علامه .
لـ محمد بن لعبون
الحان : يوسف مهنا .



علامه مايبيني علامه
ويخفي مابقلبه من ملامه
ويخلف سنة العشاق عنها
ومثله مايغابي في كلامه ..
وهذي صفحة القرطاس عندي
وقربلي دواه ياسلامه
أبا اكتب لي كلام به سلام
على بعد التنايف والمهامه ..
يروح بها النسيم اليا تعلا
وريح المسك مختوم ختامه
أبا اجبر قلب من فيها خليع
صريع بدد الهجران لامه ..

ظلمتني .

لـ خالد الفيصل

الحان : طلال مداح .

ظلمتني و الله قويٍّ يجازيك
باللي بلاني خالق الناس يبلاك
شابهت عدواني و أنا طامعٍ فيك
أقرب قريبٍ لي هقيت إنه إيّاك
اللي جرى لي منك ماهوب خافيك
روحي على حدّ الخطر من سواياك
و الله ما غيرك بقلبي يوازيك
أغلى من الدنيا على الخدّ ماطاك
أشفق على اللايم الى جاب طاريك
ودّي يطول الشرح في حال طرياك
الشاهد الله من كثر ماني أغليك
في سبّتك لو راحت الروح تفداك

خذ راحتك
لـ فهد الهويدي
الحان : يوسف مهنا .

خذ راحتك لاصار جرحي يسليك
اجرح ... ترى روحي لك الله وهبها
لاتنشد المجروح لاتقول وش فيك
وش عاد لو نفسي شكت من تعبها
جرحي اللي جا بالقلب ما هو بخافيك
شوفك ربيع النفس وقربك طربها
ليتك تذكر يوم أسامح وأداريك
ياقدرة الله كل نفس وجبها
ياما عذرت بلحظة كنت أجازيك
لا شك حلم النفس أول غضبها
مني تبدل همك اللي مخاويك
جور الزمن ضيم الليالي وتعبها
ارجع وحاسب سالف الوقت معطيك
وشلون تنسى غلطة مرتكبها