كلمات اعجبتني
اهديها لكم كلكم خصوصا A
..................................................
وقتـي معك ماينحسب بالدقيقه
وقتـي معاك بفرحه العمرمحسوب
بسمـعي لصوتك تنفرج الف ضيقه
ولاشـفت زولك مابقى بعمري كروب
وصـلك يبلل خافقن جف ريقـه
وتـرى اللـقا والبعد والود مـكتوب
.................................................. .....
ياسما وين القمرخله يبين
بأسأله عن واحد يشبه حلاه
غاب محبوبي وأنا قلبي حزين
مادرى إن الروح ذابت في غلاه
كان تدري ياقمرخله يجيني
أسعد اللحظات هي لحظه لقاه
بأنتظرلوطالت المده سنين
بأنتظرأيام عمري في رجاه.
.............................................
الحلم:
من اول مارجعت من السفر ماشفت لك بينه
وانا اللي كنت احسبك قبل ادوس ارض المطار تجين
تكونين انتي اول شخص عيني تحتضن عينه
وكنت اتخيلك من زود فرحة رجعتي تبكين
واشوف بدمعتك حكيك واعرفه قبل تحكينه
واجيب احلى من اللي بتحكينه واتركك تحكين
تقولين الوطن نور واقول بنور مضنينه
تقولين لي غديت احلى اقول عيونك الحلوين
كلام نام بشفاهك وخفتي لا تصحينه
ذخرتيه الغرام اللي انام ويتركك تصحين
تغانمتي غيابي لين رجحتي موازينه
تعلم من يدك لمس الكفوف وعلمك تجفين
وليتك لاقية به شي فيني ماتلاقينه
ماهو بغرور لكن خابرك مالك امل تلقين
تغافلك بغلا والا الحلا ماهوب من زينه
تزينه الصور بس الصحيح ابن الحلال زوين
وانا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري والسم مايذبح ثعابينه
على قول المثل ماني حلو لكن ماني شين
اذا اهداك الزهر مره فانا اهديتك بساتينه
واذا ألهاك بفرح ليله فانا تهت لبكاك سنين
واذا استضعفتك املاكه وشتتك ملايينه
انا حتى فتات الخبزه اقسمها معك نصين
طموحي بس اجي واظفر بشي تستحقينه
تدينته تسلفته سرقته مو مهم منين
كأني من كثر مارضى بكل اللي تمنينه
لو انك تطلبين الله يعنيني بقول آمين
انا ما العب على الحبلين وقت الطيش وسنينه
تبيني الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لاعشقتيني تعشقيني ليوم الدين
غرام نسكن ضلوعه حشيمه من مجانينه
جفا يجمع معزتنا ولا عشق يذل اثنين
اكثار اللي تحدوني وقالوا لي تحبينه
امانه لاتخليني صغير فعينهم تكفين
لاني كل ماقالوا تخون اقول مسكينه
عليك الله وامانه علميهم منهو المسكين
انا خايف اليا طاح الجمل تكثر سكاكينه
وانا ماعادت ضلوعي تحمل طعنة السكين
مثل ماقالوا المكتوب واضح من عنواينه
لو ارحل منك للغربه بسافر من ظلامك وين
كفايه كل حلم يمر في رقادي تزورينه
كفايه من تفارقنا وانا ماغمضت لي عين
قبل يومين شفتك فالمنام وقمت من حينه
ونمت امس ورجع نفس المنام اللي قبل يومين
.................................................. ...................
اتمنى انها تعجبكم
11-01-2006, 05:23 AM
كلمات
العرض الشجري
