البارحة والقلوب أصحاب .. كنت القمر وانت تمدحني || جديد فنان العرب || - الصفحة 2 - شبكة القناص

**I b r a a** · 25-04-2009, 08:13 AM

.

.

يالبى الكشخة بس
كيف الوقفة وتطييرة العيون بس ؟
عز الله انك مملوح ووسيم يابونوره بكل حالاتك

صبحهم بالخير

الثلاثاء الجاي
يوم مش اي يوم
يوم مش عادي ابداً <-- ياشين اللي يبي يسوي مقدمات وهو مايعرف شيء .. اكتب وش عندك واخلص علينا
المهم ان ابونوره قرر ينزّل البومه الثلاثاء الجاي
طبعا ً على كلام روتانا .. نزلت اعلان للالبوم تقول انه الثلاثاء الجاي
وابونوره مادري وش سالفة اهله .. ببرنامج تاراتاتا الاسبوع اللي راح يقول البومي بعد شهرين <-- يسمع بالاثاره والتشويق
ايه عاد انا معتمد على كلام روتانا وان الالبوم الثلاثاء الجاي وجايب لكم كلمات الألبوم ولا لو اعتمد على ابونوره عز الله ضعت

طبعاً الألبوم يحتوي على 8 اغاني
وكلها اغاني خفيفة وشبابيه .. مافيه ولا اغنية طربيه حسب ما اعلن ابونوره قبل فتره على روتانا
عنوان الالبوم ( وحدك ) .. وهي اغنية من كلمات البدر
على العموم الألبوم راح يكون على النحو التالي :
5 اغاني من كلمات البدر
واغنية وحده لـ ثريا قابل
واغنية وحده لـ سعود بن عبدالله
واغنية وحده لـ النديم ( ماجازت لي كلماته .. منب حاطن له قلب )

نبدأ بأغاني البدر

- 1 -

الله العالم

وين ياخذنا الهوى .. الله العالم .. يا ترى جرح أو دوا .. الله العالم !
قلي يا فجر ضوى .. وين ياخذنا الهوى ؟

ليه نسأل والسفر في بداياته .. المهم نبعد كثير عن نهاياته
قلبي بالشوق ارتوى .. وين يأخذنا الهوى ؟

أنتي أحلامك بحر ملحه دموعي .. وأنتي جروحك قمر ليله ضلوعي
وأنتي يا عمري الهوى .. وين ياخذنا الهوى ؟

أنا أحبك ما أبي للوله آخر .. الحزن يوم مضى والفرح باكر
دام أنا وأنتي سوا .. حنا يا عمري الهوى

- 2 -

القلوب أصحاب

البارحة والقلوب أصحاب .. كنت القمر وأنت تمدحني
واليوم مدري وش الأسباب .. كنك عدوٍ بيفضحني !
كذاب هذا الثناء كذاب .. وكذاب ذمٍ يجرحني
أخطيت وأخطيت كافي عتاب .. أنطق بحكمي وريحني
إنسان ماني قمر وشهاب .. ليتك ملاكٍ وتنصحني
يا صاحبي ما قطعت رقاب .. عدلٍ قصاصي وتذبحني
ولاني بعد أجمل الأحباب .. الأجمل إنك تسامحني

- 3 -

بحر العيون

تقول اللي طرف عينك أنا مدري هدب أو عود .. أحس أني من اللي صابها ما شوف قدامي
همست وقلت : لا تخافي على بحر العيون السود .. على شط الكحل مريت وهذا موضع أقدامي
أدوّر عن ذهب عمري بقايا كنزي المفقود .. وأشوف الموج يطوي الموج ويبحر مركب أيامي
عيوني بسمة أعيونك ولو صارت مطر ورعود .. أبشرب من ظما دمعك وابغسل جرحي الدامي
عطيني عيونك الليلة وباكر يا عساه صدود .. أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود .. أنا اللي راس مالي حلم وهم الدنيا قدامي

الكلمات خقق خقق

- 4 -

وحدك

لا هوى قبلك ولا أمل بعدك .. لا سما إلا عيونك ولا ثرى في وعدك
انتي كل الناس وحدك .. من ملك ضحكة عيونك !
وابتسام الفجر فيها .. ما بقى في الدنيا ناس
ولا بقى أرضٍ يبيها .. إنتي يا عمري الليالي
كلها قربك وبعدك .. وإنتي كل الناس وحدك
أنا أحبك والله شاهد .. روحي من غيرك تضيع
وإن حكى في حبي واحد .. أتركيه إنتي الجميع
إظلمي قلبي بدلالك .. وإنصفي منهو يردك
إنتي كل الناس وحدك

- 5 -

سلِّـم

يا حابس النور فكفوفك .. سلّم عسى ينجلي همك
انسى الزعل خلنا نشوفك .. مد العتب نسبح فيمك
الناس ما همها ظروفك .. كود الذي يحزن لغمك
انس الزعل خلنا نشوفك .. مد العتب نسبح فيمك
وإن شلت حملك على كتوفك .. بتموت محدٍ ترى يمك
انس الزعل خلنا نشوفك .. مد العتب نسبح فيمك

- 6 -

واحشني زمانك

كلمات الشاعرة : ثريا قابل

حطني جوا بعيونك .. شوف بيا الدنيا كيف
أحلا من شوقي وجنونك .. لما جيلك يوم ضيف
والله واحشني زمانك .. جلستك حضنك حنانك
يا منى روحي وقلبي .. تعبت اداري فشتياقي
زحمة حولي ومنَي لاقي .. وقت وفرصة للتلاقي
والله واحشني زمانك .. جلستك حضنك حنانك
ودي أشيلك وأسافر .. وأترك العالم وأهاجر
حتى تعرف لجل عينك .. قد إيه أقدر أخاطر
والله واحشني زمانك .. جلستك حضنك حنانك

- 7 -

البارحة

كلمات: سعود بن عبدالله

البارحه كانو كثير .. كان الحكي شوق وغرام
أحد حكى عني بخير .. واحد ظلمني بالكلام
تحبني بس لا تغير .. النور يجرحه الظلام
لك عاشق قلبه كبير .. في داخل عيونه تنام
أنا حبيبك للأخير .. لا تنشغل فيهم حرام
ياللي على جناحك أطير .. للحب لقلوب السلام

- 8 -

شخبارك

كلمات: النديم

يسعد هالمسا ويومك .. وشخبارك وشعلومك
ثلاث أيام ما شفناك .. من حقي أنا ألومك
ثلاث أيام يالقاسي .. لاهي عني وناسي
ظنون ودارت براسي .. تبيني أشلون ما لومك
ثلاث أيام يالغالي .. ترى ما غبت عن بالي
أفكر جالس بحالي .. وانطر ساعة قدومك
من اللي شاغلك عني .. يا جرحي وفرحي طمني
فديتك قول علمني .. عسى يومي قبل يومك

بالنسبة للملحنين ، للحين مادري ولا فيه اي خبر باستنثاء اغنية " سلّم " واللي من الحان الدكتور عبدالرب ادريس
على حسب كلام الجزيرة ان باقي الألبوم لـ محمد شفيق

هنا اراؤكم وتوقعاتكم حول الكلمات قبل ماينزل الألبوم
وبرضوه هنا بنفس الموضوع نقاشكم ووجهات نظركم حول الألبوم

خرافي

شكرا ً ماتكفيك