قبل شهر بالتحديد الله فتح علي بالرزق وتوظفت بااحد المراكز التطوعية وظيفتي كاتبه
الايام الاولى حلوة كل شيء تمام .... بعد كم يوم المركز سوو حفل تطوعي للامهات
من اكلات شعبية وكل شيء يخطر على بالكم مسابقات ومحاضرة دينية من احد الاخوات جزاها الله خير
انا دخلت للمديرة اسألها اذا فيه شغل اليوم ..( اقصد على كمبيوتري) طبعاً ردت علي لا اليوم مافيه شغل
لان اليوم بيكون يوم مفتوح بحضور الامهات ...( بالله ركزوا على كلمة اليوم مافيه شغل ) ...! ..سمعتها
قالت لي كذا ..انبسطت واروح اجلس مع البنات بالسور واجلس اسولف مع البنات... وشوي تجيني
نادتني هند تعالي شوي ..! ويوم ادخل للادارة والا تفاجأني هاك اوراق ابغاك تسوووين كذا وكذا ....!
المشكلة الاوراق مهيب مهمة يعني اليوم الاربعاء اقدر اخذها واصلحها في البيت ..( مادري حركة نجاسة ولا..! )
واروح لمكتبي فوق واتحلطم ..افكر الحين وش يسوون في الحفل و.. الخ ....
انسانه حسيت فيها النذالة من اول يوم
بعد مالاحظت تصرفاتها وانا اسولف معها ...!!
بعد كم اسبوع ويسوون حفل ثاني للامهات المتعلمات المهم اول ماحضرت وقعت ورحت فوق لمكتبي اسولف مع البنات
على اساس انهم قالوا مافيه شغل اليوم .... وشوي يرسلون لي المساعده ومعها اوراق وطلبت مني اسوي جداول واطبع
يعني العالم كلهم محتفليييين ومنبسطيين الا غصب اكتب لكم شايفيني آلة كاتبة ... وربي مقهورة لاشفت شيء ولاحضرت معهم لان المديرة بغتها ضروري ....
واخلص على العشر الدقايق من انتهاء الحفل .... عقب وش حضرت على تسليم الجوائز
انا مع الايام حسيت انه خلاص ماعاد اقدر اواصل معهم انا مهوب مخفة عندكم ......! تشغلوني على كيفكم
- المديرة تطلب مني اوراق اصلحها واسوي على رغبتها ..
بالاخير القاها معدلة فيه يااما تحط براويز للورق او تلون الخط طيب
ليش ماقلتي لي من اول ...!
- طلبت مني اكتب اعلان والصقه بالجدار .... واليوم الثاني القاه مغير يااما ملون او كاتبته بالعرض .. يعني ليش كل هالتدقيق ...
ليش ماطلبتي مني بالاول ولا بس حركات النذالة مقلقتك
- اللبس تدخلت فيه عبايتي اسلامية ولاهي واسعه ولاهي ضيقة شافت كمي شوي ماسك قالت لي ياليت تغيرين عبايتك .... حتى اللبس تبغاه على اللي يعجبها ....
احياناً يجي خربطة في الطابعه وتحطها علي المشكلة قدام المعلمات
تناظرني وتتهمني باني الي خربت الصفحة واقول لها ترى المشكلة من
جهازك مهوب من عندي ....وتسكت
ومرة وحدة من المعلمات اخطت في الكتابة وثم تحطها فيني
واقول لها موب انا هذي المساعده الي سوتها
انا قلت لامي اني بااهون نصحتني لاتستعجلين تراك حساسه ومن ذا الكلام ...
بس اهلي مايشوفون الي اشوفه
بعدها قررت اني اهووون وارتاح منهم مااحب القيود انا ولا احب احد يتأمر علي كذا .... كل شيء له حدود
حتى ماتكرمت تكلمني وتقول لي تعالي خذي راتبك ..ارسلت لي رساله ...
انا رديت عليها بعد اسبوع على اساس اني بااخذه .....
جاء اليوم العصر تتصل علي وانا نايمه ... قالت لي كم غبتي وكذا
وشوي تقول ترى انخصم من الراتب ...! يعني من زين الراتب علشان تخصمين
ولا هو من جيبك علشان تحكمين كم وكم ...!
فرضاً اعطيكم مبلغ معين وقدره 1000ريال
بحكم انه المركز رواتبهم اقل من 2000 ريال ...
المهم لو فرضنا انه الراتب 1000 ريال فا هي خصمت الين صار 600 ريال ...
انا اعطيكم مثال ..لانها سوت لي كذا اخصمت كثير
يعني كل يوم له 100 ريال ولا وش ....! صدق انسانه نذلة وبقمة الوقاحة .....
مااقول الا حسبي الله ونعم الوكيل فيك
ليش الناس قلوبهم مليانه حسد ..( المشكلة الحرمة هذي ملتزمة )
وغير كذا معاقة حركياً .... كل هذا ولا تحس
صحيح الموظفة تسمع كلام مديرتها لكن مهوب بشكل كذا
انتي على كلمتك الاولى ... التهم باللخبطة الاوراق ماهي مقبولة
ولاتجي بالشكل كذا قدام الناس ولا غير كذا الصق شيء تروحين وتشيلينه
انا موب بحاجة لفلوسهم ولاشيء اهم شيء الاحترام وترى الكرامة غالية
و الواحد يحتاج يغير من جو البيت والهموم الي بداخله
والله لهم وحشة البنات خاصةً الي حبوني ولا المعلمات عسل
ارتاح شوي من المصرية ولا الجيزانية المشفوحه
باافتقد لـ سميتي
سبحانك اللهم و بحمدك أشهد أن لا إله إلا أنت أستغفرك و أتوب إليك
15-06-2009, 07:26 PM
( | فضفضة موظفة سابقة | ) .....!
العرض الشجري
