بسم الله الرحمن الرحيم
اتوقع الحين الاغلب بيزعل من موضوعي ولكن خلونا نتكلم بكل شفافيه
منتخبنا البارح لم يقدم مايشفع له لكي يتأهل لكأس العالم سوى كوره او ثلاث المنتخب اليوم لو تلاحظون انه لم يلعب بخطه ولا تكتيك لعب عشوائي واجتهادات فرديه لم تظهر صورة المنتخب السعودي الصورة التي رايناها كانت باهته لم نرى خطط فنيه لمسات المدرب لم تظهر هذا اذا كان في لمسات
انا لااهاجم اي احد ولكن في اخر الدقايق نخسر هذا دليل على عدم وجود دور المدير الاداري لاعبين دوليين مايعرفون ثقافه الفوز وتعطيل الهجمه وتضييع الوقت واحد من الاعبين لم يذكر اسمه يقول نحن لم نتدرب على المرتدات اذا المرتدات ماتدربوا عليها على وش يتدربون المدرب فاشل وخواف ولا انت خاسر وبأخر الدقايق تدافع
المدرب مايصلح انه يكون في كاس عالم ومنتخبنا بالصوره هاذي مانبيه يروح كاس عالم ياخي كافي فشايل لمتى واحنا ننهزم من منتخبات اقل من مستوانا انهزمنا من العراق وانهزمنا من عمان واخرها البحرين
وين المنتخب السعودي اللي له شنه ورنه ياخي خيرهـ انا مارحنا حنا مو حلمنا انا نروح كاس عالم ولا هو هدفنا الهدف وش نقدم بكأس العالم اذا مافي هدف نقدمه اجل ليه نروح بس كذا نروح عشان نتفشل ونكون صيد سهل للمنتخبات الثانيه
خلاص حنا تعبنا من الهزايم اللي بـ5 واللي بـ10 لمتى رح نكون كذا متى رح نطور لنا عقدين وحنا نروح ونرجع ولا شئ حنا نبي نطور ليه مانفكر فكر واعي كل المنتخبات تطور وترتقي وحنا نرجع للوراء مولا زم يكون دورينا احسن دوري وحنا بالمنتخب مانقدم شئ
حنا مانبي بطولات انديه وغيرهـ حنا نبي بطولات منتخب حنا نبي مستوى يشرف اليوم مااحمل ولا لاعب مسؤليه
من وليد الى ياسر الكل ادى اللي يقدر عليه ولعلمكم هاذي الاهداف اجتهادات فرديه ولا بالاصل مافي خطه وتكتيك
الهجوم يصير وسط والوسط يصير مدافع والدافع يصير مهاجم مدري وش هالمدرسه اللي متعلم فيها هالمدرب ولا في احد يحاسبه ليه حنا الحين نحاسبه ليه ماحسبناه من اول ليه تكون كلمتنا دايم بعد فوات الاوان
الحين حنا مانبي بطولات حنا نبي قاعده قويه نبي نبني منتخب مثل المنتخب المصري اللي فاز على ايطاليا
ولا هم عندهم عقول وامكانيات وحنا لا اتمنى انهم يجيبون مدرب طموح مثل انجوس
الكل شاف الروح اللي لعبنا فيها بكاس اسيا تغلبنا على اليابان ليه ماترجع هالروح وين راحت
انا اعتقد المدرب بيسيروهذا يعتمد على النجوم ياخي النجم اللي مايقدر منتخب بلادهـ ماهو نجم
مانبي نجوم نبي ناس ترفع علم الاخضر في كل المحافل الخليجيه والعربيه والدوليه
المنتخب البحريني كان واضح عليه انه يبي بجد يروح جنوب افريقيا مو بس كلام جرايد واعلام
هم حضروا للمبارهـ بكل مايملكون من وسائل
لعبوا وديات مع منتخبات قويه
يانااااااااس في احد يبي يتاهل لكاس عالم ويلعب مع ماليزيا
ااااه بس حاجه تقهر
اتحدى اذا في احد كان متوقع فوز الاخضر من ناحيه فنيه تدرون هالجماهير اللي حضرت ماحضرت انها واثقه من منتخبها ولعيبتها حضرت بس عشان العاطفه والوطنيه اتمنى حال منتخبنا يتحسن ولو جت على هالمرهـ تهون
وانشالله هاذي اخر احزانا وياليت الاتحاد السعودي يدارك الامر
وبلاش كل شوي نقول حكام وحكم اسيوي وحكم فلاني حنا نجتهد ونعمل والله معنا
طولت عليكم بكلامي وادري انه مو مرتب بس من قهري كتبته كذا
اتمنى ماكون غلطت بشئ
مودتي لكم