H a p p y * V a l e n t i n ' s * D a y - الصفحة 4 - شبكة القناص

**محمد الجهيم** · 13-02-2006, 01:06 PM

.
.
.
.
.
.
.
.
.

في يوم 14 فبراير يحتفل العالم بـ velantin day أو ما يسمى بعيد الحـب ..

حيث أنهم يجتمعون في ذاك اليوم ويحبون بعض <--- احلف :D ...

وسنويا تقام احتفالات في الميادين العامه في مختلف البلدان ,,, ومن أبرز علامات ذا العيد .. كل الوان الي تستخدم فيه

أحمر في أحمر .. ورد .. لبس .. هدايا ...

وش قصة أم ذا العيد وش سلافة أبوه ...

يقووولون والعهده على يقووولون ..

انه قبل الفين سنه .. كان فيه حاكم رومااني .. مانع على الجيش حقه الزوااج ..

حيث قال :- يا جيشي الكبير .. معصي ثم معصي تعرسون .. ما ابي جيشي يصير نصه كرووش لا ما يمشي ذا الحتسي عندي ..

وانكب عفش الشباب الي في الجيش .. كلهم ودهم بالعرس .. وكلن يشكي لخويه .. الي يقول ودي اعرس واجيب عيال ..
اترزق الله من وراهم في ذا المساهمات ..

واحد يقول ودي اعرس على مدرسه واستفيد من دراهمهااا .....

وواحد هذا الي عاد ماكل تبن يشكي .. يقول يا والله البلشه القيصر معيينا نعرس ... ومن جهة ثانيه أخوان البنت محجرين لي ..
يقولون تعال زين غلطتك والا بنلعن ثواك ... :D

المهم .. مر قسيس من عندهم .. وكان حبيب .. وراعي ديـن وضيق صدره ان شباب الأمه ,, بيضيع ... :D

وفكر وفكر .. همن دق صدره قال الحل عندي وانا أبو هندي ..

والله ويبدا يشتغل كل من شافه وده يعرس .. واعده الليل قال تعال انت وحرمتك ونزوجك ...

وادهر والله وبدوو ذا العالم يعرسوون ..

بس الزين ما يكمل ... لاحظ قايد الجيش ان الجنود بدت تطلع لهم كرووش .. وضاع نشاطهم ;) صار الواحد منهم يا الله يشيل سيفه ..

بعد البحث والتحري .. اكتشفوا ذا القسيس ...

وجرووه .. وقاله القيصر .. الحين يا قليل الدين <-- ابو نايف وش تذكرك فيه ..

ما قلنا مهنا زوااج .. ..

قال القسيس : - قال ما يطاوعني قلبي اشوف اثنين .. يحبون بعض ما ازوجهم ..

القيصر : حبك عبد في خرابه ... جوهر تعال خذ ذا وقصوووه ..

وعلقووه في الصفاة :D

وصار تاريخ مووته عيد احيااء لذكرى ذا الدلخ .. الي مسكت معه يصير مأذون أنكحه ...

.........................................

اليوم .. وللأسف في ديرتنااا ...

بعض الدلووخ .. الي مسوين فيها هاي كلاس .. ينجروون ورا ذا الخرابيط ..

ويستفيد منهم محلات ذا الهدايا الي تبدأ تبيع الورد الاحمر وتغلف بمباالغ خياليه ... والله لا يلومهم مادام الدلوخ واجد ..

ويجيك بعض الأحيان أم عيال تشوفها مدهره احمر .. شنطه حمراا وملابس حمراا تسنها ذبيحه ولو حصل لهم يلبسون عباة حمراا ..

ما قالوا لأ ..

وتشوف محلات الهدايا زحمه ..

الطرف الاخر شبابناا .. تلاقهم يتكاثرون في محلات العطور ... تسن الهديه ما تنفع الا اذا جت عطر ... :D

...........................

المووضووع ما بعد خلص ....

موضوعي ذا متجدد ... حيث اني منيب من الناس الي يحب يضيف مواضيع واجد ...

فكل فتره بتكلم عن موضوع معين ....

بالنسبه لكم كلن يجي ويسطل بدلوه .. يعني يناقش .. ويحط الي عنده ..

ملاحظه ..

الي يرد بشكرا يعطيك العافيه ..

مشكوور والا يسلمووو ... منيب ملتفت لرده وباحذفه .. لا تقولون ما قال روبـن :cool: