طلعت عنه إشآعآت آنه تزوج !! طبعآ كله خرآبيط × خرآبيط !! مآتزوج ولآ شي
صور للفنان
وهـ بسسس
’،
هذي مقآبلة معآهـ في السنه آللي فاتت ..
1- البطاقة الشخصية ؟
الاسم: حمد العماني
العمر:23 <<< هذآ آلعآمـ يعني هذي آلسنه عمره 24
طآلب بآلمعهد العآلي للفنون آلمسرحيه
2- حدثنا عن بدآية دخولك الى المجآل آلفني ؟
بداياتي كانت بنادي مسائي مع ربعي..كنت العب كره وكنت مسجل بالمسرح علشان الباص يوديني ويردني حق النادي.. وكنت مرات اطلع من البروفا واروح العب كره..وهذا الكلام من سنه 99 لي 2002.. 002 دشيت ورشة مسرح الشباب
واشتغلت وياهم بالمسرح بس بالصيف..ووقتها ماكنت حاط التمثيل في بالي..وبعد الورشه قالو انه بيكافؤن الناس الي كانو متميزين بالورشه
سفره مع مسرحية حلم السمك العربي بمهرجان القاهره التجريبي واختاروني وسافرت معاهم..وبعد ما رديت من السفره ماشتغلت ولا عمل سنه.. لان ماعندي علاقات بالفن..وبعدين واحد كان عنده مسرحيه وتوهق قبل العرض باسبوع عنده ممثل انسحب..وعرض علي الدور ووافقت
وبعدين خذاني المخرج سليمان البسام بطل مسرحية المقايضه..وبعدين شتغلت باكثر من عمل..
3- ليش كنت تهد البروفات وتلعب كره
انا اساسا كنت لاعب بمنتخب التضامن للناشئين..وصارت مشكله بالنادي انهم مو مخليني العب ولاراضين اروح نادي ثاني ..وطلعت منهم وكنت العب كره بالنادي المسائي ..
4- منو دفعتك في الورشه ؟
محمد الحملي..والباجي ليلحين محد برز بعمل ..
5- شنو رايك بالمسرح الكويتي ؟
فيه طاقات وايد حلوه قاعدين يشتغلون..والمسرح كل فتره قاعد يقدم شي حلو..والمشكله الواحد لما ينزل عمل حلو يوقف فتره طويله بعدين ينزل شي ثاني و..
فيه ناس اول مره يشتغلون وقاعدين يقدمون شي حلوو مستوى المسرح الكويتي ممتاز
6- ماهو العمل الي فتح لـ حمد العماني باب النجومية ؟
مسلسل اللقيطه..وهذا ثاني عمل اصوره بس اول عمل انعرضلي..والعمل الثاني الي مانعرض اهوا زينة الحياة.. اخراج جمال الردهان..
7- ماذا تفضل المسرح ام التلفزيون ؟
المسرح..لاني اخذت راحتي فيه اكثر اتعايش مع الجمهور..امل المسلسل يعني الواحد مايعيش الدور عدل لان ممكن انك تصور الحين المشهد الاول وبعده العاشر والتلفزيون يحتاج انه الواحد يركز اكثر.. والي فادني اني مثلت بالمسرح اول شي..
8- حمد العماني متهم بالغرور ؟ شنو ردك ؟
لا مو مغرور بالعكس ..
9- ماهو جديدك ؟
صورت مسلسل ابله نوره وصورت مسلسل نقش الحنه..
10 - حدثنا عن المستقبل الي تتمنى لـ نفسك ?
ناوي اوقف تمثيل..واكمل دراستي واتخرج واصير مخرج..
11- موقف مضحك تعرضت له ?
بمسلسل الرحى مع الاستاذه سعاد عبدالله..كنت قاعد اصور بسياره بالغصب تمشي والبريك خربان..كان عندي فيها مشهد
ولازم اروح فيها لي نويصيب..وكنت ما ادل المكان بالضبط وكنا قاعدين نصور بالصيف والمسلسل شتوي..وانا لابس ملابس الشتاء وحر كاان..وسالت واحد قلتله وين الصبيه
جان يقولي انته كويتيي متاكدد ماتدل نويصيب؟؟..قالي طوف جليعه راح تلقى الصبيه على يسارك وطفت جليعه وبالغصب تمشي السياره وحر..وبعدين دقيت على واحد من ربعي وقالي كمل
سيده لما تطوف الخيران راح تلقى لافته على يسارك..المهم اني كملت طريجي واخر شي المكان طلع قبل حدود الكويت والسعوديه..وانا كنت طالع من الظهر وماوصلت الا المغرب مكان التصويربشاليه سعاد العبدالله..
والمكان الي لازم اصفط السياره فيه..أهوا ممر صعدت وصفطت..وبعدين قالولي في احد بيطلع وخر السياره..وقلت مالي خلق كل ساعه واحد يقولي وخر السياره لاني صافط اخر واحد..جان اروح اصفطها على الصعده بره.. والسايد بريك خربان..وانا لابس غرته وعقال حق التصوير..انا نزلت من السياره وقبل لا ادخل الشاليه ولا الحارس يقولي باباا سياره ..انا مافهمته شفت وراي ولا السياره قاعده ترجع .وانا ماسك غترتي ولاحق السياره ركض على افتح الباب..المهم اني ركبت وشغلتها وصفطتها مره ثانيه..
12- هل عشت قصة حب ؟
ايه من زمان..بس الحين لا ..
13- متى تدخل قفص الزوجية ؟
الله كريم..لما ايي النصيب
14- هل تفكر تتزوج من الوسط الفني ؟
لا مافكر اني اتزوج من الوسط..والنعم فيهم..بس انا مااتحمل انه اشوف زوجتي واقفه مع واحد ..
15- شنو هوايتك المفضله ؟
كرة القدم ..
16 - ناديك المفضل محليا و عالمييا ؟
القادسيه..وريال مدريد
17- دور في احدى المسلسلات تتمنى ان كان من نصيبك ?
بمسلسل نقش الحنه..دور سعد قريش
18- ماهو دورك في نقش الحنه ?
ولد فقير..وطالب جامعي ..انفصل من الجامعه تصيريلي ظروف..كانت حالتي بدون..
وكان يبي يكمل دراسته علشان يصرف على اسرته..ويشتغل ويحب بنت الي يشتغل عنده.. ويتقدملها..ولازم اضحي بشي من جسمي علشان تعيش..والباجي تعرفونه انشالله لما اتاابعوني بالمسلسل..
19- فلم حمد العماني المفضل ?
روز ريد..(الورده الحمراء)
20-شنو طموحك؟
اخلص دراسي واصير مخرج ..
21-منو مطربك المفضل؟
انا اسمع الاغنيه ماسمع المطرب..واسمع كل شي ما اسمع شي محدد ولا حق مطرب محدد ..