مضى ميلادي البارح ..
وطعمه موحشن جارح
وكل من كانوا هم حولي ..
زادوا دمعي المالح
يبه تسمع ؟
يبه عمري دخل , عشرين
وجمّع بي حزن تشرين ..
وذاك المجلس الخالي
يلاعب جرحي بسكين ..
,
يبه قالولي : انك مت ..
ولكن لييين هاللحظه ..
اردد بأن قلبك حي ..
وحتى لو تذكرته ..
منظر كفنك هناك ..
اردد : لا ابد مامت ..
يبه تدري ؟
بنتك صارت فعشرين ..
عدت مرحلة الطعش ..
وشالوها على هالنعش ..
تبي تفرح معك فالقبر ..
يبه أحبك ..
ولكني عليك أعتب ..
يمر عيدي ولاتهنّي ؟
وكل من حولي يغنّي
[ سنينك احلى ياشوقه .. ]
ودمعي ساكنن موقه ..
وذيك الغصّه تذبحني ..
ليا قالوا [ عمر أطول ]
يبه بسكت ..
خلاص الحين ضاع الصوت
يعانقني حنين الموووت
وذاك الماضي الموحش ..
ذبحني حزن و فات الفوت ..
يبه تدري .. !!
.......... يبه تدري .. !!
يبه - كلمه .. انحرم منها لساني من [ سنه وكم يوم ]
يبه كلمه اذا مرت .. تهيّض فيني , اشجاني
يبه جرحن عميقن , صار يذبحلي خفوقي دوم
يبه لحنن عزفه الناي .. يبكي كل الحاني
يبه وان مرني طيفك : اببكي لين وقت النوم
يبه وان مرني طيفك : عجزت والنوم ماجاني
يبه وان مرني الماضي .. ابحزن وماني بليوم
سنين الماضي تذبحني .. تجدد فيني احزاني
يبه احبك يبه احبك .. قليبي مايعرف الصوم
يبه .. ارجع قسم بالله بعادك عني انهاني
يبه .. والجرح يتلذذ بخذلانه - عزيز القوم
وجنحان الامل طارت .. تجدد فيني خذلاني
فقدتك ساعة الفرقا قبل يمضي عليك اليوم
فقدتك قبل مايشعر خفوقي بعظم حرماني
فمان الله يالغالي .. بكا شعري ومابه لوم
فمان الله يالوالد .. عساها الروح تنساني