بسم الله الرحمن الرحيم
اعضاء ملتقى جماهير القناص ,,
السلام عليكم و رحمة الله و بركاته
والله ما ادري وش اقول و من وين ابدا
انا اول ما سجلت بهالمتدى سجلت عشان افيد كل شخص يدخله
و بما اني ساكنه في الخارج (بريطانيا) ساعدني هالموضوع كثير ...
و لله الحمد ربي رزقنا بادارة نحسد عليها ,, يبذلون جهدهم بس علشان يسعدون الاعضاء و يعطون كل واحد حقه
و انا والله اعطوني اكثر من حقي ,, رقوني الين ما صرت سفيرة القناص في انجلترا ,, و والله هذي مسؤوليه كبيره و ان شا الله اني اكون قد المسؤوليه و عند حسن الظن و احب اشكرهم كثير الشكر و اقول ان شا الله نبيض وجهكم فالمملكه و خارج المملكه
و بهالموضوع حبيت انزل لكم كمان تغطيه بس هالمره لا عن كوره ولا عن رياضه
في شهر 7 ميلادي (جولاي) اقامت السفار السعوديه في بريطانيا مهرجان (الايام السعوديه في مانشستر) و طبعا كان في مانشستر
و موضوع المهرجان هو
انهم يبينون للعالم ايش هي السعوديه و يوضحون الصوره المهزوزه للسعوديين عند الاجانب ,, انا شفت كثير اجانب اول ما تقول لهم سعوديه او عرب اول شي يجي في بالهم واحد ماسك جمل ووراه خيمه,, بس ولله الحمد وضحت هالصوره للاجانب,,, في مانشستر عالاقل و انا عن نفسي كلفني صاحب السمو الملكي الامير تركي الفيصل بنفسه و قالها لي بلسانه (يا اثير ابيك انتي و اللي معاك تبيضون وجهنا و تسوون اللي عليكم) وقالت نفس الكلام حرم سعادة السفير و الله يشهد انهم ساعدونا و ساندونا كثيير و لبو لنا كل احتياجتنا ,,
و كان في المهرجان اولاد و بنات و احفاد المغفور له باذن الله الملك فيصل بن عبدالعزيز و بنات و اولاد و احفاد الملك خالد الله يرحمه ان شا الله ,,
و طبعا جابو خيام و جمال و شركة ارامكو كان لها ركن لحالها و غطت المهرجان قناة اوربت الفضائيه ,, و اقيم المهرجان في حديقة (Hiton park) جنوب مانشستر و كانت مدة المهرجان 5 ايام ........
و بزيد عالموضوع شي ,,
والله والله العظيم وربي يشهد علي ان لما اقامو السفارة الحفل دارونا و دارو مشاعرنا بما اننا بعاد عن بلدنا ,, اقسم بالله العظيم ان كل ما ارجع من المهرجان و يخلص الدوام طبعا اكون تعبانه و هلكانه لاني كنت اشرف على عشرات الاف الزوار ووصل عدد الزوار ال35000 زائر بس مع اني كنت تعبانه و هلكانه و كل الشله معي نفس الشي بس والله كان ممتع و كنت انا عن نفسي ارجع للبيت و تخنقني العبره كاني اترك بلدي ,, والله انهم سوو المكان و ضبطوه على انه السعوديه حتى لما خلص المهرجان كل بنات مانشستر و اولادها اتجمعنا حول العلم اللي نصبوه فالنص و انشدنا النشيد الوطني و فعيننا الدمعه لفراق بلدنا المصغر و انا متاكده مية بالمية ان كل واحد ووحده بعد ما انتهينا من المهرجان اكتأب و جلس يبكي لفتره ...
عالعموم انا طولت معكم بالكلام بس والله هذا الكلام كله طالع من قلب و في سوالف كثييييييير تنقال عن الايام السعوديه و غيره بس كل شي بوقته حلو و الحين بترككم مع الصور
**********drawGradient()