يالتني طفل دايم يوجهي ضحكتي اشوف كل الكون اشكال والوان...
بسم الله وعلى بركة الله ينطلق المركب اليوم عبر الفضاء ليصافح اروع الاعضاء بالحب والصفاء
مسائكم وصباحكم ورود ورياحين
لي فتره طويله وانا افكر وش اقدم للمجلس وبكل صراحه عجزت لاكن قلت خلوا الاعضاء يتونسون مابقى شي على الاختبارات ونكدها واليوم راح افضفض عن الطفوله ااااااااااااااه المرحله الوحيده اللي ودي ارجعلها الحمد لله عشتها بالطويله والقصيره واخذتها على مهل وبسعاده الحمد لله بس باقي مراحل عمري مدري وش مريتها .....
مسيرة حياتي مع الجبن هاذا سر خاص جدا بس راح ابوح به اليوم للغالين تدرون وش قيمة الجبن بحياتي هي كل دنيتي من طفولتي الى الان شي مايدخل العقل قد ايش تقديسي لها احب كل الانواع سايله كرفت بيضاء وحتى جبن البرغر ماسلم مني احطه بسندوتش واكله قبيلتنا كلها ودها تعرف وش دليل هالسر عندي
طال عمركم من يوم وانا صغيره كنت اسرق صحن الجبن من الثلاجه واجلس عن عتبة باب الحمام الله يكرمكم واتلذذ فيها واخذ علبة الجبن والملعقه واحط بالصحن واروح الغرفه اكلها واذا مررررره مره مافي ملاعق او بعيده عني عادي مااستصعب الموضوع ادخل ايدي ووووووع طفله اهم شي اكل.
قبل فتره كان ابوي يسولف يقول هاذي البنت اللي يبي يكسب رضاها يجيب لها جبن يعني مب لهالدرجه هههههههه يالبى قلبك ياابوي وبعد يقول هاذي البنت الوحيده اللي مافلستني .
الاحين جالسه احاول ابتعد عنها يعني مو معقول اذا جيت ومالقيت غداء اخذ سندوتش جبنه واذا العشاء ماعجبني سندوتش جبنه والفطور بالمدرسه شي لازم يكون فيه جبنه كروسون بريك فطيره واذا مره بيتزا بس فيها جبنه يعني حالتي مستعصيه.
قبل فترة سنه و10 شهور طلت علينا فتاة بالبيت وهي اختي الصعنونه تخيلوا ان هوس الجبن طلع فيها يوم نجلس على السفره تجلس تاشر على الجبن اعطيني ماتاكل شي ثاني وتحب شي اسمه جبن المثلثات لدرجة ابوي يشتريلها علبه صغيره لها بالصباح تفطر على حبه وبالمساء تاكل وحده واول ماتبكي سكوتها بهالجبنه يعني مدري وش سواتنا بصراحه وش سبب هالحب فيها....
البحر وارتباطه بالصابون هاذا طال عمركم عندي بزر بالبيت على صغر عمره الا انه ماعنده شي من اعلام البراءه يازين اطفال زمان ويازين براءتهم مالكم بالطويله قبل كم يوم كنا بالبحر عموما يوم جمعه وباليل وفيه موووج مره عالي طبعا كنا بالسياره والكل مندمج وتجي الطامه الكبرى من اخوي اللي ماتوقعت بيوم تكون كذا عقليته فجرها وقال ابوي وش يحطون بالبحر صابون الكل صمت وقالت وش هالاستنتاج صابون قال ايه اجل وش هالرغوه اللي بااطراف البحر والامواج ليه بيضاء ياحسيت اني ببكي بس تفجرت عندي كل الضحكااااااااات ذاك اليوم توني ادري ان اخوي فيه ذرة براءه. ياناس وش هالاستنتاج اللي طلع من مخه
دموووع وضحك هاذي شخصيتي وانا صغيره وحده ماتعرف وش تبي لاهزئوني جلست ابكي وبعدين يأنبهم ضميرهم ويلعبوني واضحك مع عيون مفقعه ووجه وحواجب حمراء وماتركت هالعاده الا يومكم هاذا تخيلوا لابكيت تذكرت شي حلو وابتسم احس ان ماعندي قرار ابي اضحك والا ابكي.
الا على طاري البكاء تدرون ان دموعي غاليه مررررررره لدرجة اني لابكيت الكل يحقق طلباتي ويبكون معي تخيلوا مره من المرات يوم كنت بصف ثالث متوسط من زماااااان الاستاذه هزئتني في سالفه مااعرف وش هي ماتلقون الا دموعي اربع اربع وتجي الاستاذه وتحضني وتقول خلاص ياقلبي ووحده من بنات الفصل صارت تبكي معي والكل تأثر لي والاستاذه ياقلبي خلاص انسي ياعمري انا اسفه من جد اذكر هالسالفه اجلس اضحك على حالي وبعد ماطلعت الاستاذه قالوا البنات تكفين لاعاد تبكين قطعتي قلوبنا وجهك يحزن لابكيتي ومن يومتها عرفت ان نقطة ضعق الناس هي الاربع اربع.....
الحب الحقيقي الحب الحقيقي بيعش ياحبيبي بيخلينا نسامح بينسينا امبارح بيخلينا نفكر دائما بايامنا اللي جايه لو ترجع ثواني بيرجعنا ثاني واجري عليك ياحبيبي واقلك حقك عليا هو دا هو دا هو دا الحب الحبيبي
قبل حوالي شهرين كنت بالغرفه الا واسمع ابوي يناديني واجي اركض يقول شوفي هالاغنيه كنتي تموتين عليها وانتي صغيره يوم طالعتها ياويل قلبي تذكرت يوم كنت اسنتر عليها عند التلفزيون وياحبيلي لهامن ايام تدرون لاقلت لااحد اني احبه ا احس يفهموني غلط يقولون ذي من يوم وهي صغيره ........حسب النيات ترى وانا لا والله بس كنت احب الاطفال يوميعملون قلب كبيييييييييييييييييييييير بالحديقه ويجلسون يغنون الله يرحم ذيك الايام حب عفيف ههههههههههه.
اترجى عمتي السباحه هوايتي المفضله من صغري لاكن ماتعمقت فيها كنا لارحنا الشاليهات امي تسبحني لين يوم من الايام وكان عمري انا ذاك5سنين رفضت تخليني بحكم ان المسبح كله عيال الا واجي اروح عند عمتي وابكي لها وتقوم تحلف على امي وتلبسني ونزلت سبحت الى الان لاتذكرت هالسالفه اصير اضحك....
طرفه اخويه هاذا مره من المرات وحنا بالسياره وفاتحين القزاز ويجي اخوي ونيته يقول اقفل القزاز وشغل المكيف قام قال اقفل المكيف وشغل القزاز والكل فطس بالسياره من الضحك.
عموما الطفوله محد يقدر ينكرها او ينكر اهميتها لدى الفرد والنشئه وهي تعكس شخصية الانسان من وهو صغير وتبين مدى اهتمامته وتطلعاته يعني مثلي عشقي كله قراءه واكل جبنه لان ياعتمدت عليها من وانا صغيره لين ماكبرت ومحد يقدر يغيرها فيني.
اسئلتي 1-وش اطرف موقف لي اضحككم.... 2-وكيف كانت طفولتكم...... 3-وهل انعكست على شخصيتكم.... 4- وشنو تذكرون موقف من الطفوله ....
وانشا ءالله مااكون ثقلت عليكم وموضوعي يكون خفيف مع ان كلامي كثير
04-06-2009, 11:56 AM
يالتني طفل دايم يوجهي ضحكتي اشوف كل الكون اشكال والوان...
احطه بسندوتش 
واتلذذ فيها 
ي ووووووع طفله اهم شي اكل.
يعني مب لهالدرجه هههههههه يالبى قلبك ياابوي 
ا....
الكل
صابون قال ايه اجل وش هالرغوه اللي
ي لاهزئوني جلست ابكي
مع عيون مفقعه ووجه وحواجب 
والكل تأثر لي والاستاذه ياقلبي خلاص انسي
العرض الشجري
