حي قلب(ن) .. مبتسم لي .. كله إعجاب ومهابه = وحي شخص(ن) .. دوم أشوفه .. عندي بكل الرجال
ياجنون الحرف فيني.. ياعذابي واغترابه = ياأحاسيس الغرام .. اللي تمايل لك ومال
ياابجديات المعاني .. ياتصاوير الكتابه = ياجنون العشق فيني .. آه من ذا البعد .. طال !
مادريت إنك .. رسمت ببعدك أنواع الكآبه = في فؤاد(ن) قد ملكته .. وأشهد إن الحال حال
هلت دموعي بغيابك .. كنها مزون السحابه = واحترق قلبي عشانك .. آه لا عز الوصال
آه ياللي .. من عشقته .. دنيتي تهنى بجنابه = ويمتلكني .. كل عزي .. دامني نلت المنال
أظلمت دنياي دونه .. دون مايضوي شهابه = واحرقتني شمس بعده .. وأنا أدور للظلال
ذاك خلي .. كل عشقي .. ياغرامي وياعذابه = ذاك حبي .. تاج راسي .. كل مالي والحلال
إيه أحبه .. حيل أحبه .. ياعداه وياصحابه = مسكنه قلبي .. بس قولوا له "تعال" !!
حار فيني .. كم سؤال(ن) .. ينتظر رد الإجابة = والإجابة من حبيبي .. تنتظر طرح السؤال
ومابقى لي غير كلمة .. تنتظر منه جوابه = حبك اللي بي تمكن .. مدري حبي لايزال ؟!