شي محيرني؟؟
السلام عليكم ,,
حابه اتكلم عن موضوع اكيد حسينا فيه او مر علينا كلنا ، واللي اهو استخدام اللغة الانجليزية بدل العربية انا اول شي مو ضد استخدام اللغة الانجليزية ، او دراسة المقررات باللغة الانجليزية ، بل بالعكس اؤيد هالشي لكن في بعض الشغلات تشوفها تنصدم منها ، مثلا اعطيكم هالمثال : بكورس صيفي سجلت بماده بالكلية ، عند دكتور كويتي ( عرفته من اسمه)المهم اول يوم ماحضرت ، ثاني يوم هم غبت ، ثالث يوم تأخرت ( مبين شاده حيلي بدراستي :d) فقلت خل اروح حق الدكتور اعتذر منه فسألت عن مكتبه ودلونياه البنات طقيت الباب : طق طق طق رد : Hello رديت : السلام عليكم رد : come on in وانا مستغربه اقول شكلي مضيعه المكتب p6، دشيت ولا الدكتور ، ويحاجيني انجليزي ، رديت عليه بالعربي رد علي : if you will talk to me in arabic i will not answer you زين ليش ؟!؟ pq15انا عربيه وانت هم عربي ، ليش هالتعقيد واحنا مو بمحاضرة ، امنا بالله التدريس بالانجليزي لكن حتى بالتواصل مع الطلبة برا المحاضرة هذا شي ، والشي الثاني بعض الناس تكلمهم بالعربي يرد عليك بالانجليزي ، يعني انا الفلته اللي مااعرف عربي بس انجليزي في بعض الكلمات اللي دشت علينا قمنا نستخدمها بدون تفكير مثل : يس ، نو ، هاي ، باي ، واي ، سوري ( عادي هذول تعودنا عليهم)لكن تلقا واحد اذا انبطت جبده او استعجب يقولك اووووووو ماي قاااااااااااااد Oh My God شكو؟!؟ ليش ؟!؟pq2 شايفني امريكيه ولا انجليزيه انا عربيه حالي من حالك ليش هالاستخدام للغه الانجليزية بدال العربية هل هو احساسنا بان لغتنا متخلفة ويحسسنا استخدام اللغة الانجليزية بالتطور و الرقي ؟!؟ واذا كان هذا احساسنا ، فم اين تولد هذا الاحساس ؟!؟ ارجو التعليق |
رد: شي محيرني؟؟
.. بالنسبه للغه الإنجليزيه يستخدمها البعض للممارسه يعني في واحد من جماعتنا كان يدرس معهد بالرياض بس يخلى اللي ما يفهم يفهم بقووه المهم تخرج منه بدرجه إمتيـاااز , وألحين موظف ببنك سآمبـا الفرع الرئيسي ولما يدق عليه خويه سعودي ويتكلمون عن الشغل تخيلي بـ ِ الإنجليـزي .. p6 بس يقول حتى ما أضيع باللغه وأتمرس عليها كأني عايش بـرا مو بدوله عربيـه وألحين ما شاء الله لما أوصفه لج أقولج يمكن لا تكلم هو نايم يتكلم إنجليزي من طلاقته .. pp13 ( طبعـا ً هالشئ قـانون مفيـد أنك تمـارس اللغه بكل شئ ) بالنسبه للي يمـارسون نو و يس .. pp13 يحب يسوى نفسه فاهم بالغصب وتوهق بهالكلمتين .. pp13 .. |
الساعة الآن 01:42 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0