عيدي أنعاد بس وينك
جدي بكره الناس يعيدون ويفرحون
وكلــ" ن" مع خله يعيد
الا بنتك يا جدي محرومه فرحة العيد
جدي من رحلت وانا اسمع بالعيد بس ما أعيد
جدي حتى فرحتي بلبسي الجديد كسرها موتك
جدي كيف بكره بعيد
والبس ثوبي الجديد
واوريك لبسي وتمدحني
وتحط لي من دهن العود
وتبخرني و تعايدني
عيديتك يا جدي والله وحشتني
جدي اخذت الي ازين منها
بس والله من يدينك غير
اشتقت للورقه الحمراء ياجدي
وتقول لي افرح ولا تقصرين على عمرك
جدي اشتقت لنومه بحضنك
واسمع قصتي منك
جدي صحيح إلي مات لا يمكن يرجع
جدي صح هم يمزحون
بس تعال اليوم
بارك لي وضمني وهذي من الدنيا تكفيني
جدي صحيح أنت ما تحس فيني
بس احس اني اسمع نبض قلبك يناديني
جدي عسى قبرك ماضاق عليك ؟
جدي يا خضار قلبك
وياعيدي عليه
جدي بذمتك بيمر صباحي مثل أي يوم
جدي بروح لبيتك وانتظر دخلتك
وثوبي مايلبسني اياه الا ذراعك
جدي قلي وش فايده لمه الاحباب
من دون صوتك
وش يفيد العيد والهدايا و ألتباريك
من غيرك
جدي ترى بيوم عيدي بستقبل تعازي هالبشر
بموت فرحتي
تعال صح انت امنيتك اعيد كل سنه وانا بخير
بس جدي هالعيد ماني بخير
جدي تدري بعدك دمي لون بياض الفرحه ياجدي
جدي تعال تتذكر امنيتك يا جدي
ان يكون عندي خوات
جدي الزمن كنه يدري
وحرمني شوفه اختي ياجدي
توكي بذمتك كيف بيمر عيدي
وانت قبل كم عام متسيد المجلس
بكرسيك الاخضر ياجدي
جالس فيه وابتسامتك ماليه علي عيدي
تركي صحيح الموت ياجدي خذاك
بس ودي اليوم اكون معاك
يا أموت او تحيى انت من جديد
كل ذكرى فيها فرحتي
ترى اليوم ترثيني ياجدي
عطرك / ثوبك / محفظتك / علاجك / وصوت سيارتك
ياكثر ماسمعت صوت يشبهه صوت سيارتك ياجدي
افتح الشباك فرحانه
واركض لبابي اضمك
بس قهر هذا خيالك وطيفك
جدي صحيح الموت خذاك غلطان
ليته خذا عدوك بدالك
جدي انت ارجع والله لأخلي دنيتك فرحه
جدي ليش مت قبل ماتشوفني عروسه بالابيض مزفوفه
ودكتوره وأعالج المرضى على حسابك
مو هذا اتفاقي ؟
جدي الحكي معي قالوا ضايع
يقولون افرحي اقول بدونه ماتساوي بسمتي
بردون يامجنونه العيد بالسنه يطل مره والثانيه بشوفتك فرحانه
بس كيف بفرح وانا اشوف بقبرك وحيد
غرقان بهمك انقذك
ضايق صدرك اوسعه
خايف / تعبان / مشتاق
جدي صورتك ماليه بيتي
بكل زاويه مبروزه صورتك
جدي كم ليلة نمت على صورتك
اضمك واضمك
واتنفس وجع قلبي
ويجرحني طرف بروزاك
ويلون دنيتي اسود
تذكر لما قلت لي عن الموت ياجدي
لما مات صاحبك وبكيت وحزنت وزعلت
قلت لي : الموت طياره تروح للسماء والميت يبقى بالسماء الين الله مايكتب للدنيا نهايه
تتذكر بس ياجدي رحلتك وطيارتك مابعد رجعت
ومن يوم موتك ليومي هاللحين
اغني على شباكي واخط على جدراني رجعتك بخط كله ورود ولونه ابيض
اغني على شباكي " طياره نودي ... نودي سلمي لي على تروكي "
اغنيها لك مثل ماكنت اغنيها لي
جدي يا سفرتك ياهي بالحيل طويله
غيابك هد حيلي ومابقى فيني صبر
احبك وغلاتك من غلا روحي
يكفي انك جبت ابوي وانت ربيته
قلي متى برجع عيدي هذاك
الي يروح وقتي وكله معاك
تعال وهات معك فرحة العيد
كلنا ننتظر فرحه العيد من كفك
ترى فرحتي كني يتيم انحرم من يوم عيده
والسبب القدر ولا زم يرضى فيه
ودي اضمك لو عمري يطول ويطول
ابقى بين ضلوعك مثل طفله رامها القريب على حضن الغريب
تحس بأغتراب بس مجبوره تعيش
اعلنوا عن العيد وقالوا قريب
وربي حسيت بجنون
فرحتي تراها انسرقت من وسط جوفي
جدي تعال بقولك بعدك من كبر
وبعدك من مات وانكسر
ومن حب وكره
ومن انولد
ومن حلم ومن حلمه صحا
ياجدي ترانا بعدك تغيرنا
تكفى بس ارجع ثواني
والله ثواني ابتسم وبعدها روح
بس بسمع ضحكتي
وكل مامرضت سمعتها
وربي تشافيت
بشتاق لبوستك على راسي
وكلمه " ياقمري الي كل يوم تضوين "
تكفى تعال وهات بحضورك العيد
متى سحابة رجعتك تمطر في سماي
وتلفني وتاخذني لدنيا مابها ارواح
* 17سبتمبر 2009م
17-09-2009, 11:07 PM
تحرم علي فرحتي بالعيد وأنت عن عيني .. / بعيد
العرض الشجري
