السلام عليكم
يمسيكم بالخير
بعد انقطاع دام اكثر من 6 شهور وادري انكم اشتقتوا لي و كل شي بس الله اقوى ارجع لكم وكلي وله وكل شي
![احرجتني](http://www.alqanas.com.sa/vb/robben/smile/01.gif)
طبعاً وكالعادة اضغط على ايقونه موضوع جديد وانا ما في راسي شي
![](http://www.alqanas.com.sa/vb/robben/tmtm/smiles/biggrin.gif)
يعني الكلام اللي بينكتب اسفل هذا السطر لكم عليه شوي و لكن مشوا حالكم و لا تدققون
![احرجتني](http://www.alqanas.com.sa/vb/robben/smile/01.gif)
كالعادة الموضوع اللي جا في راسي وقته غلط و بعنف لانه هالحين الطلاب تو بدأوا الاجازه ومبسوطين بس نبي نتناقش
![](http://www.alqanas.com.sa/vb/robben/tmtm/smiles/026.gif)
قبل شوي شفت موضوع ان الطلاب السعوديين بيسوون اضراب عن المدارس ولا اخفيكم علماً انه بطني عورني من الضحك مع الاسف
![27](http://www.alqanas.com.sa/vb/robben/smile/019.gif)
لاني قرأت الموضوع و ما عرفت احدد هل الموضوع نكته ولا الشخص يتكلم من جد
![27](http://www.alqanas.com.sa/vb/robben/smile/019.gif)
طبعاً سبب الاضراب انه الاختبارات كثيره و مافيه مستقبل و مدري وشو بعد
![22](http://www.alqanas.com.sa/vb/robben/smile/022.gif)
طيب بما اني اعاشر هذه المرحله من الدراسه و عارف وش يحسون فيه زين
ومعروف هم ثالث ثانوي و خصوصاً الفصل الثاني وكيف الطالب يغسل وجهه بمرقه عند المصاريه علشان النسبه
![27](http://www.alqanas.com.sa/vb/robben/smile/019.gif)
واذا حاجتك عند الـ*&^% قله يا سيدي
![ليه](http://www.alqanas.com.sa/vb/robben/tmtm/smiles/frown.gif)
طيب هالحين فيه اختبارات المدرسه و اختبار قدرات و اختبار تحصيلي و اختبار القبول في الجامعات
![27](http://www.alqanas.com.sa/vb/robben/smile/019.gif)
طيب نبدا في اختبارات المدرسه و في التراكمي
طبعاً اذا كنت في مدرسه اهليه وانت غبي امورك بأذن واحد احد متيسره وما عليك خلاف ابد
لاني اعرف ناس هالحين متخرجين و قسم بالله لامن كلمته ما يعرف يقول جمله مركبه على بعضها و تلاقيه يدرس طب
![27](http://www.alqanas.com.sa/vb/robben/smile/019.gif)
وبكذا ما حدن انظلم الا طلاب المدارس الحكوميه
طيب نبي نتكلم عن اختبار القدرات
طيب انا هالحين عندي ناس يدرسون معي و جايبين في مدارس اهليه نسب فوق الـ 98 % و في اختبار القدرات نسبهم ما تتعدى 65 % و ناس في مدارس حكوميه نسبهم في المدارس ما تتعدى 89 % وفي القدرات نسبهم فوق الـ 80 %
يعني نقدر نقول ان اختبار القدرات ينصف الطلاب اللي انظلموا في المدارس
وبكذا حقق شي ايجابي وماحدن يقدر يعترض
طيب وهالحين فيه طلاب يشتكون من التحصيلي
![pq15](http://www.alqanas.com.sa/vb/qnas/abotalal/smile/15.gif)
طيب التحصيلي وشو ؟
![](http://www.alqanas.com.sa/vb/robben/tmtm/smiles/5o5o.gif)
كل ابوه اسئله من مناهج اولى و ثاني و ثالث ثانوي وفي المواد العلميه بس يعني اللي اشتغل حفظ بس بياكل تبن
![27](http://www.alqanas.com.sa/vb/robben/smile/019.gif)
واللي فاهم راح يحل و يجيب نسبه تمشي اموره
يعني الاختبار منصف للطلاب اللي فاهمين ماهوب المصاريه اللي يشتغلون حفظ بس
![24](http://www.alqanas.com.sa/vb/robben/smile/011.gif)
طيب لو قلنا ان فيه طالب طول حياته في المدرسه بس يحفظ و ماهوب فاهم شي و جاب نسبه تأهله لدراسة االطب مثلاً
كم تتوقع راح يعيد سنه في الجامعه
![](http://www.alqanas.com.sa/vb/robben/tmtm/smiles/5o5o.gif)
وهل لو تخرج و صار دكتور و انت طحت في يده وتبي تسوي عمليه في عيونك مثلاً وش بيكون حالك
![27](http://www.alqanas.com.sa/vb/robben/smile/019.gif)
فبصراحة الاختبارات هذي تنصف كل طالب و تظهر له مستواه و ايش المفروض يكون
يعني بدال ما تختار انت المجال اللي تبيه صار اجباري تختار المجال اللي انت راح تبدع فيه
![24](http://www.alqanas.com.sa/vb/robben/smile/011.gif)
فأتمنى من الله انه تعدي هالسنه على خير بس
![خير ان شالله](http://www.alqanas.com.sa/vb/robben/tmtm/smiles/rolleyes.gif)
وعلى كل حال هذي وجهة نظري واللي ماهيب عاجبته اقرب صبه
![قلب](http://www.alqanas.com.sa/vb/robben/smile/017.gif)
![احرجتني](http://www.alqanas.com.sa/vb/robben/smile/01.gif)
بس : )