شبكة القناص - الموقع الرسمي للاعب ياسر القحطاني

شبكة القناص - الموقع الرسمي للاعب ياسر القحطاني (http://www.alqanas.com.sa/vb/)
-   بـــانـورامـــا (http://www.alqanas.com.sa/vb/f57/)
-   -   سرقات فنـيّه : محمد عبده ، ماجد المهندس ، فارس مهدي (http://www.alqanas.com.sa/vb/t120103/)

Khlil 03-07-2009 08:45 AM
سرقات فنـيّه : محمد عبده ، ماجد المهندس ، فارس مهدي
 
.
.




السلام عليكم ورحمة الله وبركاته (F)





مدخل : قمة التناقض بان تتهم شخص بانه له نمط واحد في الالحان .
وصاحب الكلمه الماضيه هو "يسرق الحان" .. قمة التناقض يافنان العرب : )


يقال : بان خالد عبدالرحمن صاحب الحان متكرره ونمط بلون واحد !
فلماذا توجد الحانه في اغاني الفنانين ، بعض النظر ان كانت سرقة او توراد خواطر ..
فهذه التعديات شهاده على رقي الحان خالد ولولا ذلك لما قام فنان الورق وكبار الملحنين
والعديد من المستطربين بالتعدي على الحانه ، ولكن ستوضّح الحقيقه كامله بهذا الموضوع ..





سنبدأ بالاستاذ الكبير : فارس مهدي .


خالد عبدالرحمن - حبيبي اسف
المقابل : فارس مهدي - يابحر .


.


خالد عبدالرحمن - تقوى الهجر
المقابل : فارس مهدي - بنات الريح .


.


خالد عبدالرحمن - طرف جفن عيني
فارس مهدي - عنادي .


.


خالد عبدالرحمن - صدقيني
فارس مهدي - في امان الله .


.


خالد عبدالرحمن - انزعه صمتي
فارس مهدي - الشوارع .


.


خالد عبدالرحمن - تعالي
فارس مهدي - ان كنت ناوي .


.



س/ لماذا انتم متحاملين على هذا الشخص ؟
ج/ لانه ادعى هذا الشخص بان ملك الفن قام بسرقته في اغنية شمس المحبه
مع العلم بان اغنية فارس مهدي شهدت التعاون الاول بين فارس مهدي ووالده
وكي يكون العمل مميز ، فلم يكتفي الملحن فارس بلحن واحد .. ولكن بأخذ لحنين .
فكيف بالله عليك يافارس تتهم خالد بلا خجل في الصحافه المكتوبه والمرئيه والمسموعه
عن قيامه بالاعتداء على هذه الاغنيه وهي اساسًا من الحان خالد وتم تدمج اغنيتين وهما :

خالد عبدالرحمن - امرك وانا اطيعك
فارس مهدي - شمس المحبه .




وخالد عبدالرحمن - اذكريني
فارس مهدي - شمس المحبه .



فارس مهدي يقول : بانه هو من دعم خالد عبدالرحمن في بداياته !!!!
فانت لم تبلغ سن السابعه والعشرين الان ، فعندما بدا خالد عبدالرحمن الغناء "كم كان عمرك يابابا" ؟!
ولكن ماتم توضيحه فوقه من تعدي وسرقات نلاحظ من دعم الاخر ..





فنان العرب : الاستاذ الرائع ( محمد عبده ) .
في البدايه ساخبركم عن السر بسبب تسمية "فنان العرب" ، لانه استطاع دمج مقدمتين موسيقتين
في ادليب واحد ، باغنيته الشهيره هي"مهما يقولون مهما صار مهما تم .. وملحنها صالح الشهري .
وتم اخذ هذا اللحن من اغنية .. اهات - كني وكنك ، علمًا بان الاستاذ صالح الشهري اهداه الى الفنان عبدالمجيد عبدالله
في اغنيته : روحي تحبك . ان موهبة خالد عبدالرحمن اكبر من ان تكرر نفسها يا سـا..... !!؟





الفنان الثالث : ماجد المهندس ..



.




اللحن الاصلي : خالد عبدالرحمن - قلبك كبير .
اللحن المقابل : ماجد المهندس - شكيب بيك .


قفله / يقول فنان العرب بان الحان خالد عبدالرحمن نمطيه ، وبالمقابل اختار المهندس في حلقة تارتاتا
واشاد به وهو يستحق ولكن نجد هنا الحان خالد بصوت المهندس حتى وان كانت توارد خواطر


فهل الحانه نمطيه ؟!!!!!!!




ماتم توضيحه واكتشافه ماهو الا شيء بسيط .. وماخفي اعظم !
وحتمًا سوف يتم الكشف عن هذا المخفي ..

في الجزء الثاني ..



- شكر خاص للاستاذ الكبير : العطاء الفياض P9







مخرج :
ماذا قال ياسر القحطاني عن خالد عبدالرحمن ؟!
اضغط هنا

ebda3club 03-07-2009 12:25 PM
رد: سرقات فنـيّه : محمد عبده ، ماجد المهندس ، فارس مهدي
 
بصراحه موضوع قوي جداً وبيّن امور كثيرة

فارس مهدي مابي اتكلم عنه

لأن النقطه هذي تكفي

أقتباسفارس مهدي يقول : بانه هو من دعم خالد عبدالرحمن في بداياته !!!!
فانت لم تبلغ سن السابعه والعشرين الان ، فعندما بدا خالد عبدالرحمن الغناء "كم كان عمرك يابابا" ؟!


pp13

××

بتكلم عن محمد عبده اللي احب صوته وبصراحه

ومو اني احب صوته يعني لازم ادافع عنه

بصراحة اللي بين محمد عبده وخالد عبدالرحمن معروف ومن مده ليست بالقصيرة

أقتباسيقول فنان العرب بان الحان خالد عبدالرحمن نمطيه ، وبالمقابل اختار المهندس في حلقة تارتاتا
واشاد به وهو يستحق ولكن نجد هنا الحان خالد بصوت المهندس حتى وان كانت توارد خواطر

فهل الحانه نمطيه ؟!!!!!!!


تناقض عجيب من محمد عبده ؟! اوافقك فيه الرأي

لكن ابي اقولك ياخليل

الناجح دائماً محارب

و

لاترمى الا الشجرة المثمرة

لك P9

I b r a a 03-07-2009 12:30 PM
رد: سرقات فنـيّه : محمد عبده ، ماجد المهندس ، فارس مهدي
 
.

.

.



ماتلاحظ انك دخلت بـ 20 موضوع جميع ؟ :d
طيب نبدأ بخالد وكلام فنان العرب عنه .. ماعتقد انه قال شيء غلط او سب خالد بالعكس انا اشوف انه مدح خالد كثير لمّا سأل عن خالد قال انه مبدع بفنه ولاحد قدر ينافسه
وين الغلط برأيه ؟
المفروض هذي كل مشجع خالدي يقتبس كلام ابونوره ويبروزه لأنه اكبر شهاده جت لخالد بتاريخه P3

هذا بالنسبة لرأي محمد عبده
بالنسبة للسرقات .. فعلاً انا سمعت كذا مقطع من الاغاني وكانت واضحه السرقه
لكن برضوه اذكر فيه مقطع من احد جمهور فارس مهدي مسويه عن سرقات خالد لاغاني الفنانين .. وكانت فيه اكثر من اغنيه مسروق اللحن ::D

خلنا من هالاثنين لان هواشهم مايخلص
ابونوره وش دخل خشمه بالموضوع ؟
او تبي موضوعك يقوى قلت مالي الا ادخل ابونوره ..
اول شيء حاولت اربط بين الاغاني اللي ذكرتها .. عجزت هنّق مخي : \
وش جاب لجاب p6
انا اتوقع انه خانك التعبير تبي تقول اغنيه ثانية بس حطيت هالاغنيه (F)
بعدين حتى لو فيه سرقه مثل ماتقول .. ماتعتبر من ابونوره
يكفي انك قلت ان " ملحنها صالح الشهري " يعني لو تبي تقول انها فضيحه فهي فضيحه لصالح الشهري
يعني محمد عبده مهوب ملزوم كل ماجاء له لحن يفتش بالحان الفنانين عشان يتأكد انه مب مسروقه :d



أقتباسماتم توضيحه واكتشافه ماهو الا شيء بسيط .. وماخفي اعظم !
وحتمًا سوف يتم الكشف عن هذا المخفي ..

الله يجزاك خير
كشفت لنا اشياء كنا نجهلها :d

على العموم
يعطيك العافية .. مجهود تشكر عليه P9(F)

~| Śą3Đ 03-07-2009 12:42 PM
رد: سرقات فنـيّه : محمد عبده ، ماجد المهندس ، فارس مهدي
 
:


إتفق معـك في فارس و ماجد , اما ابو نوره لاء ! P9


النقاش في أبو نوره و ابو نايف شبيه بـ النقاش في الهلال و النصر , و النتيجه معروفه P9


كلهم كبـار بـ فنهم , و ما ننسى الملحنين ! يمكن تكون السرقه عن طريقهم و بدون علم الفنان ! P9


لا هنت خليل / (F)P9P9


سي يوـو .. ’ (F)P9P9

R O N A L D O 03-07-2009 01:05 PM
رد: سرقات فنـيّه : محمد عبده ، ماجد المهندس ، فارس مهدي
 
مشكووور

Khlil 03-07-2009 01:15 PM
رد: سرقات فنـيّه : محمد عبده ، ماجد المهندس ، فارس مهدي
 

أقتباسماتلاحظ انك دخلت بـ 20 موضوع جميع ؟ :d


لا والله ما الاحظ .. واترك الملاحظه للي افهم مني ومنك :)



أقتباسطيب نبدأ بخالد وكلام فنان العرب عنه .. ماعتقد انه قال شيء غلط او سب خالد بالعكس انا اشوف انه مدح خالد كثير لمّا سأل عن خالد قال انه مبدع بفنه ولاحد قدر ينافسه
وين الغلط برأيه ؟


محمد عبده قال بان خالد الحانه نمطيه ومتكرر ..
بس مافهمت ردك كويس "وين الغلط برأيه " ؟
برأي خالد قصدك ؟!! خالد ماذكر بان محمد عبده غلط عليه :)
يمكن انه غلط في اسمه لما قال خالد عبدالرحيم اعتقد :) !


أقتباسالمفروض هذي كل مشجع خالدي يقتبس كلام ابونوره ويبروزه لأنه اكبر شهاده جت لخالد بتاريخه



شهاده ؟! على اي اساس شهاده ؟!!!
يكفي ان جمهور محمد عبده ماجابوا عدد جمهور خالد عبدالرحمن او حتى رابح صقر !
واذا بتقولي وش دخل رابح صقر بالموضوع بقولك كنسل اسمه وخلك على اسم خالد :)



أقتباسبالنسبة للسرقات .. فعلاً انا سمعت كذا مقطع من الاغاني وكانت واضحه السرقه
لكن برضوه اذكر فيه مقطع من احد جمهور فارس مهدي مسويه عن سرقات خالد لاغاني الفنانين .. وكانت فيه اكثر من اغنيه مسروق اللحن ::D


الحين انت ماتلاحظ انك جمعت موضوعين في موضوع ؟ pp13
انت كنت تتكلم عن خالد ومحمد عبده ، جمهور فارس مهدي وش دخله ؟ pp13
واذا تبيني اتكلم عن المقطع المعروض فصاحب المقطع واضح انه "غبي" !
يتكلم عن فارس مهدي وخالد .. ودخل راشد وغيره في المقطع ؟!!
وموجود في المقطع ان خالد سرق لحن من اغنية فارس مهدي ..
اللي هي اغنية "شمس المحبه" وانا وضحتها بالموضوع :)
وتبين للناس منهو السارق :)



أقتباسخلنا من هالاثنين لان هواشهم مايخلص



بما انك شطحت اسم فارس مهدي فوق ؟!
فانا مدري وش تقصد منهم الاثنين ..
فارس مهدي وخالد عبدالرحمن
ولا محمد عبده وخالد عبدالرحمن ؟!!



أقتباسابونوره وش دخل خشمه بالموضوع ؟




ياليت تشـيّك على فيسه كم مره :)



أقتباساو تبي موضوعك يقوى قلت مالي الا ادخل ابونوره




موضوعي يقوى ؟!!
في مواضيع لي صارت "قويه" على قولتك باسم خالد بس ..
وبالناس اللي شرفوني بالردود ..

http://www.yaser20.com/vb/showthread.php?t=106700

http://www.yaser20.com/vb/showthread.php?t=103811



وعلى فكره هنا موقع لاعب ماهو موقع خالد : )
يعني لو بحط موضوع بموقع خالد اكيد راح "يقوى" ياقوي !
يعني شيء طبيعي ان هناك يكون لكل عضو ميول لاي فنان :)



أقتباساول شيء حاولت اربط بين الاغاني اللي ذكرتها .. عجزت هنّق مخي : \



يمكن اذنك الموسيقيه فيها خلل بسيط !!!


أقتباسوش جاب لجاب p6



غصب تكون وجهة نظرك تمشي على الالاف من اعضاء غيرك ؟!!


أقتباسانا اتوقع انه خانك التعبير تبي تقول اغنيه ثانية بس حطيت هالاغنيه



لا ابشرك .. الاغاني من تجميع العطاء الفياض :)
وانا صغتها في موضوع :)


أقتباسبعدين حتى لو فيه سرقه مثل ماتقول .. ماتعتبر من ابونوره
يكفي انك قلت ان " ملحنها صالح الشهري " يعني لو تبي تقول انها فضيحه فهي فضيحه لصالح الشهري
يعني محمد عبده مهوب ملزوم كل ماجاء له لحن يفتش بالحان الفنانين عشان يتأكد انه مب مسروقه :d



بس الناس راح تقول اللي سارق صالح ولا محمد عبده ؟!!
اكيد الفنان نفسه .. لانه هو الشخص اللي قدم هالعمل للناس ولجمهوره !



أقتباسالله يجزاك خير
كشفت لنا اشياء كنا نجهلها :d



الضحك بدون سبب .. يقولون قلة ادب ? pp57




أقتباسعلى العموم
يعطيك العافية .. مجهود تشكر عليه pb189(F)



الشكر لله ..

Khlil 03-07-2009 01:52 PM
رد: سرقات فنـيّه : محمد عبده ، ماجد المهندس ، فارس مهدي
 



شاكرلكم ع المرور (F)

O X Y G E N 03-07-2009 04:25 PM
رد: سرقات فنـيّه : محمد عبده ، ماجد المهندس ، فارس مهدي
 
ياللللللللله للحين كذا pp35!!

بصراحه مابي اعلق اكثر من اللي علقو قبلي كفوو ووفو

لكن محمد عبده شهاده فخر لكل فنان P9
وخالد عبدالرحمن ماعليه كلام P9

ام فارس مهدي طلعوني منه pq15


خليل شكرآ لطرحك
وعذرآ لمروري السريع (F)

ĦДŤє๗~ 03-07-2009 05:08 PM
رد: سرقات فنـيّه : محمد عبده ، ماجد المهندس ، فارس مهدي
 










ياخي بالله متى جمهور خالد يطفش من مقارنته بابونوره P9

بعدين ان كان محمد عبده قال لخالد
ان الحانه نمطيه
فهذا فخر لخالد ان ابونوره التفت له pp35P9

AbDuLLaH.20 03-07-2009 05:30 PM
رد: سرقات فنـيّه : محمد عبده ، ماجد المهندس ، فارس مهدي
 
http://missqatar55.jeeran.com/hader-1092129096.jpg


انـا بعلق على اسطورة الغناء بالعالم العربي اللي يقاله طير بر يحب يقلد ابونايف الله يصلحه p7

قال ايش قال خالد سارق مني اغاني :d !


المهم هذا السخيف اللي يقاله فارس مطلعين عنه كم عضو بمنتديات خالد فضايح

انه سارق الحان ابونايف عيني عينك !

اكيد الكل شاف هـ المقاطع !


شكرآ خليل P9

مرعب الحراس سامي 03-07-2009 05:45 PM
رد: سرقات فنـيّه : محمد عبده ، ماجد المهندس ، فارس مهدي
 
أقتباس
سنبدأ بالاستاذ الكبير : فارس مهدي .


خليل ليتك قلت نبدا بالطفل الصغير (F)


أقتباس
فارس مهدي يقول : بانه هو من دعم خالد عبدالرحمن في بداياته !!!!


انا اتذكر في احدى المقابلت لملك الفن خالد على ام بي سي
يوم قال خالد اول البوم لي اكبر من عمره فكيف يصير من دعم خالد :d

أقتباسفهذا فخر لخالد ان ابونوره التفت له pp35pb189


الكلام هذا يقال للفنانين اللي توهم طالعين على الساحه
لكن خالد موب حاجه محمد يلتفتله :f:

شكرا خليل P9

Khlil 03-07-2009 05:58 PM
رد: سرقات فنـيّه : محمد عبده ، ماجد المهندس ، فارس مهدي
 
أقتباس
ياخي بالله متى جمهور خالد يطفش من مقارنته بابونوره pb189

بعدين ان كان محمد عبده قال لخالد
ان الحانه نمطيه
فهذا فخر لخالد ان ابونوره التفت له pp35pb189





انا ما ادري متى نقضي على هالعينات في المنتديات ..
بانه يرد على موضوع وهو مايدري وش الطبخه ؟!!
الحين يا اخ حاتم وين المقارنه فيه ؟!!!!!!!!!!!!!!!!!!!!!!!!!!
في احد قال ان خالد هو فنان العرب غير الكابتن ياسر القحطاني في الموضوع ؟ :d
ياليت يكون عندك ذوق للموضوع ولطرح الموضوع بان تقرا الموضوع بعدين ترد : )
ماهوب تشوف الموضوع فيه طاري خالد ومحمد عبده قلت الدعوه مقارنه !!



أقتباسفهذا فخر لخالد ان ابونوره التفت له



ماني راد على موضوعك الا بكلمة سيد الغناء وفنان العرب الأول الاستاذ طلال مداح
بانه قال لملك الفن واستاذ الجميع : خالد عبدالرحمن هو خليفتي : )

ĦДŤє๗~ 03-07-2009 06:22 PM
رد: سرقات فنـيّه : محمد عبده ، ماجد المهندس ، فارس مهدي
 






أقتباسانا ما ادري متى نقضي على هالعينات في المنتديات ..
بانه يرد على موضوع وهو مايدري وش الطبخه ؟!!


الكلام مردود على صاحبه :f:



يااستاذ خليل انا قاري الموضوع كامل
وقاعد تقوللي سرقات فنيه ومدري ايش
بس مو شرط انك تكتب مقارنه حرفيا
يبان هالشي من اسلوب الطرح pp35


والحمدلله انا انسان اتمتع بالذوق ولا استنى شهادة احد
لكن اذا ماعليك امر مره ثانيه لانزلت موضوع اكتب اللي يخالفني في الراي لايرد




Majedona 03-07-2009 06:34 PM
رد: سرقات فنـيّه : محمد عبده ، ماجد المهندس ، فارس مهدي
 









اعذرن .. خليل pq17
محمد عبده .. مانيب احبه ولا اسمع له الى قليل pq15
بس مو انه تقلل منه وتصف بـ السروق .. p6
خالد عبدالرحمن .. زمـان .. pp7
خلاص .. ابو نايف .. اعتقد انتهى ) :


اعتقد .. من ناحية السرقات .. اعتقد بـ الصدفه p18
اما .. فارس مهدي .. يحب (خالد) كثير وهو صغير pq19
لما كبر شووي (كـَـبر) راسه وقام يهايط انا سويت وانا فعلت p6
حتى يسوي ضجه .. و ابو نايف (ساحب عليه) P3





بالاخير .. ترى هذي (وجهة نظري) .. ماهو تهايط على مخي pb034P9(F)

مـآكِنتُوشٌ 03-07-2009 07:35 PM
رد: سرقات فنـيّه : محمد عبده ، ماجد المهندس ، فارس مهدي
 
خليل ياخي انت كذاpq24
وموضوعك رجع شوي من الانصااف بحق ملك الفنP9
يقولون خالد نمط واحد في الالحان وخالد وخالد وهم مايصرقوون الا منهp7pp13

نجي اول شي للبيبي فارس الله يصلحه pp13
هذا يسده ان ابو ناايف قال عنه مريض نفسيp11 انا لو منه اعتزل الفن عقب هالكلمه :(:

هذا ماسرق الحان وبس هذاا بدا يقلد خالد حتى بالصور والاسلوب :d
مجله من المجلات مطلعه كل الصور اللي يقلد فارس بحركاته خالد زي الارنب اللي كان صايده خالد والبندق اللي كان ماسكها ونفس الصور مسويهاا فاارس بالضبط .... لهدرجه وصلت معه pp13
نجي لمحمد عبده فنان كبير صح فنان العرب اوكيه بس انه توصل معه انه يذكر اسماء الفناانين اللي معه بالاوبريت بكل ثقه ويوم وصل عند خالد قال (وهداك اللي اسموه خالد عبدالرحيم..)الله واكبر يافنان العرب اللحين لانه اكثر فنان ينافسك بالجمهور ماعرفت وش اشسمهpp57
ومثل ماقلت السرقه تنسب له كفنان مو للملحن صالح الشهري الواحد يعرف وش قاعد يغني والا كان يصرق كل لحن يعجبه ويقول العتب على الملحن والله والاp18
هذي بس النقاط حبيت اعلق عليها pq9
مشكور خليل لاهنت(F)

I b r a a 03-07-2009 08:09 PM
رد: سرقات فنـيّه : محمد عبده ، ماجد المهندس ، فارس مهدي
 
.

.

.


أقتباسشهاده ؟! على اي اساس شهاده ؟!!!
يكفي ان جمهور محمد عبده ماجابوا عدد جمهور خالد عبدالرحمن او حتى رابح صقر !
واذا بتقولي وش دخل رابح صقر بالموضوع بقولك كنسل اسمه وخلك على اسم خالد :)


صحيح
اضف لهم فارس مهدي .. اكثر جماهيريه :d
لو هي على الهياط طال عمرك .. اجل انا يحق لي اقول عزازي فنان العرب pp13


أقتباسالحين انت ماتلاحظ انك جمعت موضوعين في موضوع ؟ pp13
انت كنت تتكلم عن خالد ومحمد عبده ، جمهور فارس مهدي وش دخله ؟ pp13


لأنك انت تكلمت عن كذا موضوع بكم سطر
لازم اجاريك واتكلم عن المواضيع اللي تكلمت عنها

أقتباسواذا تبيني اتكلم عن المقطع المعروض فصاحب المقطع واضح انه "غبي" !
يتكلم عن فارس مهدي وخالد .. ودخل راشد وغيره في المقطع ؟!!
وموجود في المقطع ان خالد سرق لحن من اغنية فارس مهدي ..
اللي هي اغنية "شمس المحبه" وانا وضحتها بالموضوع :)
وتبين للناس منهو السارق :)


انا على فكره التوافق بمقطع او مقطعين ما اسميها سرقه
على كذا كل الفنانين يسرقون الحان
بعطيك مثال

خالد له اغنيه يقول فيها
تشتاق ؟
ولا اعلمك تشتاق
الفراق !
مر ماينطاق

اسمعها واسمع اغنية لابونوره قديمه يقول فيها
اشتاق ؟
اسأل عنكم الاشواق
الفراق !
ماغير علي الفراق

اللحن قررريب جداً بهالكوبليه
هل اقول انه مسروق ؟

أقتباسيمكن اذنك الموسيقيه فيها خلل بسيط !!!


عقبال ماتصير اذني موسيقيه مثل اذنك :$

أقتباس غصب تكون وجهة نظرك تمشي على الالاف من اعضاء غيرك ؟!!


انا اجبرت احد على رايي ؟ p6p6
ادوّر كلمه غصبت فيها العالم انها تكون نفس وجهة نظري .. مالقيت p6p6

أقتباسبس الناس راح تقول اللي سارق صالح ولا محمد عبده ؟!!
اكيد الفنان نفسه .. لانه هو الشخص اللي قدم هالعمل للناس ولجمهوره !


لا من يقول انه اكيد ؟
اللحن يرجع بالاول والاخير للملحن
اذا كان زين فهو يحسب للملحن .. واذا كان سيء يحسب على الملحن
خذ " الاماكن " اكبر دليل ..
عمرك سمعت احد طلع وعظّم ابونوره على اللحن ؟
بالعكس كانت سبب لشهرة ناصر الصالح عربياً

أقتباسالضحك بدون سبب .. يقولون قلة ادب ? pp57


هذا لو كان بدون سبب
بس الموضوع مضحك وانا ماعرف اكتم ضحكتي :dp18


(F)

D K A D 04-07-2009 06:33 PM
رد: سرقات فنـيّه : محمد عبده ، ماجد المهندس ، فارس مهدي
 
اول شـي وعليكـم السـلام ورحمـة الله وبركاتـه P9
انـا بعلـق علـى رد لكـ ماعلـي مـن الموضـوع كلـه :d
لأن لا انـا بقتنـع ولا انـت بتقتنـع P9
اقتباس:
المشاركة الأصلية كتبت بواسطة خليل الحربي (المشاركة 2403041)
شهاده ؟! على اي اساس شهاده ؟!!!
يكفي ان جمهور محمد عبده ماجابوا عدد جمهور خالد عبدالرحمن او حتى رابح صقر !

واذا بتقولي وش دخل رابح صقر بالموضوع بقولك كنسل اسمه وخلك على اسم خالد :)
رابـح صقـر ! و خالـد ! :d

رابـح صقـر انـا مـن اللـي يسمعـون لـه ولـه جمهـور كبيـر بعـد لكـن إنكـ تقـول
جمهـور محمـد ماجـاب جمهـور رابـح وخالـد !
لـو تجمـع جمهـور الأثنيـن ذولا مايجيبـون جمهـور محمـد لحالـه !
رابـح علـى عينـي وراسـي اغانيـه تجـنن وكـل شـي بـس معـروف ان جمهـوره سعـودي فقـط ! :$
قليـل ونـادر جـدا تلقالـه جمهـور غيـر السعودييـن
بتقـول وبقـول وبتقـول وبقـول وبالأخيـر ماحـد بيقنـع الثانـي كـل واحـد متمسكـ برأيـه P9:d
فلذلكـ مـاراح اتكلـم عـن خالـد لأنكـ مـن جمهـوره
امـا محمـد وش اقـول بـس بـ فرنسـا ولا بالمغـرب ولا بـ ماليزيـا ولا بـ مصـر ولا ولا ولا ...الـخ pq16
هـذا غيـر الخليـج pq16

اقتباس:
المشاركة الأصلية كتبت بواسطة خليل الحربي (المشاركة 2403278)
ماني راد على موضوعك الا بكلمة سيد الغناء وفنان العرب الأول الاستاذ طلال مداح
بانه قال لملك الفن واستاذ الجميع : خالد عبدالرحمن هو خليفتي : )




[/indent][/indent]
ياخـي التلميـذ يتفـوق علـى استـاذه :$:d
التلميـذ = محمـد عبـده P9 ’’ الأستـاذ = طـلال مـداح P9
عشـان كـذا تعتبـر اي مدحـه مـن محمـد عبـده شهـاده للفنـان P9:d



لكـ (F)(F)(F)

أبـو يزيــد 04-07-2009 10:39 PM
رد: سرقات فنـيّه : محمد عبده ، ماجد المهندس ، فارس مهدي
 
قبل ماأرد على الموضوع كامل بقولك شي بسيط
اسمع مقدمة اغنية العطا لخالد ومقدمة اغنية مستغربه لراشد الماجد P9
وتعال قلي وش حسيت فيه ياظلال بليغ حمدي pp13
وراجع لك بكره ان شاء الله انت وموضوعك اللي كله مغالطات :)
اولها :


أقتباس
فنان العرب : الاستاذ الرائع ( محمد عبده ) .
في البدايه ساخبركم عن السر بسبب تسمية "فنان العرب" ، لانه استطاع دمج مقدمتين موسيقتين
في ادليب واحد


http://members.abunawaf.com/dukefleet/33/33/03.jpg

وش ذا الارنب pp13pp13pp13pp13pp13pp13

راجع لك راجع لك (F)

فيصل فيصل 05-07-2009 02:51 AM
رد: سرقات فنـيّه : محمد عبده ، ماجد المهندس ، فارس مهدي
 
..

يعطيك العافيه على الموضوع ..



راح اتكلم عن جزء فنان العرب محمد عبده و خالد

اذا خالد قال في مقابله ان عمر فارس مثل عمر اول البوم لي .. فـ الوضع مشابه بالنسبه لـ فنان العرب محمد عبده و خالد تقريبا

سرقه الالحان .. تحسب لـ الملحن مو لـ الفنان اذا ماكان هو اللي لحن الاغنية ..

الموضوع عباره عن تمجيد بـ خالد مو كشف السرقات الفنيه .. وكالعاده في مثل هذي المواضيع يتم طرح اسم فنان العرب عشان ياخذ الموضوع حجمه ..

بالنسبه لـ جماهير خالد اكثر من فنان العرب محمد عبده فعلا شي غريب .. الغريب انك تسمع السوري والتونسي والمغربي يردد ابعاد كنتوا ولا قريبين .. ولا الاماكن .. هذا الشي الغريب


أقتباسفنان العرب : الاستاذ الرائع ( محمد عبده ) .
أقتباس
في البدايه ساخبركم عن السر بسبب تسمية "فنان العرب" ، لانه استطاع دمج مقدمتين موسيقتين
في ادليب واحد


هههههههههههههههههههههه .. لاتعليــق خانك اعداد الموضوع يالغالي ..

سؤال قبل لا اطلع هل خالد لحن اغاني مكهبله او غنى اغنيه من هالنوع ..؟

واسف على ردي السريع لـ ضيق الوقت عندي حاليا .. وسامحوني اذا فيه اغلاط

..

Khlil 06-07-2009 06:06 PM
رد: سرقات فنـيّه : محمد عبده ، ماجد المهندس ، فارس مهدي
 
أقتباسخالد عبدالرحمن .. زمـان .. pp7

أقتباس

خلاص .. ابو نايف .. اعتقد انتهى ) :


  • يمكن يكون انتهى عندك ، بس ما انتهى عند جمهوره .


أقتباسالكلام مردود على صاحبه :f:


  • طيب اشكرك ، واكتفي بها الرد (F)


أقتباسصحيح

أقتباس


اضف لهم فارس مهدي .. اكثر جماهيريه :d



لو هي على الهياط طال عمرك .. اجل انا يحق لي اقول عزازي فنان العرب pp13




  • عزازي ذا محد مقدره الا جمهور اللي بالقصيم ، عالعموم يبقى فنان ع العين والراس P9 .
لو على الهياط ؟!! طيب لو على السرقات وش تقول pp13 ؟





أقتباسانا على فكره التوافق بمقطع او مقطعين ما اسميها سرقه




أقتباس


على كذا كل الفنانين يسرقون الحان



بعطيك مثال





خالد له اغنيه يقول فيها


تشتاق ؟


ولا اعلمك تشتاق

الفراق !
أقتباس

مر ماينطاق











اسمعها واسمع اغنية لابونوره قديمه يقول فيها


اشتاق ؟


اسأل عنكم الاشواق

الفراق !

ماغير علي الفراق











اللحن قررريب جداً بهالكوبليه


هل اقول انه مسروق ؟








  • سبق وان قلت لك ، اذنك الموسيقيه فيها خلل بوجهة نظري pq9
  • تعتبره مسروق او مو مسروق فهذا شيء راجعلك .





أقتباسعقبال ماتصير اذني موسيقيه مثل اذنك





  • ابطت pp13 .






أقتباسانا اجبرت احد على رايي ؟ p6p6




أقتباس


ادوّر كلمه غصبت فيها العالم انها تكون نفس وجهة نظري .. مالقيت p6p6





  • مثلك عارف ، اللون له دور pp13 . لو اصير آدمن هنا كان نصهم مأيديني .. مع احترامي طبعًا (F)
شاكرلك ع المرور استاذي (F)




أقتباس

اول شـي وعليكـم السـلام ورحمـة الله وبركاتـه pb189

انـا بعلـق علـى رد لكـ ماعلـي مـن الموضـوع كلـه :d

لأن لا انـا بقتنـع ولا انـت بتقتنـع pb189











  • اذا اعطيتي الموضوع حقه ورديتي عليه اقدر ارد عليك انا ، شاكرلك عالمرور استاذتي (F)







أقتباساسمع مقدمة اغنية العطا لخالد ومقدمة اغنية مستغربه لراشد الماجد




  • البوم "الدنيا حظوظ" اللي يتضمن اغنية ( مستغربه ) ، والبوم "ودي تشوف الهم" اللي يضم اغنية العطا نزلوا بعام 1413 هـ

  • لكن البوم خالد "ودي تشوف الهم" نزل قبل البوم الدنيا حظوظ .. وابوطلال جمهوره يكفيه P9 .
  • لوثت موضوعي بارنبك "الوصخ" .. لذلك ما اتشرف بان يوزرك يكون متواجد للمره الثانيه بموضوعي ، واي شيء حاب تناقشني فيه عندك الماسنجر : ) .
  • شاكرلك ع المرور استاذي ابو ارنب (F) .






  • تنبيه : ترى انا مو مكينه بدقيقه اقدر ارد عليكم باقتباس ، اعطوني فتره .
  • اللي مارديت عليه فهذا مو معناته اني قصرت بحق يوزره ، لكني قصرت بحق رده .
  • اللي حاب يناقشني بشكل اوسع حول الموضوع فانا اتشرف : ولكن ع الايميل : )

I b r a a 06-07-2009 07:26 PM
رد: سرقات فنـيّه : محمد عبده ، ماجد المهندس ، فارس مهدي
 
.

.

.

أقتباسلو اصير آدمن هنا كان نصهم مأيديني .. مع احترامي طبعًا (F)


يعني اللي ايدني فوق عشان لوني ؟ :d
يلعن ام التفكير p22

المهم
الموضوع اخذ منحنى ثاني وبديت تغلط على اي واحد مايتفق معك
مب شرط اذا قلت وجهة نظرك ان كل الاعضاء يوافقونك ..
خل عندك شوية احترام وادب للي يرد عليك :)

مغلق (F)


الساعة الآن 02:44 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0

Ads Management Version 3.0.1 by Saeed Al-Atwi