- معلييش ..
- ممكن بس ..

لحظـه ، ثانيه هنا بس اببكـي ..
لا لا لااا وش ابكي ..
ابـ آنهـاااار !
ايه ابـ انهاااااااااااااااااااار ..
ابصيح ..

ابغى اليوم كل حروفي ، ابجمع حزني هنا ..
ابثر دمعي هنا ..
ابصرخ ..
ابصرخ ..
واصرخ !

دموعي ما هي على حبيب ..
ولا هي ع صديق ..
هي على كل ما تآلمت ..
نخييتك ..
وقلت ( أخ) ..!

دموعي نزلة لـ: شخص جمعنا دم واحد !
أبو واحد !
بيت واحد..
لمنا صدر واحد ..

يومنا ، طفولتنا ، كل شئ فيه هو أنا !

آخوي || ..

شاب ما كمل العشرين ..
اصغر مني ..بسنه وشهرين !
بس وربي كبير بعيني ..
كبير بوجوده ، بآحساسه ..
كبير بـ قلبي وبصدري مكانه كبير..

كان يبي يجي ..
موعد رجعته بعد يومين ..
وكلمني يقول وش تبين من هون وش توصين ..
بهفتي ارد وقول سلامتك بس تعال ، رد بروح الحلوه بضحكته المعتاده ..
بس خلاص عرفت الحين وش تحبين !

آيييه انت تعرف وش احب ، وش اكره ..
آييه انت اقرب من خواتي آقرب من اصدق صحباتي ..
آييه انت اللي تفهمني مهما خبيت آلمي ..
مهما اظهرت فرحتي بس انت تفهمني ..
كان صعب كل مره اكذب علييك ، لآنك كاشفني
صعب اقولك بخير ، لآنك ادرى بي !
اول يوقف معي .. وآخر من يجرحني ..

كنت معنى الآخ ..
آخ ..
وكنت لي كل هـ المعاني ..
السند انت ..
والعون انت ..
وعزوتي انت ..

اذكر كثير البنات ..
يحسدوني على انك اخوي ..
واذكر بعد يوم سافرت
حزنوا معي كل اللي في ماسنجري ..
كان آول مره بحزن يشفوني ..
وتدري ان كل اللي يعرفني .. لازم يعرفك انت بعد ..
مش عشانك اخوي ..
لا اا ..
عشان ما فيه مواقف حلوه بحياتي إلا وأنت فيها ..
وما فيه شئ حلو بحياتي إلا وجودك انت بها ..


|| ~ سافرت

وقلنا يتعلم ويجينا ,,
وبشوق لك آحترينا ..
وآمي امس اشترت ملحف جديد ..لغرفتك
وشرينا مقاضي عزيمةرجعتك ..
وابوي اللي يقول اذا جاء بندر بسوي وبسوي ..
يخطط لـطلعاته معك !
وآختك انا اللي من آول يوم سافرته كنت احتري رجعتك ..
كنت كل ما احس بضيق ..
ادخل غرفتك
واجلس ع سريرك ..
اييه سريرك وفراشك ..
وريحة عطوراتك ..
لساك كل شئ على مكان ..
كنه هـاك اليوم ..
اللي كنا فيه سوا سهرانين ..ونضحك ..
ما كان في بالنا ..
بيجي يوم وافقدك ..
ما جاء ببالي اني بجلس وابكي ع صورك ..

وينك ..؟!
انا ادري لو قلته لك ..
بتجيني ..
بس الحيين كيفك؟!
يقولوا خايفين ، ما نطمنك ...
يقولوا الجهزه حاولييك ..
يقولوا ..كان يومك بس رحمة ربك !

كان يتكلمون عن الحادث ..
بس ما كنت اعرف انه هـ المسمى بخذك منا ..
كلمني ..بس ابسمع صوتك ..
ابـ اخطبلك ..
ابـ ابحكي لك ..
ابـ اسوي كل اللي تبيه انتا !
بس لا يخذك الموت منا !
لااا تدخل بغيبوبه ..وتسمعنا ولا تحكي !
بندر طول عمرك ترحمنا ..
وتبر امك وابوك وانا ..
وش فيييك اليوم تعذبنا !
يا بندر ..
الدنيا من دونك ولا تسوى ..
انا اقراء محادثتنا ..
يوم فجأه نزل آحساس الآخوه بيننا ..
وكنا نضحك ع هالآحساس ..
ما كنت ادري آخر حروف تكتبها لي فيها!
ولا ادري اني بفتح ماسنجري وآلقااك مطفي !
ولا ادري انك يوم(( تكلمني وتقل توصين شئ)) ..
كان قلت لك خفف هـ السرعه شوي ..
اييه يابندر خفف هـ السرعه شوي ..
لا تسوق بسرعه ..
ترا احنا بشوق نتظرك ..
وامي كل شوي تذكر آخوك بموعد طيارتك !
عشان ما يتآخر بالمطار علييك ..
وينك ..
ما نبي شئ من لندن ..
بس نبي سلامتك ،
ما آقولها لك مجامل
والله صدق ..
نبي سلامتك !


*يا غيمه ظللت عمري ..
ويمشي ظلالها معااي .. ~

ياليتك كنت مثلهم ..
كنت مثل اي آخ عااادي ..
مب عن كل الناس يدرون ، بقوة بعلاقتنا !
قرب صداقتنا


في بيت جدتنا كنت انا ..
اسمعهم يتهامسون حادث ..
وهذي تقول كييف ، وشوحادث ..
وجعني قلبي وسأل منهو صاحب هـ الحادث ..

كلهم سكتوا ..
ما قدروا ..
استصعبوا ..يقولون لــ : اقرب احبابك!
كيف يقولونه وهم يدرون ميين انت عندي ..
وكيف انت بـصدري ..
وش غلااك بعيوني ..
كنت توني اسولف عنك ..
كنت توني فـ سيرتك..
ويعرفون ميين انت عندي..
شلون يقول اخوك ..
شلون ينطقونها لي ؟!
عرفت من عيونهم ..
بدت تلمع .. وحنين وآلم منها بداء يطلع ..
يعرفت انه يقرب لي ..
بس كنت انت في بالي ..
صرخت بقوه ..
مييين هو صاحب الحادث ؟؟!!
وقلبي كان يرقع ..
وقلبي كان يرقع ..

انهارت عمتي ..
اييه ام صديقك ..
اللي كنت تسهر عندها ..
وتعلب انت وولدها ..
وتروحون المدسه سوا ..
اييه اللي تعدك واحد من عيالها ..

وقتها بس دريت ..
انك هـ المتهور صاحب الحادث ..!




- يارب تقومه لنا ولا تحرمني شوفته ..
يارب لا تحرمني شوفته ..
يارب لا تحرمني شوفته ..