- طاح , مكسور الظهر ! - شبكة القناص

**هلالي لاخر زفره** · 06-10-2009, 04:34 PM

.

الحكايه
شيخ , ماعيّن ربع
لاعضيد ولابه قرماً ينفعه

امتحن درب القصيد
ولا لقى حتّى قصيد , مالقى شي واحد يقدر يجمعه
مالقى من يسمعه , وأختلط كل القصيد
وش يفيد ؟
لاصارت التعتعه بيت القصيد , وش يفيد ؟
في داخلي شيخ , ماعيّن ربع ولاربيع
مات حتّى مرتعه , مات حتّى نبته اللي يزرعه
وإذا امتحن درب القصيد , مالقى شياً بقى
كود بيته اللي يبداه ويعيد , ويجرعه
ياااااه . يا هالشيخ هالعتيد
كم قصيده كان يبداها ب ( أنا )
كم عشيره بالعرب يغزيها طنا
وش جنى ؟
غير هم , وأوجاعاً تزيد
وش جنى ؟
وين راح بشته اللي يلبسه دايم جديد
وين صقره اللي يهدّه ويردّه بصيد
وين سيفه اللي لا ضرب ضربه يبيد
راح كل اللي بنى
وش جنى ؟
هموم وأوجاع وعنا
.

إكتفى , مايبي الا رضى رب العباد
انتهوا , لا ولد ولا تلد ولا عتاد
مات ماضي موطنه , ولاكنّه وطن

الحكايه تايهه
تبتدي ب حسن الختام
وتنتهي قبل السلام

عآيد :

( اتمنى ان ترتقي لذائقتكم , )

06-10-2009, 04:34 PM	#1
هلالي لاخر زفره كـاتب المجـ (1) ـلس	- طاح , مكسور الظهر ! . الحكايه شيخ , ماعيّن ربع لاعضيد ولابه قرماً ينفعه امتحن درب القصيد ولا لقى حتّى قصيد , مالقى شي واحد يقدر يجمعه مالقى من يسمعه , وأختلط كل القصيد وش يفيد ؟ لاصارت التعتعه بيت القصيد , وش يفيد ؟ في داخلي شيخ , ماعيّن ربع ولاربيع مات حتّى مرتعه , مات حتّى نبته اللي يزرعه وإذا امتحن درب القصيد , مالقى شياً بقى كود بيته اللي يبداه ويعيد , ويجرعه ياااااه . يا هالشيخ هالعتيد كم قصيده كان يبداها ب ( أنا ) كم عشيره بالعرب يغزيها طنا وش جنى ؟ غير هم , وأوجاعاً تزيد وش جنى ؟ وين راح بشته اللي يلبسه دايم جديد وين صقره اللي يهدّه ويردّه بصيد وين سيفه اللي لا ضرب ضربه يبيد راح كل اللي بنى وش جنى ؟ هموم وأوجاع وعنا . إكتفى , مايبي الا رضى رب العباد انتهوا , لا ولد ولا تلد ولا عتاد مات ماضي موطنه , ولاكنّه وطن الحكايه تايهه تبتدي ب حسن الختام وتنتهي قبل السلام عآيد : ( اتمنى ان ترتقي لذائقتكم , ) التوقيع: . 9 – 10 – 2011 هذا يوم جميل