حكم الفطين يورّده من دواعيه

أما الغبي تمشي معَ كيف ممشاه

(( الزعيم القرني ))

***

1000

بداية الألف خطوة .. بخطوة

ها أنا الآن .. أكمل الألف في هذا المنتدى

شكرا لهذا المنتدى الشامخ .. على ما قدمه لي

وأتمنى أن ما قدمته للمنتدى يرقى لشموخه ..

(F)

http://alajman.net/up/uploads/f5e36ffa74.jpg

عنيد جداًّ .. وأحلى مافي عنادي

إني إذا حبّيت .. أخلصت حبّي P9

((الزعيم القرني ))

http://pop04.jeeran.com/%D8%B7%D8%A8...8%B9%D8%A9.jpg

شفتها مابين أشجار الصنوبر ..
وأختفت مابين أشجار الصنوبر ..
بين الضباب .. عشت العذاب
مابين أحزان الغياب .. ومابين تجميع العتاب
وش بقى في غيابك ماحزن .. أنكشف لك كل شيًّ مختزن
كنتِ أبعد من فراق .. وكنتِ أقرب من عناق
ملمحك .. يسوى حسينات الملامح
فيه من خبث الدهاء .. وفيه من طهر التسامح
بس وينه ..؟؟
أختفى مابين أشجار الصنوبر !!

***

تستعذبين البعد .. يا شين عذبك
وتستنكرين الوعد .. يا حلو كذبك
أدري أنك مثل ماني في لقاك .. تحتريني
وأدري أنك مثل ماني في هواك .. تهتويني
وأدري أنك جيتي مثلي تلمحيني .. بس ويني ؟؟
أختفيت !!
مابين أشجار الصنوبر !!

***

بين أشجار الصنوبر .. كل خطوة ذكريات !!
مدري من وسع الحياة .. ولاّ من خوف الممات
كل خطوة تجرّ خطوة ..
وكل خطوة تقول للمشتاق جات
وفي هدوئي ..
وفي ركوني تحت أغصان النبات
شفتها مابين أشجار الصنوبر
شفتها بنفس الصفات
واستحضر أنفاسي لآت
ثم قرّبت.. واقول جات
جات .. جات !!
جات لكن .. قبل توصل
أختفت مابين أشجار الصنوبر
واعيش عمري ذكريااااااات

(( الزعيم القرني ))

الله يسامح كل شخصً هجرني

والله يسامحني على كل هجران

والله يعافي كل شخصً جبرني

بوصاله اللي شال عن قلبي أحزان
.
.
(( الزعيم القرني ))

يالغضي منتب ترى مسموح
مااسمح لك اليوم في جرحي

فتنتني .. من قبل لا تروح
والفتنة .. آشدّ من ذبحي

P9P9P9

(( الزعيم القرني ))

الشيب

الشيب لو هو يستر عيـوب ماضيـه
اليوم يكشف سـر أمسـه ومنشـاه
حكم الفطيـن يـوّرده مـن دواعيـه
أما الغبي تمشي مع كيـف ممشـاه
الجاهل اللي شـاف جهلـه حواليـه
عند النشامـى تتضـح لـه سوايـاه
يا مّدعـي الفزعـات لبّـي لداعيـه
حـاذر ..تذكرنـي بقـولً وتنـسـاه
كنت احسبنّك صالب الراي .. راعيـه
واثرك من اللـي ردّد القـول بحمـاه
القـول يحلـى بـس الأيـام تزريـه
لا صرت منت بكفو ليـه اتحـلّاه ؟؟
قد قالها الشاعـر وذا القـول يكفيـه
كـلًّ يعـوّد لاصـل جـدّه ومربـاه
الرجل فيه من العذاريـب مـا فيـه
وعذروب فعله .. عند شمّـات تلقـاه
حكم الرجل ما بيّنـت لـك خوافيـه
وشلون تدري به وتنسـى مزايـاه !!
له قول يهوي به ولـه فعـل ينجيـه
وله حلم في بعض المواقيـف رقّـاه
وله راي يدلي به مـعَ علـم باديـه
وله عرف من قبـل الهوايـات بـدّاه
وله نظرةً تسمو علـى علـم دانيـه
يشوم منها عـن نواهيـق الأفـواه
وله قلب يعشق به ولو كـان يخفيـه
وله دمع يسري به ولو كـان ينهـاه
وله شوق يلهبّه على حلـو ماضيـه
يضوي مع المحبـوب ويتبّـع خطـاه
وله هاجسً بيـن المخاليـق ناجيـه
بين الضلوع العوج من يسمع نداه ؟!!
غصبً عليه يسجّ في حـب مضنيـه
كل شي حوله مرّ فـي بـال ذكـراه
مثله مثل مـن عانـد لشـي يبغيـه
لا هوب يجبر به ولا هوب يرضاه !!
ردّد صدى (( أيّوه )) لا جـاه طاريـه
وليا انتهى طاريـه غنّتـه (( أوّاه ))
هذا الرجل مـا بينـت لـي معانيـه
حب ووفا واخلاص فـي كـل معنـاه
أليا بـدى فـي شـي لا بـد ينهيـه
وليـا دعـاه المجـد .. للعـزّ لبّـاه
وهذا قصيدي العذب للنـاس أرويـه
أسفه به شعور المرائي على شفـاه
آخذ.. من شعور المعنّـى مشاريـه
واجمّعه في شعـري الحـرّ وارعـاه
كل ما خذيت من الشواعيـر تشبيـه
كل ما عطيت لشعري البكـر اشبـاه
قصيدتي .. يا حلوهـا لعبـة التيـه
لقيتـك فحلـمً تـلاشـت زوايــاه
أعجابك اللي حـان مـن دون تنبيـه
ما هو عجب لا صار لي مـا اتمنّـاه
(( الغيث .. عمره ما خذا اذن اراضيه
لا هلّ .. بلّ أرضً تجادب على ماه ))

(F)

(( الزعيم القرني ))

قال أحبك, ثم أحبك, ثم راح

شرهة اللاعب على اللي درّبه


"سعيد بن مانع "

قسوة الذكرى ..


راحت أيامي وهي تقسى عليّه


وش بلاك تخون في عهدك رضايا


ليت مقسومك على قلبي هنيّة


والله ان تنسى هنا غيري بهنايا


صاحبي بعدك ترى عندي خطيّه


لاتزيد الجور مع كثر الخطايا


مرّت شهورً وانا حول المنيّة


بس تدري الموت في حكم الخفايا


صرت اناظر فوق بنجومي معيّه


واثر زولك راح .. عدّى عن سمايا


لا تعاديني .. ترى مالي حميّه


من جفاك اللي مطوّقني سرايا


جيت في حبك أنا من حسن نيّة


نيةً بيضاء .. تطهّر لك نوايا


اذكر اني جيت حامل لك وصيّة


ورحت من عندك تثاقلت الوصايا


وقمت اوثّقها .. وصيّة مع عطيّة


واشهد اني لك توفّيت العطايا


يوم أنا حطّيت قلبي لك هديّة


ما كفاك القلب عن كل الهدايا


يا خلي البال .. ويش سويت فيّه


جالت طيوفك على كل الزوايا


أمتحنّي زولك اللي جاز ليّه


ما بقى ألا وجهي اللي بالمرايا


يا وليفي كل ما بك جاذبيّة


ليت فوصالك تجاذبني بقايا


لو يكون الصدق مع حسنك سجية


ماني بحابرك في باقي السجايا


انتظرتك مثل غيمة موسميّة


لا تهايت قلت ذي قبلك تهايا


في دروبي لا .. تنكدّها عليّه


غالب همومي تلاشت من ورايا


حالة الدنيا على قولك دنيّة


ليه نغليها وهي تغلي الدنايا ؟!


قسوة الذكرى ترى ماهي قضيّة


قد نسيت من المظاليم القضايا


يا وليفي .. جعل مالك عاذليّة


لا تناديني بصمتك .. فالحنايا

كان بعدك عن دروبي لك رضيّة


ماني بقايل عسى دومك معايا


يحفظك ربي .. ولا تبكي عليّه

ليت ماتكرهه في قلبك .. سوايا

P9P9P9

(( الزعيم القرني ))

تنشد عن الحال !!

في خاطري لك كلامً مير ما قلته

عنك أتجنب ما يحسّك لو حياتي به

هذا هو الحال !!

(F)

(( خالد الفيصل ))

http://www.ashrmi.com/vb/imgcache/2329.imgcache

ياركام السحب
في وسط السما

يافضاي الرحب
من غيثً هما

في كسير الصحب
من سهمً رمى

ذا شعور الحب
قي قلبً نما


(( الزعيم القرني ))