تشوش الحميا والهواجيس قدح زناد=وقلبي من الأحساس ضخت شرايينه
عليك الله اكبر يا زمان أمس يا جحاد=وانا ماتوقعت الزمن ناسي حينه
جملنا جملنا قايد الزمل ما ينقاد=ولو هو برك للحمل كثرت سكاكينه
يا ياسر عليك آمان ربي من الحساد=ضعيف يدور زلتك _فاتح عينه
ترى من جداه يراقب الناس بالمرصاد=ضعيف خفيف ماش حيل و ولد قينه
يعقب الردي واللاش ومزهب الأصفاد=ومن بروز أسمه قبل يكتب عناوينه
ومن غار مالقناص بالما العكر يصطاد=إذا ماشبح للنايفه تقصر يدينه
ألوووف الحشود_العام في خانة (الآحاد)=وهذي السنه ترقص لإعلام وتدينه
من الزوبعه بانت نفوس تبث أحقاد=وعرق النسب دساس ويحدد الجينه
يشوفون أسمك واللقب طاول الأمجاد=أناس ضعاف تخرج المرأ من دينه
لما أكبر ولدهم لقمته قربوه الزاد=و ولدنا يموت من السحا ما حد يعينه
ورشفة عسل مجرا تداوي غشش الأكباد=ومن يصعب علاجه فحنا مداوينه
تعصب حميا هزت مدرج الأستاد=وميول النوادي لأجل عيناك ملغينه
تحزم ترى منت بلحالك وراك أعداد=تدوس الخطر والنذل والهيين تهينه
يا بو سعيد براق الحيا حثحث الرعاد=وسالت مزونه وأروت الزرع والطينه
وجبال السراه ارسى من العارض المنقاد=ومن طيب صيب الأرض تثمر بساتينه
تهب الرياح العاتيه ثابت الأوتاد=ولازعزعه ياكود ثورة براكينه
29-03-2009, 10:46 PM
يا ياسر عليك آمان ربي من الحساد
العرض الشجري
