<!-- / icon and title --><!-- message -->
السلام عليكم ورحمة الله وبركاته
تمر علينا الكثير من الصور ولكن بعضها
تبقى في الذاكره
ربما لتميزها / او لجمالها / وربما لأننا قرأناها بعمق اكبر
هذه الصوره كانت في اليوم الثاني لتحقيق كأس ولي العهد
وفي اليوم الثاني لطرد مدرب الهلال
كوزمين توقفت عندها كثيراً
وجدت فيها حزن عميق في وقت يفترض انه للاحتفال
اسئله / كثيره حاولت ان اطرحها على الصوره
فكانت اجاباتها من خلال القصيده ودمتم بخير
[IMG]
[/IMG]
حزين من التعب / والا حزين من القهر يامير
..................... حزين من العنا / والا طرا لك / يالغلا طاري
علامك ؟.. للحزن في وجهك /وفي منطقك تعبير
.....................وذا كاس الذهب / يختال في حضرتك ويماري
لمحتك / وانكسرمن مفرق احزانك شعاع عصير
.................. قريتك / وانت تكتب للحياه / ونهرها الجاري
سألتك/ والسؤال اللي ابد مايحتمل تأخير
................. من اللي يحمل/ احساس البحر/ واحلام الاسفارِ
معك تبرير / لو تبغى تبررها / معك تبرير
.........................لكنّ العذر مايرضي / مراجل كل مغوارِ
دخيلك / ترفع حجاجك سما / واللي يصير يصير
..................... تبسم : يبتهج رمل الطريق / ويفرح الساري
تعيش احلامك / وتكبر / ولا/ لاهل الردى تاثير
................... لأنك اكبر من / السوق / والبياع / والشاري
يشعشع نورك الصادق / بدرب الزيف والتزوير
........................ ويبقى للأمل في / حضرتك / قيمه ومقدارٍ
لك الله / ماحملنا لك سوى الاعجاب والتقدي
............................. وحبٌ للشواطي يشتعل في قلب بحارٍ
شبيه الريح / والدنيا تنادي / ياشبيه الخير
.......................معك فوق الاماني / والرجاوي /قدرة الباري