جلست بوحدتي أذكر زماني

وشوقي لشوف أحبابي يبكيني

دموعي من حر ذكراهم تعذبني

سألني الحزن بنبره يعاتبني؟؟

ليش دوم تقلبين الماضي وتناديني

ليش الأمل يكون ضيف في ديارك

سالت عبرتي وزادت آهاتي

وين الأمل ؟؟ وين الفرح من بعد فرقا الحبايب

وين تغاريد الطيور وشذا ذيك الرحايق؟؟؟

وين ألوان الغرام بوسط شلال النسايم

رد وقالي: بس العمر قدامك والأمل جنبك

في كل ساعه ينولد حلم جديد

في كل ثانيه تتفتح زهور الياسمين

مانتهى العمر عند فقدان الحلم

وما مات الزهر عند ذبلان الأصل

بس أنا بشر أحساسي فيه فرق

وش بقى من بعد ما كوى قلبي القهر

وش بقى من بعد ما صار صوتي ألم

أنا شبح من أساطير (ن) مضت

ايه نعم كنت شمعه والحب كان نوري

بس أنطفت من بعد عصف الهجر

أنا ماني قيس ولا ليلى

ولاني قصه من ألف ليله وليله

أنا حبر على صفحة ألم تخلى الراوي عني قبل لا تجف أوراقه

أنا ماني من إلهام شاعر ولا روايات الغزل

أنا بشر كلني أحساس وعبر

أنا دنيا كل ما ضيها حزن

ما بقى عندي قول غير تقليب القدر

ولا بقى عندي صبر كل عمري أندثر

مابقى غيرك أنت ياحزن

أقضى معاك مابقى من عمر ....