السلام عليكم 
من زمان ماسيّرت على المجلس 
,,
حبايب قلبي بنزل موضوع خاص بالشباب ولاحظته كثير وحبيت اناقشه معكم واخترت اللغه العاميه لانها اقرب لقلوبنا ض1
ياحلوين منتشر بين الشباب شي اسمه " مهايطه " ض1
يعني يجيك الواحد يظلل السياره اسود كاتم ويقلك خلينا نهايط على الشعب والدوريات . . . الزبده يعني نسوي واصل ,,
للآسف انتشرت بشكل ملفت للنظر
سرت مااوقف عند اشارة الا تشوف يا[ مبرّز ] الكفرات ولا مركب شنابر وشانق ام الجمس فوق هههههههههههههه . . ولا مكتم ام ام السياره ولا راميلها سدحه اليمه . . ويقلك خلينا نهايط ,,
هذا غير اللي يرز لك الشماغ ويكتم ام ام السياره ويشيل اللوحات الاماميه ويحط صورة ابو متعب بالبدله العسكريه في القزاز الخلفي كبر قريح . . [ لحد يسألني قريح وش هو اسمعها وبس
. . ويقلك انا واصل وانت ماتعرف انا مين . . ولو جات دوريه اول واحد يهبق هو
واعتقد هالشي كلنا بنشوفه سواء ً في الموالات او الاشارات او الشوارع وبزياده في التحليه ض1
وكل واحد سار يسوي طويل عمر . . وصاحب سمو . . . وهو اللي ولد الملك ض1
اسئلتي للموضوع
1 / تتوقع ان اللي " يهايط " على الشعب وش يحس بوه ؟ يكون عنده نقص بنفسه ويبي يكمله ؟
2 / قد جربت الهياط وقد جاب معك نتيجة ولا انطبقت من الحكومه وسيارتك راحت الحجز ؟ 
3 / هل سبق وسار لك موقف مع مهايط . . واذكره وش هو ,,
4 / هل سبق ومشيّت هالحركه انك واصل وطويل عمر على العسكر ؟ هههههههههههههه
5 / موقف قدامك سار لمهايطي مع الامن ووش هو التصرف ,,
6 / كلمة توجهه لهم ؟
اخيرا ً
سؤال للبنات . . وش رايك في الشباب اللي يسون هالحركات ؟ ض1
عموما ً . . هالموضوع وحبيت اناقشكم فيه . . وبالعنيه تكلمت بهالاسلوب لاننا كلنا شباب ونفهم بعض ولو تكلمت بلغه فصحى بيفقد الموضوع . . الهدف المرجو منه . .ض1 ,,
سلامو ض1
03-04-2009, 03:46 AM
كـتّم [ الموّتـر ] ياحبيب القلب . . وتعال نفلها و [ نهايط ] على الشعب.,,
العرض الشجري
