازين مابه نكشخ قبل امس رحت لسوق تسذا شفت الناس مشتيه والبضاعه كله شتاء قلت ول عليكم ماصدقتو خبر وهو مابعد جاء المهم اني اشتريت سليبرز وشراريب والزي منوه وماصورة الا هالصورتين وبما ان محد نزل قلت انزل كود ينزلون ص1 حبيت شكله ولونه هالسليبرز شتاء وصيف برجولي يلا نزلو والا ماانزل الباقي لا2 ص1 أقتباس وننسى ان فيه ناس يموتون جوع وبرد يعني شي يضيق الصدر لاذكرت ان فيه احد ممكن مايلقى شي يدفيه .. لا اكل ولا بطانيه وعندهم اطفال يارب اغنهم بفضلك عمن سواك ياليت نهتم فى الفقراء فى الفصل هذا بالذات لانه اذ هو متعه لنا فهو ذل وحاجه لهم .. ياليت نتصدق بكل شي فلوس لبس مواد غذائيه ادوات كهربائيه قـد مانقدر نوفر لهم كل الاشياء اللى يحتاجونها فيه ناس يعـفـون انفسهم من السؤال : ( يارب يامن تعلم احوال عبادك وحاجتهم وضعفهم اليك اللهم لاتحوجني لغيرك فانت الكريم المعطي بلامن الجواد قاضي الحاجات اسئلك من فضلك الحمدلله ياربي على النعمه .. - المخرج شكراً مستر شنب f.. شكراً عنفوان .. التوقيع: . . هو الذي بكى لآنــہ غير قادر على نسيان مـن رحل: ( يومـاً ما سالني ! ماهو أكثر الآشياء حزنـاً في العالم ? سمعت إن الآكثر حزنـاً من الحب هو " الآشتياق " محمد

20-11-2009, 06:10 PM	#15
ملك روحي . . : زعيم القناصين : . .	رد: ...\|[ ـو ريـح السٌمر فى ثيـابه .. أحبك والشتاء توه علي الأبواب وأخبر أنك تحب الشتااا زيي يامساء العطر عنفوان وش هالطله الحلوه؟ الشتاء وه وه بس يا أنا أعشقـه بقووه استغرب كثير اذا سمعت حدا يقول مايحب الشتاء ( فيس يناظر انين المشاعر )ض1 مافيه فصل احلى منه يكفي الأجواء تكون حلوه وبارده حتى اعصابنا تصير كول كل شيء فيه حلو حتى اصغر التفاصيل لها طابع خاص الهوت شوكلت , الشوارع المبلوله , الضباب ,حتى الجامعه تصير حلوه ض1 المشكله الوحيده بالنسبه لي في الشتاء وقت الدوام لما اسمع المنبه وضروري اصحى :( مع البرد يحلو النوم بقووه :( ما أشرب هالشيء أنا مافيه قهوه؟ ض1 حنا على أبواب الشتاء ! " / والشتاء برد ! و النار هــذي ,, ما يدفي ,, حطبها ! و [ برد الشتاء ] /واقف على ضلوعي الجرد ! وعيني , أشوف الدمع / يأكل هدبها ..! يا ورد ! ما مرك ,, دفــا العمر / يا ورد ؟ عدّت سنينك / ما أعرف اللي سلبها .. الله خقيت :( موضوعك كامل و تفاصيله ممُتعه روعـه كثير حسيت بالبرد ض1 تعالي دايم وشكرا قد الدنيا لـ الراعي الرسمي .. مثبت + متـوج التوقيع: - التعديل الأخير تم بواسطة ملك روحي ; 20-11-2009 الساعة 06:15 PM سبب آخر: سيدة :$