انســــان
عدد الضغطات : 18,536
الجمعية الخيرية لتحفيظ القرآن الكريم
عدد الضغطات : 13,036(انسان) الجمعية الخيرية لرعاية الايتام
عدد الضغطات : 18,649استمع إلى القرآن الكريم
عدد الضغطات : 9,850

   
العودة   شبكة القناص - الموقع الرسمي للاعب ياسر القحطاني > المنتديات العامة > المجلــــــس > منصة تتويج المجلس
   

إضافة رد
 
LinkBack أدوات الموضوع انواع عرض الموضوع
قديم 12-12-2008, 02:06 AM   #1
..: اصدقاء المجلس :..
 
قلب || هـواي البر وأهـل البـر ... وراعـين العنـا كلهـ || رد 117

..









|| ||

...
.

..: اصدقاء المجلس :.. غير متواجد حالياً   رد مع اقتباس
قديم 12-12-2008, 02:32 AM   #2
قناص مميــز
 
الصورة الرمزية Anoud '90
 
افتراضي رد: || هـواي البر وأهـل البـر ... وراعـين العنـا كلهـ ||






نود و متيمة و بيسو خوات وابوهم ابو يزيد ( بيسو الاخت الكبيره ثم متيمة ثم نود )
احلى امنيه و باترفلاي و اوكسجين خوات
[ هذول بنات عم ض1 ]
وصديقات اللي قبل : روح الامل و كيلوباترا و انين المشاعر و ريميه و انا سعوديه

[ بيسو وخواتها مع بعض ]

بيسو : بنات شفتوا صاحبتي طلعوا كشته قبل اسبوع مع اهلها وتقوله
مره وناسه .. وراهـ ما نطلع وش زودنا ؟
نود : ياااهـ ياحلو البر والكشته
متيمة : يالله بيسو قولي لأبوي خل يطلعنا مع بنات عمي خل نستانس
بيسو : مدري والله بس اصبروا افكر بالموضوع
متيمة : طيب
نود : ايييه بيسو يالله وخل نقول لصديقاتنا بعد <- اهم شي
بيسو : طيب طيب اصبروا خل اسأل ابوي قبل [ اللي هو ابو يزيد ]






[ بيسو وابوها ]

بيسو : ( تطق الباب ) ممكن ادخل ؟ <- ما يمديني ع الادب
ابو يزيد : هلا تفضلي
بيسو : شلونك يبا شخبارك ؟
ابو يزيد : بخير .. وانتي شخبارك و وش اخبار خواتك مع الدراسه ؟ <-
بيسو : الحمدلله بخير , يبا بغيت اسالك او اشاورك بشيء
ابو يزيد : سمي >
بيسو : سم الله عدوك .. وش رايك نطلع نكشت ترا ذي الايام تنفع للكشتات
ابو يزيد : والله يا بنيتي اللي تبونه تامرون
بيسو : لان البنات يبون يطلعون للبر ويستانسون بدال هالملل اللي
هم فيه
ابو يزيد : خلاص الراي رايك متى تبين نطلع ؟
بيسو : على راحتك اي وقت
ابو يزيد : خلاص ان شاء الله افكر وارد لك خبر
بيسو : ان شاء الله





[ بيسو مع خواتها ]

بيسو : بناات تعالوا عندي لكم خبر حلووو
نود , متيمة : هااهـ بشري وشو :|
بيسو : ابوي وافق نطلع للبر
نود , متيمة : جد ؟ -->
متيمة : ونااسه
بيسو : ايه ابوي قالي خلاص بفكر متى نطلع اي يوم
نود : قولي له خل نطلع ذا الاسبوع بليييز
بيسو : طيب ان اشاء الله





[ بيسو وابوها ]

ابو يزيد : بيسوو ؟
بيسو : سم يبا >
ابو يزيد : قولي لخواتك خلاص ان شاء الله يوم الاربعاء الفجر بعد بكره
بنطلع للبر
بيسو : يووهـ بيستانسون البنات .. خلاص بقول لهم
ابو يزيد : خلاص وانا بجهز اغراض الكشته من خيمه ووو
بيسو : وانا بكلم بنات عمي وصديقات البنات ونقول لهم بنطلع عشان يجون معنا
وبنقسم وش نجيب ومن هالاشياء
ابو يزيد : خلاص تم







[ بيسو وخواتها ]

بيسو : بناااااات ( تصارخ )
نود : هلاااا
بيسو : وين متيمة ؟
نود : مدري عنها الظاهر تكلم صديقتها
بيسو : طيب روحي ناديها بسرعااااهـ
نود : ان شاء الله ان شاء الله





نود : عمتي متيممممة .. بيسو تبينا , قفلي بسرعه
متيمة : اصبري لما اقضي
نود : يووه بسرعه قفلي تكفين ابي اعرف وش تبي بيسو
متيمة : لا اصبري اخلص السالفه
نود : لاااحقه عليها والله ( نود مع الحماس شوي وتصيح )
متيمة : طيب طيب لا تصيحين اهم شي





نود : بيسو يالله وش كنتي بتقولين ؟
بيسو : كنت بقول لكم بعد بكرهـ بنطلع للبر
نود , متيمة : زيييييييين
بيسو : يالله عاد كل وحده تكلم صاحبتها وبنات عمي وتقول لهم بنطلع للبر
متيمه : انا بقول لـ احلى امنيه و و كيلوباترا
نود : انا بكلم انين و نوف > اهم شي اني اقلد متيمة بكل شي
بيسو : عاد ما علي منكم كلموا اللي تبون , اهم شي نطلع
نود , متيمة : خلاص اليوم راح نقول لهم
بيسو : اوكي





[ متيمة تكلم احلى امنيه ]


متيمه : اهليين
احلى امنيه : هلا والله ببنت عمي
متيمة : كيفك ؟
احلى امنيه : بخير كيفك انتي ؟
متيمة : تمام الحمدلله
متيمة: شفتي شصاار :|
احلى امنيه : ووشوو
متيمة : بطلع للبر بعد بكره
احلى امنيه : حظكم ياحلوو البر
متيمة : وشو حظكم ترا بتجون معنا
احلى امنيه : هو بكيفي ؟
متيمه : لا ابوي يكلم ابوك ويقول له تجون معنا
احلى امنيه : ايييه اييه تكفيين
متيمة : ايه انتي وكل خواتك ان شاء الله
احلى امنيه : ان شاء اااااالله
متيمة : يالله الحين استأذن عشان اروح اكلم ابوي واقول له يكلم ابوك
احلى امنيه : خلاص اوكي
متيمه : مع السلامه
احلى امنيه : مع السلامه


Anoud '90 غير متواجد حالياً   رد مع اقتباس
قديم 12-12-2008, 02:26 PM   #3
. . : زعيم القناصين : . .
 
الصورة الرمزية متيمة الهلال
 
افتراضي رد: || هـواي البر وأهـل البـر ... وراعـين العنـا كلهـ ||






[ نود تكلم نوف و انين بخط مشترك ] <-- متعيجزه اكتب
نود : بناااااااات <-- ماسلمت
نوف : وعليكم السلام خير ؟
انين : اعصابك بس
نوف : لاتلومينها تو تقولي احلى امنيه انهم بيكشتون البر
انين : كللووووووييييييش .. الله وناااسه .. اقول عنودي ؟ <- مصالح
نود : ايه لا تلوموني .. خير انين ؟
انين : يصلح اجي معكم ؟
نوف : وين تقطين وجه ؟! :|
نود : مثل ماانتي قاطه
نوف : انا بنت عمك ياتبن .. ، يجوز عادي اكشف على ابوك
انين : نوف؟
نوف : هلا ؟
انين : كلي تراب كبر راسك ..
نود : انون ماعليك بس انا داقه عليك عشان تجين معناا وش قلتي ؟
نوف : تجي اكيد
انين : ايييييييه جايه جايه الله لايعوق بشر ..
نود : اقول بيسو تناديني
نوف ، انين : مع السلامه





[ بيسو مع متيمه و نود تكلمهم عن شغل الرحله ]



بيسو : شوفوا تقاسمنا شغل الرحله مع البنات ..
عنود : قلتي لكيلوبترا و ريميه ؟
متيمه : ورييم ؟
بيسو : ايه افا عليكم ..
متيمه : نشيمّه ، طيب وش بناخذ وش بياخذون ؟
بيسو : اممممم عادي حنا وهم نفس الشيء يعني بناخذ منقل الشوي و موعين
بنات عمي بياخذون البطاطين و المفارش و ابوي الخيمه و روح والباقين الأكل وهيك يعني
فهمتوا ؟
متيمه : يعني مافي شيء معيّن ..
نود : ايه وشو اصلا ً كل وحده تجيب اكل من بيتها وقضينا و المهم توزعناه والا بيسو ؟
بيسو : صح عليك اول مره تفهمين
نود :
متيمه : ياربيييه انا بنام
نود : اهل الكهف :| ..
بيسو : ههههههههههههههههههههههههههههههههههههههههههههه هههه
شوي الا الباب يفتح .. ابويزيد
ابويزيد : وش مصحيكم لين الحين ؟ :|
نود : نتكلم عن الطلعه
متيمه : انت اللي بتسوق ليه صاحي ؟
ابويزيد : انا اللي بسوق كيفي
بيسو : اقول عن الهذره يبه وروح خمّ المخده ونام ورانا قومه
نود : وباقي نمر على البنات ..
ابويزيد : ايه والله تصبحون على خيير ..
البنات : وانت من اهله ..






[ يوم الاربعاء الفجـر ببيت ابويزيد الاغراض و التجهيزات ]









ابويزيد : الاغراض كلها بالسياره يله لا تأخروناا .. :|
بيسو : وين متيمه ؟
نود : هذا هي جايه .. وش معك ؟! :|
متيمه : يصلح آخذ اللاب ؟
بيسو : لاحول ولا قوة الا بالله خذيه خذيه بس اخلصي .. :/
نود : وانا بعد ابي لابي ..
متيمه : انا وش ذنبي عندي بزر تحتي ؟ ، كل كلمه والثانيه وانا ..
نود :
ابويزيد : والله محد مظلوم غيري ..
وتحـرّكت السياره بأمان الله متجهه لبيت العم ابو نوف






[ السياره و العفش المحمّل فيهاا وترى برد ياللي بتكشتون ]







بيسو : الحين تخيلوا تهب علينا عاصفه ؟ وحنا بهالجو .. ؟
متيمه : ههههههههههههههههههههههههه
نود : نطير معهاا
بيسو : لا جد .. !
ابويزيد : يعني نرجع ؟ نهوّن عن الطلعه ؟
نود : ودّك انت
ابويزيد : ايه والله ما احب هالكشتات بس عشانكم ..
بيسو : الاب الحنون ..
وصلت السياره لبيت العم و قشينا معنا " نوف ، باترفلاي " احلى امنيه مريضه ماجات ..
<-- بأنجلد .. مريضه بس جات
البنات : السلام عليكم كيفك ياعم ؟
ابويزيد : بخير والله بشوفتكم ..
نوف : دومز عموو ..
نود : المرضان مالهم مكان بيننا ..
احلى امنيه : كلي تراب تدفيت وخلاص ..
متيمه : اقول بس اسكتوا ، يبه شغل لنا شيء نسمعه بهالصبح و الجو الخقق ..
ابويزيد : اول شيء نقضي من اللي بنحملهم
وصلت السياره لبيت روح وخذتها وريم معها لأنهم جيران ..
بيسو : حيّهم ..
روح ، ريم : هلا هلا اوخص وش هالجو ليه السياره زحمه ؟
متيمه : الحمد لله احنا بخير
نوف : ههههههههههههههههههههههههههههههههههههه انفجعت
وعلى كثر السوالف والحش و الذب في خلق الله
وصلت السياره لبيت ريميه و اختها كليوبترا .. <-- تشوفوني اجمع العضوات مع بعض
البنات بالسياره : هلا والله حياكم ربي ..
كليو ، ريميه : الله يحييكم ..
نود : عسى مانسيتوا الاغراض وجبتوها ؟
متيمه : كذه ترحّب ترى عادي
نود : <-- ياكثر ماتزعلين
و صلت السياره لآخـر محطه عند انين ..
انين : هايوو قيرلز ..
باترفلاي ، بيسو : هايااااااات
متيمه ونود و نوف و ريم و ريميه و كليو و روح : وعليكم السلام .. :|
انين : انتم وش عرّفكم اصلا ً .. :/
نوف : نعرف تحية الاسلام
بيسو : وانتم بتجلسون تعلقون على كل كلمه ؟
متيمه : اووووص تكفون خلاص اقول يبـــه
ابويزيد مسكين بلحاله : نعم ؟
متيمه : على هالجو الخقق شغل لنا اغنيه ترقصنا ..
ابويزيد : طيب ..






بسيطه لأوريكم وأشوفكم عذابي
بسيطه ظلمتوني وحرمتوني شبابي
جرحتوني وأنا المجروح أسامح
وظلمكم صار عندي شي واضح
بسيطه لأخليكم تنحون على بابي
بسيطه لأخليكم تعضون الأصابع
بسيطه لان حظي معاكم صار ضايع
ألوم الناس لو حظي ونصيبي
وأنا اللي جرحي مايشفي طبيبي
شسوي وأنا صار الحزن زادي وشرابي
بسيطه لأخليكم تنوحون على بابي
عليا بلاوي الناس والدنيا عليا
أش بدايا على المكتوب يادنيا أش بديا
كفايه اللي أجا منكم كفايه
معاكم عند وصلة لنهايه
بسيطه لأصفي اليوم وياكم حسابي
بسيطه لاخليكم تنوحون على بابي





اوووهـ عاد لا تتخيلون منظر السياره وقتهاا ..
يمين يسار فوق تحت تهتز ..





[ بعد ساعتين بالطريق من المدينه للبراري وصلنا البر .. ]
















متيمه : وش ذا الجو الخقق يانااااااس ..
نود : انسوا اني معكم بروح اهيس وهـ يالبيييييه بس
احلى امنيه : بررررد ..
كليو : احد قال تعالي وانتي مريضه ؟ <-- بيذلونها
بيسو : عن الهذره وخل نجهز القهوه ..
روح : وش قهوتوه خل ننصب الخيام اول .. :/
باترفلاي : عمي يسويهاا ..




[ ابويزيد ماقصر و سوا له خيمه و خيمه للبناات .. ]







ويوم قضا شغل الخيمه جهزوا البنات عدّة القهوه وهدّوا روسهم فيها ..










بيسو : بنات اخبار الجامعه معكم ؟
نوف : تجيب الهم والله لو مالتخصص حقي كان سحبت ملفي ..
نود : ايه صح وش اخبارك مع علم الجنوون ..
نوف : لو سمحتي ..
متيمه : وين اللي بتحلل شخصيتي ؟
احلى امنيه : خل تحللني انا بعدين انتي
متيمه : انا اقرب :|
كيلو : اقول بس خلوهاا تفهم مع الدكتور ويصير خير ..
نوف <-- اشوّه سمعتك : انتي اصلا ً محد يقولك شيء ..
روح : حتى انا دريت
بيسو : كلكم شله وحده وسوالفكم وحده يعني كلكم تدرون بس ياشينكم
متيمه : تغيرون السالفه ؟
ريميه : ايه صح يله سولفوا بشيء اونس ..
نود : ريميه ؟ تصدقين نسيت انك معنا .. وين ريم ؟
بيسو : مدري عنها خذت اللاب وراحت ..
متيمه : تخلص البطاريه ولاعاد اشوف صور سامي ..
بيسو : كلن على همه سراا
باترفلاي : اقول .. ماكنا نسينا عمي ماجلسنا معه ..
بيسو : ايه والله حرام بلحاله ..
نود : قومي بيسو و نوف و باترفلاي و احلى امنيه عنده وانا والبنات بنجلس ..
بيسو : ايه هو ابو الجيران
متيمه : بيننا سالفه بنقولها ..
روح : اجي معكم ؟
بيسو : قوموا بناات ..
ريميه : امكم وينها اصلا ً ماتجي ؟ :|
انين : امهم مسيّره في كندا
متيمه : شفتوا كيف ؟
كيلو : وش معنى هي وحنا لا ..
نود : وكل ماشكنا خيط بأبره تخاوونا ؟
ريم : انا رجعت .. ، متيمه وش هاللاب البايخ
متيمه : وش فيه ؟
ريم : بايخ لا خلفيه لا ملفات لا مفضله الله يخلي قوقل بس ..
نود : كل واحد واللي يحبه
ريم : ايه عاد اختك تحب من قلب ..
متيمه : انكتموا ..
ريم : طيب
روح : اقول بس قوموا نجهز الفطور ..
انين : وهـ خلووه علي بس ..
نود : ايييه وانا بعد ..
متيمه : شكرا ً ريّحتوني




متيمة الهلال غير متواجد حالياً   رد مع اقتباس
قديم 12-12-2008, 09:12 PM   #4
قناص مميــز
 
الصورة الرمزية أنا سعوديه
 
افتراضي رد: || هـواي البر وأهـل البـر ... وراعـين العنـا كلهـ ||

₪₪₪

بيسو : نوووووووود نووووووووووووود تعالي قطعي البصل بنحمس الكبده
نود : وشووووووووو اقطع بصل لا ياشيخه مطوله اظافري اكيد بتنشب الريحه
بيسو : نعم نعم ؟! جايبين معانا مصاله بنات هي انتي ماعندي شي اسمه اظافري
اذا ماقطعتي الحين بتقطعين الغدا !
نود : طيب جايبين قطاعه بصل ؟
بيسو : ياربي على الدلع اللي مايليق قطعي لا اجلدك
نود : طيب طيب !



( زينو الفطور و فرشو السماط و حطو الكبده و الجبن و الزيتون و المربى و العسل )






ريمو : متيمااااااااااااااه الشاهي على الفحم جيبيه وانتي جاااااااايه ..
متيمه : طييييييب عندكم بيالااااااااااااااااااات ؟
ريمو : ايييييييه عندنا بس جيبيه ترااااه حااااااار
أبو يزيد : الحين انتم ماتعيشون الا على صراخ ؟
ماتعرفين تقصرين حسك شوي ؟
الحين عيالي بس اللي يصارخون والا كل الناس ؟
ريمو : شف كل الناس يصارخون مب بس حنا
بعدين هي بعيده لازم اصارخ عشان تسمعني
بعدين حنا في بر !
أبو يزيد : ولو تعلمي تقصرين حسك انتي بنت مب ولد
ريمو : سم
بترفلاي : كاكاكا تهزئت ..
ريمو : انطمي بس ..


( افطرو و شبعو وتهاوشو وكل شي صار )



بيسو : نوف عليك شيل الفطور انتي وريميه ..
ريميه : انا قايله علي الغدا وش علي بالفطور تشيل احلى امنيه !
بيسو : والحين انا اذا طلبت من احد قام يتنعفق علي
احلى امنيه شيلي ريميه عليها الغدا !



بعد الفطور تسدحو شوي اللي قام يمشي واللي فتح لاب توبه واللي تهوجس واللي
بدو يجهزون اشياء الغداا .. طبعا مع الشاهي لازم
نود و متيمه جالسين ع الفوتوشوب ..
متيمه : ريييم علمينا شلون تدمجين
ريم : وش تعطوني ؟.
نود : يختي بتذلينا علمينا شلون : \
ريم : بعلمكم بس وش تعطوني اغروني يعني !
متيمه : معي توكس اعطيك ؟
ريم : للأسف شبعانه ابي شي ثاني عليه القيمه !
نود : اذا جا الشاهي والقهوه نزيناها عنك
ريم : صدق ؟
متيمه : ايه صدق
ريم : ترا اذا كذبتو علي ياويلكم بخرب عليككم
وعلمتهم < ياحبيلها هالريم ..







في جهه اللي يمشوون ..


بترفلاي واحلى امنيه و نوف ..






نوف : تكفون مانبي نبعد ترا فيه ناس كثير وماله داعي نبعد عنهم
احلى امنيه : الحين ليه جايبين ذا البزر معنا كل مامشينا شوي قالت مانبي نبعد
بترفلاي : نويف ترا ذا الطلعه مره بالسنه يعني بتجلسين تخربين علينا رجعناك !
وهم يمشون ويسولفون وكذا كان فيه 2 معاهم دبابات جااين من بعيد
نوف : شوفوا ذولا شباب والله مايخلونا خن نرجع الحين تكفون
احلى امنيه : يووه وش سوينا ماسوينا شي يعني وش بيسون
بتر فلاي : تغطي وموب مسوين لك شي ..










في الجهه الثانيه ..
هلالي للنخاع و فهد السهلي ..
هلالي : شف شف كانهم بنات والا يتهيئ لي ..
فهد : الا والله تهقى انهم زيون ؟
هلالي : مافي تهقى ولا غيره ادعس لمهم !




نوف : تكفون خل نرجع الله يخليكم والله بيجوووون
بترفلاي : ايه خن نرجع اصلن انا مت برد < نصابه
احلى امنيه : خوافااااات !
وهم يرجعون ..
قربوا العيال لهم ..
نوف : انا اقول نركض مكانا مب بعيد مره : \
احلى امنيه : خبله انتي بيدرون اننا خوافات بدال ماكانو ماراح يجون اذا
شافوك تركضين بيجون لك !
بتر فلاي : انا اقول نركض احسن حل




يرن جوال نوف :
نوف : هلاااا < فيس مرتبك خخ
روح : وينكم وجااع مخليني اقطع بصل الغدا وانتم تتمشون في النفااه
نوف : اسكتي ورانا شباب معهم دبابات اكيد بيخطفوني
روح : صدق الللللاااااااااااااه حلووووين طيب ؟
نوف : وش دراني ما التفت لهم شفت من بعيد
بعدين يالرايقه وش حلوين كلي تبن مره خايفه .. واحلى امنيه مسويه
فيها انا البنت القويه !
روح : الللااااه اذا صار شي اكشن علموني تعالو بسرعه

التوقيع: { .. سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ .. }
أذكروني بـ الخير
أنا سعوديه غير متواجد حالياً   رد مع اقتباس
قديم 13-12-2008, 12:47 AM   #5
قناص مميــز
 
الصورة الرمزية أنا سعوديه
 
افتراضي رد: || هـواي البر وأهـل البـر ... وراعـين العنـا كلهـ ||






نوف : انا اقول نحط رجلينا خلاص قربنا من الخيام
بترفلاي : وانا بعععععععععععععععععععععععععععد
احلى امنيه : بزرااان
دخلو الخيام واستقبلتهم روح
روح : هاااااا بشرووو خطفوكم شي ماشيات
نوف : باللهي ايه خطفونا مره ونحشنا وبغو يقلتونا بعد
انقلعي عن وجهي يالرايقه


جت بيسو و نادت ريميه و انين وبترفلاي يزينون الغدا
وقالت بيسو : رييييم حطي الشاهي والبيلات والحب
ريم : قولي لمتيميه ونود اننا متفقين ياخذون شغلي
بيسو : ليه ان شاء الله ؟
ريم : علمتهم شغله بالفوتو بشرط يزينون شغلي
بيسو : ماعلي منك تفاهمي معهم
ريم : نووووووووود متيمااااااااااااااااه
متيمه : خييييييييير شايفتنا صقهات يومك تصارخين ؟
نود : وجااااااااااع صمخه قدامك تصارخين ؟
ريم : قطع يقطع العدو خذتو اللي تبون وقمتو تهاوشون من خشومكم
يالله حطوو الشاهي والحب والبساكيت والبيالات
نود : نعم نعم بأمره مين ياخاله ؟!
متيمه : ايه صح يالله نسوي اشغالنا بنسوي شغلك بعد
ريم : نعااااااااااااااااااام انتم وعدتوني
نود : من قاله مصدقه انتي وش علينا منك اذا انتي مخفااه
ريمو : عنيدووه وجع مخفه في عينك قومي سوي الشاهي
بيسو : خلاص صجيتونا ريم زيني شغلك وبلا هواش مب ذنبي
انا يوقف الشغل عشان طقاقكم ..
ريم قامت تزين شغلها وهي تلعن وتتوعدهم





















حطو الشاهي وتجمعو كلهم وشبو على لحمتهم وجلسو يسولفون
وماخذين راحتهم وموسعين الصدر ..
أحلى امنيه : احس فيه شي ناقص والا عندي ؟
انين : لا وش ناقص مافيه شي هااه الا الا
روح : كيلو وينهاااااااااااااااااااااااا : |
نوف : صدق وينها
بترفلاي : محد شافها منكم؟ : |
ويقومون يدورونها بالخيام ورا السيارات بعيد قريب وتدخل بيسو عند ابو يزيد
بيسو : ماشفت كيلو ؟
ابو يزيد : هاااه لاااا وينها ؟
بيسو : مدري فاقدينها
ويستمر البحث يمين ويسار ومايلقونها
( متيمه تروح من عندي السياراه بتركب الاب توب حقها وهي تفتح الباب
الا تسمع ذا الشخار )
متيمه : تعاااااااااااااااااااااااااااااالو
روح : وجاااااااااااااع نايمه قومي الله يقطع بليس العدو قووووووومي
انين : لا لا لاتقولون تشاخر كيلووووووووو قومي
كيلو : هاااه وشو وشو وش فيكم
كلهم تكلمو
خير وينك انتي ليه ماعلمتينا
روعتينا عليك ماغير كننا مهبل ندور على بزر
وجااااااع ساعه كسرت رجليني وفي الاخير تشاخرين ؟
كيلو : حرام عليكم جاني النوم وكنتم لاهين قمت السياره ونمت
عشان الذبان : (
ابو يزيد : حصل خير حصل خير قومي ولاحد يسوي شي مايعلم المجموعه !
بيسو خذت كم بنت وراحو يحطون الغدا ويفرشونه .. تغدو وملو بطونهم وتسدحوا

















وكالعاده الشاهي حبيب الكل ملح الجلسه هو والقهوه ..





نود : هي انتي ماودك تركبين الدباب ؟
متيمه : الا الا قومي دامهم لاهين






وياخذون المفتاح وهم يشغلون الدباب الا كلهم يطبون
انا بركب لا اناااااااااااااااااااااااا هي انتم فكرتي انا
وجاااااااع انا اكبركم ..
تجي بيسو : وقسم ماخذين برزان هي بالدور وكل وحده ربع ساعه بس نحسب لها
ونعيد الدور .. وافقو ورجعت للجلسه
انا اول لا انااااااااااااا انا قلت ثاني لا مالي شغللللللللللل
وتجي بيسو وجاااااااااااااع هي انتم الى متى تطاقون ..
بالكبر بالكبر اوووف منكم ..
متيمه : خخخخخخخخخخ نود معليش خذي لك غفوه لانك اخر وحده خخخخ
نود : هنقلعي بس هنقلعي وراحت وهي تميل خشتها ..
وعلى المغرب كانت ريم تحوس بشي
ريم : احلاااااااااااااااا امنيااااااااااااااااااااااااااااااااه
كيلو : وذي ما تحكي الا وهي تصارخ
احلى امنيه : نعمممم
ريم : وييييييين شباااااااااب الفحم الابيييض
احلى امنيه : في الكيسه الزرقاء
ريم : طيب وشلون اشبببببببببببه خخخخخخخخخخخ
احلى امنيه : عادي اول شي كثري الفحم وكثير الابيض وكسريه وشبي الابيض وحطيه
بين الفحم كثري منه مره مره عشان يصير شبك زين واجلسي هفي عليه لين يجمر
ريم : طااااااااااااايب لا تبعدين لو احتجت شي
احلى امنيه : طيب ..
انين و نوف و كيلو و بتر فلاي
يحطون اللحم والدجاج حق الشوي بالاصياخ ..
















انين : اتحداكم تعرفون وش احسن شي بالحياه ؟
بترفلاي : الشوي
انين : خطاااااااااء
كيلو : الشاااااهي
انين : خطاااااااااء
نوف : توكسس
انين : خطاااء
كلهم : وشو يختي ..
انين : المطاااااريس شي كويس مره بالحياه ..
بتر فلاي : الله يقرفك يا خايسه ..
نوف : ياربييييه هذي من وين جايه ؟
كيلو : تكفين يكفي ان ريحه اللحم مو طايقتها تجين انتي تقرفيني زياده ؟!
انين : يماااه شفيكم طبيتو علي ؟
تخيلو معي كذا تمسكين اللحم وتمرطسين فيه ياسلاااام وناسه صدقوني
بتر فلاي : اشو انك لابسه قلفز : (
نوف : قوموها تكفون لا اشب فيها يامقرفه : (
كيلو : شوفو هو قرف صح خاصه اننا حايسن بذا الشوي
بس يمكن متعه خل نجرب خخخخخخخ
بترفلاي : قومو كلكم ياخايسااااااات : @
نود ومتيمه غاطسين بالدباب وابويزيد ماغير يقحن بهالشي ويهاوش في ذا البنتين
بيسو و احلى امنيه يسوون الحمص والطيحينه ويرتبون امور العشاء
وريم تهف في ذا الفحم لين طارت شوشتها بحكم انها اول مره تسوي كذا : D ..
صار لحم الشوي جاهز للشوي وجت ريم تشوي
اول دفعه محترقه وما استوت خخخخخخخخخخخخخخخخخ وجت احلى امنيه
تساعدها وتعلمها شوي شوي بدا يضبط الشوي ويصير ولا احلى
متيمه و نود كل شوي يفتحون حافظه الشوي ويسرقون وريم معصبه مره ..


























باقي البنات يلعبون ورقه كينكان ومبسوطين وابو يزيد يقصد لهم خخخ
ضبط الشوي وفرشو السفر وتعشو وكان جلسه العشاء احلى واطعم
بحكم البرد وشبه الضو وشوي ولا احلى
بعد العشاء بدو يضفون العفش وريم مره ذلتهم بذا الشوي خخخ
بيسو: هاااااااااه لا تنسووون شي
ريم : انين جمعي الوساخه
انين : نعم يا خاله ؟
ريم : طلعي الشوي اللي كلتيه اجل
نوف : هي انتي ذليتنااااااااااا
بترفلاي : الحين ذا البزرتين كل الوقت ماسوو شي ونامو بالسياره
قهر والله
بيسو : مايخالف صغار ومو مره متعودين على الشقاء
كملو الضف وابو يزيد لاعب عليهم وميت برد في السياره خخخخخخخخ
ورجعوا للبيت وكل الطريق وهم نايمين ..




التوقيع: { .. سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ .. }
أذكروني بـ الخير
أنا سعوديه غير متواجد حالياً   رد مع اقتباس
قديم 13-12-2008, 12:54 AM   #6
..: اصدقاء المجلس :..
 
قلب النهايه








وكما هي كشتتنا .. والأجواء الرائعه .. والجلسه المرحه


مضى الوقت لم نشعر به .!


البر محلى البر ياناس محلاه يطرد هموم النفس ويشرح صدرها


البر قصة عشق ياناس نهواه نهوى حياته رغم شدة خطرها


بعد متعتكم في الحضور هُنآ .. امتعونا انتم بالحديث عن كشتاتكم ولآتخلو من الصور


فالمجآل مفتوح لكم أحبتنا


هذه كانت كشتتنا وانتم ؟ ورونا كشتاتكم وطلعاتكم ~
نبي صوركم .. قصصكم .. مواقفكم بالبر ..
و بالطبع .. نطمع بالتعليق على قصتنا بالبر .. ~


فكرة : انا سعوديه O X Y G E N
كتابة الحوارات : انا سعوديه ، متيمة الهلال ، Nood.20


صور :


Abo_Yazeed O X Y G E Nانا سعودية Nood.20₪ ₪ بيلسان
احلى امنيه butterfly انين المشاعر روح الآمل هلالي للنخآع



تنسيق : O X Y G E N






تصميم : Nood.20








وفي حفظ الرحمن




..: اصدقاء المجلس :.. غير متواجد حالياً   رد مع اقتباس
قديم 13-12-2008, 12:58 AM   #7
زعيم قناصين وجنة المجلس
 
الصورة الرمزية بيلســــــــان
 
افتراضي رد: || هـواي البر وأهـل البـر ... وراعـين العنـا كلهـ ||




للجميع يعطيكم العافيه على هالشغل الذوق منكم



عاد ما يحلى هالموضوع الا بكشتات اعضائنا



التوقيع:


أستودعكم الله الذي لاتضيع ودائعه



@besoqnas
بيلســــــــان غير متواجد حالياً   رد مع اقتباس
قديم 13-12-2008, 01:45 AM   #8
. . : زعيم القناصين : . .
 
الصورة الرمزية O X Y G E N
 
قلب رد: || هـواي البر وأهـل البـر ... وراعـين العنـا كلهـ ||

صبآحكم كشتآت

|| هـواي البر وأهـل البـر ... وراعـين العنـا كلهـ ||

ايه والله رآعين العنآ كله

والله يابنات كشتتنا فله مافي مثلها

بالرغم من مشاركتي بالكشته والصور

الآ اني بشارك هينا بعد بالرد لآني كآشته امس بديرتنآ
امحق كشته ونمت بالسياره ماجاز لي الوضع >> يآي بس

طبعآ الخميس الظهر طلعنا للبر ويالله لقينا مكان يضفنا من الزحمه

شافنا واحد من الجماعه وقال فيه لي خيمه بالبر اجلسو بها مافيها احد
قلنا الله يعافيك سويت خير نتغدا فيها


عاد انا جالسه ادور لي حصان للآسف مالقيت الآ بعير وبغى ينطحني مدري يرجفني من حبه لي >> ض1

مارجعنا الا المغرب لآن الجو برد وبدت الكحه تعلن الصياح

هذي بعض من صور الكشته الخفيفه وطبعآ فيه مواقف بس تخبرون يمكن لي رجعه ثانيه




ترى الصور واجده بس يمكن احطهم مره ثانيه ض1

وغير كذا صور الجيب يوم جينا بنطعس وتحلف امي نوقف مانكمل
يعني مواقف اليمه


يالله أمتعونا بالصور

وبأذن الله لي عوده ق1

الصور المرفقة
نوع الملف: jpg DSC00660.JPG‏ (166.3 كيلوبايت, المشاهدات 1)
نوع الملف: jpg DSC00662.JPG‏ (277.1 كيلوبايت, المشاهدات 1)
نوع الملف: jpg DSC00665.JPG‏ (376.7 كيلوبايت, المشاهدات 1)
نوع الملف: jpg DSC00688.JPG‏ (361.8 كيلوبايت, المشاهدات 0)
نوع الملف: jpg DSC00691.JPG‏ (423.4 كيلوبايت, المشاهدات 0)
نوع الملف: jpg DSC00706.JPG‏ (199.6 كيلوبايت, المشاهدات 0)
نوع الملف: jpg DSC00708.JPG‏ (329.0 كيلوبايت, المشاهدات 0)
O X Y G E N غير متواجد حالياً   رد مع اقتباس
قديم 13-12-2008, 01:51 AM   #9
مراقـــب عـــام
 
الصورة الرمزية أبـو يزيــد
 
افتراضي رد: || هـواي البر وأهـل البـر ... وراعـين العنـا كلهـ ||

ابدااااااااااااااااااع

أبـو يزيــد غير متواجد حالياً   رد مع اقتباس
قديم 13-12-2008, 02:09 AM   #10
مراقـــب عـــام
 
الصورة الرمزية أبـو يزيــد
 
افتراضي رد: || هـواي البر وأهـل البـر ... وراعـين العنـا كلهـ ||

أقتباسمتيمه : على هالجو الخقق شغل لنا اغنيه ترقصنا ..
ابويزيد : طيب ..


₪₪₪


بسيطه لأوريكم وأشوفكم عذابي
بسيطه ظلمتوني وحرمتوني شبابي
جرحتوني وأنا المجروح أسامح
وظلمكم صار عندي شي واضح
بسيطه لأخليكم تنحون على بابي
بسيطه لأخليكم تعضون الأصابع
بسيطه لان حظي معاكم صار ضايع
ألوم الناس لو حظي ونصيبي
وأنا اللي جرحي مايشفي طبيبي
شسوي وأنا صار الحزن زادي وشرابي
بسيطه لأخليكم تنوحون على بابي
عليا بلاوي الناس والدنيا عليا
أش بدايا على المكتوب يادنيا أش بديا
كفايه اللي أجا منكم كفايه
معاكم عند وصلة لنهايه
بسيطه لأصفي اليوم وياكم حسابي
بسيطه لاخليكم تنوحون على بابي


اذكر اني شغلت احلام
وصاحوا كلهم مايبونها
بغيت ارجعهم البيت




قسم بالله مهي يدي
هذي يد فهد السهلي
وهلالي قاعد يصب له شاهي

- - - --

الله يعطيكم العافيه ياأصدقاء على هالسرد الرائع
تحمست للكشته .... اول ويك اند بطلع فيه مابخلي شي مااأصوره

اكيد راجع

أبـو يزيــد غير متواجد حالياً   رد مع اقتباس
قديم 13-12-2008, 02:39 AM   #11
. . : زعيم القناصين : . .
 
الصورة الرمزية O X Y G E N
 
افتراضي رد: || هـواي البر وأهـل البـر ... وراعـين العنـا كلهـ ||

أقتباسنوف : اسكتي ورانا شباب معهم دبابات اكيد بيخطفوني



لو يقولو انتي حلوآ .. قولي ادري بس قديمه

اووووووووخص بيخطفوني والله شيء شيء شيء

عسى مااركب دبابهم واشوتهم

أقتباس

نوف : انا اقول نركض مكانا مب بعيد مره : \


قسسسسم هينا ضحكت ضحك جت في بالي ركضة شغالتنا وهي تقول اللهم انصرني عليه






لبى كل السنع فينا هالحلآ يمي يم وربي تاكلو اصابيعكم وراه
مااتحلى الكشته الا به يعطي جو الييييييييييم المذاق مع قهوتي


ياجعل ايامنا كشتات ووناسه

التوقيع:
| استودعكم الله الذي لاتضيع ودائعه ! ]




O X Y G E N غير متواجد حالياً   رد مع اقتباس
قديم 13-12-2008, 02:56 AM   #12
. . : زعيم القناصين : . .
 
الصورة الرمزية FaR7aN
 
افتراضي رد: || هـواي البر وأهـل البـر ... وراعـين العنـا كلهـ ||

***


هلا والله

والله ابدااااع ما شاء الله


رااايقين الله لا يضركم


المهم انا اثناء تنقلي بين ارجاء المملكه --> اخوص

اي مكان فيه ربيع اصوره وبحط الصور هنا


وفيه صور كشتة الشباب ما ضبطتها لسى لنا رجعه وننزل الصور ان شاء الله


نبدأ بسم الله






وقسم موب انا اللي واقف






هاذي عند قرية ابا الورود قريبه من بريده

عاد يقولي واحد قصيمي ان اسمها اول ابا الدود




هالصوره ايام الامطار قبل شهر هيك

اممممممم مكانها قريب من قرية تربه تابعه لحايل









موب انا ابد







هالصور كلها قبل اسبوعين واغلبها اصور وانا بالطريق الرئيسي

الصور اللي من بعد العيد بكرا تنزل ان شاء الله

FaR7aN غير متواجد حالياً   رد مع اقتباس
قديم 13-12-2008, 03:19 AM   #13
قناص مميــز
 
الصورة الرمزية ςùŦê ģίяℓ
 
افتراضي رد: || هـواي البر وأهـل البـر ... وراعـين العنـا كلهـ ||

أقتباسفي الجهه الثانيه ..
هلالي للنخاع و فهد السهلي ..

هلالي : شف شف كانهم بنات والا يتهيئ لي ..
فهد : الا والله تهقى انهم زيون ؟
هلالي : مافي تهقى ولا غيره ادعس لمهم !




نوف : تكفون خل نرجع الله يخليكم والله بيجوووون
بترفلاي : ايه خن نرجع اصلن انا مت برد < نصابه
احلى امنيه : خوافااااات !
وهم يرجعون ..
قربوا العيال لهم ..
نوف : انا اقول نركض مكانا مب بعيد مره : \
احلى امنيه : خبله انتي بيدرون اننا خوافات بدال ماكانو ماراح يجون اذا
شافوك تركضين بيجون لك !
بتر فلاي : انا اقول نركض احسن حل


خخخخخخخخخخخخخخخخخخخخخ
والله اكثر شيء عجبني فيها ذ1 الجزء خخخخخخخخخخخخخخخ


وربي مبدعين

واحنا ماكشتنا للاسف

والله انكم فلـه

شكرآ لكم

ςùŦê ģίяℓ غير متواجد حالياً   رد مع اقتباس
قديم 13-12-2008, 04:08 AM   #14
. . : زعيم القناصين : . .
 
الصورة الرمزية O X Y G E N
 
افتراضي رد: || هـواي البر وأهـل البـر ... وراعـين العنـا كلهـ ||






فرحآن لآتبكش ثآني مره

الأرض يآبسه والآ رطبه

والجو وش كآن انا اشوف ثوب ابيض يعني معقوله حر


طيب اذكر صور كنت تقول عنها انطحها المره الجايه بالتعليق

التوقيع:
| استودعكم الله الذي لاتضيع ودائعه ! ]




O X Y G E N غير متواجد حالياً   رد مع اقتباس
قديم 13-12-2008, 04:08 AM   #15
قناص مميــز
 
الصورة الرمزية Anoud '90
 
افتراضي رد: || هـواي البر وأهـل البـر ... وراعـين العنـا كلهـ ||

:


أقتباس متيمه : يصلح آخذ اللاب ؟
بيسو : لاحول ولا قوة الا بالله خذيه خذيه بس اخلصي .. :/
نود : وانا بعد ابي لابي..
متيمه : انا وش ذنبي عندي بزر تحتي ؟ ، كل كلمه والثانيه وانا ..
نود :

ههههههههههههههههههه
ههههههههههههههههههههههههههههههه


أقتباسنود : وشووووووووو اقطع بصل لا ياشيخه مطوله اظافري اكيد بتنشب الريحه



ههههههههههههههههههههههه اهـ تقطع بطنيييي من الضحك



,




اصدقاء المجلس دااايم دااااايم مبدعيين
فكرهـ وشغل إخراج لا يعلى علييه ماشاء الله ..
الله يقويكم ..


" "

..

Anoud '90 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:36 PM.

Designed by: BAA
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0
Ads Management Version 3.0.1 by Saeed Al-Atwi